ਲੰਡਨ (ਏਜੰਸੀ): ਬ੍ਰਿਟੇਨ ਦੀ ਮਹਾਰਾਣੀ ਐਲਿਜ਼ਾਬੈਥ II ਨੇ 70 ਸਾਲਾਂ ਤੋਂ ਵੱਧ ਸਮੇਂ ਤੱਕ ਰਾਜ ਕੀਤਾ। ਜ਼ਿਆਦਾਤਰ ਲੋਕਾਂ ਨੇ ਕਦੇ ਵੀ ਕਿਸੇ ਹੋਰ ਨੂੰ ਗੱਦੀ 'ਤੇ ਇੰਨੀ ਦੇਰ ਤੱਕ ਬੈਠੇ ਨਹੀਂ ਦੇਖਿਆ ਸੀ। ਮਹਾਰਾਣੀ ਐਲਿਜ਼ਾਬੈਥ II ਦੀ ਮੌਤ ਤੋਂ ਬਾਅਦ ਬ੍ਰਿਟੇਨ ਵਿੱਚ ਕਈ ਵੱਡੇ ਬਦਲਾਅ ਦੇਖਣ ਨੂੰ ਮਿਲਣਗੇ। ਮਹਾਰਾਣੀ ਦੀ ਮੌਤ ਤੋਂ ਬਾਅਦ ਹੁਣ ਉਸ ਦਾ ਪੁੱਤਰ ਪ੍ਰਿੰਸ ਚਾਰਲਸ ਰਾਜਾ ਬਣ ਰਿਹਾ ਹੈ।ਮਹਾਰਾਣੀ ਐਲਿਜ਼ਾਬੇਥ ਦੀ ਮੌਤ ਤੋਂ ਬਾਅਦ ਇੰਗਲੈਂਡ 'ਚ ਕਈ ਚੀਜ਼ਾਂ ਬਦਲ ਜਾਣਗੀਆਂ। 70 ਸਾਲਾਂ ਤੋਂ ਰਾਜਗੱਦੀ 'ਤੇ ਬਿਰਾਜਮਾਨ ਮਹਾਰਾਣੀ ਬ੍ਰਿਟਿਸ਼ ਲੋਕਾਂ ਦੀ ਰੋਜ਼ਾਨਾ ਜ਼ਿੰਦਗੀ 'ਚ ਸ਼ਾਮਲ ਰਹੀ ਹੈ। ਇੱਥੋਂ ਦੀ ਮੁਦਰਾ, ਪਾਸਪੋਰਟ, ਫੌਜੀ ਵਰਦੀ ਤੋਂ ਲੈ ਕੇ ਯਾਦਗਾਰੀ ਚਿੰਨ੍ਹ ਤੱਕ ਮਹਾਰਾਣੀ ਦੇ ਪ੍ਰਤੀਕਾਂ ਨਾਲ ਭਰੇ ਪਏ ਹਨ।
ਮੁਦਰਾ ਨੋਟ ਅਤੇ ਸਿੱਕੇ
ਯੂਕੇ ਵਿੱਚ ਨਕਦੀ ਦੇ ਨੋਟਾਂ ਅਤੇ ਸਿੱਕਿਆਂ 'ਤੇ ਮਹਾਰਾਣੀ ਦਾ ਚਿਹਰਾ ਹੈ। ਹੁਣ ਉਨ੍ਹਾਂ ਦੀ ਮੌਤ ਤੋਂ ਬਾਅਦ ਨਵੇਂ ਰਾਜਾ ਦੇ ਚਿਹਰੇ ਦੇ ਨਾਲ ਨਵੇਂ ਨਕਦੀ ਦੇ ਨੋਟ ਅਤੇ ਸਿੱਕੇ ਲਿਆਂਦੇ ਜਾਣਗੇ। ਇਸ ਦੀ ਤਿਆਰੀ ਪਹਿਲਾਂ ਹੀ ਕੀਤੀ ਜਾ ਰਹੀ ਹੈ। ਬਜ਼ਾਰ ਵਿੱਚ ਨਵੇਂ ਨੋਟ ਅਤੇ ਸਿੱਕੇ ਲਿਆਂਦੇ ਜਾਣਗੇ।ਜਿਹੜੇ ਨੋਟ ਪਹਿਲਾਂ ਤੋਂ ਹਨ, ਉਨ੍ਹਾਂ ਨੂੰ ਹੌਲੀ-ਹੌਲੀ ਬਾਜ਼ਾਰ ਵਿੱਚ ਸਰਕੁਲੇਸ਼ਨ ਵਿਚੋਂ ਬਾਹਰ ਕਰ ਦਿੱਤਾ ਜਾਵੇਗਾ।
ਰਾਸ਼ਟਰੀ ਗੀਤ 'ਗੌਡ ਸੇਵ ਦਿ ਕੁਈਨ' 'ਚ ਕੀਤਾ ਜਾਵੇਗਾ ਬਦਲਾਅ
ਬ੍ਰਿਟੇਨ ਦੇ ਰਾਸ਼ਟਰੀ ਗੀਤ 'ਚ 'ਗੌਡ ਸੇਵ ਅਵਰ ਗ੍ਰੇਸ਼ਿਅਸ ਕਵੀਨ' ਦੇ ਸ਼ਬਦਾਂ ਨੂੰ 'ਗੌਡ ਸੇਵ ਅਵਰ ਗ੍ਰੇਸ਼ਿਅਸ ਕਿੰਗ' 'ਚ ਬਦਲ ਦਿੱਤਾ ਜਾਵੇਗਾ। ਦੱਸ ਦਈਏ ਕਿ ਇਹ ਗੀਤ 'ਗੌਡ ਸੇਵ ਅਵਰ ਗ੍ਰੇਸ਼ਿਅਸ ਕਿੰਗ' ਸਭ ਤੋਂ ਪਹਿਲਾਂ 1745 'ਚ ਗਾਇਆ ਗਿਆ ਸੀ, ਉਸ ਸਮੇਂ ਮਹਾਰਾਣੀ ਐਲਿਜ਼ਾਬੈਥ ਦੇ ਪਿਤਾ ਜਾਰਜ ਪੰਜਵੇਂ ਕਿੰਗ ਸਨ ਪਰ 1953 'ਚ ਜਦੋਂ ਮਹਾਰਾਣੀ ਐਲਿਜ਼ਾਬੈਥ ਦੀ ਤਾਜਪੋਸ਼ੀ ਹੋਈ ਤਾਂ ਇਸ ਗੀਤ ਦੇ ਬੋਲ ਨੂੰ ਮੇਲ ਸੰਸਕਰਨ ਤੋਂ ਬਦਲ ਕੇ ਮਹਿਲਾ ਸੰਸਕਰਨ ਵਿਚ ਕੀਤਾ ਗਿਆ ਸੀ। ਬ੍ਰਿਟੇਨ ਦਾ ਰਾਸ਼ਟਰੀ ਗੀਤ ਮਹਾਰਾਣੀ ਦੇ ਸਨਮਾਨ ਵਿੱਚ ਗਾਇਆ ਜਾਂਦਾ ਹੈ। ਇਸ ਦੇ ਬੋਲਾਂ ਵਿਚ ਰਾਣੀ ਦਾ ਜ਼ਿਕਰ ਹੈ, ਹੁਣ ਇਸ ਨੂੰ ਬਦਲ ਕੇ ਰਾਜੇ ਦਾ ਨਾਂ ਦਿੱਤਾ ਜਾਵੇਗਾ।
ਰਾਣੀ ਦੇ ਨਾਮ ਦਾ ਵਚਨ
ਸਾਰੇ ਬ੍ਰਿਟਿਸ਼ ਸੰਸਦ ਮੈਂਬਰਾਂ ਨੂੰ ਤਾਜ ਪ੍ਰਤੀ ਵਫ਼ਾਦਾਰੀ ਦਾ ਵਾਅਦਾ ਕਰਨਾ ਪੈਂਦਾ ਹੈ। ਉਹ ਸਹੁੰ ਖਾਂਦੇ ਹਨ: 'ਮੈਂ ਸਰਵ ਸ਼ਕਤੀਮਾਨ ਪ੍ਰਮਾਤਮਾ ਦੀ ਸਹੁੰ ਖਾਂਦਾ ਹਾਂ ਕਿ ਮੈਂ ਵਫ਼ਾਦਾਰ ਰਹਾਂਗਾ ਅਤੇ ਕਾਨੂੰਨ ਦੇ ਅਨੁਸਾਰ ਮਹਾਰਾਣੀ ਐਲਿਜ਼ਾਬੈਥ, ਉਸ ਦੇ ਉੱਤਰਾਧਿਕਾਰੀਆਂ ਅਤੇ ਵਾਰਸਾਂ ਪ੍ਰਤੀ ਸੱਚੀ ਵਫ਼ਾਦਾਰੀ ਰੱਖਾਂਗਾ। ਇਸ ਲਈ ਰੱਬ ਮੇਰੀ ਮਦਦ ਕਰੇ। ਹੁਣ ਇਹ ਬਦਲ ਜਾਵੇਗਾ। ਹਾਊਸ ਆਫ ਕਾਮਨਜ਼ ਅਤੇ ਲਾਰਡਸ ਦੇ ਸੰਸਦ ਮੈਂਬਰ ਨਵੇਂ ਰਾਜਾ ਚਾਰਲਸ ਦੀ ਸਹੁੰ ਚੁੱਕਣਗੇ।ਇਸ ਤੋਂ ਇਲਾਵਾ ਜਿਹੜੇ ਯੂਕੇ ਦੇ ਨਾਗਰਿਕ ਬਣ ਗਏ ਹਨ ਉਹ "ਮਹਾਮਹਿਮ ਮਹਾਰਾਣੀ ਐਲਿਜ਼ਾਬੈਥ, ਉਸਦੇ ਵਾਰਸਾਂ ਅਤੇ ਉੱਤਰਾਧਿਕਾਰੀਆਂ ਪ੍ਰਤੀ ਸੱਚੀ ਵਫ਼ਾਦਾਰੀ" ਹੋਣ ਦੀ ਸਹੁੰ ਚੁੱਕਦੇ ਸਨ। ਉਹ ਵੀ ਬਦਲ ਜਾਣ ਦੀ ਸੰਭਾਵਨਾ ਹੈ। ਅਜਿਹਾ ਹੀ ਹਥਿਆਰਬੰਦ ਬਲਾਂ ਅਤੇ ਕੁਝ ਹੋਰ ਵਰਦੀਧਾਰੀ ਬਲਾਂ ਦੇ ਮੈਂਬਰਾਂ ਦੁਆਰਾ ਮਹਾਰਾਣੀ ਦੇ ਨਾਮ 'ਤੇ ਚੁੱਕੀ ਗਈ ਸਹੁੰ ਦੇ ਸਬੰਧ ਵਿਚ ਹੋਵੇਗਾ।
ਪੜ੍ਹੋ ਇਹ ਅਹਿਮ ਖ਼ਬਰ-ਇਸ ਤਰ੍ਹਾਂ ਦੀ ਸੀ ਮਹਾਰਾਣੀ ਐਲਿਜ਼ਾਬੈਥ II ਦੀ ਸ਼ਾਹੀ ਜ਼ਿੰਦਗੀ, ਜਾਣੋ ਕਿਸ ਨੂੰ ਮਿਲੇਗਾ 'ਕੋਹਿਨੂਰ ਹੀਰਾ'
ਪਾਸਪੋਰਟ 'ਚ ਵੀ ਦਿਸਣਗੇ ਬਦਲਾਅ
ਬ੍ਰਿਟਿਸ਼ ਪਾਸਪੋਰਟ ਮਹਾਰਾਣੀ ਦੇ ਨਾਂ 'ਤੇ ਜਾਰੀ ਕੀਤਾ ਜਾਂਦਾ ਹੈ। ਪਾਸਪੋਰਟ 'ਤੇ ਲਿਖਿਆ ਹੁੰਦਾ ਹੈ ਕਿ 'ਮਹਾਰਾਣੀ ਦੇ ਨਾਮ 'ਤੇ ਵਿਦੇਸ਼ ਸਕੱਤਰ ਇਸ ਪਾਸਪੋਰਟ ਧਾਰਕ ਨੂੰ ਬਿਨਾਂ ਕਿਸੇ ਰੁਕਾਵਟ ਦੇ ਜਾਣ ਦੀ ਇਜਾਜ਼ਤ ਦਿੰਦਾ ਹੈ ਅਤੇ ਲੋੜ ਪੈਣ 'ਤੇ ਉਸ ਨੂੰ ਮਦਦ ਅਤੇ ਸੁਰੱਖਿਆ ਦਿੰਦਾ ਹੈ। ਇਸ ਨੂੰ ਹੁਣ ਕਿੰਗਜ਼ ਵਰਜ਼ਨ ਵਜੋਂ ਲਿਖਿਆ ਜਾਵੇਗਾ।
ਸਟੈਂਪ ਤੋਂ ਹਟਾ ਦਿੱਤੀ ਜਾਵੇਗੀ ਮਹਾਰਾਣੀ ਦੀ ਤਸਵੀਰ
ਯੂਕੇ ਰਾਇਲ ਮੇਲ ਸਟੈਂਪ 'ਤੇ ਮਹਾਰਾਣੀ ਦਾ ਸਾਈਫਰ ਅਤੇ ਉਸਦੀ ਤਸਵੀਰ ਦੀ ਵਰਤੋਂ ਕੀਤੀ ਜਾਂਦੀ ਹੈ। EIIR ਅਤੇ ਕਿੰਗ ਐਡਵਰਡ ਦੇ ਤਾਜ ਵਾਲਾ ਇਹ ਸਾਈਫਰ ਵੀ ਬਦਲਿਆ ਜਾਵੇਗਾ। ਹੁਣ ਨਵਾਂ ਸਾਈਫਰ ਕਿੰਗ ਚਾਰਲਸ 'ਤੇ ਹੋਵੇਗਾ।
ਰਾਸ਼ਟਰਮੰਡਲ ਵਿੱਚ ਵੀ ਹੋ ਸਕਦੀਆਂ ਹਨ ਤਬਦੀਲੀਆਂ
ਮਹਾਰਾਣੀ ਐਲਿਜ਼ਾਬੈਥ ਰਾਸ਼ਟਰਮੰਡਲ ਦੀ ਮੁਖੀ ਸੀ, ਜਿਸ ਵਿੱਚ ਅਫਰੀਕਾ, ਏਸ਼ੀਆ, ਅਮਰੀਕਾ, ਯੂਰਪ ਅਤੇ ਪ੍ਰਸ਼ਾਂਤ ਵਿੱਚ ਫੈਲੇ 54 ਦੇਸ਼ ਸ਼ਾਮਲ ਸਨ। ਰਾਸ਼ਟਰਮੰਡਲ ਦੇ ਮੁਖੀ ਦਾ ਅਹੁਦਾ ਆਪਣੇ ਆਪ ਮਹਾਰਾਣੀ ਦੇ ਵਾਰਸ ਨੂੰ ਉਸਦੀ ਮੌਤ 'ਤੇ ਨਹੀਂ ਜਾਵੇਗਾ, ਪਰ ਸੰਭਾਵਤ ਤੌਰ 'ਤੇ ਰਾਸ਼ਟਰਮੰਡਲ ਸਰਕਾਰ ਦੇ ਮੁਖੀਆਂ ਦੁਆਰਾ ਸਮੂਹਿਕ ਤੌਰ 'ਤੇ ਚੁਣਿਆ ਜਾਵੇਗਾ। ਬਹੁਤ ਸਾਰੀਆਂ ਕੌਮਾਂ ਆਪਣੇ ਰਾਜ ਦੇ ਮੁਖੀ ਨਾਲ ਗਣਰਾਜ ਬਣਨ ਦੀ ਚੋਣ ਕਰ ਸਕਦੀਆਂ ਹਨ।
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਉੱਤਰੀ ਕੋਰੀਆ ਨੇ ਬਣਾਇਆ ਨਵਾਂ ਕਾਨੂੰਨ, ਪਰਮਾਣੂ ਹਥਿਆਰ ਪ੍ਰੋਗਰਾਮ ਨਾ ਛੱਡਣ ਦਾ ਲਿਆ ਸੰਕਲਪ
NEXT STORY 
