ਮਿਆਮੀ (ਪੋਸਟ ਬਿਊਰੋ)- ਅਮਰੀਕਾ ਦੇ ਸਾਬਕਾ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਵੱਡੇ ਪੁੱਤਰ ਡੋਨਾਲਡ ਟਰੰਪ ਜੂਨੀਅਰ ਦੇ ਫਲੋਰੀਡਾ ਸਥਿਤ ਨਿਵਾਸ 'ਤੇ ਭੇਜੀ ਗਈ ਚਿੱਠੀ ਵਿੱਚ ਚਿੱਟੇ ਪਾਊਡਰ ਵਰਗਾ ਪਦਾਰਥ ਮਿਲਿਆ। ਇਸ ਚਿੱਟੇ ਪਾਊਡਰ ਦੇ ਮਿਲਣ ਤੋਂ ਬਾਅਦ ਸੋਮਵਾਰ ਨੂੰ ਐਮਰਜੈਂਸੀ ਕਰਮਚਾਰੀ ਹਰਕਤ ਵਿੱਚ ਆ ਗਏ। ਇਸ ਮਾਮਲੇ ਦੀ ਜਾਣਕਾਰੀ ਰੱਖਣ ਵਾਲੇ ਇੱਕ ਅਧਿਕਾਰੀ ਨੇ ਦੱਸਿਆ ਕਿ ਅਜੇ ਤੱਕ ਇਹ ਪਤਾ ਨਹੀਂ ਲੱਗ ਸਕਿਆ ਹੈ ਕਿ ਇਹ ਪਦਾਰਥ ਕੀ ਹੈ ਪਰ ਅਧਿਕਾਰੀ ਇਸ ਨੂੰ ਘਾਤਕ ਨਹੀਂ ਸਮਝਦੇ।
ਅਧਿਕਾਰੀ ਨੇ ਇਹ ਜਾਣਕਾਰੀ ਆਪਣੀ ਪਛਾਣ ਗੁਪਤ ਰੱਖਣ ਦੀ ਸ਼ਰਤ 'ਤੇ ਦਿੱਤੀ। ਇਹ ਪੱਤਰ ਮਿਲਣ ਦੀ ਜਾਣਕਾਰੀ ਸਭ ਤੋਂ ਪਹਿਲਾਂ ‘ਦਿ ਡੇਲੀ ਬੀਸਟ’ ਨੇ ਦਿੱਤੀ ਸੀ। ਜੂਨੀਅਰ ਟਰੰਪ ਨੇ ਉਹ ਪੱਤਰ ਖੋਲ੍ਹਿਆ ਜਿਸ ਵਿੱਚ ਉਨ੍ਹਾਂ ਨੂੰ ਜਾਨੋਂ ਮਾਰਨ ਦੀ ਧਮਕੀ ਵੀ ਦਿੱਤੀ ਗਈ ਸੀ। ਪੱਤਰ ਮਿਲਦੇ ਹੀ 'ਹਜ਼ਮਤ ਸੂਟ' (ਖਤਰਨਾਕ ਰਸਾਇਣਾਂ ਅਤੇ ਪਦਾਰਥਾਂ ਤੋਂ ਬਚਾਅ ਲਈ ਸੂਟ) ਪਹਿਨੇ ਐਮਰਜੈਂਸੀ ਕਰਮਚਾਰੀ ਹਰਕਤ ਵਿੱਚ ਆ ਗਏ। ਜੁਪੀਟਰ ਪੁਲਸ ਨੇ ਕਿਹਾ ਕਿ ਪਾਮ ਬੀਚ ਸ਼ੈਰਿਫ ਦਾ ਦਫ਼ਤਰ ਮਾਮਲੇ ਦੀ ਜਾਂਚ ਕਰ ਰਿਹਾ ਹੈ। ਸ਼ੈਰਿਫ ਦੇ ਦਫਤਰ ਨੇ ਕਿਹਾ ਕਿ ਉਹ ਜਾਂਚ ਲਈ ਸੀਕ੍ਰੇਟ ਸਰਵਿਸ ਨਾਲ ਕੰਮ ਕਰ ਰਿਹਾ ਹੈ, ਪਰ ਹੋਰ ਵੇਰਵੇ ਪ੍ਰਦਾਨ ਨਹੀਂ ਕੀਤੇ।
ਪੜ੍ਹੋ ਇਹ ਅਹਿਮ ਖ਼ਬਰ-ਮਿਸਰ : ਨੀਲ ਨਦੀ 'ਚ ਡੁੱਬੀ ਕਿਸ਼ਤੀ, 10 ਲੋਕਾਂ ਦੀ ਮੌਤ
ਸਾਬਕਾ ਰਾਸ਼ਟਰਪਤੀ ਦੇ ਵੱਡੇ ਪੁੱਤਰ ਨੂੰ ਚਿੱਟਾ ਪਾਊਡਰ ਭੇਜਣ ਦੀ ਇਹ ਦੂਜੀ ਘਟਨਾ ਹੈ। ਇਸ ਤੋਂ ਪਹਿਲਾਂ 2018 ਵਿੱਚ ਡੋਨਾਲਡ ਟਰੰਪ ਜੂਨੀਅਰ ਦੀ ਤਤਕਾਲੀ ਪਤਨੀ ਵੈਨੇਸਾ ਨੇ ਆਪਣੇ ਪਤੀ ਨੂੰ ਲਿਖੀ ਇੱਕ ਚਿੱਠੀ ਖੋਲ੍ਹੀ ਸੀ ਜਿਸ ਵਿੱਚ ਅਣਜਾਣ ਚਿੱਟਾ ਪਾਊਡਰ ਮਿਲਿਆ ਸੀ। ਇਸ ਤੋਂ ਬਾਅਦ ਵੈਨੇਸਾ ਨੂੰ ਨਿਊਯਾਰਕ ਸਿਟੀ ਦੇ ਇਕ ਹਸਪਤਾਲ ਲਿਜਾਇਆ ਗਿਆ। ਬਾਅਦ ਵਿੱਚ ਪੁਲਸ ਨੇ ਕਿਹਾ ਕਿ ਇਹ ਪਦਾਰਥ ਖ਼ਤਰਨਾਕ ਨਹੀਂ ਸੀ। ਇਸ ਤੋਂ ਪਹਿਲਾਂ ਮਾਰਚ 2016 ਵਿੱਚ ਕਿਸੇ ਨੇ ਡੋਨਾਲਡ ਟਰੰਪ ਜੂਨੀਅਰ ਦੇ ਭਰਾ ਐਰਿਕ ਨੂੰ ਵੀ ਅਜਿਹਾ ਹੀ ਪਦਾਰਥ ਭੇਜਿਆ ਸੀ, ਜੋ ਖ਼ਤਰਨਾਕ ਨਹੀਂ ਪਾਇਆ ਗਿਆ ਸੀ। ਚਿੱਟੇ ਪਾਊਡਰ ਵਾਲੇ ਲਿਫਾਫੇ ਵੀ 2016 ਵਿੱਚ ਦੋ ਵਾਰ ਟਰੰਪ ਟਾਵਰ ਨੂੰ ਭੇਜੇ ਗਏ ਸਨ। ਟਰੰਪ ਟਾਵਰ ਸਾਬਕਾ ਰਾਸ਼ਟਰਪਤੀ ਟਰੰਪ ਦੀ ਚੋਣ ਮੁਹਿੰਮ ਦਾ ਮੁੱਖ ਦਫਤਰ ਹੈ। ਘਾਤਕ ਐਂਥ੍ਰੈਕਸ ਵਾਲੇ ਪੱਤਰ 2001 ਵਿੱਚ ਸਮਾਚਾਰ ਸੰਗਠਨਾਂ ਅਤੇ ਦੋ ਅਮਰੀਕੀ ਸੰਸਦ ਮੈਂਬਰਾਂ ਦੇ ਦਫਤਰਾਂ ਨੂੰ ਭੇਜੇ ਗਏ ਸਨ, ਨਤੀਜੇ ਵਜੋਂ ਪੰਜ ਲੋਕਾਂ ਦੀ ਮੌਤ ਹੋ ਗਈ ਸੀ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਮਿਸਰ : ਨੀਲ ਨਦੀ 'ਚ ਡੁੱਬੀ ਕਿਸ਼ਤੀ, 10 ਲੋਕਾਂ ਦੀ ਮੌਤ
NEXT STORY 
