ਬੀਜਿੰਗ (ਏਜੰਸੀ): ਹਾਂਗਕਾਂਗ ਦੇ ਦੱਖਣੀ ਸ਼ਹਿਰ ਵਿਚ ਬੁੱਧਵਾਰ ਨੂੰ ਆਏ ਤੂਫਾਨ ਕਾਰਨ ਸਕੂਲ, ਸ਼ੇਅਰ ਬਾਜ਼ਾਰ ਵਿਚ ਕਾਰੋਬਾਰ ਅਤੇ ਸਰਕਾਰੀ ਸੇਵਾਵਾਂ ਪ੍ਰਭਾਵਿਤ ਹੋਈਆਂ। ਹਾਂਗਕਾਂਗ ਆਬਜ਼ਰਵੇਟਰੀ ਨੇ ਦੱਸਿਆ ਕਿ ਤੂਫਾਨ 'ਕੋਮਪਾਸੂ' ਕਾਰਨ ਪੈਣ ਵਾਲਾ ਭਾਰੀ ਮੀਂਹ ਨੀਵੇਂ ਇਲਾਕਿਆਂ ਵਿੱਚ ਹੜ੍ਹ ਦਾ ਕਾਰਨ ਬਣ ਸਕਦਾ ਹੈ, ਜਿਸ ਦੇ ਮੱਦੇਨਜ਼ਰ ਵਸਨੀਕਾਂ ਨੂੰ ਸਾਵਧਾਨੀ ਵਰਤਣੀ ਚਾਹੀਦੀ ਹੈ।
ਪੜ੍ਹੋ ਇਹ ਅਹਿਮ ਖਬਰ - ਟਰੂਡੋ ਦਾ ਵੱਡਾ ਐਲਾਨ, 40,000 ਅਫਗਾਨ ਸ਼ਰਨਾਰਥੀਆਂ ਨੂੰ ਸ਼ਰਨ ਦੇਵੇਗਾ ਕੈਨੇਡਾ
ਤੂਫਾਨ ਕਾਰਨ 83 ਕਿਲੋਮੀਟਰ ਪ੍ਰਤੀ ਘੰਟਾ (51 ਮੀਲ ਪ੍ਰਤੀ ਘੰਟਾ) ਦੀ ਗਤੀ ਨਾਲ ਹਵਾਵਾਂ ਚੱਲ ਰਹੀਆਂ ਹਨ ਅਤੇ ਬਾਅਦ ਵਿੱਚ 101 ਕਿਲੋਮੀਟਰ ਪ੍ਰਤੀ ਘੰਟਾ (63 ਮੀਲ ਪ੍ਰਤੀ ਘੰਟਾ) ਦੀ ਗਤੀ ਤੱਕ ਹਵਾਵਾਂ ਚੱਲੀ ਸਕਦੀਆਂ ਹਨ। ਦੁਪਹਿਰ ਤੱਕ ਹਵਾ ਦੀ ਗਤੀ ਹੌਲੀ ਹੌਲੀ ਘੱਟਣ ਦੀ ਉਮੀਦ ਹੈ। ਆਬਜ਼ਰਵੇਟਰੀ ਨੇ ਕਿਹਾ ਕਿ ਤੂਫਾਨ ਦੇ ਦੱਖਣੀ ਚੀਨ ਸਾਗਰ ਦੇ ਉੱਤਰੀ ਹਿੱਸੇ ਤੋਂ ਹੋ ਕੇ ਚੀਨ ਦੇ ਦੱਖਣੀ ਟਾਪੂ ਸੂਬੇ ਹੈਨਾਨ ਵੱਲ ਵਧਣ ਦੀ ਉਮੀਦ ਹੈ ਅਤੇ ਫਿਰ ਉੱਤਰੀ ਵੀਅਤਨਾਮ ਵਿੱਚ ਟਕਰਾਉਣ ਦੀ ਸੰਭਾਵਨਾ ਹੈ। ਅਧਿਕਾਰੀਆਂ ਨੇ ਦੱਸਿਆ ਕਿ ਉੱਤਰੀ ਫਿਲੀਪੀਨਜ਼ ਵਿੱਚ ਪਹਿਲਾਂ ਕੋਮਪਾਸੂ ਕਾਰਨ ਜ਼ਮੀਨ ਡਿੱਗਣ ਅਤੇ ਹੜ੍ਹਾਂ ਕਾਰਨ ਘੱਟੋ ਘੱਟ 11 ਲੋਕਾਂ ਦੀ ਮੌਤ ਹੋ ਗਈ ਸੀ ਅਤੇ ਸੱਤ ਲੋਕ ਅਜੇ ਵੀ ਲਾਪਤਾ ਹਨ।
ਪੜ੍ਹੋ ਇਹ ਅਹਿਮ ਖਬਰ - ਆਸਟ੍ਰੇਲੀਆ ਨੇ ਐਸਟਰਾਜ਼ੇਨੇਕਾ ਕੋਵਿਡ-19 ਟੀਕਾ ਬਣਾਉਣ 'ਤੇ ਲਾਈ ਰੋਕ
ਕਜ਼ਾਕਿਸਤਾਨ 'ਚ ਵਿਦੇਸ਼ ਮੰਤਰੀ ਜੈਸ਼ੰਕਰ ਨੇ ਪਾਕਿਸਤਾਨ ਨੂੰ ਸੁਣਾਈ ਖਰੀ-ਖਰੀ, ਚੀਨ 'ਤੇ ਵੀ ਵਰ੍ਹੇ
NEXT STORY 
