ਮਾਸਕੋ (ਬਿਊਰੋ)— ਰੂਸ ਨੇ ਇਕ ਵੀਡੀਆ ਜਾਰੀ ਕਰ ਕੇ ਦਾਅਵਾ ਕੀਤਾ ਹੈ ਕਿ ਉਸ ਨੇ ਹੱਤਿਆ ਕਰਨ ਵਾਲੇ ਰੋਬੋਟ ਮਤਲਬ Killer Robots ਤਿਆਰ ਕੀਤੇ ਹਨ। ਇਨ੍ਹਾਂ ਰੋਬੋਟ ਨੂੰ ਯੁੱਧ ਵਿਚ ਫੌਜੀਆਂ ਨਾਲ ਵਰਤਿਆ ਜਾ ਸਕਦਾ ਹੈ। ਭਾਵੇਂਕਿ ਬ੍ਰਿਟਿਸ਼ ਮੀਡੀਆ ਨੇ ਇਸ ਨੂੰ ਸਿਰਫ ਪ੍ਰਚਾਰ ਵੀਡੀਓ ਕਰਾਰ ਦਿੱਤਾ ਹੈ। ਰੂਸ ਦੇ ਐਡਵਾਂਸਡ ਰਿਸਰਚ ਫਾਊਂਡੇਸ਼ਨ (ਏ.ਆਰ.ਐੱਫ.) ਵੱਲੋਂ ਵੀਡੀਓ ਜਾਰੀ ਕੀਤਾ ਗਿਆ ਹੈ, ਜਿਸ ਵਿਚ ਨਕਲੀ ਖੁਫੀਆ ਤਕਨੀਕ ਦੇ ਆਧਾਰ 'ਤੇ ਕੰਮ ਕਰਨ ਵਾਲੇ ਟੈਂਕਾਂ ਨੂੰ ਵੀ ਦਿਖਾਇਆ ਗਿਆ ਹੈ। ਭਾਵੇਂਕਿ ਦੁਨੀਆ ਭਰ ਵਿਚ ਕਿਲਰ ਰੋਬੋਟ ਦੀ ਵਰਤੋਂ ਕਰਨ 'ਤੇ ਕਈ ਤਰ੍ਹਾਂ ਦੇ ਸਵਾਲ ਉੱਠਦੇ ਰਹੇ ਹਨ।
ਡਰਾਈਵਰਲੈੱਸ ਟੈਂਕ ਫੌਜੀ ਦੀ ਰਾਈਫਲ ਦੀ ਦਿਸ਼ਾ ਦੇ ਆਧਾਰ 'ਤੇ ਕੰਮ ਕਰਦਾ ਹੈ। ਐਡਵਾਂਸਡ ਰਿਸਰਚ ਫਾਊਂਡੇਸ਼ਨ ਨੇ ਕਿਹਾ ਹੈ ਕਿ ਉਸ ਦਾ ਉਦੇਸ਼ ਨਕਲੀ ਖੁਫੀਆ ਤਕਨੀਕ 'ਤੇ ਆਧਾਰਿਤ ਰੋਬੋਟ ਫੌਜ ਤਿਆਰ ਕਰਨਾ ਹੈ। ਵੀਡੀਓ ਵਿਚ ਖਾਸ ਡਰੋਨ ਵੀ ਦਿਖਾਏ ਗਏ ਹਨ। ਵਰਤਮਾਨ ਵਿਚ ਫੌਜੀ ਡਰੋਨ ਨੂੰ ਕੰਟਰੋਲ ਕਰਦੇ ਹਨ ਪਰ ਭਵਿੱਖ ਵਿਚ ਪੂਰੀ ਤਰ੍ਹਾਂ ਆਟੋਮੈਟਿਕ ਡਰੋਨ ਯੁੱਧ ਵਿਚ ਵਰਤੇ ਜਾਣਗੇ।
ਇਸ ਦਾ ਮਤਲਬ ਇਹ ਹੋਇਆ ਕਿ ਡਰੋਨ ਖੁਦ ਹੀ ਟਾਰਗੇਟ ਬਾਰੇ ਜਾਣਕਾਰੀ ਇਕੱਠੀ ਕਰ ਕੇ ਉਸ ਨੂੰ ਢੇਰੀ ਕਰਨ ਵਿਚ ਸਮਰੱਥ ਹੋਣਗੇ।
ਰੂਸ ਦੇ ਐਡਵਾਂਸਡ ਰਿਸਰਚ ਫਾਊਂਡੇਸ਼ਨ ਦੇ ਬੁਲਾਰੇ ਨੇ ਦੱਸਿਆ ਕਿ ਰੋਬੋਟ ਦੇ ਵਿਕਾਸ ਦਾ ਉਦੇਸ਼ ਇਨ੍ਹਾਂ ਨੂੰ ਵੱਧ ਤੋਂ ਵੱਧ ਆਟੋਨੋਮਜ਼ ਬਣਾਉਣਾ ਹੈ। ਇੱਥੇ ਦੱਸ ਦਈਏ ਕਿ ਦੁਨੀਆ ਭਰ ਵਿਚ ਸੁਪਰਪਾਵਰ ਦੇਸ਼ ਰਿਮੋਟ ਆਧਾਰਿਤ ਗੱਡੀਆਂ ਅਤੇ ਆਟੋਮੋਨਜ਼ ਯੰਤਰ ਬਣਾਉਣ 'ਤੇ ਖਾਸ ਧਿਆਨ ਦੇ ਰਹੇ ਹਨ।
ਭਾਰਤ ਦੇ ਤੀਰਥਯਾਤਰੀਆਂ ਲਈ ਸ਼ਾਰਦਾ ਮੰਦਰ ਦਾ ਲਾਂਘਾ ਖੋਲ੍ਹੇਗਾ ਪਾਕਿ
NEXT STORY