ਵਾਸ਼ਿੰਗਟਨ— ਈਰਾਨ ਦੇ ਸਰਕਾਰੀ ਮੀਡੀਆ ਸੰਗਠਨਾਂ 'ਤੇ ਰੋਕ ਲਗਾਉਣ ਲਈ ਇਕ ਦਿਨ ਬਾਅਦ ਟਵਿੱਟਰ ਨੇ ਸ਼ਨੀਵਾਰ ਨੂੰ ਕਿਹਾ ਕਿ ਉਸ ਨੇ ਬਹਾਈ ਧਰਮ ਦੇ ਲੋਕਾਂ ਦੇ ਸ਼ੋਸ਼ਣ ਖਿਲਾਫ ਇਹ ਕਾਰਵਾਈ ਕੀਤੀ ਹੈ। ਬ੍ਰਿਟੇਨ ਟੈਂਕਰ ਨੂੰ ਲੈ ਕੇ ਈਰਾਨ ਵਲੋਂ ਜ਼ਬਤ ਕੀਤੇ ਜਾਣ ਦੇ ਚੱਲਦੇ ਖੇਤਰ 'ਚ ਪਹਿਲਾਂ ਤੋਂ ਹੀ ਤਣਾਅ ਵਧ ਜਾਣ 'ਤੇ ਕੁੱਝ ਪ੍ਰਭਾਵਿਤ ਮੀਡੀਆ ਸੰਗਠਨਾਂ ਨੇ ਖਦਸ਼ਾ ਪ੍ਰਗਟਾਇਆ ਕਿ ਇਹ ਰੋਕ ਧਰਮ ਨਾਲ ਜੁੜੇ ਲੋਕਾਂ ਨੂੰ ਨਿਸ਼ਾਨਾ ਬਣਾ ਕੇ ਉਨ੍ਹਾਂ ਦੇ ਸ਼ੋਸ਼ਣ ਖਿਲਾਫ ਕੀਤੀ ਗਈ ਕਾਰਵਾਈ ਹੈ। ਬਹਾਈ ਘੱਟ ਗਿਣਤੀ ਭਾਈਚਾਰਾ ਹੈ ਜਿਸ ਨੇ ਲੰਬੇ ਸਮੇਂ ਤੋਂ ਈਰਾਨ 'ਚ ਦਮਨ ਝੱਲਿਆ ਹੈ। ਟਵਿੱਟਰ ਨੇ ਬੰਦ ਕੀਤੇ ਗਏ ਖਾਤਿਆਂ ਦਾ ਨਾਂ ਨਹੀਂ ਦੱਸਿਆ ਪਰ ਕਿਹਾ ਕਿ ਮਾਮਲੇ ਦੀ ਜਾਂਚ ਜਾਰੀ ਹੈ। ਸਾਰੇ ਈਰਾਨੀ ਸਰਕਾਰੀ ਮੀਡੀਆ ਸੰਗਠਨਾਂ ਦੇ ਅਕਾਊਂਟ 'ਤੇ ਅੰਗਰੇਜ਼ੀ 'ਚ ਲਿਖੇ ਸੰਦੇਸ਼ 'ਚ ਕਿਹਾ ਗਿਆ,''ਅਕਾਊਂਟ ਬੰਦ ਕਰ ਦਿੱਤਾ ਗਿਆ ਹੈ। ਟਵਿੱਟਰ ਨਿਯਮਾਂ ਦਾ ਉਲੰਘਣ ਕਰਨ ਵਾਲੇ ਅਕਾਊਂਟ ਨੂੰ ਟਵਿੱਟਰ ਨੇ ਬੰਦ ਕੀਤਾ ਹੈ।''
ਈਰਾਨ ਦੀ ਮੇਹਰ ਕਮੇਟੀ ਨੇ ਕਿਹਾ ਕਿ ਫਾਰਸੀ ਭਾਸ਼ਾ ਦਾ ਉਸ ਦਾ ਅਕਾਊਂਟ ਸ਼ੁੱਕਰਵਾਰ ਦੇਰ ਰਾਤ ਤੋਂ ਹੀ ਬੰਦ ਕਰ ਦਿੱਤਾ ਗਿਆ ਲੱਗਦਾ ਹੈ। ਇਸ ਤੋਂ ਪਹਿਲਾਂ ਉਸ ਨੇ ਹੋਰਮੁਜ 'ਚ ਟੈਂਕਰ ਸਟੇਨਾ ਇੰਪੇਰੋ ਦੀ ਜ਼ਬਤੀ ਨੂੰ ਲੈ ਕੇ ਖਬਰ ਦਿੱਤੀ ਸੀ। ਮੇਹਰ ਦੇ ਫਾਰਸੀ ਭਾਸ਼ਾ ਵਾਲੇ ਟਵਿੱਟਰ ਪੇਜ਼ ਦੇ ਇਲਾਵਾ ਸਰਕਾਰੀ ਕਮੇਟੀ ਅਤੇ ਯੰਗ ਜਰਨਲਿਸਟਸ ਕਲੱਬ ਦੀ ਏਜੰਸੀ ਦਾ ਪੇਜ ਵੀ ਸ਼ਨੀਵਾਰ ਨੂੰ ਖੁੱਲ੍ਹ ਨਹੀਂ ਰਿਹਾ ਸੀ। ਮੇਹਰ ਨੇ ਗੌਰ ਕੀਤਾ ਕਿ ਵਿਦੇਸ਼ ਨੀਤੀ 'ਤੇ ਇੰਟਰਵਿਊ ਅਤੇ ਵਿਸ਼ਲੇਸ਼ਣਾਂ ਨੂੰ ਪ੍ਰਕਾਸ਼ਿਤ ਕਰਨ ਵਾਲੇ ਉਸ ਦਾ 'ਮੇਹਰ ਡਿਪਲੋਮੇਸੀ' ਦਾ ਅਕਾਊਂਟ ਵੀ ਆਫਲਾਈਨ ਹੈ। ਬੰਦ ਕੀਤੇ ਗਏ ਅਕਾਊਂਟ ਦੇ ਕਿਸੇ ਵੀ ਮਾਲਕ ਨੇ ਇਹ ਨਹੀਂ ਕਿਹਾ ਕਿ ਟਵਿੱਟਰ ਦੇ ਇਸ ਕਦਮ ਲਈ ਉਨ੍ਹਾਂ ਨੂੰ ਕੋਈ ਕਾਰਨ ਦੱਸਿਆ ਗਿਆ ਹੋਵੇ। ਟਵਿੱਟਰ ਈਰਾਨ 'ਚ ਬੈਨ ਹੈ ਪਰ ਕਈ ਅਧਿਕਾਰੀਆਂ ਦੇ ਇਸ 'ਤੇ ਅਕਾਊਂਟ ਹਨ ਅਤੇ ਲੋਕ ਵਰਚੁਅਲ ਪ੍ਰਾਇਵੇਟ ਨੈੱਟਵਰਕ ਦੀ ਵਰਤੋਂ ਕਰ ਕੇ ਇਨ੍ਹਾਂ ਤਕ ਪੁੱਜਦੇ ਹਨ।
ਪਾਕਿ : ਰਨਵੇਅ 'ਤੇ ਫਿਸਲਿਆ ਜਹਾਜ਼, ਵਾਲ-ਵਾਲ ਬਚੇ ਯਾਤਰੀ
NEXT STORY