ਲੰਡਨ (ਭਾਸ਼ਾ); ਬ੍ਰਿਟਿਸ਼ ਸਰਕਾਰ ਦੁਆਰਾ ਫੰਡ ਪ੍ਰਾਪਤ ਨੈਸ਼ਨਲ ਹੈਲਥ ਸਰਵਿਸ (ਐਨ.ਐਚ.ਐਸ.) ਵਿਚ ਕੰਮ ਕਰ ਰਹੇ ਭਾਰਤੀ ਮੂਲ ਦੇ ਇਕ ਡਾਕਟਰ ਨੇ ਕੋਵਿਡ-19 ਮਹਾਮਾਰੀ ਕਾਰਨ ਲਗਾਈ ਗਈ ਤਾਲਾਬੰਦੀ ਦੌਰਾਨ 'ਗੁਲਜ਼' ਨਾਂ ਦਾ ਰਾਕ ਬੈਂਡ ਸ਼ੁਰੂ ਕੀਤਾ ਸੀ, ਜਿਸ ਦੀ ਲੋਕਪ੍ਰਿਅਤਾ ਹੁਣ ਲਗਾਤਾਰ ਵਧ ਰਹੀ ਹੈ। ਗੁਲਜ਼ਾਰ (ਗੁਲਜ਼) ਸਿੰਘ ਧਨੋਆ (25) ਨੇ ਯੂਨੀਵਰਸਿਟੀ ਵਿੱਚ ਡਾਕਟਰੀ ਦੀ ਪੜ੍ਹਾਈ ਦੌਰਾਨ 'ਗੁਲਜ਼' ਨਾਮ ਦਾ ਇੱਕ ਇੰਡੀ-ਰਾਕ ਬੈਂਡ ਸ਼ੁਰੂ ਕੀਤਾ। NHS ਮੈਡੀਕਲ ਪੇਸ਼ੇਵਰਾਂ ਦੇ ਚਾਰ ਮੈਂਬਰ ਹੁਣ ਬੈਂਡ ਦਾ ਹਿੱਸਾ ਹਨ ਅਤੇ ਧਨੋਆ ਬੈਂਡ ਦਾ ਮੁੱਖ ਗਾਇਕ ਅਤੇ ਗੀਤਕਾਰ ਹੈ।
ਗੁਲਜ਼ ਨੇ ਇਸ ਹਫਤੇ ਬੀ.ਬੀ.ਸੀ ਏਸ਼ੀਅਨ ਨੈੱਟਵਰਕ ਨੂੰ ਦੱਸਿਆ, "ਜਦੋਂ ਮੈਂ ਯੂਨੀਵਰਸਿਟੀ ਵਿੱਚ ਸੀ ਤਾਂ ਇਹ ਸਭ ਆਸਾਨ ਸੀ। ਮੇਰੇ ਕੋਲ ਬਹੁਤ ਸਮਾਂ ਸੀ।'' ਉਸ ਨੇ ਕਿਹਾ,''ਮੈਂ ਮਹਾਮਾਰੀ ਦੌਰਾਨ ਕੁਝ ਗੀਤ ਰਿਲੀਜ਼ ਕਰਨ ਦਾ ਫ਼ੈਸਲਾ ਕੀਤਾ ਸੀ। ਮੈਂ ਸੱਚਮੁੱਚ ਘਬਰਾਇਆ ਹੋਇਆ ਸੀ। ਮੈਂ ਇਸਨੂੰ ਸੋਸ਼ਲ ਮੀਡੀਆ 'ਤੇ ਸਾਂਝਾ ਕੀਤਾ ਅਤੇ ਫਿਰ ਇਸਨੂੰ ਇੱਕ ਹਫ਼ਤੇ ਲਈ ਆਪਣੇ ਫ਼ੋਨ ਤੋਂ ਮਿਟਾ ਦਿੱਤਾ। ਮੈਨੂੰ ਚਿੰਤਾ ਸੀ ਕਿ ਮੇਰੇ ਹਾਣੀ ਇਸ ਲਈ ਮੈਨੂੰ ਝਿੜਕਣਗੇ। ਖੁਸ਼ਕਿਸਮਤੀ ਨਾਲ ਸਭ ਕੁਝ ਠੀਕ ਹੋ ਗਿਆ।''
ਪੜ੍ਹੋ ਇਹ ਅਹਿਮ ਖ਼ਬਰ-ਅਮਰੀਕਾ 'ਚ ਪੜ੍ਹਨ ਦੇ ਚਾਹਵਾਨ ਭਾਰਤੀ ਵਿਦਿਆਰਥੀਆਂ ਨੂੰ ਵੱਡਾ ਝਟਕਾ, ਸਰਕਾਰ ਨੇ ਕੀਤਾ ਇਹ ਐਲਾਨ
ਧਨੋਆ ਦਾ ਇੱਕ ਗੀਤ ਸਥਾਨਕ ਰੇਡੀਓ ਸਟੇਸ਼ਨਾਂ ਦੁਆਰਾ ਪ੍ਰਸਾਰਿਤ ਕੀਤਾ ਗਿਆ ਸੀ, ਜਿਸ ਤੋਂ ਬਾਅਦ ਗੁਲਜ਼ ਨੂੰ ਸ਼ੋਅ ਪੇਸ਼ ਕਰਨ ਲਈ ਪੇਸ਼ਕਸ਼ਾਂ ਮਿਲਣੀਆਂ ਸ਼ੁਰੂ ਹੋ ਗਈਆਂ। ਫਿਰ ਉਸਨੇ ਯੂਨੀਵਰਸਿਟੀ ਕਾਲਜ ਲੰਡਨ (UCL) ਤੋਂ ਆਪਣੇ ਦੋਸਤਾਂ ਨੂੰ ਬੈਂਡ ਵਿੱਚ ਭਰਤੀ ਕੀਤਾ, ਜਿਨ੍ਹਾਂ ਨੇ ਪੂਰੇ ਲੰਡਨ ਵਿੱਚ ਬਹੁਤ ਸਫਲ ਸ਼ੋਅ ਕੀਤੇ। ਡਾਕਟਰੀ ਦੇ ਰੁਝੇਵਿਆਂ ਵਿੱਚ ਸੰਗੀਤ ਲਈ ਸਮਾਂ ਕੱਢਣਾ ਆਸਾਨ ਨਹੀਂ ਹੈ। ਧਨੋਆ ਨੇ ਕਿਹਾ,“ਅਸੀਂ ਸਮਝਦੇ ਹਾਂ ਕਿ ਹਸਪਤਾਲ ਦੇ ਮਰੀਜ਼ ਹਮੇਸ਼ਾ ਤਰਜੀਹ ਵਿੱਚ ਆਉਂਦੇ ਹਨ ਅਤੇ ਸਾਨੂੰ ਆਪਣੇ ਰਿਆਜ਼ ਦੇ ਸਮੇਂ ਵਿੱਚ ਕੁਝ ਲਚਕਤਾ ਲਿਆਉਣ ਦੀ ਲੋੜ ਹੈ। ਜਿਵੇਂ ਇੱਕ ਹਫ਼ਤੇ ਮੈਂ ਰਾਤ ਦੀ ਸ਼ਿਫਟ 'ਤੇ ਹੋਵਾਂਗਾ ਅਤੇ ਫਿਰ ਅਗਲੇ ਹਫ਼ਤੇ ਕੋਈ ਹੋਰ ਹੋਵੇਗਾ। ਅਸੀਂ ਇਸ ਮਾਮਲੇ ਵਿੱਚ ਇੱਕ ਦੂਜੇ ਦਾ ਥੋੜ੍ਹਾ ਜਿਹਾ ਸਮਰਥਨ ਕਰ ਸਕਦੇ ਹਾਂ ਅਤੇ ਛੁੱਟੀ ਦੇ ਦਿਨਾਂ ਵਿੱਚ ਅਸੀਂ ਸਿਰਫ਼ ਸੰਗੀਤ 'ਤੇ ਧਿਆਨ ਦਿੰਦੇ ਹਾਂ।'' ਉਨ੍ਹਾਂ ਕਿਹਾ ਕਿ ਹਸਪਤਾਲ ਦੇ ਕੰਮ ਦੌਰਾਨ ਕਈ ਵਾਰ ਹਾਲਾਤ ਤਣਾਅਪੂਰਨ ਹੋ ਜਾਂਦੇ ਹਨ, ਪਰ ਸੰਗੀਤ ਸਾਨੂੰ ਉਨ੍ਹਾਂ ਨਾਲ ਨਜਿੱਠਣ ਵਿੱਚ ਮਦਦ ਕਰਦਾ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਆਸਟ੍ਰੇਲੀਆ : ਸ਼ਾਰਕ ਦੇ ਘਾਤਕ ਹਮਲੇ 'ਚ 15 ਸਾਲਾ ਸਰਫਰ ਦੀ ਮੌਤ
NEXT STORY 
