ਵਾਸ਼ਿੰਗਟਨ (ਏਜੰਸੀ)- ਅਮਰੀਕਾ ਵਿਚ ਗਰਭਪਾਤ ਕਰਾਉਣ ਦੇ ਮਾਮਲਿਆਂ ਵਿਚ ਵਾਧਾ ਹੋਇਆ ਹੈ। ਲੰਬੇ ਸਮੇਂ ਤੱਕ ਮਾਮਲੇ ਘਟਣ ਤੋਂ ਬਾਅਦ, 2017 ਦੇ ਮੁਕਾਬਲੇ 2020 ਵਿੱਚ ਗਰਭਪਾਤ ਦੇ ਮਾਮਲਿਆਂ ਦੀ ਗਿਣਤੀ ਵਿੱਚ ਵਾਧਾ ਦਰਜ ਕੀਤਾ ਗਿਆ। ਬੁੱਧਵਾਰ ਨੂੰ ਜਾਰੀ ਅਧਿਕਾਰਤ ਅੰਕੜਿਆਂ 'ਚ ਇਹ ਜਾਣਕਾਰੀ ਦਿੱਤੀ ਗਈ। ਗਰਭਪਾਤ ਦੇ ਅਧਿਕਾਰਾਂ ਦੀ ਵਕਾਲਤ ਕਰਨ ਵਾਲੇ ਇੱਕ ਖੋਜ ਸਮੂਹ, 'ਗੁੱਟਮੇਕਰ ਇੰਸਟੀਚਿਊਟ' ਦੀ ਇੱਕ ਰਿਪੋਰਟ ਦੇ ਅਨੁਸਾਰ, ਅਮਰੀਕਾ ਵਿੱਚ 2020 ਵਿੱਚ 9,30,000 ਤੋਂ ਵੱਧ ਗਰਭਪਾਤ ਹੋਏ, ਜਦੋਂਕਿ ਇਹ ਅੰਕੜਾ 2017 ਵਿੱਚ ਕਰੀਬ 8,62,000 ਸੀ।
ਇਹ ਵੀ ਪੜ੍ਹੋ: ਅਹਿਮ ਖ਼ਬਰ: ਚੀਨ ਨੇ 2 ਸਾਲ ਪਹਿਲਾਂ ਭਾਰਤੀਆਂ ’ਤੇ ਲਾਈ ਕੋਵਿਡ ਵੀਜ਼ਾ ਪਾਬੰਦੀ ਹਟਾਈ
ਸਾਲ 2017 ਵਿੱਚ ਰਾਸ਼ਟਰੀ ਪੱਧਰ 'ਤੇ ਗਰਭਪਾਤ ਦੇ ਅੰਕੜੇ 1973 ਦੇ ਯੂ.ਐੱਸ. ਸੁਪਰੀਮ ਕੋਰਟ ਦੇ ਫ਼ੈਸਲੇ ਤੋਂ ਬਾਅਦ ਸਭ ਤੋਂ ਘੱਟ ਸਨ। ਅਦਾਲਤ ਨੇ ਆਪਣੇ 1973 ਦੇ ਫ਼ੈਸਲੇ ਵਿੱਚ ਦੇਸ਼ ਭਰ ਵਿੱਚ ਗਰਭਪਾਤ ਦੀ ਪ੍ਰਕਿਰਿਆ ਨੂੰ ਕਾਨੂੰਨੀ ਮਾਨਤਾ ਦਿੱਤੀ ਸੀ। ਰਿਪੋਰਟ ਦੇ ਅਨੁਸਾਰ, 2020 ਵਿੱਚ ਹਰ 5 ਗਰਭਵਤੀ ਔਰਤਾਂ ਵਿੱਚੋਂ 1 ਨੇ ਗਰਭਪਾਤ ਕਰਾਇਆ। ਇਹ ਅੰਕੜੇ ਅਜਿਹੇ ਸਮੇਂ 'ਚ ਵੱਧ ਰਹੇ ਹਨ, ਜਦੋਂ ਸੁਪਰੀਮ ਕੋਰਟ 1973 ਦੇ ਫ਼ੈਸਲੇ ਨੂੰ ਪਲਟਣ ਦੀ ਤਿਆਰੀ ਵਿਚ ਹੈ। ਜੋਰਜ ਵਾਸ਼ਿੰਗਟਨ ਯੂਨੀਵਰਸਿਟੀ ਵਿੱਚ ਸਿਹਤ ਕਾਨੂੰਨ ਅਤੇ ਨੀਤੀ ਦੀ ਪ੍ਰੋਫੈਸਰ ਸਾਰਾ ਰੋਸੇਨਬੌਮ ਨੇ ਕਿਹਾ ਕਿ ਗਰਭਪਾਤ ਦੀ ਮੰਗ ਕਰਨ ਵਾਲੀਆਂ ਔਰਤਾਂ ਦੀ ਗਿਣਤੀ ਇੱਕ ਲੋੜ ਨੂੰ ਦਰਸਾਉਂਦੀ ਹੈ ਅਤੇ ਇਸ ਗੱਲ ਨੂੰ ਰੇਖਾਂਕਿਤ ਕਰਦੀ ਹੈ ਕਿ ਸੁਪਰੀਮ ਕੋਰਟ ਦਾ ਫ਼ੈਸਲਾ ਇੱਕ ਮਹੱਤਵਪੂਰਣ ਸੇਵਾ ਤੱਕ ਪਹੁੰਚ ਕਰਨ ਲਈ ਕਿੰਨਾ ਵਿਨਾਸ਼ਕਾਰੀ ਹੋ ਸਕਦਾ ਹੈ।"
ਇਹ ਵੀ ਪੜ੍ਹੋ: US 'ਚ ਬਣੇਗਾ ਭਾਰਤੀ-ਅਮਰੀਕੀਆਂ ਦੇ ਇਤਿਹਾਸ ਨੂੰ ਪ੍ਰਦਰਸ਼ਿਤ ਕਰਦਾ ਮਿਊਜ਼ੀਅਮ, ਬਾਈਡੇਨ ਨੇ ਕੀਤੇ ਦਸਤਖ਼ਤ
'ਗੁੱਟਮੇਕਰ ਇੰਸਟੀਚਿਊਟ' ਮੁਤਾਬਕ 2020 'ਚ ਸਾਹਮਣੇ ਆਏ ਮਾਮਲਿਆਂ 'ਚੋਂ 54 ਫ਼ੀਸਦੀ ਔਰਤਾਂ ਨੇ ਗਰਭਪਾਤ ਲਈ ਦਵਾਈਆਂ ਦਾ ਸਹਾਰਾ ਲਿਆ, ਜਿਸ ਲਈ ਉਨ੍ਹਾਂ ਨੇ 'ਗਰਭਪਾਤ ਦੀ ਗੋਲੀ' ਆਦਿ ਲਈ। ਹਾਲਾਂਕਿ, ਕੋਵਿਡ-19 ਗਲੋਬਲ ਮਹਾਮਾਰੀ ਦੇ ਕਾਰਨ, ਕੁਝ ਰਾਜਾਂ ਵਿੱਚ ਗਰਭਪਾਤ ਦੇ ਮਾਮਲੇ ਵੀ ਘੱਟ ਹੋਏ ਹਨ। ਰਿਪੋਰਟ ਦੇ ਅਨੁਸਾਰ, ਨਿਊਯਾਰਕ ਵਿੱਚ ਗਰਭਪਾਤ ਦੇ ਮਾਮਲੇ 2017 ਦੇ ਮੁਕਾਬਲੇ 2019 ਵਿੱਚ ਵਧੇ ਸਨ, ਪਰ ਫਿਰ 2019 ਅਤੇ 2020 ਦੇ ਵਿਚਕਾਰ ਇਸ ਵਿਚ 6 ਫ਼ੀਸਦੀ ਦੀ ਗਿਰਾਵਟ ਆਈ। ਉਥੇ ਹੀ ਇਸ ਦੌਰਾਨ ਟੈਕਸਾਸ 'ਚ ਗਰਭਪਾਤ ਦੇ ਮਾਮਲਿਆਂ 'ਚ 2 ਫ਼ੀਸਦੀ ਦੀ ਕਮੀ ਆਈ ਹੈ। ਰਿਪੋਰਟ ਦੇ ਅਨੁਸਾਰ, ਖੋਜਕਰਤਾਵਾਂ ਨੇ ਪਾਇਆ ਕਿ 2020 ਵਿੱਚ ਘੱਟ ਔਰਤਾਂ ਗਰਭਵਤੀ ਹੋਈਆਂ ਅਤੇ ਜੋ ਹੋਈਆਂ ਉਨ੍ਹਾਂ ਵਿਚੋਂ ਵੱਡੀ ਗਿਣਤੀ ਵਿੱਚ ਔਰਤਾਂ ਨੇ ਗਰਭਪਾਤ ਕਰਵਾ ਲਿਆ। ਅਧਿਕਾਰਤ ਅੰਕੜਿਆਂ ਦੇ ਅਨੁਸਾਰ, 2020 ਵਿੱਚ ਗਰਭਪਾਤ ਦੀ ਦਰ 15-44 ਉਮਰ ਵਰਗ ਵਿੱਚ ਪ੍ਰਤੀ 1,000 ਔਰਤਾਂ 'ਤੇ 14.4 ਸੀ, ਜੋ ਕਿ 2017 ਵਿੱਚ ਪ੍ਰਤੀ 1,000 ਔਰਤਾਂ 'ਤੇ 13.5 ਸੀ। ਪੱਛਮ ਵਿੱਚ ਗਰਭਪਾਤ ਵਿਚ 12 ਫ਼ੀਸਦੀ, ਮੱਧ ਪੱਛਮੀ ਵਿੱਚ 10 ਫ਼ੀਸਦੀ, ਦੱਖਣ ਵਿੱਚ 8 ਫ਼ੀਸਦੀ ਅਤੇ ਉੱਤਰ ਪੂਰਬ ਵਿੱਚ ਫ਼ੀਸਦੀ ਦਾ ਵਾਧਾ ਹੋਇਆ ਹੈ।
ਇਹ ਵੀ ਪੜ੍ਹੋ: ਕੱਪੜੇ ਪਾਉਣ 'ਚ ਆਉਂਦਾ ਸੀ ਆਲਸ, ਔਰਤ ਨੇ ਪੂਰੇ ਸਰੀਰ 'ਤੇ ਬਣਵਾ ਲਏ ਟੈਟੂ (ਤਸਵੀਰਾਂ)
ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੂੁਹਾਡੀ ਰਾਏ, ਕੁਮੈਂਟ ਕਰਕੇ ਦਿਓ ਜਵਾਬ।
ਇਟਲੀ: ਬਾਬਾ ਬੀਰ ਸਿੰਘ ਨੌਰੰਗਾਬਾਦ ਵਾਲਿਆਂ ਨੂੰ ਸਮਰਪਿਤ ਸਲਾਨਾ ਧਾਰਮਿਕ ਸਮਾਗਮ 19 ਜੂਨ ਨੂੰ
NEXT STORY 
