ਜੇਦਾ— ਸਾਊਦੀ ਅਰਬ ਦੇ ਰੂੜੀਵਾਦੀ ਸਮਾਜ ਵਿਚ ਸੁਧਾਰ ਦਾ ਸਿਲਸਿਲਾ ਜਾਰੀ ਹੈ। ਸਾਊਦੀ ਅਰਬ 'ਚ ਪਹਿਲਾਂ ਔਰਤਾਂ ਨੂੰ ਡਰਾਈਵਿੰਗ ਦਾ ਅਧਿਕਾਰ ਮਿਲਿਆ। ਤਾਜ਼ਾ ਫੈਸਲੇ ਤਹਿਤ ਸਾਊਦੀ ਅਰਬ ਦੇ ਲੋਕ ਹੁਣ ਸਿਨੇਮਾ ਹਾਲ ਵਿਚ ਜਾ ਕੇ ਫਿਲਮ ਦੇਖ ਸਕਣਗੇ। ਇਸ ਦੀ ਸ਼ੁਰੂਆਤ ਐਤਵਾਰ ਨੂੰ 'ਐਨੀਮੇਟਡ ਚਿਲਡਰਨਜ਼' ਫਿਲਮ ਦੇ ਪ੍ਰਦਰਸ਼ਨ ਨਾਲ ਹੋਈ। ਇਸ ਦੇ ਨਾਲ ਹੀ ਸਾਊਦੀ ਅਰਬ 'ਚ ਫਿਲਮ ਪ੍ਰਦਰਸ਼ਨ 'ਤੇ 35 ਸਾਲਾਂ ਤੋਂ ਲੱਗੀ ਪਾਬੰਦੀ ਖਤਮ ਹੋ ਗਈ। ਫਿਲਮ ਪ੍ਰਦਰਸ਼ਨ 'ਤੇ ਕਟੜਪੰਥੀਆਂ ਦੇ ਦਬਾਅ ਦੇ ਚੱਲਦੇ ਲਾਇਆ ਗਿਆ ਸੀ। ਇੱਥੇ ਦੱਸ ਦੇਈਏ ਕਿ ਪਿਛਲੇ ਹਫਤੇ ਔਰਤਾਂ ਨੇ ਜੇਦਾ ਦੇ ਸਟੇਡੀਅਮ 'ਚ ਜਾ ਕੇ ਪੁਰਸ਼ਾਂ ਦਾ ਫੁੱਟਬਾਲ ਮੈਚ ਦੇਖਿਆ।
ਰਿਆਦ ਵਿਚ ਵੀ ਅਜਿਹਾ ਹੀ ਮੈਚ ਹੋਇਆ। ਹੁਣ ਲਾਲ ਸਾਗਰ ਦੇ ਕਿਨਾਰੇ ਵੱਸੇ ਜੇਦਾ ਵਿਚ ਅਸਥਾਈ ਸਿਨੇਮਾਘਰ ਬਣਾ ਕੇ ਬੱਚਿਆਂ ਦੀ ਫਿਲਮ ਦਿਖਾਈ ਜਾ ਰਹੀ ਹੈ। ਸਰਕਾਰ ਵਲੋਂ ਇੱਥੇ ਇਕ ਹਾਲ ਤਿਆਰ ਕੀਤਾ ਗਿਆ ਹੈ, ਜਿਸ 'ਚ ਪ੍ਰਾਜੈਕਟ ਲੱਗਾ ਹੈ, ਲਾਲ ਕਾਲੀਨ ਵਿਛਿਆ ਹੋਇਆ ਹੈ ਅਤੇ ਪੌਪਕੋਰਨ ਦੀ ਮਸ਼ੀਨ ਲੱਗੀ ਹੈ। ਇਸ ਅਸਥਾਈ ਇੰਤਜ਼ਾਮ ਨਾਲ ਲੋਕਾਂ ਦਾ ਮਨੋਰੰਜਨ ਕਰਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ। ਦੇਸ਼ ਵਿਚ ਸਹੂਲਤ ਮੁਤਾਬਕ ਸਿਨੇਮਾ ਹਾਲ ਮਾਰਚ ਤੱਕ ਬਣ ਕੇ ਤਿਆਰ ਹੋ ਜਾਣ ਦੀ ਉਮੀਦ ਹੈ।
ਲੋਕਾਂ ਦਾ ਕਹਿਣਾ ਹੈ ਕਿ ਇਹ ਇਕ ਸੁਪਨਾ ਵਾਂਗ ਲੱਗ ਰਿਹਾ ਹੈ। ਯੁਵਰਾਜ ਮੁਹੰਮਦ ਬਿਨ ਸਲਮਾਨ ਦੇ ਸੁਧਾਰਵਾਦੀ ਕਦਮਾਂ ਦਾ ਫਾਇਦਾ ਫਿਲਮ ਪਸੰਦ ਕਰਨ ਵਾਲੀ ਸਾਊਦੀ ਜਨਤਾ ਨੂੰ ਮਿਲਿਆ ਹੈ। ਹੁਣ ਤੱਕ ਲੋਕ ਮਨੋਰੰਜਨ ਲਈ ਬਹਿਰੀਨ, ਯੂ. ਏ. ਈ. ਅਤੇ ਹੋਰ ਦੇਸ਼ਾਂ ਵਿਚ ਜਾਇਆ ਕਰਦੇ ਸਨ ਪਰ ਹੁਣ ਇਨ੍ਹਾਂ ਲੋਕਾਂ ਦੇ ਦੇਸ਼ ਵਿਚ ਰੁੱਕਣ ਨਾਲ ਉਨ੍ਹਾਂ ਨੂੰ ਅਤੇ ਸਰਕਾਰ ਦੋਹਾਂ ਨੂੰ ਫਾਇਦਾ ਹੋਵੇਗਾ। ਉਮੀਦ ਹੈ ਕਿ ਸਾਲ 2030 ਤੱਕ ਦੇਸ਼ ਵਿਚ 300 ਸਿਨੇਮਾ ਹਾਲ ਤਿਆਰ ਹੋ ਜਾਣਗੇ, ਜਿਸ ਨਾਲ ਸਰਕਾਰ ਨੂੰ ਅਰਬਾਂ ਰੁਪਏ ਦਾ ਮਾਲੀਆ ਮਿਲੇਗਾ ਅਤੇ ਰੋਜ਼ਗਾਰ ਵੀ ਪੈਦਾ ਹੋਵੇਗਾ।
ਸਰਕਸ ਦੌਰਾਨ ਸ਼ੇਰਾਂ ਨੇ ਘੋੜੇ ’ਤੇ ਕੀਤਾ ਹਮਲਾ, ਵੀਡੀਓ ਵਾਇਰਲ
NEXT STORY 
