ਲੰਡਨ (ਯੂਐਨਆਈ): ਬ੍ਰਿਟੇਨ ਦੀ ਮਹਾਰਾਣੀ ਐਲਿਜ਼ਾਬੈਥ II ਨੇ 'ਓਲਡੀ ਆਫ਼ ਦਿ ਈਅਰ' (Oldie of the Year) ਪੁਰਸਕਾਰ ਲੈਣ ਤੋਂ ਇਨਕਾਰ ਕਰ ਦਿੱਤਾ ਹੈ। ਮਹਾਰਾਣੀ ਨੇ ਕਿਹਾ ਹੈ ਕਿ ਜਦੋਂ ਤੁਸੀਂ ਮਹਿਸੂਸ ਕਰਦੇ ਹੋ ਉਦੋਂ ਤੁਸੀਂ ਬੁੱਢੇ ਹੁੰਦੇ ਹੋ। ਅੰਗਰੇਜ਼ੀ ਅਖ਼ਬਾਰ ਦਿ ਗਾਰਡੀਅਨ ਦੀ ਰਿਪੋਰਟ ਮੁਤਾਬਕ, 95 ਸਾਲਾ ਐਲਿਜ਼ਾਬੈਥ ਨੇ ਦ੍ਰਿੜ੍ਹਤਾ ਨਾਲ ਪਰ ਨਿਮਰਤਾ ਨਾਲ ਪੁਰਸਕਾਰ ਲੈਣ ਤੋਂ ਇਨਕਾਰ ਕਰ ਦਿੱਤਾ।
ਇਹ ਪੁਰਸਕਾਰ ਐਲਿਜ਼ਾਬੈਥ ਨੂੰ ਬਜ਼ੁਰਗਾਂ ਦੇ ਜਨਤਕ ਜੀਵਨ ਵਿੱਚ ਉਨ੍ਹਾਂ ਦੇ ਯੋਗਦਾਨ ਲਈ ਹੋਣ ਵਾਲੇ ਸਾਲਾਨਾ ਸਮਾਰੋਹ ਵਿੱਚ ਦਿੱਤਾ ਜਾਣਾ ਸੀ। ਉਹਨਾਂ ਨੇ ਸਮਾਗਮ ਦੇ ਪ੍ਰਬੰਧਕਾਂ ਨੂੰ ਦਿਲੋਂ ਵਧਾਈ ਸੰਦੇਸ਼ ਭੇਜਿਆ ਹੈ। ਓਲਡੀ ਮੈਗਜ਼ੀਨ ਦੇ ਤਾਜ਼ਾ ਅੰਕ ਵਿੱਚ ਪ੍ਰਕਾਸ਼ਿਤ ਚਿੱਠੀ ਵਿੱਚ ਐਲਿਜ਼ਾਬੈਥ ਦੇ ਨਿੱਜੀ ਸਹਾਇਕ, ਟੌਮ ਲੈਂਗ ਬੇਕਰ ਨੇ ਲਿਖਿਆ,“ਮਹਾਰਾਣੀ ਦਾ ਮੰਨਣਾ ਹੈ ਕਿ ਤੁਸੀਂ ਉਦੋਂ ਹੀ ਬੁੱਢੇ ਹੁੰਦੇ ਹੋ ਜਦੋਂ ਤੁਸੀਂ ਇਸ ਨੂੰ ਮਹਿਸੂਸ ਕਰਦੇ ਹੋ। ਮਹਾਰਾਣੀ ਦਾ ਮੰਨਣਾ ਹੈ ਕਿ ਉਹ ਪੁਰਸਕਾਰ ਨੂੰ ਸਵੀਕਾਰ ਕਰਨ ਵਾਲੀ ਇਸ ਸ਼੍ਰੇਣੀ ਵਿੱਚ ਨਹੀਂ ਪਹੁੰਚੀ ਹੈ। ਉਮੀਦ ਹੈ ਕਿ ਤੁਸੀਂ ਇਸ ਪੁਰਸਕਾਰ ਲਈ ਇੱਕ ਯੋਗ ਉਮੀਦਵਾਰ ਲੱਭ ਲਵੋਗੇ।"
ਪੜ੍ਹੋ ਇਹ ਅਹਿਮ ਖਬਰ -‘ਜਿਹਾਦੀਸਤਾਨ’ ਬਣਦਾ ਜਾ ਰਿਹਾ ਬੰਗਲਾਦੇਸ਼, ਮਦਰਸੇ ਫੈਲਾ ਰਹੇ ਨਫਰਤ : ਤਸਲੀਮਾ ਨਸਰੀਨ
ਦਿ ਗਾਰਡੀਅਨ ਦੀ ਇੱਕ ਰਿਪੋਰਟ ਮੁਤਾਬਕ, ਓਲਡੀ ਆਫ਼ ਦਿ ਈਅਰ ਦਾ ਪੁਰਸਕਾਰ ਐਲਿਜ਼ਾਬੈਥ ਤੋਂ ਪੰਜ ਸਾਲ ਛੋਟੀ ਉਮਰ ਦੇ ਫ੍ਰੈਂਚ-ਅਮਰੀਕੀ ਅਦਾਕਾਰ ਅਤੇ ਡਾਂਸਰ ਲੇਸਲੀ ਕੈਰੋਨ (90) ਨੂੰ ਦਿੱਤਾ ਗਿਆ ਹੈ। ਇਸ ਦੌਰਾਨ, ਇੰਗਲੈਂਡ ਦੇ 79 ਸਾਲਾ ਫੁੱਟਬਾਲਰ ਸਰ ਜਿਓਫ ਹੁਸਟਰ ਨੂੰ ਓਲਡੀ ਆਫ਼ ਬੱਟ (Oldie of Butte) ਅਤੇ 80 ਸਾਲਾ ਕੁੱਕ ਅਤੇ ਟੀਵੀ ਪੇਸ਼ਕਾਰ ਡੇਲੀਆ ਸਮਿਥ ਨੂੰ ਟਰੂਲੀ ਆਉਟਸਟੈਂਡਿੰਗ ਓਲਡੀ ਅਵਾਰਡ (Truly Outstanding Oldie Award) ਨਾਲ ਸਨਮਾਨਿਤ ਕੀਤਾ ਗਿਆ ਹੈ। ਜ਼ਿਕਰਯੋਗ ਹੈ ਕਿ ਸਾਲ 2011 ਵਿੱਚ ਮਰਹੂਮ ਪ੍ਰਿੰਸ ਫਿਲਿਪ, ਡਿਊਕ ਆਫ਼ ਏਲਿਨਬਰਗ ਨੂੰ ਓਲਡੀ ਆਫ਼ ਦਾ ਯੀਅਰ ਪੁਰਸਕਾਰ ਦਿੱਤਾ ਗਿਆ ਸੀ।
ਨੋਟ- ਉਕਤ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਤਾਲਿਬਾਨ ਦੇ ਨਸ਼ਾ ਮੁਕਤੀ ਕੇਂਦਰ 'ਚ 'ਨਰਕ' ਜਿਹੇ ਹਾਲਾਤ, ਲੋਕਾਂ ਨੂੰ ਗੰਜਾ ਕਰ ਰੱਖਿਆ ਜੇਲ੍ਹ 'ਚ
NEXT STORY 
