ਟੈਕਸਾਸ (ਏਜੰਸੀ): ਟੈਕਸਾਸ ਵਿੱਚ ਪ੍ਰੇਮੀ ਨੇ ਉਸਦੀ ਇੱਛਾ ਦੇ ਵਿਰੁੱਧ ਗਰਭਪਾਤ ਕਰਾਉਣ ਬਾਰੇ ਪਤਾ ਲੱਗਣ 'ਤੇ ਆਪਣੀ 26 ਸਾਲਾ ਪ੍ਰੇਮਿਕਾ ਦਾ ਗੋਲੀ ਮਾਰ ਕੇ ਕਤਲ ਕਰ ਦਿੱਤਾ। ਨਿਊਯਾਰਕ ਪੋਸਟ ਨੇ ਇਹ ਜਾਣਕਾਰੀ ਦਿੱਤੀ ਹੈ। ਡੱਲਾਸ ਪੁਲਸ ਨੇ ਕਿਹਾ ਕਿ ਹੈਰੋਲਡ ਥਾਮਸਨ (22) 'ਤੇ ਸਟ੍ਰਿਪ ਮਾਲ ਪਾਰਕਿੰਗ ਲਾਟ ਵਿਚ ਗੈਬਰੀਏਲਾ ਗੋਂਜ਼ਾਲੇਜ਼ ਦਾ ਗੋਲੀ ਮਾਰ ਕੇ ਕਤਲ ਕਰਨ ਦਾ ਦੋਸ਼ ਲਗਾਇਆ ਗਿਆ ਹੈ। ਗ੍ਰਿਫ਼ਤਾਰੀ ਵਾਰੰਟ ਦੇ ਹਲਫਨਾਮੇ ਅਨੁਸਾਰ, ਗੋਂਜ਼ਾਲੇਜ਼ ਕੋਲੋਰਾਡੋ ਤੋਂ ਲਗਭਗ 800 ਮੀਲ ਦੀ ਯਾਤਰਾ ਕਰਨ ਤੋਂ ਬਾਅਦ ਪਿਛਲੀ ਸ਼ਾਮ ਵਾਪਸ ਪਰਤੀ ਸੀ, ਜਿੱਥੇ ਗਰਭ ਅਵਸਥਾ ਦੇ ਕਿਸੇ ਵੀ ਪੜਾਅ 'ਤੇ ਗਰਭਪਾਤ ਦੀ ਆਗਿਆ ਹੈ। ਦੱਸ ਦੇਈਏ ਕਿ ਟੈਕਸਾਸ ਵਿੱਚ, ਲਗਭਗ 6 ਹਫ਼ਤਿਆਂ ਬਾਅਦ ਗਰਭਪਾਤ ਗੈਰ-ਕਾਨੂੰਨੀ ਹੈ, ਜਦੋਂ ਤੱਕ ਕਿ ਕੋਈ ਡਾਕਟਰੀ ਐਮਰਜੈਂਸੀ ਨਹੀਂ ਆਉਂਦੀ। ਅਦਾਲਤ ਦੇ ਦਸਤਾਵੇਜ਼ਾਂ ਮੁਤਾਬਕ ਸਰਚ ਵਾਰੰਟ ਦੇ ਲਾਗੂ ਹੋਣ ਤੋਂ ਬਾਅਦ ਥਾਮਸਨ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਸੀ।
ਇਹ ਵੀ ਪੜ੍ਹੋ: ਮੈਕਸੀਕੋ 'ਚ ਟਰੱਕ ਅਤੇ ਵੈਨ ਦੀ ਹੋਈ ਭਿਆਨਕ ਟੱਕਰ, ਮਚੇ ਅੱਗ ਦੇ ਭਾਂਬੜ, 26 ਲੋਕਾਂ ਦੀ ਦਰਦਨਾਕ ਮੌਤ (ਵੀਡੀਓ)
ਨਿਊਯਾਰਕ ਪੋਸਟ ਮੁਤਾਬਕ ਦੋਸ਼ੀ ਨਹੀਂ ਚਾਹੁੰਦਾ ਸੀ ਕਿ ਗੋਂਜ਼ਾਲੇਜ਼ ਗਰਭਪਾਤ ਕਰਵਾਏ। ਪਾਰਕਿੰਗ ਲਾਟ ਤੋਂ ਇੱਕ ਨਿਗਰਾਨੀ ਫੁਟੇਜ ਵਿੱਚ ਜੋੜੇ ਨੂੰ ਸਵੇਰੇ 7:30 ਵਜੇ ਝਗੜਾ ਕਰਦੇ ਹੋਏ ਦੇਖਿਆ ਗਿਆ, ਜਿਸ ਤੋਂ ਬਾਅਦ ਗੋਂਜ਼ਾਲੇਜ਼ ਨੇ ਉਸ ਨੂੰ ਧੱਕਾ ਦਿੱਤਾ ਅਤੇ ਦੋਵੇਂ ਚੱਲਣ ਲੱਗੇ। ਥਾਮਸਨ ਗੁੱਸੇ ਵਿਚ ਸੀ। ਉਸ ਨੇ ਬੰਦੂਕ ਕੱਢੀ ਅਤੇ ਗੋਂਜ਼ਾਲੇਜ਼ ਦੇ ਸਿਰ ਵਿੱਚ ਗੋਲੀ ਮਾਰ ਦਿੱਤੀ। ਪੁਲਸ ਅਨੁਸਾਰ ਭੱਜਣ ਤੋਂ ਪਹਿਲਾਂ ਉਸਨੇ ਜ਼ਮੀਨ 'ਤੇ ਪਈ ਗੋਂਜ਼ਾਲੇਜ਼ ਦੀ ਮੌਤ ਦੀ ਪੁਸ਼ਟੀ ਕਰਨ ਲਈ ਉਸ ਨੂੰ ਦੁਬਾਰਾ ਗੋਲੀ ਮਾਰੀ। ਨਿਊਯਾਰਕ ਪੋਸਟ ਦੇ ਅਨੁਸਾਰ ਗੋਂਜ਼ਾਲੇਜ਼ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ। ਪੁਲਸ ਮੁਤਾਬਕ ਥਾਮਸਨ 'ਤੇ ਮਾਰਚ ਵਿਚ ਇਕ ਮਹਿਲਾ ਦੇ ਪਰਿਵਾਰਕ ਮੈਂਬਰ 'ਤੇ ਹਮਲਾ ਕਰਨ ਦਾ ਦੋਸ਼ ਲਗਾਇਆ ਗਿਆ ਸੀ। ਹਾਲਾਂਕਿ ਹਲਫ਼ਨਾਮੇ ਵਿੱਚ ਪੀੜਤਾ ਦਾ ਨਾਮ ਨਹੀਂ ਹੈ, ਪਰ ਸੰਭਾਵਨਾ ਹੈ ਕਿ ਉਹ ਗੋਂਜ਼ਾਲੇਜ਼ ਸੀ। ਰਿਪੋਰਟ ਅਨੁਸਾਰ ਪੀੜਤਾ ਨੇ ਅਧਿਕਾਰੀਆਂ ਨੂੰ ਸੂਚਿਤ ਕੀਤਾ ਸੀ ਕਿ ਥਾਮਸਨ ਨੇ ਰਿਸ਼ਤੇ ਦੌਰਾਨ ਉਸਨੂੰ ਕਈ ਵਾਰ ਕੁੱਟਿਆ ਸੀ।
ਇਹ ਵੀ ਪੜ੍ਹੋ: ਹਿੰਦੂ ਵਿਅਕਤੀ ਦੀ ਕਰਤੂਤ, ਪੈਸੇ ਲਈ ਮੁਸਲਮਾਨਾਂ ਨਾਲ ਮਿਲ ਪਰਿਵਾਰ ਦੇ 50 ਲੋਕਾਂ ਦਾ ਕਰਵਾਇਆ ਧਰਮ ਪਰਿਵਰਤਨ
ਆਪਣੇ ਪਰਿਵਾਰ ਨਾਲ ਕੈਨੇਡਾ ਦੀ PR ਪਾਓ, ਐਕਸਪ੍ਰੈਸ ਐਂਟਰੀ ਦੇ ਤਹਿਤ ਵੀਜ਼ਾ ਲਈ ਜਲਦ ਕਰੋ ਅਪਲਾਈ
NEXT STORY 
