ਵਾਸ਼ਿੰਗਟਨ (ਏਜੰਸੀ)- ਵ੍ਹਾਈਟ ਹਾਊਸ ਵਿਖੇ ਸ਼ੁੱਕਰਵਾਰ ਨੂੰ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਅਤੇ ਯੂਕ੍ਰੇਨ ਦੇ ਰਾਸ਼ਟਰਪਤੀ ਵੋਲੋਦੀਮੀਰ ਜ਼ੇਲੇਂਸਕੀ ਵਿਚਕਾਰ ਹੋਈ ਬਹਿਸ ਕਾਰਨ ਖਣਿਜ ਸਮਝੌਤੇ 'ਤੇ ਦਸਤਖਤ ਕਰਨ ਦੀ ਯੋਜਨਾ ਰੱਦ ਕਰ ਦਿੱਤੀ ਗਈ। ਇਹ ਧਿਆਨ ਦੇਣ ਯੋਗ ਹੈ ਕਿ ਦੋਵਾਂ ਨੇਤਾਵਾਂ ਵਿਚਕਾਰ ਦੁਵੱਲੀ ਮੁਲਾਕਾਤ ਤੋਂ ਪਹਿਲਾਂ, ਅਮਰੀਕੀ ਉਪ ਰਾਸ਼ਟਰਪਤੀ ਜੇ.ਡੀ. ਵੈਂਸ ਦੇ ਉਨ੍ਹਾਂ (ਜ਼ੇਲੇਂਸਕੀ) ਨੂੰ ਟਰੰਪ ਦਾ ਧੰਨਵਾਦ ਕਰਨ ਲਈ ਕਹਿਣ 'ਤੇ ਬਹਿਸ ਸ਼ੁਰੂ ਹੋ ਗਈ ਸੀ। ਟਰੰਪ ਨੇ ਕਿਹਾ, "ਜ਼ੇਲੇਂਸਕੀ ਲੱਖਾਂ ਲੋਕਾਂ ਦੀਆਂ ਜ਼ਿੰਦਗੀਆਂ ਨਾਲ ਖੇਡ ਰਹੇ ਹਨ ਅਤੇ ਤੁਸੀਂ ਜੋ ਕਰ ਰਹੇ ਹੋ ਉਹ ਇਸ ਦੇਸ਼ ਲਈ ਬਹੁਤ ਵੱਡੀ ਅਪਮਾਨਜਨਕ ਹੈ!"
ਇਹ ਵੀ ਪੜ੍ਹੋ: ਟਰੰਪ ਨਾਲ ਬਹਿਸ ਮਗਰੋਂ ਜ਼ੇਲੇਂਸਕੀ ਨੇ ਪਾਈ ਪੋਸਟ, ਕਿਹਾ- 'Thank you American President'
ਟਰੰਪ ਨੇ ਟਰੂਥ ਸੋਸ਼ਲ 'ਤੇ ਇੱਕ ਪੋਸਟ ਵਿੱਚ ਕਿਹਾ, "ਮੈਨੂੰ ਲੱਗਦਾ ਹੈ ਕਿ ਜੇਕਰ ਅਮਰੀਕਾ ਇਸ ਵਿੱਚ ਸ਼ਾਮਲ ਹੁੰਦਾ ਹੈ ਤਾਂ ਰਾਸ਼ਟਰਪਤੀ ਜ਼ੇਲੇਂਸਕੀ ਸ਼ਾਂਤੀ ਲਈ ਤਿਆਰ ਨਹੀਂ ਹਨ, ਕਿਉਂਕਿ ਉਹ ਸੋਚਦੇ ਹਨ ਕਿ ਗੱਲਬਾਤ ਵਿੱਚ ਸਾਡੀ ਭਾਗੀਦਾਰੀ ਨਾਲ ਅਮਰੀਕਾ ਨੂੰ ਬਹੁਤ ਵੱਡਾ ਫਾਇਦਾ ਹੋਵੇਗਾ। ਮੈਨੂੰ ਮੁਨਾਫ਼ਾ ਨਹੀਂ ਚਾਹੀਦਾ, ਮੈਨੂੰ ਸ਼ਾਂਤੀ ਚਾਹੀਦੀ ਹੈ। ਉਨ੍ਹਾਂ (ਜ਼ੇਲੇਂਸਕੀ) ਨੇ ਰਾਸ਼ਟਰਪਤੀ ਦੇ ਦਫ਼ਤਰ ਵਿੱਚ ਅਮਰੀਕਾ ਦਾ ਅਪਮਾਨ ਕੀਤਾ।" ਉਨ੍ਹਾਂ ਕਿਹਾ ਕਿ ਉਹ (ਜ਼ੇਲੇਂਸਕੀ) ਤਾਂ ਹੀ ਗੱਲਬਾਤ ਲਈ ਅਮਰੀਕਾ ਵਾਪਸ ਆ ਸਕਦੇ ਹਨ ਜੇਕਰ ਉਹ ਸ਼ਾਂਤੀ ਲਈ ਤਿਆਰ ਹੋਣ। ਉਥੇ ਹੀ ਜ਼ੇਲੇਂਸਕੀ ਨੇ 'X' 'ਤੇ ਲਿਖਿਆ, "ਧੰਨਵਾਦ ਅਮਰੀਕਾ... ਤੁਹਾਡੇ ਸਮਰਥਨ ਲਈ ਧੰਨਵਾਦ, ਇਸ ਫੇਰੀ ਲਈ ਧੰਨਵਾਦ! ਰਾਸ਼ਟਰਪਤੀ ਟਰੰਪ, ਕਾਂਗਰਸ, ਅਤੇ ਅਮਰੀਕੀ ਲੋਕਾਂ ਦਾ ਵੀ ਧੰਨਵਾਦ! ਯੂਕ੍ਰੇਨ ਨੂੰ ਇੱਕ ਨਿਆਂਪੂਰਨ ਅਤੇ ਸਥਾਈ ਸ਼ਾਂਤੀ ਦੀ ਲੋੜ ਹੈ, ਅਤੇ ਅਸੀਂ ਬਿਲਕੁਲ ਇਸੇ ਵੱਲ ਕੰਮ ਕਰ ਰਹੇ ਹਾਂ।"
ਇਹ ਵੀ ਪੜ੍ਹੋ: 18ਵੇਂ ਜਨਮਦਿਨ ਤੋਂ ਇਕ ਦਿਨ ਪਹਿਲਾਂ ਮਾਂ ਨੇ ਹੱਥੀਂ ਮਾਰਿਆ ਜਵਾਨ ਪੁੱਤ, ਕਿਹਾ- ਇਹੀ ਉਸ ਦਾ Birthday Gift
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਟਰੰਪ ਨਾਲ ਬਹਿਸ ਮਗਰੋਂ ਜ਼ੇਲੇਂਸਕੀ ਨੇ ਪਾਈ ਪੋਸਟ, ਕਿਹਾ- 'Thank you American President'
NEXT STORY 
