ਮਾਸਕੋ– ਸੋਸ਼ਲ ਮੀਡੀਆ ਪਲੇਟਫਾਰਮ ’ਤੇ ਸਖਤੀ ਦਾ ਦੌਰ ਜਾਰੀ ਹੈ। ਦੁਨੀਆ ਭਰ ’ਚ ਸੋਸ਼ਲ ਮੀਡੀਆ ਪਲੇਟਫਾਰਮ ਨੂੰ ਸਕਿਓਰਿਟੀ ਨੂੰ ਲੈ ਕੇ ਸ਼ੱਕ ਦੀਆਂ ਨਜ਼ਰਾਂ ਨਾਲ ਵੇਖਿਆ ਜਾ ਰਿਹਾ ਹੈ। ਭਾਰਤ ’ਚ ਹਾਲ ਹੀ ’ਚ ਭਾਰਤ ਸਰਕਾਰ ਅਤੇ ਟਵਿਟਰ ਦੇ ਨਾਲ ਟਕਰਾਅ ਪੈਦਾ ਹੋਇਆ ਹੈ। ਭਾਰਤ ਤੋਂ ਬਾਅਦ ਹੁਣ ਰੂਸ ’ਚ ਸੋਸ਼ਲ ਮੀਡੀਆ ਪਲੇਟਫਾਰਮ ਫੇਸਬੁੱਕ, ਟਵਿਟਰ ਅਤੇ ਟੈਲੀਗ੍ਰਾਮ ’ਤੇ ਭਾਰੀ ਜੁਰਮਾਨਾ ਲਗਾਇਆ ਗਿਆ ਹੈ। ਰੂਸ ਦੀ ਇਕ ਅਦਾਲਤ ਨੇ ਮੰਗਲਵਾਰ ਨੂੰ ਕਿਹਾ ਕਿ ਉਸ ਨੇ ਗੈਰ-ਕਾਨੂੰਨੀ ਸਾਮੱਗਰੀ ਨਹੀਂ ਹਟਾਏ ਜਾਣ ’ਤੇ ਅਮਰੀਕੀ ਮੀਡੀਆ ਕੰਪਨੀਆਂ- ਫੇਸਬੁੱਕ ਅਤੇ ਟਵਿਟਰ ਅਤੇ ਮੈਸੇਜਿੰਗ ਐਪ ਟੈਲੀਗ੍ਰਾਮ ’ਤੇ ਜੁਰਮਾਨਾ ਲਗਾਇਆ ਹੈ।
ਜਾਣੋ ਕਿਸ ’ਤੇ ਲੱਗਾ ਕਿੰਨਾ ਜੁਰਮਾਨਾ
ਟੈਗਾਂਸਕੀ ਜ਼ਿਲ੍ਹਾ ਅਦਾਲਤ ਨੇ ਦੱਸਿਆ ਕਿ ਫੇਸਬੁੱਕ ’ਤੇ 5 ਮਾਮਲਿਆਂ ’ਚ ਕੁੱਲ 2.1 ਕਰੋੜ ਰੁਬਲ (ਕਰੀਬ 2.12 ਕਰੋੜ ਰੁਪਏ) ਦਾ ਜੁਰਮਾਨਾ ਲਗਾਇਆ ਗਿਆ ਹੈ, ਜਦਕਿ ਟਵਿਟਰ ਨੂੰ ਦੋ ਮਾਮਲਿਆਂ ’ਚ ਕੁੱਲ 50 ਲੱਖ ਰੁਬਲ (ਕਰੀਬ 50.49 ਲੱਖ ਰੁਪਏ) ਦਾ ਜੁਰਮਾਨਾ ਅਦਾ ਕਰਨਾ ਹੋਵੇਗਾ। ਅਦਾਲਤ ਨੇ ਮੈਸੇਜਿੰਗ ਐਪ ਟੈਲੀਗ੍ਰਾਮ ’ਤੇ ਵੀ 90 ਲੱਖ ਰੁਬਲ (ਕਰੀਬ 90.88 ਲੱਖ ਰੁਪਏ) ਦਾ ਜੁਰਮਾਨਾ ਲਗਾਇਆ ਹੈ। ਇਸ ਮਾਮਲੇ ’ਚ ਫੇਸਬੁੱਕ, ਟਵਿਟਰ ਅਤੇ ਟੈਲੀਗ੍ਰਾਮ ਨੇ ਅਜੇ ਕੋਈ ਪ੍ਰਤੀਕਿਰਿਆ ਨਹੀਂ ਦਿੱਤੀ। ਰੂਸ ਨੇ ਇੰਟਰਨੈੱਟ ’ਤੇ ਕੰਟਰੋਲ ਦੀ ਦਿਸ਼ਾ ’ਚ ਸਖਤ ਕਦਮ ਚੁੱਕਦੇ ਹੋਏ ਵਿਦੇਸ਼ੀ ਇੰਟਰਨੈੱਟ ਕੰਪਨੀਆਂ ਲਈ ਆਪਣੇ ਦੇਸ਼ ’ਚ ਦਫਤਰ ਖੋਲ੍ਹਣਾ ਜ਼ਰੂਰੀ ਕਰ ਦਿੱਤਾ ਹੈ। ਕੰਪਨੀਆਂ ਨੂੰ ਉਨ੍ਹਾਂ ਦੇ ਖੇਤਰ ’ਚ ਹੀ ਰੂਸੀ ਨਾਗਰਿਕਾਂ ਨਾਲ ਸੰਬੰਧਿਤ ਡਾਟਾ ਸਟੋਰ ਕਰਨਾ ਹੋਵੇਗਾ।
ਪਾਕਿ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਨੇ ਕਾਰਜਕਾਲ ਖ਼ਤਮ ਹੋਣ ਤੋਂ ਪਹਿਲਾਂ ਦਿੱਤਾ ਅਸਤੀਫਾ
NEXT STORY 
