ਇੰਟਰਨੈਸ਼ਨਲ ਡੈਸਕ- ਅਮਰੀਕਾ ਦੁਆਰਾ ਯੂਕ੍ਰੇਨ ਨੂੰ ਫੌਜੀ ਸਹਾਇਤਾ ਅਤੇ ਖੁਫੀਆ ਜਾਣਕਾਰੀ ਰੋਕਣ ਤੋਂ ਬਾਅਦ ਸਥਿਤੀ ਭਿਆਨਕ ਬਣਦੀ ਜਾ ਰਹੀ ਹੈ। ਨਤੀਜੇ ਵਜੋਂ ਇੱਕ ਵੱਡੀ ਜੰਗੀ ਤਬਾਹੀ ਸਾਹਮਣੇ ਆ ਰਹੀ ਹੈ ਕਿਉਂਕਿ ਰੂਸੀ ਫੌਜਾਂ ਕੁਰਸਕ ਖੇਤਰ ਵਿੱਚ 10,000 ਯੂਕ੍ਰੇਨੀ ਫੌਜਾਂ ਨੂੰ ਘੇਰਨ ਦੀ ਧਮਕੀ ਦੇ ਰਹੀਆਂ ਹਨ। ਅਜਿਹੀ ਸਥਿਤੀ ਵਿੱਚ ਕੁਰਸਕ ਵਿੱਚ ਘਿਰੇ ਯੂਕ੍ਰੇਨੀ ਸੈਨਿਕਾਂ ਲਈ ਸਿਰਫ ਦੋ ਹੀ ਵਿਕਲਪ ਬਚੇ ਹਨ, ਜਾਂ ਤਾਂ ਆਤਮ ਸਮਰਪਣ ਕਰ ਦਿਓ ਜਾਂ ਮਰਨ ਲਈ ਤਿਆਰ ਰਹੋ।
ਓਪਨ ਸੋਰਸ ਨਕਸ਼ਿਆਂ ਤੋਂ ਪਤਾ ਲੱਗਾ ਹੈ ਕਿ ਪਿਛਲੇ ਤਿੰਨ ਦਿਨਾਂ ਵਿੱਚ ਕੁਰਸਕ ਵਿੱਚ ਯੂਕ੍ਰੇਨ ਦੀ ਸਥਿਤੀ ਕਾਫ਼ੀ ਵਿਗੜ ਗਈ ਹੈ। ਰੂਸੀ ਫੌਜਾਂ ਨੇ ਜਵਾਬੀ ਹਮਲੇ ਵਿੱਚ ਕੁਰਸਕ ਖੇਤਰ ਦੇ ਇੱਕ ਵੱਡੇ ਖੇਤਰ 'ਤੇ ਮੁੜ ਕਬਜ਼ਾ ਕਰ ਲਿਆ ਹੈ। ਇਸਨੇ ਯੂਕ੍ਰੇਨੀ ਫੌਜ ਨੂੰ ਲਗਭਗ ਦੋ ਹਿੱਸਿਆਂ ਵਿੱਚ ਵੰਡ ਦਿੱਤਾ ਹੈ ਅਤੇ ਮੁੱਖ ਸਮੂਹ ਨੂੰ ਇਸਦੀਆਂ ਮੁੱਖ ਸਪਲਾਈ ਲਾਈਨਾਂ ਤੋਂ ਅਲੱਗ ਕਰ ਦਿੱਤਾ ਹੈ। ਇਸ ਕਾਰਨ ਯੂਕ੍ਰੇਨੀ ਸੈਨਿਕ ਆਪਣੇ ਦੇਸ਼ ਤੋਂ ਪੂਰੀ ਤਰ੍ਹਾਂ ਕੱਟੇ ਹੋਏ ਹਨ। ਯੂਕ੍ਰੇਨ ਹੁਣ "ਪੂਰੀ ਤਰ੍ਹਾਂ ਬਲੈਕਆਊਟ" ਵਿੱਚ ਹੈ। ਰੂਸੀ ਫੌਜਾਂ ਸਟੀਕ ਡਰੋਨ ਹਮਲਿਆਂ ਅਤੇ ਉੱਤਰੀ ਕੋਰੀਆਈ ਦੁਆਰਾ ਸਮਰਥਿਤ ਸੁਡਜ਼ਾ ਵਿੱਚ ਅੱਗੇ ਵਧ ਰਹੀਆਂ ਹਨ। ਉੱਧਰ ਕੁਲੀਨ ਯੂਕ੍ਰੇਨੀ ਬ੍ਰਿਗੇਡ ਬਚਣ ਲਈ ਹੁਣ ਇੱਕ ਤੰਗ ਕੋਰੀਡੋਰ ਜੋ ਸਿਰਫ 500 ਮੀਟਰ ਚੌੜਾ ਹੈ ਵਿਚ ਸ਼ਰਨ ਲਏ ਹੋਏ ਹੈ।
ਪੜ੍ਹੋ ਇਹ ਅਹਿਮ ਖ਼ਬਰ-Canada ਨੂੰ ਇਕ ਹੋਰ ਝਟਕਾ ਦੇਣ ਦੀ ਤਿਆਰੀ 'ਚ Trump
ਅਮਰੀਕੀ ਨਿਗਰਾਨੀ ਤੋਂ ਬਿਨਾਂ ਰੂਸ ਖੁੱਲ੍ਹ ਕੇ ਹਮਲਾ ਕਰ ਰਿਹਾ ਹੈ। ਕੀਵ ਦੀਆਂ ਫੌਜਾਂ ਅਤੇ ਕਮਾਂਡਰ ਵਿਨਾਸ਼ ਤੋਂ ਬਚਣ ਲਈ ਪਿੱਛੇ ਹਟਣ 'ਤੇ ਵਿਚਾਰ ਕਰ ਰਹੇ ਹਨ। ਜੇਕਰ ਰੂਸ ਆਖਰੀ ਰਸਤਾ ਕੱਟ ਦਿੰਦਾ ਹੈ, ਤਾਂ ਇਹ ਯੂਕ੍ਰੇਨ ਦਾ ਹੁਣ ਤੱਕ ਦਾ ਸਭ ਤੋਂ ਖਰਾਬ ਫੌਜੀ ਪਤਨ ਹੋ ਸਕਦਾ ਹੈ। ਯੂਕ੍ਰੇਨ ਦੇ ਰਾਸ਼ਟਰਪਤੀ ਵੋਲੋਦੀਮੀਰ ਜ਼ੇਲੇਂਸਕੀ ਰੂਸ ਨਾਲ ਕਿਸੇ ਵੀ ਸ਼ਾਂਤੀ ਵਾਰਤਾ ਦੌਰਾਨ ਕੁਰਸਕ ਵਿੱਚ ਆਪਣੇ ਸੈਨਿਕਾਂ ਦੀ ਮੌਜੂਦਗੀ ਦਾ ਲਾਭ ਉਠਾਉਣ ਦੀ ਉਮੀਦ ਕਰ ਰਹੇ ਸਨ। ਪਰ ਹੁਣ ਉਸਦੀ ਉਮੀਦ ਟੁੱਟ ਗਈ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਦੱਖਣੀ ਅਫਰੀਕਾ 'ਚ ਖਰਾਬ ਮੌਸਮ ਕਾਰਨ 22 ਲੋਕਾਂ ਦੀ ਮੌਤ
NEXT STORY 
