ਇੰਟਰਨੈਸ਼ਨਲ ਡੈਸਕ- ਭਾਰਤ ਅਤੇ ਪਾਕਿਸਤਾਨ ਵਿਚਾਲੇ ਜਾਰੀ ਤਣਾਅ ਦੌਰਾਨ ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੀ ਕਰੀਬੀ ਮੰਨੀ ਜਾਣ ਵਾਲੀ ਲੌਰਾ ਲੂਮਰ ਨੇ ਭਾਰਤ ਦੇ ਸਮਰਥਨ ਵਿਚ ਇਕ ਟਵੀਟ ਕੀਤਾ ਹੈ। ਇਹ ਟਵੀਟ ਕੁਝ ਹੀ ਮਿੰਟਾਂ ਵਿਚ ਵਾਇਰਲ ਹੋ ਗਿਆ। ਲੌਰਾ ਲੂਮਰ ਇੱਕ ਪ੍ਰਸਿੱਧ ਅਮਰੀਕੀ ਸੱਜੇ-ਪੱਖੀ ਕਾਰਕੁਨ ਹੈ। ਜਿਵੇਂ ਹੀ ਭਾਰਤ ਵੱਲੋਂ 'ਆਪ੍ਰੇਸ਼ਨ ਸਿੰਦੂਰ' ਸ਼ੁਰੂ ਕਰਨ ਦੀ ਖ਼ਬਰ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਈ, ਲੌਰਾ ਲੂਮਰ ਨੇ ਟਵਿੱਟਰ 'ਤੇ ਲਿਖਿਆ,“India is going to win”।
ਟਵੀਟ ਹੋਇਆ ਵਾਇਰਲ
ਲੌਰਾ ਲੂਮਰ ਦੇ ਇਸ ਟਵੀਟ ਨੂੰ ਹੁਣ ਤੱਕ 31,000 ਤੋਂ ਵੱਧ ਲਾਈਕਸ, 3,500 ਤੋਂ ਵੱਧ ਰੀਟਵੀਟ ਅਤੇ 1.5 ਮਿਲੀਅਨ ਤੋਂ ਵੱਧ ਵਿਊਜ਼ ਮਿਲ ਚੁੱਕੇ ਹਨ। ਇਹ ਟਵੀਟ ਭਾਰਤ ਵਿੱਚ ਸੋਸ਼ਲ ਮੀਡੀਆ 'ਤੇ ਵੀ ਚਰਚਾ ਦਾ ਵਿਸ਼ਾ ਬਣ ਗਿਆ ਹੈ, ਜਿੱਥੇ ਲੋਕ ਇਸਨੂੰ ਭਾਰਤ ਲਈ 'ਗੁੱਡ ਲੱਕ' ਦੇ ਸੰਦੇਸ਼ ਵਜੋਂ ਦੇਖ ਰਹੇ ਹਨ।
ਜਾਣੋ ਲੌਰਾ ਲੂਮਰ ਬਾਰੇ
ਲੌਰਾ ਲੂਮਰ ਅਮਰੀਕਾ ਦੀ ਇੱਕ ਵਿਵਾਦਿਤ ਪਰ ਮਸ਼ਹੂਰ ਸੋਸ਼ਲ ਮੀਡੀਆ ਕਾਰਕੁਨ ਹੈ। ਉਹ ਆਪਣੇ ਆਪ ਨੂੰ "ਗੋਰੇ-ਪੱਖੀ ਰਾਸ਼ਟਰਵਾਦੀ" ਦੱਸਦੀ ਹੈ ਅਤੇ ਅਕਸਰ ਆਪਣੇ ਕੱਟੜਪੰਥੀ ਵਿਚਾਰਾਂ ਅਤੇ ਵਿਵਾਦਪੂਰਨ ਬਿਆਨਾਂ ਲਈ ਸੁਰਖੀਆਂ ਵਿੱਚ ਰਹਿੰਦੀ ਹੈ। ਲੌਰਾ ਅਮਰੀਕੀ ਰਾਜਨੀਤੀ ਵਿੱਚ 'MAGA' (ਮੇਕ ਅਮਰੀਕਾ ਗ੍ਰੇਟ ਅਗੇਨ) ਅੰਦੋਲਨ ਦੀ ਸਮਰਥਕ ਹੈ ਅਤੇ ਉਸਨੂੰ ਕਈ ਵਾਰ ਡੋਨਾਲਡ ਟਰੰਪ ਦੇ ਚੋਣ ਪ੍ਰਚਾਰ ਵਿੱਚ ਦੇਖਿਆ ਜਾ ਚੁੱਕਾ ਹੈ। ਲੌਰਾ ਟਰੰਪ ਦੀ ਸਮਰਥਕ ਹੈ।
ਪੜ੍ਹੋ ਇਹ ਅਹਿਮ ਖ਼ਬਰ-ਭਾਰਤ-ਪਾਕਿਸਤਾਨ ਤਣਾਅ : ਹਵਾਈ ਸਫਰ ਕਰਨ ਵਾਲਿਆਂ ਲਈ ਐਡਵਾਇਜ਼ਰੀ ਜਾਰੀ
ਲੌਰਾ ਲੂਮਰ ਨੇ 2020 ਵਿੱਚ ਫਲੋਰੀਡਾ ਦੇ 21ਵੇਂ ਜ਼ਿਲ੍ਹੇ ਤੋਂ ਕਾਂਗਰਸ ਦੀ ਚੋਣ ਲੜੀ ਸੀ, ਪਰ ਡੈਮੋਕਰੇਟ ਲੋਇਸ ਫ੍ਰੈਂਕਲ ਤੋਂ ਹਾਰ ਗਈ। ਉਸਨੇ 2022 ਵਿੱਚ ਦੁਬਾਰਾ ਚੋਣ ਲੜੀ, ਪਰ ਇਸ ਵਾਰ ਰਿਪਬਲਿਕਨ ਪ੍ਰਾਇਮਰੀ ਵਿੱਚ ਡੈਨੀਅਲ ਵੈਬਸਟਰ ਤੋਂ ਹਾਰ ਗਈ। ਹਾਲਾਂਕਿ ਚੋਣ ਹਾਰ ਦੇ ਬਾਵਜੂਦ ਉਹ ਸੋਸ਼ਲ ਮੀਡੀਆ 'ਤੇ ਬਹੁਤ ਸਰਗਰਮ ਹੈ ਅਤੇ ਉਸਦੇ 1.6 ਮਿਲੀਅਨ ਤੋਂ ਵੱਧ ਫਾਲੋਅਰਜ਼ ਹਨ।
ਲੌਰਾ ਲੂਮਰ 'ਅਮਰੀਕਾ ਫਸਟ' ਨੀਤੀ ਦੀ ਸਖ਼ਤ ਸਮਰਥਕ ਹੈ ਅਤੇ ਵਿਦੇਸ਼ੀ ਨਾਗਰਿਕਾਂ ਨੂੰ ਵੀਜ਼ਾ ਦੇਣ ਵਿਰੁੱਧ ਬਿਆਨ ਦਿੰਦੀ ਰਹੀ ਹੈ। ਹਾਲ ਹੀ ਵਿੱਚ ਉਸਨੇ ਟਵੀਟ ਕੀਤਾ ਸੀ ਕਿ "ਟਰੰਪ ਨੂੰ ਸਾਰੇ ਚੀਨੀ ਵਿਦਿਆਰਥੀਆਂ ਦੇ ਵੀਜ਼ੇ ਰੱਦ ਕਰਨੇ ਚਾਹੀਦੇ ਹਨ।" ਇਹ ਬਿਆਨ ਅਮਰੀਕਾ ਅਤੇ ਚੀਨ ਵਿਚਕਾਰ ਚੱਲ ਰਹੇ ਵਪਾਰ ਯੁੱਧ ਦੇ ਸਮੇਂ ਆਇਆ ਹੈ, ਜਿਸ ਤੋਂ ਉਨ੍ਹਾਂ ਦੀ ਸੋਚ ਅਤੇ ਨੀਤੀ ਸਪੱਸ਼ਟ ਹੁੰਦੀ ਹੈ। ਭਾਰਤ ਲਈ ਲੌਰਾ ਦਾ ਇਹ ਸਮਰਥਨ ਇਸ ਲਈ ਵੀ ਖਾਸ ਹੈ ਕਿਉਂਕਿ ਉਹ ਆਮ ਤੌਰ 'ਤੇ ਅਮਰੀਕੀ ਘਰੇਲੂ ਰਾਜਨੀਤੀ ਤੱਕ ਸੀਮਤ ਰਹਿੰਦੀ ਹੈ। ਭਾਰਤ ਲਈ ਉਨ੍ਹਾਂ ਦਾ ਸਮਰਥਨ ਦਰਸਾਉਂਦਾ ਹੈ ਕਿ ਆਪ੍ਰੇਸ਼ਨ ਸਿੰਦੂਰ ਅੰਤਰਰਾਸ਼ਟਰੀ ਪੱਧਰ 'ਤੇ ਵੀ ਦਿਲਚਸਪੀ ਅਤੇ ਸਮਰਥਨ ਪ੍ਰਾਪਤ ਕਰ ਰਿਹਾ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਆਪਣੀ ਰਾਏ।
ਭਾਰਤ ਦੀ ਜਵਾਬੀ ਕਾਰਵਾਈ ਨੇ ਕਰਾ'ਤੀ ਬੱਸ ! ਹੁਣ 'ਭੀਖ਼' ਮੰਗਣ 'ਤੇ ਉਤਰ ਆਇਆ ਪਾਕਿਸਤਾਨ
NEXT STORY 
