ਇੰਟਰਨੈਸ਼ਨਲ ਡੈਸਕ- ਬ੍ਰਿਟੇਨ ਦੀ ਰਾਜਧਾਨੀ ਲੰਡਨ ਦੇ ਕਈ ਹਿੱਸਿਆਂ ਵਿੱਚ, ਖਾਸ ਤੌਰ 'ਤੇ ਵੈਂਬਲੀ ਦੇ ਆਸ-ਪਾਸ ਸੜਕਾਂ 'ਤੇ ਪਾਨ ਥੁੱਕਣ ਦੀ ਸਮੱਸਿਆ ਇਕ ਗੰਭੀਰ ਰੂਪ ਧਾਰਨ ਕਰਦੀ ਜਾ ਰਹੀ ਹੈ। ਬ੍ਰੈਂਟ ਕੌਂਸਲ ਨੇ ਖੁਲਾਸਾ ਕੀਤਾ ਹੈ ਕਿ ਸੜਕਾਂ, ਦੁਕਾਨਾਂ ਅਤੇ ਜਨਤਕ ਇਮਾਰਤਾਂ ਤੋਂ ਲਾਲ-ਭੂਰੇ ਰੰਗ ਦੇ ਪਾਨ ਦੇ ਦਾਗ਼ ਹਟਾਉਣ 'ਤੇ ਉਨ੍ਹਾਂ ਨੂੰ ਹਰ ਸਾਲ 30,000 ਪੌਂਡ (ਲਗਭਰ 31 ਲੱਖ ਰੁਪਏ) ਤੋਂ ਵੱਧ ਦਾ ਖਰਚ ਕਰਨਾ ਪੈਂਦਾ ਹੈ।
ਕੌਂਸਲ ਦਾ ਕਹਿਣਾ ਹੈ ਕਿ ਇਹ ਦਾਗ਼ ਇੰਨੇ ਔਖੇ ਹੁੰਦੇ ਹਨ ਕਿ ਹਾਈ ਪਾਵਰ ਵਾਲੇ ਸਫ਼ਾਈ ਜੈੱਟ ਵੀ ਇਨ੍ਹਾਂ ਨੂੰ ਪੂਰੀ ਤਰ੍ਹਾਂ ਸਾਫ਼ ਨਹੀਂ ਕਰ ਪਾਉਂਦੇ। ਇਸ ਗੰਭੀਰ ਸਮੱਸਿਆ ਨਾਲ ਨਜਿੱਠਣ ਲਈ, ਬ੍ਰੈਂਟ ਕੌਂਸਲ ਨੇ "ਜ਼ੀਰੋ-ਟਾਲਰੈਂਸ ਨੀਤੀ" ਅਪਣਾਈ ਹੈ। ਕੌਂਸਲ ਦੇ ਅਧਿਕਾਰੀ ਹੁਣ ਉਨ੍ਹਾਂ ਖੇਤਰਾਂ ਵਿੱਚ ਗਸ਼ਤ ਕਰ ਰਹੇ ਹਨ ਜਿੱਥੇ ਇਹ ਸਮੱਸਿਆ ਜ਼ਿਆਦਾ ਹੈ।
ਹੁਣ ਜਨਤਕ ਥਾਵਾਂ 'ਤੇ ਪਾਨ ਥੁੱਕਦੇ ਫੜੇ ਜਾਣ ਵਾਲੇ ਵਿਅਕਤੀ ਨੂੰ 100 ਪੌਂਡ ਤੱਕ ਦਾ ਤੁਰੰਤ ਜੁਰਮਾਨਾ ਕੀਤਾ ਜਾਵੇਗਾ। ਕੌਂਸਲ ਨੇ ਪ੍ਰਭਾਵਿਤ ਇਲਾਕਿਆਂ ਵਿੱਚ ਚਿਤਾਵਨੀ ਦੇਣ ਲਈ ਬੈਨਰ ਵੀ ਲਗਾਏ ਹਨ।
ਲੋਕ ਅਧਿਕਾਰ ਅਤੇ ਇਨਫੋਰਸਮੈਂਟ ਮਾਮਲਿਆਂ ਦੀ ਕੈਬਨਿਟ ਮੈਂਬਰ, ਕੌਂਸਲਰ ਕ੍ਰਿਪਾ ਸ਼ੇਠ ਨੇ ਚਿਤਾਵਨੀ ਦਿੱਤੀ ਕਿ ਅਸੀਂ ਉਨ੍ਹਾਂ ਲੋਕਾਂ ਦੇ ਖਿਲਾਫ ਸਖ਼ਤ ਕਾਰਵਾਈ ਜਾਰੀ ਰੱਖਾਂਗੇ ਜੋ ਸਾਡੀਆਂ ਸੜਕਾਂ ਨੂੰ ਗੰਦਾ ਕਰਦੇ ਹਨ। ਅਸੀਂ ਉਨ੍ਹਾਂ ਨੂੰ ਫੜਾਂਗੇ ਅਤੇ ਜੁਰਮਾਨਾ ਵੀ ਲਗਾਵਾਂਗੇ।
ਸੋਸ਼ਲ ਮੀਡੀਆ 'ਤੇ ਇਸ ਬਾਰੇ ਪ੍ਰਤੀਕਿਰਿਆ ਦਿੰਦੇ ਹੋਏ ਕਈ ਯੂਜ਼ਰਸ ਨੇ ਇਸ ਕਾਰਵਾਈ ਨੂੰ 'ਘਿਨੌਣਾ' ਅਤੇ 'ਬੇਇੱਜ਼ਤੀ' ਵਾਲਾ ਦੱਸਿਆ, ਜਦਕਿ ਕੁਝ ਨੇ ਇਸ ਫੈਸਲੇ ਨੂੰ ਹੋਰ ਸਖ਼ਤ ਕਰ ਕੇ ਜੁਰਮਾਨਾ ਵਧਾ ਕੇ 1000 ਪੌਂਡ ਕਰਨ ਦੀ ਵੀ ਮੰਗ ਕੀਤੀ ਤੇ ਕਈਆਂ ਨੇ ਤਾਂ ਅਪਰਾਧੀਆਂ ਨੂੰ ਰਾਤ ਜੇਲ੍ਹ ਵਿੱਚ ਬਿਤਾਉਣ ਦੀ ਵੀ ਸਲਾਹ ਦੇ ਦਿੱਤੀ।
'ਅਸੀਂ ਵੀ ਨਹੀਂ ਭੇਜਾਂਗੇ ਸੱਦਾ..!' G20 ਬਾਰੇ ਦੱਖਣੀ ਅਫਰੀਕਾ ਨੂੰ ਟਰੰਪ ਨੇ ਦਿੱਤਾ ਵੱਡਾ ਝਟਕਾ
NEXT STORY 
