ਗਲਾਸਗੋ (ਮਨਦੀਪ ਖੁਰਮੀ ਹਿੰਮਤਪੁਰਾ) : ਸਕਾਟਲੈਂਡ 'ਚ ਆਏ ਤੂਫਾਨ 'ਓਟੋ' ਨੇ ਤਬਾਹੀ ਮਚਾਉਂਦਿਆਂ ਸੈਂਕੜੇ ਘਰਾਂ ਦੀ ਬਿਜਲੀ ਨੂੰ ਪ੍ਰਭਾਵਿਤ ਕੀਤਾ ਹੈ। ਇਸ ਤੂਫਾਨ ਕਾਰਨ ਉੱਤਰੀ ਸਕਾਟਲੈਂਡ ਦੇ ਹਜ਼ਾਰਾਂ ਲੋਕਾਂ ਨੇ ਬਿਜਲੀ ਤੋਂ ਬਿਨਾਂ ਰਾਤ ਬਿਤਾਈ। ਸਕਾਟਿਸ਼ ਅਤੇ ਦੱਖਣੀ ਇਲੈਕਟ੍ਰੀਸਿਟੀ ਨੈੱਟਵਰਕਸ (SSEN) ਨੇ ਦੱਸਿਆ ਕਿ ਇੰਜੀਨੀਅਰਾਂ ਨੇ 41,000 ਤੋਂ ਵੱਧ ਗਾਹਕਾਂ ਨੂੰ ਦੁਬਾਰਾ ਬਿਜਲੀ ਨਾਲ ਜੋੜਿਆ ਪਰ ਸ਼ਨੀਵਾਰ ਨੂੰ 10 ਵਜੇ ਤੱਕ ਵੀ ਲਗਭਗ 2,500 ਲੋਕ ਸਪਲਾਈ ਤੋਂ ਬਿਨਾਂ ਸਨ। ਇਸ ਦੇ ਨਾਲ ਹੀ ਮੋਬਾਇਲ ਫੂਡ ਵੈਨਾਂ ਮੁੱਖ ਤੂਫਾਨ ਪ੍ਰਭਾਵਿਤ ਖੇਤਰਾਂ ਵਿੱਚ ਗਰਮ ਭੋਜਨ ਅਤੇ ਪੀਣ ਵਾਲੀਆਂ ਚੀਜ਼ਾਂ ਦੀ ਸੇਵਾ ਕਰ ਰਹੀਆਂ ਹਨ।
ਇਹ ਵੀ ਪੜ੍ਹੋ : ਯੂਰਪ ਦਾ ਐਲਾਨ- ਚੀਨ ਦੇ ਤਿਆਨਗੋਂਗ ਸਪੇਸ ਸਟੇਸ਼ਨ 'ਤੇ ਨਹੀਂ ਭੇਜੇਗਾ ਪੁਲਾੜ ਯਾਤਰੀ
ਇਹ ਪਾਵਰ ਕੱਟ ਮੁੱਖ ਤੌਰ 'ਤੇ ਐਬਰਡੀਨਸ਼ਾਇਰ ਵਿੱਚ ਲੱਗੇ ਅਤੇ ਇਸ ਵਿੱਚ ਓਏਨ, ਬੈਨਫ, ਮੈਥਲਿਕ, ਇੰਸਚ, ਟਰਿਫ, ਬੇਲਹੇਲਵੀ, ਕੇਨੇਥਮੋਂਟ, ਗਾਰਟਲੀ, ਵਾਰਡਹਾਊਸ, ਹੰਟਲੀ, ਐਲੋਨ, ਗਲੇਮੁਇਕ, ਫਾਈਵੀ ਤੇ ਆਲੇ-ਦੁਆਲੇ ਦੇ ਖੇਤਰ ਸ਼ਾਮਲ ਹਨ। ਇਸ ਤੂਫਾਨ ਨਾਲ ਦਰੱਖਤ ਡਿੱਗ ਗਏ ਅਤੇ ਕਈ ਵਾਹਨਾਂ ਅਤੇ ਇਮਾਰਤਾਂ ਨੂੰ ਵੀ ਨੁਕਸਾਨ ਪਹੁੰਚਿਆ। ਕਈ ਥਾਵਾਂ 'ਤੇ 80 ਮੀਲ ਪ੍ਰਤੀ ਘੰਟਾ ਤੋਂ ਵੱਧ ਹਵਾ ਦੀ ਰਫ਼ਤਾਰ ਦਰਜ ਕੀਤੀ ਗਈ, ਜਦੋਂ ਕਿ ਕੈਰਨਗੋਰਮ ਪਹਾੜ 'ਤੇ ਤੂਫ਼ਾਨ 120 ਮੀਲ ਪ੍ਰਤੀ ਘੰਟਾ ਤੱਕ ਪਹੁੰਚ ਗਿਆ। ਇਸ ਦੌਰਾਨ ਟ੍ਰੇਨਾਂ, ਬੱਸਾਂ ਅਤੇ ਫੈਰੀ ਸੇਵਾਵਾਂ ਵਿੱਚ ਦੇਰੀ ਜਾਂ ਰੱਦ ਕਰ ਦਿੱਤੀਆਂ ਗਈਆਂ ਸਨ। SSEN ਡਿਸਟ੍ਰੀਬਿਊਸ਼ਨ ਅਨੁਸਾਰ ਬਿਜਲੀ ਕੱਟਾਂ ਨਾਲ ਨਜਿੱਠਣ ਲਈ ਵਾਧੂ ਕਰਮਚਾਰੀਆਂ ਨੂੰ ਲਿਆਂਦਾ ਗਿਆ ਹੈ ਅਤੇ ਕੁਲ 750 ਕਰਮਚਾਰੀ ਕੰਮ ਕਰ ਰਹੇ ਹਨ।
ਨੋਟ:- ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿੱਚ ਜ਼ਰੂਰ ਸਾਂਝੇ ਕਰੋ।
ਯੂਰਪ ਦਾ ਐਲਾਨ- ਚੀਨ ਦੇ ਤਿਆਨਗੋਂਗ ਸਪੇਸ ਸਟੇਸ਼ਨ 'ਤੇ ਨਹੀਂ ਭੇਜੇਗਾ ਪੁਲਾੜ ਯਾਤਰੀ
NEXT STORY 
