ਇਸਲਾਮਾਬਾਦ (ਬਿਊਰੋ): ਅੰਤਰਰਾਸ਼ਟਰੀ ਮੰਚ 'ਤੇ ਭਾਰਤ ਦੇ ਖਿਲਾਫ਼ ਮਾਹੌਲ ਬਣਾਉਣ ਦੀ ਕੋਸ਼ਿਸ਼ ਵਿਚ ਜੁਟੇ ਪਾਕਿਸਤਾਨ ਨੂੰ ਇਕ ਵਾਰ ਫਿਰ ਝਟਕਾ ਲੱਗਾ ਹੈ। ਓਰਗੇਨਾਈਜੇਸ਼ਨ ਆਫ ਇਸਲਾਮਿਕ ਕਾਰਪੋਰੇਸ਼ਨ (OIC) ਦੇ ਵਿਦੇਸ਼ ਮੰਤਰੀਆਂ ਦੀ ਬੈਠਕ ਵਿਚ ਕਸ਼ਮੀਰ ਦਾ ਮੁੱਦਾ ਏਜੰਡੇ ਵਿਚ ਨਹੀ ਹੈ। ਮਤਲਬ ਇਸਲਾਮਿਕ ਦੇਸ਼ਾਂ ਦੇ ਸਮੂਹ ਨੇ ਨਾਇਮੇ ਵਿਚ 27-28 ਨਵੰਬਰ ਨੂੰ ਹੋਣ ਵਾਲੀ ਇਸਲਾਮਿਕ ਦੇਸ਼ਾਂ ਦੇ ਸਮੂਹ ਦੇ ਵਿਦੇਸ਼ ਮੰਤਰੀ ਪਰੀਸ਼ਦ ਦੀ ਬੈਠਕ ਦੇ ਏਜੰਡੇ ਵਿਚ ਫਿਲਹਾਲ ਕਸ਼ਮੀਰ ਨੂੰ ਨਹੀਂ ਰੱਖਿਆ ਹੈ।ਇਸ ਦੇ ਨਾਲ ਹੀ ਪਾਕਿਸਤਾਨ ਦੇ ਵਿਦੇਸ਼ ਮੰਤਰੀ ਸ਼ਾਹ ਮਹਿਮੂਦ ਕੁਰੈਸ਼ੀ ਦਾ ਅਪਮਾਨ ਹੋਇਆ ਹੈ ਜਿਹਨਾਂ ਦੇ ਦਫਤਰ ਨੇ ਬੁੱਧਵਾਰ ਨੂੰ ਬਿਆਨ ਜਾਰੀ ਕਰ ਕੇ ਐਲਾਨ ਕੀਤਾ ਸੀ ਕਿ ਉਹ ਮੁਸਲਿਮਾਂ ਨਾਲ ਜੁੜੇ ਮੁੱਦਿਆਂ 'ਤੇ ਚਰਚਾ ਕਰਨ ਵਾਲੇ ਹਨ ਜਿਹਨਾਂ ਵਿਚ ਜੰਮੂ-ਕਸ਼ਮੀਰ ਵਿਵਾਦ ਸ਼ਾਮਲ ਹੈ।
ਏਜੰਡੇ ਵਿਚ ਕਸਮੀਰ ਨਹੀਂ
ਬਾਅਦ ਵਿਚ ਓ.ਆਈ.ਸੀ. ਨੇ ਅਧਿਕਾਰਤ ਬਿਆਨ ਜਾਰੀ ਕੀਤੇ ਜਿਹਨਾਂ ਵਿਚ ਕਸ਼ਮੀਰ ਮੁੱਦੇ ਦਾ ਕੋਈ ਜ਼ਿਕਰ ਹੀ ਨਹੀਂ ਸੀ। ਓ.ਆਈ.ਸੀ. ਦੇ ਸੈਕਟਰੀ ਜਨਰਲ ਯੂਰੂਫ ਅਲ-ਓਥਾਈਮੀਨ ਦੇ ਹਵਾਲੇ ਨਾਲ ਕਿਹਾ ਗਿਆ ਹੈਕਿ ਵਿਦੇਸ਼ ਮੰਤਰੀਆਂ ਦੀ ਬੈਠਕ 'ਅੱਤਵਾਦ ਦੇ ਖਿਲਾਫ਼ ਸ਼ਾਂਤੀ ਅਤੇ ਵਿਕਾਸ ਦੇ ਲਈ ਇਕਜੁੱਟ' 'ਤੇ ਆਧਾਰਿਤ ਹੋਵੇਗੀ। ਇਸ ਵਿਚ ਇਹ ਵੀ ਕਿਹਾ ਗਿਆ ਹੈ ਕਿ ਫਿਲੀਸਤੀਨ, ਹਿੰਸਾ ਦੇ ਖਿਲਾਫ਼ ਜੰਗ, ਕੱਟੜਵਾਦ ਅਤੇ ਅੱਤਵਾਦ, ਇਸਲਾਮੋਫੋਬੀਆ ਅਤੇ ਧਰਮ ਦੇ ਅਪਮਾਨ ਦੇ ਇਲਾਵਾ ਕੌਂਸਲ ਮੁਸਲਿਮ ਘੱਟ ਗਿਣਤੀਆਂ ਅਤੇ ਗੈਰ-ਮੈਂਬਰ ਦੇਸ਼ਾਂ ਦੇ ਹਾਲਾਤ, ਇੰਟਰਨੈਸ਼ਨਲ ਕੋਰਟ ਆਫ ਜਸਟਿਸ ਵਿਚ ਰੋਹਿੰਗਿਆ ਦੇ ਲਈ ਫੰਡ ਇਕੱਠਾ ਕਰਨਾ ਜਿਹੇ ਮੁੱਦਿਆਂ 'ਤੇ ਚਰਚਾ ਹੋਵੇਗੀ।''
ਪੜ੍ਹੋ ਇਹ ਅਹਿਮ ਖਬਰ- ਆਸਟ੍ਰੇਲੀਆ : ਤਾਪਮਾਨ 'ਚ ਵਾਧਾ, ਇਸ ਰਾਜ ਨੇ ਅੱਗ ਦੇ ਗੰਭੀਰ ਖਤਰੇ ਦੀ ਦਿੱਤੀ ਚਿਤਾਵਨੀ
ਪਾਕਿਸਤਾਨ ਨੂੰ ਝਟਕਾ
ਉੱਥੇ ਪਾਕਿਸਤਾਨ ਵਿਦੇਸ਼ ਮੰਤਰਾਲੇ ਦੇ ਬਿਆਨ ਵਿਚ ਕਿਹਾ ਗਿਆ ਸੀ ਕਿ ਕੁਰੈਸ਼ੀ ਪਿਛਲੇ ਸਾਲ ਅਗਸਤ 2019 ਵਿਚ ਧਾਰਾ 370 ਹਟਾਏ ਜਾਣ ਦੇ ਬਾਅਦ ਜੰਮੂ-ਕਸ਼ਮੀਰ ਵਿਚ 'ਖਰਾਬ ਮਨੁੱਖੀ ਅਧਿਕਾਰ ਅਤੇ ਮਨੁੱਖੀ ਹਾਲਾਤ' 'ਤੇ ਚਰਚਾ ਕਰਨਗੇ। ਗੌਰਤਲਬ ਹੈ ਕਿ ਪਾਕਿਸਤਾਨ ਦੇ ਸਾਊਦੀ ਅਰਬ ਅਤੇ ਸੰਯੁਕਤ ਅਰਬ ਅਮੀਰਾਤ ਦੇ ਨਾਲ ਪਹਿਲਾਂ ਹੀ ਰਿਸ਼ਤੇ ਤਣਾਅਪੂਰਨ ਹਨ। ਇੱਥੋਂ ਤੱਕ ਕਿ ਸਾਊਦੀ ਅੜਬ ਪਾਕਿਸਤਾਨ ਨੂੰ ਦਿੱਤਾ 3 ਅਰਬ ਡਾਲਰ ਦਾ ਕਰਜ਼ ਵਾਪਸ ਮੰਗ ਚੁੱਕਾ ਹੈ। ਉੱਥੇ ਯੂ.ਏ.ਈ. ਨੇ ਪਾਕਿਸਤਾਨ ਸਮੇਤ ਕਈ ਦੇਸ਼ਾਂ ਦੇ ਨਾਗਰਿਕਾਂ ਨੂੰ ਵੀਜ਼ਾ ਦੇਣ 'ਤੇ ਰੋਕ ਲਗਾ ਦਿੱਤੀ ਹੈ।
ਆਸਟ੍ਰੇਲੀਆ : ਤਾਪਮਾਨ 'ਚ ਵਾਧਾ, ਇਸ ਰਾਜ ਨੇ ਅੱਗ ਦੇ ਗੰਭੀਰ ਖਤਰੇ ਦੀ ਦਿੱਤੀ ਚਿਤਾਵਨੀ
NEXT STORY 
