ਵਾਸ਼ਿੰਗਟਨ (ਭਾਸ਼ਾ)- ਅਮਰੀਕਾ ਨੇ ਭਾਰਤੀ ਮੂਲ ਦੀ ਡਿਪਲੋਮੈਟ ਉਜਰਾ ਜ਼ੇਯਾ ਨੂੰ ਤਿੱਬਤ ਦੇ ਮੁੱਦਿਆਂ ਲਈ ਆਪਣਾ ਵਿਸ਼ੇਸ਼ ਕੋਆਰਡੀਨੇਟਰ ਨਿਯੁਕਤ ਕੀਤਾ ਹੈ। ਉਹਨਾਂ ਨੂੰ ਤਿੱਬਤ 'ਤੇ ਸਮਝੌਤੇ ਲਈ ਚੀਨ ਅਤੇ ਦਲਾਈ ਲਾਮਾ ਜਾਂ ਉਨ੍ਹਾਂ ਦੇ ਪ੍ਰਤੀਨਿਧਾਂ ਵਿਚਕਾਰ "ਠੋਸ ਗੱਲਬਾਤ" ਨੂੰ ਅੱਗੇ ਵਧਾਉਣ ਦਾ ਕੰਮ ਸੌਂਪਿਆ ਗਿਆ ਹੈ। ਆਪਣੇ ਰਾਜਨੀਤਕ ਕਰੀਅਰ ਵਿੱਚ ਨਵੀਂ ਦਿੱਲੀ ਵਿੱਚ ਵੀ ਤਾਇਨਾਤ ਰਹਿ ਚੁੱਕੀ ਜਯਾ ਨੇ 2018 ਵਿਚ ਉਸ ਸਮੇਂ ਦੇ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੀਆਂ ਨੀਤੀਆਂ ਖ਼ਿਲਾਫ਼ ਵਿਦੇਸ਼ ਸੇਵਾ ਤੋਂ ਅਸਤੀਫਾ ਦੇ ਦਿੱਤਾ ਸੀ। ਉਹ ਸਿਵਲ ਡਿਫੈਂਸ, ਲੋਕਤੰਤਰ ਅਤੇ ਮਨੁੱਖੀ ਅਧਿਕਾਰਾਂ ਲਈ ਅੰਡਰ ਸੈਕਟਰੀ ਵੀ ਹੈ।
ਤਿੱਬਤ ਦੇ ਮੁੱਦਿਆਂ ਲਈ ਅਮਰੀਕੀ ਵਿਸ਼ੇਸ਼ ਕੋਆਰਡੀਨੇਟਰ ਵਜੋਂ ਜਯਾ 2020 ਦੇ ਤਿੱਬਤੀ ਨੀਤੀ ਅਤੇ ਸਹਿਯੋਗ ਐਕਟ ਦੇ ਅਨੁਸਾਰ ਤਿੱਬਤ ਦੇ ਮਾਮਲਿਆਂ ਨਾਲ ਸਬੰਧਤ ਅਮਰੀਕੀ ਸਰਕਾਰ ਦੀਆਂ ਨੀਤੀਆਂ, ਪ੍ਰੋਗਰਾਮਾਂ ਅਤੇ ਪ੍ਰਾਜੈਕਟਾਂ ਦਾ ਤਾਲਮੇਲ ਕਰੇਗੀ। ਅਮਰੀਕੀ ਵਿਦੇਸ਼ ਮੰਤਰੀ ਐਂਟਨੀ ਬਲਿੰਕਨ ਨੇ ਕਿਹਾ ਕਿ ਮੈਂ ਨਾਗਰਿਕ ਰੱਖਿਆ, ਲੋਕਤੰਤਰ ਅਤੇ ਮਨੁੱਖੀ ਅਧਿਕਾਰਾਂ ਲਈ ਅੰਡਰ ਸੈਕਟਰੀ ਆਫ ਸਟੇਟ ਉਜਰਾ ਜ਼ੇਯਾ ਨੂੰ ਤਿੱਬਤ ਮੁੱਦਿਆਂ ਲਈ ਸੰਯੁਕਤ ਰਾਸ਼ਟਰ ਦੇ ਵਿਸ਼ੇਸ਼ ਕੋਆਰਡੀਨੇਟਰ ਵਜੋਂ ਨਾਮਜ਼ਦ ਕੀਤਾ ਹੈ। ਉਹ ਇਸ ਅਹਿਮ ਜ਼ਿੰਮੇਵਾਰੀ ਨੂੰ ਤੁਰੰਤ ਪ੍ਰਭਾਵ ਨਾਲ ਸੰਭਾਲੇਗੀ।
ਪੜ੍ਹੋ ਇਹ ਅਹਿਮ ਖਬਰ -ਬਾਈਡੇਨ ਨੇ AANHPI ਸਲਾਹਕਾਰ ਕਮਿਸ਼ਨ 'ਚ 4 ਭਾਰਤੀ-ਅਮਰੀਕੀ ਕੀਤੇ ਨਿਯੁਕਤ
ਵਿਦੇਸ਼ ਵਿਭਾਗ ਮੁਤਾਬਕ ਉਹ ਤਿੱਬਤ 'ਤੇ ਇਕ ਸਮਝੌਤੇ ਦੇ ਸਮਰਥਨ ਵਿਚ ਚੀਨ ਸਰਕਾਰ ਅਤੇ ਦਲਾਈ ਲਾਮਾ, ਉਹਨਾਂ ਦੇ ਪ੍ਰਤੀਨਿਧੀਆਂ ਜਾਂ ਲੋਕਤੰਤਰੀ ਰੂਪ ਨਾਲ ਚੁਣੇ ਗਏ ਤਿੱਬਤੀ ਨੇਤਾਵਾਂ ਵਿਚਾਲੇ ਬਿਨਾਂ ਸ਼ਰਤਾਂ ਦੇ ਠੋਸ ਗੱਲਬਾਤ ਨੂੰ ਵਧਾਵਾ ਦੇਵੇਗੀ। ਜਯਾ ਨੇ ਇਸ ਅਹੁਦੇ ਲਈ ਆਪਣੇ ਨਾਂ ਦੀ ਪੁਸ਼ਟੀ ਨਾਲ ਸਬੰਧਤ ਸੁਣਵਾਈ ਦੌਰਾਨ ਸੰਸਦ ਮੈਂਬਰਾਂ ਨੂੰ ਕਿਹਾ ਸੀ ਕਿ ਉਸ ਦੇ ਦਾਦਾ ਜੀ ਭਾਰਤ ਦੇ ਸੁਤੰਤਰਤਾ ਸੈਨਾਨੀ ਸਨ। ਜਯਾ ਨੇ ਜਾਰਜਟਾਊਨ ਯੂਨੀਵਰਸਿਟੀ ਸਕੂਲ ਆਫ ਫਾਰੇਨ ਸਰਵਿਸ ਤੋਂ ਗ੍ਰੈਜੂਏਸ਼ਨ ਕੀਤੀ ਹੈ। ਚੀਨ 'ਤੇ ਤਿੱਬਤ ਵਿਚ ਸੱਭਿਆਚਾਰਕ ਅਤੇ ਧਾਰਮਿਕ ਆਜ਼ਾਦੀ ਨੂੰ ਦਬਾਉਣ ਦਾ ਦੋਸ਼ ਹੈ। ਹਾਲਾਂਕਿ ਚੀਨ ਇਨ੍ਹਾਂ ਦੋਸ਼ਾਂ ਤੋਂ ਇਨਕਾਰ ਕਰਦਾ ਹੈ।
ਚੀਨ ਦੇ ਨੁਮਾਇੰਦਿਆਂ ਅਤੇ ਦਲਾਈ ਲਾਮਾ ਵਿਚਕਾਰ ਹਾਲ ਹੀ ਦੇ ਸਾਲਾਂ ਵਿੱਚ ਤਿੱਬਤ ਮੁੱਦੇ 'ਤੇ ਚਰਚਾ ਨਹੀਂ ਹੋਈ ਹੈ। ਚੀਨੀ ਰਾਸ਼ਟਰਪਤੀ ਸ਼ੀ ਜਿਨਪਿੰਗ ਨੇ 2013 ਵਿੱਚ ਅਹੁਦਾ ਸੰਭਾਲਣ ਤੋਂ ਬਾਅਦ ਤਿੱਬਤ 'ਤੇ ਸੁਰੱਖਿਆ ਨਿਯੰਤਰਣ ਵਧਾਉਣ ਲਈ ਸਖ਼ਤ ਨੀਤੀ ਅਪਣਾਈ ਹੈ। ਬੀਜਿੰਗ ਬੋਧੀ ਭਿਕਸ਼ੂਆਂ ਅਤੇ ਦਲਾਈ ਲਾਮਾ ਦੇ ਪੈਰੋਕਾਰਾਂ 'ਤੇ ਸ਼ਿਕੰਜਾ ਕੱਸ ਰਿਹਾ ਹੈ। ਦਲਾਈ ਲਾਮਾ, ਤਿੱਬਤ ਤੋਂ ਜਲਾਵਤਨ ਹੋਣ ਦੇ ਬਾਵਜੂਦ ਉੱਥੇ ਇੱਕ ਪ੍ਰਮੁੱਖ ਅਧਿਆਤਮਿਕ ਆਗੂ ਬਣੇ ਹੋਏ ਹਨ। ਚੀਨ 86 ਸਾਲਾ ਦਲਾਈ ਲਾਮਾ ਨੂੰ ਵੱਖਵਾਦੀ ਮੰਨਦਾ ਹੈ।
PMLN ਨੇ ਇਮਰਾਨ ਖ਼ਾਨ ’ਤੇ ਲਗਾਏ ਭ੍ਰਿਸ਼ਟਾਚਾਰ ਲੁਕਾਉਣ ਦੇ ਦੋਸ਼, ਮੰਗਿਆ ਅਸਤੀਫ਼ਾ
NEXT STORY 
