ਸਲੋਹ (ਸਰਬਜੀਤ ਸਿੰਘ ਬਨੂੜ)- ਸਥਾਨਕ ਸ਼ਹਿਰ ਵਿੱਚ ਹੌਰਲਿਕਸ ਕੁਆਰਟਰ ਐਕੁਇਫਰ ਗਾਰਡਨ ਡਿਵੈਲਪਮੈਂਟ ਵੱਲੋਂ ਆਧੁਨਿਕ ਸਹੂਲਤਾਂ ਨਾਲ ਬਣਾਏ ਗਏ ਮਲਟੀ ਸਟੋਰੀ ਘਰਾਂ ਨੂੰ ਸਲੋਹ ਬਾਰੋ ਦੇ ਐੱਮ. ਪੀ. ਅਤੇ ਕੌਂਸਲਰਾਂ ਵੱਲੋਂ ਸਾਂਝੇ ਤੌਰ 'ਤੇ ਉਦਘਾਟਨ ਕਰਕੇ ਲੋਕ ਅਰਪਣ ਕੀਤਾ ਗਿਆ। ਹੌਰਲਿਕਸ ਫ਼ੈਕਟਰੀ ਵਿੱਚ ਬਰਕਲੇ ਗਰੁੱਪ ਯੂਕੇ ਵੱਲੋਂ ਬਣਾਏ ਗਏ 900 ਘਰਾਂ ਦਾ ਉਦਘਾਟਨ ਸਲੋਹ ਦੇ ਸੰਸਦ ਮੈਂਬਰ ਸ. ਤਨਮਨਜੀਤ ਸਿੰਘ ਢੇਸੀ ਅਤੇ ਸਥਾਨਕ ਲੇਬਰ ਲੀਡਰ ਜੇਮਸ ਸਵਿੰਡਲਹਰਸਟ ਵੱਲੋਂ ਸਾਂਝੇ ਤੌਰ 'ਤੇ ਕੀਤਾ ਗਿਆ।
ਇਸ ਮੌਕੇ ਕੌਂਸਲਰ ਪਵਿੱਤਰ ਕੌਰ ਮਾਨ, ਕੌਂਸਲਰ ਕਮਲਜੀਤ ਕੌਰ, ਕੌਂਸਲਰ ਬਲਵਿੰਦਰ ਬੈਂਸ, ਕੌਂਸਲਰ ਜ਼ਫਰ, ਕੌਂਸਲਰ ਮੁਹੰਮਦ ਨਜ਼ੀਰ, ਕੌਂਸਲਰ ਕਿਰਸਟੀਨ ਤੋਂ ਇਲਾਵਾ ਰਿੰਚਰਡ, ਮਿਸਟਰ ਡੀਨ, ਮਿਸਟਰ ਕਾਰਲਰ ਵੀ ਹਾਜ਼ਰ ਸਨ। ਬਰਕਲੇ ਗਰੁੱਪ ਯੂਕੇ ਵੱਲੋਂ ਹੌਰਲਿਕਸ ਕੁਆਰਟਰ ਐਕੁਇਫਰ ਗਾਰਡਨ ਵਿੱਚ 1300 ਦੇ ਕਰੀਬ ਘਰਾਂ ਨੂੰ ਗਿਆਰਾਂ ਮਲਟੀ ਸਟੋਰੀ ਇਮਾਰਤਾਂ ਵਿੱਚ ਬੜੇ ਖ਼ੂਬਸੂਰਤ ਢੰਗ ਨਾਲ ਬਣਾਇਆ ਗਿਆ ਹੈ, ਜਿਸ ਵਿੱਚ ਆਧੁਨਿਕ ਤਕਨੀਕ ਨਾਲ ਜਿੰਮ, ਰੈਸਟੋਰੈਂਟ, ਛੋਟਾ ਬਾਜ਼ਾਰ, ਸਿਹਤ ਸਹੂਲਤਾਂ ਅਤੇ ਸੁੰਦਰ ਬਾਗ ਬਗੀਚੇ ਬਣਾਏ ਗਏ ਹਨ।
ਜ਼ਿਕਰਯੋਗ ਹੈ ਕਿ ਹੌਰਲਿਕਸ ਫ਼ੈਕਟਰੀ ਵਿੱਚ ਪੁਰਾਤਨ ਇਮਾਰਤ ਜਿਸ ਵਿੱਚ ਚਿਮਨੀ ਤੇ ਕਲਾਕ ਟਾਵਰ ਨੂੰ ਪੁਰਾਤਨ ਦਿੱਖ ਵਿੱਚ ਸੰਭਾਲ਼ਿਆ ਗਿਆ ਹੈ ਤੇ ਇਸ ਵਿਚਲੇ ਖੂਹੀ ਦੇ ਪਾਣੀ ਨੂੰ ਨਵੇਂ ਤਰੀਕਿਆਂ ਨਾਲ ਵਰਤਿਆ ਜਾ ਰਿਹਾ ਹੈ। ਇਸ ਇਮਾਰਤ ਵਿੱਚੋਂ ਹੌਰਲਿਕਸ ਚਾਕਲੇਟ, ਕਾਫ਼ੀ ਤੇ ਹੋਰ ਸਮਾਨ ਪੂਰੇ ਯੂਕੇ ਤੇ ਵਿਦੇਸ਼ਾਂ ਵਿੱਚ ਨਿਰਯਾਤ ਕੀਤਾ ਜਾਂਦਾ ਸੀ ਪਰ ਵਧਦੀ ਆਬਾਦੀ ਅਤੇ ਸ਼ਹਿਰ ਦੇ ਵਿਚਕਾਰ ਆਈ ਇਸ ਫੈਕਟਰੀ ਦੀ ਇਸ ਇਤਿਹਾਸਕ ਇਮਾਰਤ ਨੂੰ ਆਧੁਨਿਕ ਤਰੀਕੇ ਨਾਲ ਤਿਆਰ ਕਰਕੇ ਨਵੇਂ ਘਰ ਬਣਾਏ ਗਏ ਹਨ।
ਮੰਕੀਪਾਕਸ ਨੂੰ ਗਲੋਬਲ ਐਮਰਜੈਂਸੀ ਐਲਾਨੇ ਜਾਣ 'ਤੇ ਵਿਚਾਰ, WHO ਨੇ ਸੱਦੀ ਹੰਗਾਮੀ ਮੀਟਿੰਗ
NEXT STORY 
