ਇਸਲਾਮਾਬਾਦ (ਭਾਸ਼ਾ)— ਪਾਕਿਸਤਾਨ ਦੇ ਇਕ ਸੀਨੀਅਰ ਪੱਤਰਕਾਰ ਨੇ ਵੀਰਵਾਰ ਨੂੰ ਕਿਹਾ ਕਿ ਉਸ ਨੂੰ ਟਵਿੱਟਰ ਵੱਲੋਂ ਨੋਟਿਸ ਮਿਲਿਆ ਹੈ। ਇਹ ਨੋਟਿਸ ਉਸ ਵੱਲੋਂ ਹਾਲ ਹੀ ਵਿਚ ਕੁਝ ਵੱਡੇ ਲੋਕਾਂ ਦੀ ਹੱਤਿਆ ਦੇ ਮਾਮਲੇ ਦੀ ਜਾਂਚ ਦੀ ਮੰਗ ਕਰਨ ਵਾਲੇ ਉਸ ਦੇ ਇਕ ਟਵੀਟ ਕਾਰਨ ਭੇਜਿਆ ਗਿਆ ਹੈ। ਟਵਿੱਟਰ ਨੇ ਇਸ ਨੂੰ ਸਥਾਨਕ ਕਾਨੂੰਨਾਂ ਦੀ ਉਲੰਘਣਾ ਦੱਸਿਆ ਹੈ। ਇਕ ਅੰਗਰੇਜ਼ੀ ਸਮਾਚਾਰ ਏਜੰਸੀ ਦੇ ਪੱਤਰਕਾਰ ਮੁਬਸ਼ਿਰ ਜ਼ੈਦੀ ਨੇ ਇਕ ਟਵੀਟ ਕਰ ਕੇ ਖੈਬਰ ਪਖਤੂਨਖਵਾ ਵਿਚ ਇਕ ਪੁਲਸ ਅਧਿਕਾਰੀ ਤਾਹਿਰ ਦਾਵਰ ਅਤੇ ਮੁਤਾਹਿਦਾ ਕੌਮੀ ਮੂਵਮੈਂਟ (ਐੱਮ.ਕਿਊ.ਐੱਮ.) ਦੇ ਨੇਤਾ ਅਲੀ ਰਕਾ ਆਬਿਦੀ ਦੀ ਹੱਤਿਆ ਦੇ ਮਾਮਲਿਆਂ ਦੀ ਜਾਂਚ ਦੀ ਮੰਗ ਕੀਤੀ ਸੀ।
ਜ਼ੈਦੀ ਨੇ ਟਵੀਟ ਵਿਚ ਲਿਖਿਆ ਸੀ,''ਤਾਹਿਰ ਦਾਵਰ ਮਾਮਲੇ ਦੀ ਜਾਂਚ ਦਾ ਕੀ ਹੋਇਆ? ਆਦਿਲ ਰਜ਼ਾ ਆਬਿਦੀ ਦੀ ਹੱਤਿਆ ਦੀ ਗੁੱਥੀ ਵੀ ਹੋਰ ਕਈ ਮਾਮਲਿਆਂ ਵਾਂਗ ਅਣਸੁਲਝੀ ਰਹੇਗੀ।'' ਆਬਿਦੀ ਦੀ 25 ਦਸੰਬਰ ਨੂੰ ਕਰਾਚੀ ਵਿਚ ਉਨ੍ਹਾਂ ਦੇ ਘਰ ਦੇ ਬਾਹਰ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ ਗਈ ਸੀ । ਪੁਲਸ ਸੁਪਰਡੈਂਟ ਦਾਵਰ ਨੂੰ 26 ਅਕਤੂਬਰ ਨੂੰ ਇਸਲਾਮਾਬਾਦ ਤੋਂ ਅਗਵਾ ਕਰ ਲਿਆ ਗਿਆ ਸੀ ਅਤੇ ਇਕ ਮਹੀਨੇ ਬਾਅਦ ਅਫਗਾਨਿਸਤਾਨ ਵਿਚੋਂ ਉਨ੍ਹਾਂ ਦੀ ਲਾਸ਼ ਮਿਲੀ ਸੀ। ਟਵਿੱਟਰ ਨੇ ਕਿਹਾ ਕਿ ਇਹ ਟਵੀਟ ਪਾਕਿਸਤਾਨ ਦੇ ਕਾਨੂੰਨ ਦੀ ਉਲੰਘਣਾ ਹੈ। ਹਾਲਾਂਕਿ ਉਸ ਨੇ ਸ਼ਿਕਾਇਤ ਕਰਤਾ ਦੀ ਪਛਾਣ ਗੁਪਤ ਰੱਖੀ।
ਜ਼ੈਦੀ ਨੇ ਟਵੀਟ ਕੀਤਾ,''ਮੈਨੂੰ ਟਵਿੱਟਰ 'ਤੇ ਇਕ ਈ-ਮੇਲ ਮਿਲੀ ਹੈ ਜਿਸ ਵਿਚ ਕਿਹਾ ਗਿਆ ਹੈ ਕਿ ਪਾਕਿਸਤਾਨ ਤੋਂ ਮੇਰੇ ਵਿਰੁੱਧ ਮਿਲੀ ਸ਼ਿਕਾਇਤ ਮੁਤਾਬਕ ਮੇਰਾ ਟਵੀਟ ਪਾਕਿਸਤਨ ਦੇ ਕਾਨੂੰਨ ਦੀ ਉਲੰਘਣਾ ਹੈ। ਇਸ ਬਾਰੇ ਵਿਚ ਮੈਨੂੰ ਕੋਈ ਅਨੁਮਾਨ ਨਹੀਂ ਹੈ ਕਿ ਸ਼ਿਕਾਇਤ ਕਰਤਾ ਕੌਣ ਹੈ ਅਤੇ ਇਹ ਪਾਕਿਸਤਾਨੀ ਕਾਨੂੰਨ ਦੀ ਉਲੰਘਣਾ ਕਿਵੇਂ ਹੈ।''
ਦਰਜਨ ਦੇ ਕਰੀਬ ਭਾਰਤੀਆਂ ਦੀ ਭਾਲ 'ਚ ਜੁਟੀ ਆਸਟ੍ਰੇਲੀਆਈ ਪੁਲਸ
NEXT STORY