ਕੀਵ : ਯੂਕਰੇਨ ਦੀ ਫ਼ੌਜ ਨੇ ਮੰਗਲਵਾਰ ਰਾਤ ਨੂੰ ਰੂਸ ਵੱਲੋਂ ਟਾਰਗੇਟ ਕਰ ਕੇ ਛੱਡੇ ਗਏ ਕਰੀਬ 30 ਡਰੋਨਾਂ ਨੂੰ ਡੇਗਣ ਦਾ ਦਾਅਵਾ ਕੀਤਾ ਹੈ। ਯੂਕਰੇਨੀ ਹਵਾਈ ਸੈਨਾ ਦੇ ਸੂਤਰਾਂ ਨੇ ਅੱਜ ਇੱਥੇ ਇੱਕ ਬਿਆਨ 'ਚ ਇਹ ਜਾਣਕਾਰੀ ਦਿੱਤੀ। ਉਨ੍ਹਾਂ ਕਿਹਾ ਕਿ ਰੂਸ ਵੱਲੋਂ ਛੱਡੇ ਗਏ ਡਰੋਨ ਦੱਖਣੀ, ਉੱਤਰੀ ਤੇ ਮੱਧ ਯੂਕਰੇਨ ਦੇ ਅੱਠ ਖੇਤਰਾਂ ਵਿੱਚ ਨਸ਼ਟ ਕੀਤੇ ਗਏ। ਹਾਲਾਂਕਿ ਹਮਲੇ ਨੇ ਗੈਸ ਪਾਈਪਲਾਈਨ ਅਤੇ ਹਸਪਤਾਲ ਸਮੇਤ ਬੁਨਿਆਦੀ ਢਾਂਚੇ ਨੂੰ ਨੁਕਸਾਨ ਪਹੁੰਚਾਇਆ। ਉਨ੍ਹਾਂ ਦੱਸਿਆ ਕਿ ਯੂਕਰੇਨ ਦੇ ਉੱਤਰ-ਪੂਰਬੀ ਸ਼ਹਿਰ ਸੁਮੀ ਵਿੱਚ ਹੋਏ ਹਮਲੇ ਵਿੱਚ ਇੱਕ ਵਿਅਕਤੀ ਜ਼ਖ਼ਮੀ ਹੋ ਗਿਆ। ਸੁਮੀ ਖੇਤਰੀ ਫੌਜੀ ਪ੍ਰਸ਼ਾਸਨ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਮੰਗਲਵਾਰ ਸਵੇਰੇ ਯੂਕਰੇਨ ਵਿੱਚ ਇੱਕ ਦੇਸ਼ ਵਿਆਪੀ ਹਵਾਈ ਅਲਰਟ ਜਾਰੀ ਕੀਤਾ ਗਿਆ ਸੀ ਜਦੋਂ ਕਿੰਜਲ ਹਵਾਈ-ਲਾਂਚ ਬੈਲਿਸਟਿਕ ਮਿਜ਼ਾਈਲਾਂ ਨੂੰ ਲੈ ਕੇ ਇੱਕ ਮਿਗ -31 ਲੜਾਕੂ ਜਹਾਜ਼ ਇੱਕ ਰੂਸੀ ਏਅਰਫੀਲਡ ਤੋਂ ਉਡਾਣ ਭਰਿਆ ਸੀ।
ਆਸਟ੍ਰੇਲੀਆ ਦੇ ਵੱਖ-ਵੱਖ ਹਿੱਸਿਆਂ 'ਚ ਭਾਰੀ ਮੀਂਹ ਪੈਣ ਦੀ ਚਿਤਾਵਨੀ
NEXT STORY 
