ਵਾਸ਼ਿੰਗਟਨ : ਅਮਰੀਕਾ ਵਿੱਚ ਤੇਲਗੂ ਬੋਲਣ ਵਾਲੇ ਲੋਕਾਂ ਦੀ ਆਬਾਦੀ ਤੇਜ਼ੀ ਨਾਲ ਵਧੀ ਹੈ। 2016 ਵਿੱਚ ਇੱਥੇ ਤੇਲਗੂ ਬੋਲਣ ਵਾਲਿਆਂ ਦੀ ਗਿਣਤੀ 3.2 ਲੱਖ ਸੀ। ਜੋ 2024 ਵਿੱਚ ਵੱਧ ਕੇ 12.3 ਲੱਖ ਹੋ ਗਈ ਹੈ। ਤੇਲਗੂ ਅਮਰੀਕਾ ਵਿੱਚ 11ਵੀਂ ਸਭ ਤੋਂ ਵੱਧ ਬੋਲੀ ਜਾਣ ਵਾਲੀ ਵਿਦੇਸ਼ੀ ਭਾਸ਼ਾ ਬਣ ਗਈ ਹੈ। ਇਹ ਹਿੰਦੀ ਅਤੇ ਗੁਜਰਾਤੀ ਤੋਂ ਬਾਅਦ ਅਮਰੀਕਾ ਵਿੱਚ ਤੀਜੀ ਸਭ ਤੋਂ ਵੱਧ ਬੋਲੀ ਜਾਣ ਵਾਲੀ ਭਾਰਤੀ ਭਾਸ਼ਾ ਹੈ।
ਇੱਥੇ ਤੇਲਗੂ ਭਾਸ਼ੀ ਭਾਈਚਾਰੇ ਦੀ ਆਬਾਦੀ ਵਧੀ ਹੈ। ਅਮਰੀਕੀ ਜਨਗਣਨਾ ਬਿਊਰੋ ਦੇ ਅੰਕੜਿਆਂ 'ਤੇ ਆਧਾਰਿਤ ਅੰਕੜਾ ਰਿਪੋਰਟ ਤੋਂ ਇਹ ਖੁਲਾਸਾ ਹੋਇਆ ਹੈ, ਜਿਸ ਵਿਚ ਕਿਹਾ ਗਿਆ ਹੈ ਕਿ ਚੌਥੀ ਪੀੜ੍ਹੀ ਦੇ ਪ੍ਰਵਾਸੀਆਂ ਅਤੇ ਨਵੇਂ ਆਏ ਵਿਦਿਆਰਥੀਆਂ ਵਿਚ ਤੇਲਗੂ ਭਾਸ਼ਾ ਬੋਲਣ ਵਿਚ ਵਾਧਾ ਹੋਇਆ ਹੈ। ਸਭ ਤੋਂ ਵੱਧ ਤੇਲਗੂ ਬੋਲਣ ਵਾਲੀ ਆਬਾਦੀ, ਲਗਭਗ 2 ਲੱਖ, ਕੈਲੀਫੋਰਨੀਆ ਵਿੱਚ ਰਹਿੰਦੀ ਹੈ। ਇਸ ਤੋਂ ਬਾਅਦ ਟੈਕਸਾਸ ਆਉਂਦਾ ਹੈ, ਜਿੱਥੇ 1.5 ਲੱਖ ਅਤੇ ਨਿਊਜਰਸੀ ਵਿੱਚ 1.1 ਲੱਖ ਤੇਲਗੂ ਬੋਲਣ ਵਾਲੇ ਹਨ।
ਇਲੀਨੋਇਸ ਵਿੱਚ 83,000 ਤੇਲਗੂ ਬੋਲਣ ਵਾਲੇ, ਜਾਰਜੀਆ ਵਿੱਚ 52,000 ਅਤੇ ਵਰਜੀਨੀਆ ਵਿੱਚ 78,000 ਲੋਕ ਰਹਿੰਦੇ ਹਨ। ਇਨ੍ਹਾਂ ਰਾਜਾਂ ਵਿੱਚ ਵੀ ਇਨ੍ਹਾਂ ਦੀ ਆਬਾਦੀ ਵਧੀ ਹੈ। ਤੇਲਗੂ ਕਮਿਊਨਿਟੀ ਐਸੋਸੀਏਸ਼ਨ ਵੀ ਇਨ੍ਹਾਂ ਅਨੁਮਾਨਾਂ ਨਾਲ ਸਹਿਮਤ ਹੈ। ਤੇਲਗੂ 350 ਭਾਸ਼ਾਵਾਂ ਵਿੱਚੋਂ 11ਵੀਂ ਸਭ ਤੋਂ ਵੱਧ ਬੋਲੀ ਜਾਣ ਵਾਲੀ ਵਿਦੇਸ਼ੀ ਭਾਸ਼ਾ ਹੈ, ਮੁੱਖ ਤੌਰ 'ਤੇ ਅਮਰੀਕਾ ਆਉਣ ਵਾਲੇ ਵਿਦਿਆਰਥੀਆਂ ਦੀ ਗਿਣਤੀ ਦੇ ਕਾਰਨ ਵਧੀ ਹੈ। ਇਕ ਰਿਪੋਰਟ ਮੁਤਾਬਕ ਹਰ ਸਾਲ ਲਗਭਗ 60-70,000 ਵਿਦਿਆਰਥੀ ਅਤੇ 10,000 H1B ਵੀਜ਼ਾ ਧਾਰਕ ਅਮਰੀਕਾ ਆਉਂਦੇ ਹਨ।
ਤੇਲਗੂ ਐਸੋਸੀਏਸ਼ਨ ਆਫ ਨਾਰਥ ਅਮਰੀਕਾ ਦੇ ਸਾਬਕਾ ਸਕੱਤਰ ਅਸ਼ੋਕ ਕੋਲਾ ਨੇ ਕਿਹਾ ਕਿ ਅਮਰੀਕਾ ਆਉਣ ਵਾਲੇ 80 ਫੀਸਦੀ ਨਵੇਂ ਲੋਕ ਉਨ੍ਹਾਂ ਦੀ ਸੰਸਥਾ ਨਾਲ ਰਜਿਸਟਰਡ ਹਨ। ਉਸ ਨੇ ਇਹ ਵੀ ਕਿਹਾ ਕਿ ਲਗਭਗ 75 ਪ੍ਰਤੀਸ਼ਤ ਲੋਕ ਅਮਰੀਕਾ ਵਿੱਚ ਡੱਲਾਸ, ਬੇ ਏਰੀਆ, ਉੱਤਰੀ ਕੈਰੋਲੀਨਾ, ਨਿਊ ਜਰਸੀ, ਅਟਲਾਂਟਾ, ਫਲੋਰੀਡਾ ਅਤੇ ਨੈਸ਼ਵਿਲ ਵਰਗੀਆਂ ਥਾਵਾਂ 'ਤੇ ਵਸਦੇ ਹਨ।
ਪੁਰਾਣੀ ਪੀੜ੍ਹੀ ਦੇ ਜ਼ਿਆਦਾਤਰ ਲੋਕ ਕਾਰੋਬਾਰੀ ਹਨ, ਜਦਕਿ 80 ਫੀਸਦੀ ਨੌਜਵਾਨ ਆਈ.ਟੀ. ਅਤੇ ਫਾਈਨਾਂਸ ਵਿੱਚ ਹਨ। 2024 ਦੀ ਇੰਡੀਅਨ ਮੋਬਿਲਿਟੀ ਰਿਪੋਰਟ ਦੇ ਅਨੁਸਾਰ, ਤੇਲੰਗਾਨਾ ਅਤੇ ਆਂਧਰਾ ਪ੍ਰਦੇਸ਼ ਦੇ ਵਿਦਿਆਰਥੀ ਅਮਰੀਕਾ ਵਿੱਚ ਭਾਰਤੀ ਵਿਦਿਆਰਥੀਆਂ ਦਾ ਸਭ ਤੋਂ ਵੱਡਾ ਭਾਈਚਾਰਾ ਬਣਦੇ ਹਨ। ਉਹ ਪੂਰੀ ਵਿਦਿਆਰਥੀ ਆਬਾਦੀ ਦਾ 12.5 ਪ੍ਰਤੀਸ਼ਤ ਬਣਦੇ ਹਨ। ਇੱਕ ਰਿਪੋਰਟ ਅਨੁਸਾਰ, ਕੈਂਟ ਸਟੇਟ ਯੂਨੀਵਰਸਿਟੀ ਵਿੱਚ, ਵਿਦਿਆਰਥੀਆਂ ਦੇ ਨਵੇਂ ਬੈਚਾਂ ਨੂੰ ਤੇਲਗੂ ਵਿੱਚ ਲਿਖੇ 'ਵੈਲਕਮ ਸਟੂਡੈਂਟਸ' ਦੇ ਨਾਲ ਸਵਾਗਤੀ ਕਿਤਾਬਚੇ ਸੌਂਪੇ ਗਏ ਹਨ।
ਟਰੰਪ ਨਾਲ ਬਹਿਸ 'ਚ ਖ਼ਰਾਬ ਪ੍ਰਦਰਸ਼ਨ ਤੋਂ ਬਾਅਦ ਬਾਈਡੇਨ ਦੇ ਰਾਸ਼ਟਰਪਤੀ ਚੋਣ ਦੀ ਦੌੜ ਤੋਂ ਹਟਣ ਦੀ ਮੰਗ ਵਧੀ
NEXT STORY 
