ਬ੍ਰਸੇਲਸ (ਬਿਊਰੋ) ਕਿਸੇ ਨੇ ਸੱਚ ਹੀ ਕਿਹਾ ਹੈ ਰੱਬ ਜਦੋਂ ਦਿੰਦਾ ਹੈ ਤਾਂ ਛੱਪੜ ਫਾੜ ਕੇ ਦਿੰਦਾ ਹੈ।ਇਸੇ ਤਰ੍ਹਾਂ ਇੱਕ ਪਿੰਡ ਵਿਚ ਰਹਿਣ ਵਾਲੇ 165 ਲੋਕਾਂ ਦੀ ਕਿਸਮਤ ਰਾਤੋ ਰਾਤ ਚਮਕ ਪਈ। ਇਹ ਸਾਰੇ ਲੋਕ ਮਿਲ ਕੇ ਕਰੋੜਪਤੀ ਬਣ ਗਏ। ਉਨ੍ਹਾਂ ਨੇ ਸਮੂਹਿਕ ਤੌਰ 'ਤੇ ਲਾਟਰੀ ਵਿੱਚ 1200 ਕਰੋੜ ਰੁਪਏ ਤੋਂ ਵੱਧ ਦੀ ਰਕਮ ਜਿੱਤੀ। ਇਸ ਤਰ੍ਹਾਂ ਹਰ ਵਿਅਕਤੀ ਦੇ ਖਾਤੇ 'ਚ ਕਰੀਬ 7 ਕਰੋੜ 50 ਲੱਖ ਰੁਪਏ ਆਏ। ਇੰਨੀ ਵੱਡੀ ਰਕਮ ਜਿੱਤਣ ਤੋਂ ਬਾਅਦ ਬੈਲਜੀਅਮ ਦੇ ਐਂਟਵਰਪ ਸੂਬੇ 'ਚ ਸਥਿਤ ਇਸ ਓਲਮੇਨ ਪਿੰਡ 'ਚ ਖੁਸ਼ੀ ਦਾ ਮਾਹੌਲ ਹੈ।
ਡੇਲੀ ਮੇਲ ਮੁਤਾਬਕ ਓਲਮੇਨ ਪਿੰਡ ਦੇ 165 ਲੋਕਾਂ ਨੇ ਮਿਲ ਕੇ ਯੂਰੋਮਿਲੀਅਨ ਲਾਟਰੀ ਦੀਆਂ ਟਿਕਟਾਂ ਖਰੀਦੀਆਂ ਸਨ। ਇਸ ਦੇ ਲਈ ਹਰੇਕ ਵਿਅਕਤੀ ਨੇ 1,308 ਰੁਪਏ ਦਿੱਤੇ ਸਨ। ਬੀਤੇ ਮੰਗਲਵਾਰ ਨੂੰ ਲੱਕੀ ਡਰਾਅ ਕੱਢਿਆ ਗਿਆ, ਜਿਸ ਵਿਚ ਉਸ ਦਾ ਲਾਟਰੀ ਨੰਬਰ ਲਿਆ ਗਿਆ। ਹੁਣ ਉਹਨਾਂ ਨੂੰ ਇਨਾਮ ਵਜੋਂ 123 ਮਿਲੀਅਨ ਪੌਂਡ ਮਿਲਣਗੇ। ਭਾਰਤੀ ਮੁਦਰਾ ਵਿੱਚ ਇਹ ਰਕਮ 1200 ਕਰੋੜ ਰੁਪਏ ਤੋਂ ਵੱਧ ਹੈ।
ਪੜ੍ਹੋ ਇਹ ਅਹਿਮ ਖ਼ਬਰ-ਯੂਕ੍ਰੇਨ ਲਈ ਪ੍ਰਾਰਥਨਾ ਕਰਦੇ ਹੋਏ ਭਾਵੁਕ ਹੋਏ ਪੋਪ ਫ੍ਰਾਂਸਿਸ, ਯੁੱਧ ਨੂੰ ਦੱਸਿਆ ਇਨਸਾਨੀਅਤ ਦੀ ਹਾਰ
ਜੇਤੂਆਂ ਨੇ ਇਸ ਨੂੰ 'ਬੈਸਟ ਕ੍ਰਿਸਮਸ ਗਿਫਟ' ਦੱਸਿਆ
ਜੇਕਰ ਇਹ ਰਕਮ 165 ਲੋਕਾਂ ਵਿੱਚ ਵੰਡ ਦਿੱਤੀ ਜਾਵੇ ਤਾਂ ਹਰ ਵਿਅਕਤੀ ਦੇ ਖਾਤੇ ਵਿੱਚ ਕਰੀਬ ਸਾਢੇ ਸੱਤ ਕਰੋੜ ਰੁਪਏ ਆ ਜਾਣਗੇ। ਉਂਝ ਵੀ ਲਾਟਰੀ ਖਰੀਦਣ ਤੋਂ ਪਹਿਲਾਂ ਹੀ ਪਿੰਡ ਵਾਸੀਆਂ ਨੇ ਫ਼ੈਸਲਾ ਕਰ ਲਿਆ ਸੀ ਕਿ ਇਨਾਮੀ ਰਾਸ਼ੀ ਸਾਰਿਆਂ ਵਿੱਚ ਬਰਾਬਰ ਵੰਡੀ ਜਾਵੇਗੀ। ਕੁਝ ਲਾਟਰੀ ਜੇਤੂਆਂ ਨੇ ਇਸ ਨੂੰ 'ਬੈਸਟ ਕ੍ਰਿਸਮਸ ਗਿਫਟ' ਦੱਸਿਆ ਹੈ।
ਨੈਸ਼ਨਲ ਲਾਟਰੀ ਦੇ ਬੁਲਾਰੇ ਜੌਕ ਵਰਮੋਰ ਨੇ ਕਿਹਾ ਕਿ ਗਰੁੱਪ ਵਿੱਚ ਇਸ ਤਰ੍ਹਾਂ ਇਨਾਮ ਜਿੱਤਣਾ ਕੋਈ ਨਵੀਂ ਗੱਲ ਨਹੀਂ ਹੈ। ਹਾਲਾਂਕਿ, 165 ਲੋਕਾਂ ਦਾ ਇਹ ਸਮੂਹ ਹੁਣ ਤੱਕ ਦਾ ਸਭ ਤੋਂ ਵੱਡਾ ਲਾਟਰੀ ਜੇਤੂ ਹੈ। ਉਸ ਨੇ ਅੱਗੇ ਦੱਸਿਆ ਕਿ ਸਾਨੂੰ 5 ਤੋਂ 6 ਵਾਰ ਲਾਟਰੀ ਜਿੱਤਣ ਦੀ ਗੱਲ ਦੁਹਰਾਉਣੀ ਪਈ ਕਿਉਂਕਿ ਲੋਕ ਵਿਸ਼ਵਾਸ ਨਹੀਂ ਕਰ ਪਾ ਰਹੇ ਸਨ ਕਿ ਉਨ੍ਹਾਂ ਨੇ ਇੰਨੀ ਵੱਡੀ ਰਕਮ ਜਿੱਤੀ ਹੈ। ਫਿਲਹਾਲ ਜੇਤੂਆਂ ਦੀ ਪਛਾਣ ਦਾ ਖੁਲਾਸਾ ਨਹੀਂ ਕੀਤਾ ਗਿਆ ਹੈ।ਮਹੱਤਵਪੂਰਨ ਤੌਰ 'ਤੇ ਇਹ ਹੁਣ ਤੱਕ ਦਾ ਸਭ ਤੋਂ ਵੱਡਾ ਯੂਰੋਮਿਲੀਅਨ ਜੈਕਪਾਟ ਨਹੀਂ ਹੈ। ਬ੍ਰਿਟੇਨ ਦੇ ਇੱਕ ਵਿਅਕਤੀ ਨੇ ਇਸ ਸਾਲ ਜੁਲਾਈ ਵਿੱਚ 195 ਮਿਲੀਅਨ ਪੌਂਡ (19000 ਕਰੋੜ) ਦਾ ਇਨਾਮ ਜਿੱਤਿਆ ਸੀ।
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਸਾਰਕ 'ਚ ਨਵੀਂ ਜਾਨ ਫੁੱਕਣ ਲਈ ਭੂਮਿਕਾ ਨਿਭਾਉਣ ਨੂੰ ਤਿਆਰ ਹੈ ਪਾਕਿ : ਸ਼ਾਹਬਾਜ਼ ਸ਼ਰੀਫ
NEXT STORY 
