ਵਾਸ਼ਿੰਗਟਨ : ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਵੈਟੀਕਨ ਦੇ ਪੋਪ ਲੀਓ 'ਤੇ ਤਿੱਖਾ ਹਮਲਾ ਕਰਦਿਆਂ ਉਨ੍ਹਾਂ ਨੂੰ ਅਪਰਾਧ ਅਤੇ ਵਿਦੇਸ਼ ਨੀਤੀ ਦੇ ਮਾਮਲੇ ਵਿੱਚ "ਬੇਹੱਦ ਕਮਜ਼ੋਰ" ਕਰਾਰ ਦਿੱਤਾ ਹੈ। ਟਰੰਪ ਨੇ ਇੱਕ ਬਿਆਨ ਜਾਰੀ ਕਰਦਿਆਂ ਕਿਹਾ ਕਿ ਪੋਪ ਲੀਓ ਪ੍ਰਸ਼ਾਸਨ ਦੇ ਕਥਿਤ "ਡਰ" ਦੀ ਗੱਲ ਤਾਂ ਕਰਦੇ ਹਨ, ਪਰ ਉਹ ਉਸ ਸਮੇਂ ਨੂੰ ਭੁੱਲ ਗਏ ਹਨ ਜਦੋਂ ਕੋਵਿਡ ਦੌਰਾਨ ਚਰਚ ਦੀਆਂ ਸੇਵਾਵਾਂ ਲਈ ਪਾਦਰੀਆਂ ਅਤੇ ਹੋਰਨਾਂ ਨੂੰ ਗ੍ਰਿਫਤਾਰ ਕੀਤਾ ਜਾ ਰਿਹਾ ਸੀ।
ਆਪਣੇ ਭਰਾ ਵਾਂਗ 'ਮਾਗਾ' (MAGA) ਸਮਰਥਕ ਬਣਨ ਪੋਪ
ਟਰੰਪ ਟਰੰਪ ਨੇ ਪੋਪ ਲੀਓ ਦੀ ਤੁਲਨਾ ਉਨ੍ਹਾਂ ਦੇ ਭਰਾ ਲੂਈਸ ਨਾਲ ਕਰਦਿਆਂ ਕਿਹਾ ਕਿ ਉਹ ਲੂਈਸ ਨੂੰ ਜ਼ਿਆਦਾ ਪਸੰਦ ਕਰਦੇ ਹਨ ਕਿਉਂਕਿ ਉਹ ਪੂਰੀ ਤਰ੍ਹਾਂ 'ਮਾਗਾ' (MAGA) ਵਿਚਾਰਧਾਰਾ ਦੇ ਸਮਰਥਕ ਹਨ। ਉਨ੍ਹਾਂ ਇਲਜ਼ਾਮ ਲਾਇਆ ਕਿ ਪੋਪ ਲੀਓ ਅਸਲੀਅਤ ਨੂੰ ਨਹੀਂ ਸਮਝ ਰਹੇ।
ਇਹ ਵੀ ਪੜ੍ਹੋ : ਟਰੰਪ ਦੀ ਧਮਕੀ ਤੋਂ ਡਰਿਆ ਪਾਕਿਸਤਾਨ! ਹੋਰਮੁਜ਼ ਜਾ ਰਹੇ ਤੇਲ ਟੈਂਕਰ ਰਸਤੇ ਤੋਂ ਹੀ ਵਾਪਸ ਮੁੜੇ
ਪਰਮਾਣੂ ਹਥਿਆਰਾਂ ਅਤੇ ਵੈਨੇਜ਼ੁਏਲਾ ਦੇ ਮੁੱਦੇ 'ਤੇ ਘੇਰਿਆ
ਰਾਸ਼ਟਰਪਤੀ ਟਰੰਪ ਨੇ ਸਖ਼ਤ ਸ਼ਬਦਾਂ ਵਿੱਚ ਕਿਹਾ ਕਿ ਉਹ ਅਜਿਹਾ ਪੋਪ ਨਹੀਂ ਚਾਹੁੰਦੇ ਜੋ ਈਰਾਨ ਕੋਲ ਪਰਮਾਣੂ ਹਥਿਆਰ ਹੋਣ ਨੂੰ ਸਹੀ ਮੰਨੇ ਜਾਂ ਵੈਨੇਜ਼ੁਏਲਾ 'ਤੇ ਅਮਰੀਕੀ ਹਮਲੇ ਦੀ ਨਿੰਦਾ ਕਰੇ। ਉਨ੍ਹਾਂ ਦਾਅਵਾ ਕੀਤਾ ਕਿ ਵੈਨੇਜ਼ੁਏਲਾ ਅਮਰੀਕਾ ਵਿੱਚ ਭਾਰੀ ਮਾਤਰਾ ਵਿੱਚ ਨਸ਼ੇ ਭੇਜ ਰਿਹਾ ਹੈ ਅਤੇ ਆਪਣੀਆਂ ਜੇਲ੍ਹਾਂ ਵਿੱਚੋਂ ਕਾਤਲਾਂ ਅਤੇ ਅਪਰਾਧੀਆਂ ਨੂੰ ਅਮਰੀਕਾ ਵਿੱਚ ਛੱਡ ਰਿਹਾ ਹੈ।
'ਮੇਰੇ ਕਾਰਨ ਵੈਟੀਕਨ 'ਚ ਬੈਠੇ ਹਨ ਪੋਪ'
ਟਰੰਪ ਨੇ ਇੱਕ ਹੈਰਾਨੀਜਨਕ ਦਾਅਵਾ ਕਰਦਿਆਂ ਕਿਹਾ ਕਿ ਚਰਚ ਨੇ ਲੀਓ ਨੂੰ ਸਿਰਫ਼ ਇਸ ਲਈ ਪੋਪ ਚੁਣਿਆ ਸੀ ਕਿਉਂਕਿ ਉਹ ਅਮਰੀਕੀ ਹਨ ਅਤੇ ਚਰਚ ਨੂੰ ਲੱਗਦਾ ਸੀ ਕਿ ਉਹ ਟਰੰਪ ਨਾਲ ਬਿਹਤਰ ਤਰੀਕੇ ਨਾਲ ਨਜਿੱਠ ਸਕਣਗੇ। ਉਨ੍ਹਾਂ ਕਿਹਾ, "ਜੇਕਰ ਮੈਂ ਵ੍ਹਾਈਟ ਹਾਊਸ ਵਿੱਚ ਨਾ ਹੁੰਦਾ, ਤਾਂ ਲੀਓ ਵੈਟੀਕਨ ਵਿੱਚ ਨਾ ਹੁੰਦੇ"।
ਇਹ ਵੀ ਪੜ੍ਹੋ : ਤੇਜ਼ ਰਫ਼ਤਾਰ ਦਾ ਕਹਿਰ! ਫਲਾਈਓਵਰ ਤੋਂ 150 ਫੁੱਟ ਹੇਠਾਂ ਡਿੱਗੀ ਕਾਰ, 3 ਦੋਸਤਾਂ ਦੀ ਦਰਦਨਾਕ ਮੌਤ
ਖੱਬੇਪੱਖੀਆਂ ਨਾਲ ਨੇੜਤਾ 'ਤੇ ਚੁੱਕੇ ਸਵਾਲ
ਟਰੰਪ ਨੇ ਪੋਪ ਦੀ ਡੇਵਿਡ ਐਕਸਲਰੋਡ ਵਰਗੇ "ਖੱਬੇਪੱਖੀ ਹਾਰਿਆਂ" ਨਾਲ ਮੁਲਾਕਾਤ 'ਤੇ ਵੀ ਇਤਰਾਜ਼ ਜਤਾਇਆ। ਉਨ੍ਹਾਂ ਪੋਪ ਨੂੰ ਨਸੀਹਤ ਦਿੱਤੀ ਕਿ ਉਹ ਰਾਜਨੀਤੀ ਕਰਨੀ ਬੰਦ ਕਰਨ ਅਤੇ ਇੱਕ ਮਹਾਨ ਪੋਪ ਬਣਨ 'ਤੇ ਧਿਆਨ ਦੇਣ, ਕਿਉਂਕਿ ਉਨ੍ਹਾਂ ਦੀਆਂ ਮੌਜੂਦਾ ਗਤੀਵਿਧੀਆਂ ਕੈਥੋਲਿਕ ਚਰਚ ਨੂੰ ਨੁਕਸਾਨ ਪਹੁੰਚਾ ਰਹੀਆਂ ਹਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
OMG! ਗਲਤੀ ਨਾਲ ਭਰੇ ਬਾਜ਼ਾਰ 'ਤੇ ਕਰ'ਤੀ ਏਅਰਸਟ੍ਰਾਈਕ, 200 ਨਾਈਜੀਰੀਆਈ ਲੋਕਾਂ ਦੀ ਮੌਤ ਦਾ ਖਦਸ਼ਾ
NEXT STORY 
