ਇਸਲਾਮਾਬਾਦ (ਭਾਸ਼ਾ):: ਪਾਕਿਸਤਾਨ ਦੇ ਇੱਕ ਕੇਂਦਰੀ ਮੰਤਰੀ ਦੀ ਸੜਕ ਹਾਦਸੇ ਵਿੱਚ ਮੌਤ ਹੋ ਗਈ। ਕੇਂਦਰੀ ਧਾਰਮਿਕ ਮਾਮਲਿਆਂ ਬਾਰੇ ਮੰਤਰੀ ਮੁਫਤੀ ਅਬਦੁਲ ਸ਼ਕੂਰ ਰਾਜਧਾਨੀ ਇਸਲਾਮਾਬਾਦ ਵਿੱਚ ਸੜਕ ਹਾਦਸੇ ਦਾ ਸ਼ਿਕਾਰ ਹੋ ਗਏ। ਪੁਲਸ ਨੇ ਦੱਸਿਆ ਕਿ ਘਟਨਾ ਸ਼ਾਮ ਨੂੰ ਇਫਤਾਰ ਦੌਰਾਨ ਵਾਪਰੀ। ਉਹ ਸਥਾਨਕ ਹੋਟਲ ਤੋਂ ਸਚਿਵਲਿਆ ਚੌਕ ਵੱਲ ਜਾ ਰਿਹਾ ਸੀ। ਇੱਕ ਬਿਆਨ ਵਿੱਚ ਰਾਜਧਾਨੀ ਦੀ ਪੁਲਸ ਨੇ ਕਿਹਾ ਕਿ ਮੰਤਰੀ ਖੁਦ ਕਾਰ ਚਲਾ ਰਿਹਾ ਸੀ। ਪੰਜ ਲੋਕਾਂ ਸਮੇਤ ਇੱਕ ਕਾਰ ਤੇਜ਼ ਰਫ਼ਤਾਰ ਨਾਲ ਮੰਤਰੀ ਵੱਲ ਆਈ ਅਤੇ ਉਨ੍ਹਾਂ ਨੂੰ ਟੱਕਰ ਮਾਰ ਦਿੱਤੀ।
ਪੁਲਸ ਮੁਤਾਬਕ ਹਾਦਸੇ ਤੋਂ ਬਾਅਦ ਮੰਤਰੀ ਨੂੰ ਰਾਜਧਾਨੀ ਦੇ ਪੌਲੀਕਲੀਨਿਕ ਹਸਪਤਾਲ 'ਚ ਸ਼ਿਫਟ ਕਰ ਦਿੱਤਾ ਗਿਆ ਪਰ ਜ਼ਿਆਦਾ ਖੂਨ ਵਹਿਣ ਕਾਰਨ ਉਸ ਨੂੰ ਬਚਾਇਆ ਨਹੀਂ ਜਾ ਸਕਿਆ। ਪੁਲਸ ਮੁਤਾਬਕ ਸੀਨੀਅਰ ਅਧਿਕਾਰੀ ਮੌਕੇ 'ਤੇ ਪਹੁੰਚੇ ਅਤੇ ਟੱਕਰ ਮਾਰਨ ਵਾਲੀ ਕਾਰ 'ਚ ਸਵਾਰ ਸਾਰੇ ਲੋਕਾਂ ਨੂੰ ਗ੍ਰਿਫ਼ਤਾਰ ਕਰ ਲਿਆ। ਪੰਜ ਨੌਜਵਾਨਾਂ ਵਿੱਚੋਂ ਦੋ ਜ਼ਖ਼ਮੀ ਹਨ। ਘਟਨਾ ਦੀ ਜਾਣਕਾਰੀ ਮਿਲਣ ਤੋਂ ਬਾਅਦ ਇਸਲਾਮਾਬਾਦ ਦੇ ਆਈਜੀ ਅਕਬਰ ਨਾਸਿਰ ਖਾਨ, ਸੂਚਨਾ ਮੰਤਰੀ ਮਰੀਅਮ ਔਰੰਗਜ਼ੇਬ ਅਤੇ ਹੋਰ ਮੰਤਰੀ ਵੀ ਹਸਪਤਾਲ ਪੁੱਜੇ।
ਘਟਨਾ ਦੀ ਜਾਂਚ ਦੇ ਨਿਰਦੇਸ਼
ਗ੍ਰਹਿ ਮੰਤਰੀ ਰਾਣਾ ਸਨਾਉੱਲਾ ਨੇ ਪੁਲਸ ਨੂੰ ਘਟਨਾ ਦੀ ਬਾਰੀਕੀ ਨਾਲ ਜਾਂਚ ਕਰਨ ਦੇ ਨਿਰਦੇਸ਼ ਦਿੱਤੇ ਹਨ। ਇਸਲਾਮਾਬਾਦ ਦੇ ਆਈਜੀ ਖਾਨ ਨੇ ਹਸਪਤਾਲ ਦੇ ਬਾਹਰ ਪੱਤਰਕਾਰਾਂ ਨੂੰ ਕਿਹਾ ਕਿ "ਸ਼ੁਰੂਆਤੀ ਜਾਣਕਾਰੀ ਤੋਂ ਪਤਾ ਚੱਲਦਾ ਹੈ ਕਿ ਮੁਫਤੀ ਸ਼ਕੂਰ ਦੀ ਮੌਤ ਸਿਰ 'ਤੇ ਸੱਟ ਲੱਗਣ ਕਾਰਨ ਹੋਈ ਹੈ।" ਮੰਤਰੀ ਦਾ ਅੰਤਿਮ ਸੰਸਕਾਰ ਐਤਵਾਰ ਨੂੰ ਦੁਪਹਿਰ 2 ਵਜੇ ਲੱਕੀ ਮਰਵਾਤ ਵਿਖੇ ਕੀਤਾ ਜਾਵੇਗਾ।
ਦਿੱਤੀ ਗਈ ਸ਼ਰਧਾਂਜਲੀ
ਪੜ੍ਹੋ ਇਹ ਅਹਿਮ ਖ਼ਬਰ-57 ਫਰੈਕਚਰ, ਗੰਭੀਰ ਸੱਟਾਂ... ਨਸ਼ੇੜੀ ਮਾਪਿਆਂ ਨੇ ਲਈ 'ਮਾਸੂਮ' ਦੀ ਜਾਨ, ਸੁਣਵਾਈ ਦੌਰਾਨ ਰੋ ਪਿਆ ਜੱਜ
ਇਸਲਾਮ ਦੇ ਵਿਦਵਾਨ ਮੁਫਤੀ ਅਬਦੁਲ ਸ਼ਕੂਰ 2018 ਦੀਆਂ ਆਮ ਚੋਣਾਂ ਵਿੱਚ ਮੁਤਾਹਿਦਾ ਮਜਲਿਸ-ਏ-ਅਮਾਲ (ਐਮਐਮਏ) ਦੇ ਉਮੀਦਵਾਰ ਸਨ ਅਤੇ ਸੰਸਦ ਵਿੱਚ ਜਿੱਤ ਪ੍ਰਾਪਤ ਕੀਤੀ ਸੀ। ਰਾਸ਼ਟਰਪਤੀ ਡਾਕਟਰ ਆਰਿਫ ਅਲਵੀ ਨੇ ਵੀ ਕੇਂਦਰੀ ਮੰਤਰੀ ਦੇ ਦੇਹਾਂਤ 'ਤੇ ਦੁੱਖ ਦਾ ਪ੍ਰਗਟਾਵਾ ਕੀਤਾ ਹੈ। ਇਸ ਤੋਂ ਇਲਾਵਾ ਪਾਕਿਸਤਾਨ ਦੇ ਪ੍ਰਧਾਨ ਮੰਤਰੀ ਸ਼ਾਹਬਾਜ਼ ਨੇ ਵੀ ਸੋਗ ਪ੍ਰਗਟ ਕੀਤਾ ਹੈ। ਉਨ੍ਹਾਂ ਨੇ ਅਬਦੁਲ ਸ਼ਕੂਰ ਨੂੰ ਇੱਕ ਵਿਹਾਰਕ ਵਿਦਵਾਨ, ਇੱਕ ਵਿਚਾਰਧਾਰਕ ਸਿਆਸੀ ਕਾਰਕੁਨ ਅਤੇ ਇੱਕ ਨੇਕ ਇਨਸਾਨ ਵਜੋਂ ਯਾਦ ਕੀਤਾ।
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
57 ਫਰੈਕਚਰ, ਗੰਭੀਰ ਸੱਟਾਂ... ਨਸ਼ੇੜੀ ਮਾਪਿਆਂ ਨੇ ਲਈ 'ਮਾਸੂਮ' ਦੀ ਜਾਨ, ਸੁਣਵਾਈ ਦੌਰਾਨ ਰੋ ਪਿਆ ਜੱਜ
NEXT STORY 
