ਲੁਧਿਆਣਾ (ਰਾਮ) : ਵਿਸ਼ਵ ਪੱਧਰ ’ਤੇ ਜਾਰੀ ਈਰਾਨ-ਇਜ਼ਰਾਈਲ ਤਣਾਅ ਹੁਣ ਸਿਰਫ ਸਰਹੱਦਾਂ ਤੱਕ ਸੀਮਤ ਨਹੀਂ ਰਿਹਾ, ਸਗੋਂ ਇਸ ਦਾ ਸਿੱਧਾ ਅਸਰ ਭਾਰਤ ਦੀਆਂ ਉਦਯੋਗਿਕ ਇਕਾਈਆਂ ’ਤੇ ਵੀ ਦਿਖਣ ਲੱਗਾ ਹੈ। ਦੇਸ਼ ਦੇ ਪ੍ਰਮੁੱਖ ਉਦਯੋਗਿਕ ਸ਼ਹਿਰਾਂ ਵਿਚ ਸ਼ਾਮਲ ਲੁਧਿਆਣਾ ਦੀ ਡਾਇੰਗ ਇੰਡਸਟਰੀ ਇਨ੍ਹਾਂ ਹਲਾਮਾਂ ਤੋਂ ਬੁਰ ਤਰ੍ਹਾਂ ਪ੍ਰਭਾਵਿਤ ਹੋ ਰਹੀ ਹੈ। ਮਹਾਦੇਵ ਵਾਸ਼ਿੰਗ ਦੇ ਕਮਲ ਚੌਹਾਨ ਦਾ ਕਹਿਣਾ ਹੈ ਕਿ ਕੱਚੇ ਮਾਲ ਦੀ ਕਮੀ, ਲਾਗਤ ਵਿਚ ਲਗਾਤਾਰ ਵਾਧਾ ਅਤੇ ਸਪਲਾਈ ਚੇਨ ਦੇ ਟੁੱਟਣ ਨਾਲ ਫੈਕਟਰੀ ਮਾਲਕਾਂ ਦੇ ਸਾਹਮਣੇ ਵੱਡਾ ਸੰਕਟ ਖੜ੍ਹਾ ਹੋ ਗਿਆ ਹੈ। ਡਾਇੰਗ ਇੰਡਸਟਰੀ ਦਾ ਸਭ ਤੋਂ ਅਹਿਮ ਹਿੱਸਾ ਹੈ ਕੈਮੀਕਲ, ਤੇਜ਼ਾਬ ਅਤੇ ਰੰਗ ਪਰ ਮੌਜੂਦਾ ਹਲਾਤਾਂ ਵਿਚ ਇਨ੍ਹਾਂ ਸਾਰੀਆਂ ਚੀਜ਼ਾਂ ਦੀ ਉਪਲਬਧਤਾ ਤੇਜ਼ੀ ਨਾਲ ਘਟਦੀ ਜਾ ਰਹੀ ਹੈ। ਇੰਡਸਟਰੀ ਨਾਲ ਜੁੜੇ ਲੋਕਾਂ ਦਾ ਕਹਿਣਾ ਹੈ ਕਿ ਪਿਛਲੇ ਕੁਝ ਦਿਨਾਂ ਤੋਂਂ ਬਜ਼ਾਰ ਵਿਚ ਕੈਮੀਕਲ ਅਤੇ ਰੰਗ ਮਿਲਣਾ ਬੇਹੱਦ ਮੁਸ਼ਕਲ ਹੋ ਗਿਆ ਹੈ ਜੋ ਮਾਲ ਉਪਲਬਧ ਵੀ ਹੈ, ਉਸ ਦੀਆਂ ਕੀਮਤਾਂ ਅਸਮਾਨ ਛੂਹ ਰਹੀਆਂ ਹਨ।
ਰੇਟ ਵਧਾਉਣ ਦੇ ਬਾਵਜੂਦ ਰਾਹਤ ਨਹੀਂ
ਹਾਲ ਹੀ ਵਿਚ ਅਕ੍ਰੈਲਿਕ ਡਾਇੰਗ ਕਰਨ ਵਾਲੇ ਫੈਕਟਰੀ ਮਾਲਕਾਂ ਨੇ ਬੈਠਕ ਕਰਕੇ ਆਪਣੇ ਰੇਟ ਵਿਚ 10 ਰੁਪਏ ਪ੍ਰਤੀ ਕਿਲੋ ਦਾ ਵਾਧਾ ਕੀਤਾ ਸੀ। ਉਮੀਦ ਸੀ ਕਿ ਇਸ ਨਾਲ ਵਧਦੀ ਲਾਗਤ ਦਾ ਕੁਝ ਬੋਝ ਘੱਟ ਹੋਵੇਗਾ ਪਰ ਹਕੀਕਤ ਇਸ ਦੇ ਉਲਟ ਨਿਕਲੀ।
ਇਹ ਵੀ ਪੜ੍ਹੋ : ਸੀ. ਬੀ. ਐੱਸ. ਈ. ਦਾ ਵੱਡਾ ਫੈਸਲਾ, ਇਨ੍ਹਾਂ ਵਿਦਿਆਰਥੀਆਂ ਲਈ ਸਪੈਸ਼ਲ ਅਸੈੱਸਮੈਂਟ ਸਕੀਮ ਜਾਰੀ
ਰਾਇਸ ਹਸਕ ਦੇ ਵਧਦੇ ਰੇਟਾਂ ਨੇ ਹੋਰ ਵਧਾਇਆ ਖਰਚ
ਚੌਹਾਨ ਦਾ ਕਹਿਣਾ ਹੈ ਕਿ ਡਾਇੰਗ ਇੰਡਸਟਰੀ ਵਿਚ ਬਾਲਣ ਦੇ ਰੂਪ ਵਿਚ ਵਰਤਿਆ ਜਾਣ ਵਾਲਾ ਰਾਇਸ ਹਸਕ ਵੀ ਹੁਣ ਮਹਿੰਗਾ ਹੋ ਚੁੱਕਾ ਹੈ। ਪਹਿਲਾਂ ਤੋਂ ਹੀ ਵਧਦੀ ਲਾਗਤ ਦੌਰਾਨ ਇਹ ਇਕ ਹੋਰ ਝਟਕਾ ਸਾਬਤ ਹੋਇਆ ਹੈ।
ਫੈਕਟਰੀ ਮਾਲਕਾਂ 'ਚ ਵਧੀ ਚਿੰਤਾ
ਕਮਲ ਚੌਹਾਨ ਦਾ ਕਹਿਣਾ ਹੈ ਕਿ ਹਾਲਾਤ ਇੰਨੇ ਖਰਾਬ ਹੋ ਗਏ ਹਨ ਕਿ ਹੁਣ ਫੈਕਟਰੀ ਮਾਲਕ ਇਹ ਸੋਚਣ ’ਤੇ ਮਜ਼ਬੂਰ ਹੋ ਗਏ ਹਨ ਕਿ ਇਸ ਕੰਮ ਨੂੰ ਜਾਰੀ ਰੱਖਣਾ ਵੀ ਸਹੀ ਹੈ ਜਾਂ ਨਹੀਂ। ਉਸ ਦੇ ਮੁਤਾਬਕ ਜੇਕਰ ਇਹੀ ਹਾਲਾਤ ਬਣੇ ਰਹੇ ਤਾਂ ਆਉਣ ਵਾਲੇ ਦਿਨਾਂ ਵਿਚ ਸਾਨੂੰ ਰੇਟ ਹੋਰ ਵਧਾਉਣੇ ਪੈ ਸਕਦੇ ਹਨ ਪਰ ਸਵਾਲ ਇਹ ਹੈ ਕਿ ਗਾਹਕ ਇੰਨੇ ਮਹਿੰਗੇ ਰੇਟ ’ਤੇ ਕੰਮ ਕਰਵਾਉਣ ਦੇ ਲਈ ਤਿਆਰ ਹੋਣਗੇ ਜਾਂ ਨਹੀਂ।’
ਆਪ ਸਰਕਾਰ ਦੀ ਚੁੱਪ ‘ਤੇ ਉੱਠੇ ਸਵਾਲ, ਅੱਜ ਤੱਕ ਨਹੀਂ ਲਈ ਸਾਰ
ਇੰਡਸਟਰੀ ਨਾਲ ਜੁੜੇ ਲੋਕਾਂ ਦਾ ਦੋਸ਼ ਹੈ ਕਿ ਆਮ ਆਦਮੀ ਪਾਰਟੀ ਦੀ ਸਰਕਾਰ ਇਸ ਗੰਭੀਰ ਸਥਿਤੀ ’ਤੇ ਕੋਈ ਧਿਆਨ ਨਹੀਂ ਦੇ ਰਹੀ। ਖਾਸ ਗੱਲ ਇਹ ਹੈ ਕਿ ਪੰਜਾਬ ਦੇ ਇੰਡਸਟਰੀ ਮੰਤਰੀ ਸੰਜੀਵ ਅਰੋੜਾ ਖੁਦ ਲੁਧਿਆਣਾ ਤੋਂ ਹੀ ਹਨ। ਬਾਵਜੂਦ ਇਸ ਦੇ ਸਥਾਨਕ ਉਦਯੋਗਾਂ ਦੀਆਂ ਸਮੱਸਿਆਵਾਂ ‘ਤੇ ਕੋਈ ਠੋਸ ਕਦਮ ਨਜ਼ਰ ਨਹੀਂ ਆ ਰਿਹਾ। ਫੈਕਟਰੀ ਮਾਲਕਾਂ ਦਾ ਕਹਿਣਾ ਹੈ ਕਿ ਜੇਕਰ ਸਰਕਾਰ ਸਮਾਂ ਰਹਿੰਦੇ ਦਖਲ ਨਹੀਂ ਦਿੰਦੀ ਤਾਂ ਇਹ ਸੰਕਟ ਹੋਰ ਗਹਿਰਾ ਸਕਦਾ ਹੈ।
ਇਹ ਵੀ ਪੜ੍ਹੋ : Tata Motors ਦੇ ਗਾਹਕਾਂ ਨੂੰ ਝਟਕਾ! ਕੰਪਨੀ ਨੇ ਪੈਟਰੋਲ ਅਤੇ ਡੀਜ਼ਲ ਵਾਹਨਾਂ ਦੀਆਂ ਕੀਮਤਾਂ ਵਧਾਉਣ ਦਾ ਕੀਤਾ ਐਲਾਨ
ਹੋਰ ਵਧ ਸਕਦੇ ਹਨ ਰੇਟ ਅਤੇ ਸੰਕਟ
ਮਾਹਰਾਂ ਦਾ ਕਹਿਣਾ ਹੈ ਕਿ ਈਰਾਨ-ਇਜ਼ਰਾਈਲ ਵਰਗੇ ਸੰਘਰਸ਼ਾਂ ਦਾ ਸਿੱਧਾ ਅਸਰ ਤੇਲ ਦੀਆਂ ਕੀਮਤਾਂ, ਅੰਤਰਰਾਸ਼ਟਰੀ ਵਪਾਰ ਅਤੇ ਸਪਲਾਈ ਚੇਨ ’ਤੇ ਪੈਂਦਾ ਹੈ। ਜਦੋਂ ਕੱਚੇ ਮਾਲ ਦੀ ਸਪਲਾਈ ਪ੍ਰਭਾਵਿਤ ਹੁੰਦੀ ਹੈ ਤਾਂ ਉਸ ਦਾ ਅਸਰ ਛੋਟੇ ਅਤੇ ਮੱਧ ਉਦਯੋਗਾਂ ’ਤੇ ਸਭ ਤੋਂ ਪਹਿਲਾ ਦਿਖਦਾ ਹੈ। ਲੁਧਿਆਣਾ ਦੀ ਡਾਇੰਗ ਇੰਡਸਟਰੀ ਵੀ ਇਸੇ ਚੱਕਰ ਵਿਚ ਫਸਦੀ ਨਜ਼ਰ ਆ ਰਹੀ ਹੈ। ਜਿਥੇ ਅੰਤਰਰਾਸ਼ਟਰੀ ਸੰਕਟ ਨੇ ਸਥਾਨਕ ਕਾਰੋਬਾਰ ਨੂੰ ਝੰਜੋੜ ਦਿੱਤਾ ਹੈ। ਇੰਡਸਟਰੀ ਦੇ ਅੰਦਰੂਨੀ ਸੂਤਰਾਂ ਦਾ ਕਹਿਣਾ ਹੈ ਕਿ ਜੇਕਰ ਹਾਲਾਤ ਜਲਦ ਨਾ ਸੁਧਰੇ ਤਾਂ ਫੈਕਟਰੀ ਮਾਲਕ ਇਕ ਵਾਰ ਫਿਰ ਬੈਠਕ ਕਰਕੇ ਰੇਟ ਵਧਾਉਣ ’ਤੇ ਵਿਚਾਰ ਕਰ ਸਕਦੇ ਹਨ। ਹਾਲਾਂਕਿ ਵਾਰ ਵਾਰ ਰੇਟ ਵਧਾਉਣਾ ਵੀ ਸਥਾਈ ਹੱਲ ਨਹੀਂ ਹੈ। ਇਸ ਨਾਲ ਬਜ਼ਾਰ ਵਿਚ ਮੰਗ ਘਟ ਸਕਦੀ ਹੈ ਅਤੇ ਵਪਾਰ ‘ਤੇ ਉਲਟਾ ਅਸਰ ਪੈ ਸਕਦਾ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਗੁਰਦੁਆਰਾ ਸ੍ਰੀ ਦਰਬਾਰ ਸਾਹਿਬ ਤਰਨਤਾਰਨ ਦੀ ਦਰਸ਼ਨੀ ਡਿਓਢੀ ਦੇ ਬਾਹਰ ਜੋੜਾ ਘਰ ਤੇ ਹੋਰ ਸੇਵਾਵਾਂ ਦੀ ਸੇਵਾ ਆਰੰਭ
NEXT STORY 
