ਵਾਸ਼ਿੰਗਟਨ (ਏਜੰਸੀ) - ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਪ੍ਰਸ਼ਾਸਨ ਨੇ ਵੀਰਵਾਰ ਨੂੰ ਯੂਰਪ ਦੇ 4 ਖੱਬੇ-ਪੱਖੀ ਸਮੂਹਾਂ ਨੂੰ ਅੱਤਵਾਦੀ ਸੰਗਠਨ ਐਲਾਨਿਆ ਹੈ। ਇਹ ਕਦਮ ਰੂੜੀਵਾਦੀ ਕਾਰਕੁਨ ਚਾਰਲੀ ਕਿਰਕ ਦੇ ਕਤਲ ਤੋਂ ਬਾਅਦ ਖੱਬੇ-ਪੱਖੀਆਂ ਵਿਰੁੱਧ ਕਾਰਵਾਈ ਦੇ ਟਰੰਪ ਦੇ ਸੱਦੇ ਤੋਂ ਬਾਅਦ ਚੁੱਕਿਆ ਗਿਆ ਹੈ। ਇਹ ਸਮੂਹ ਯੂਰਪ ਵਿੱਚ ਸਰਗਰਮ ਹਨ ਅਤੇ ਅਮਰੀਕਾ ਵਿੱਚ ਉਨ੍ਹਾਂ ਦੀ ਕੋਈ ਗਤੀਵਿਧੀ ਨਹੀਂ ਹੈ।
ਇਨ੍ਹਾਂ ਵਿੱਚ 2003 ਵਿੱਚ ਯੂਰਪੀਅਨ ਕਮਿਸ਼ਨ ਦੇ ਤਤਕਾਲੀ ਪ੍ਰਧਾਨ ਨੂੰ ਇੱਕ ਵਿਸਫੋਟਕ ਪੈਕੇਜ ਭੇਜਣ ਵਾਲਾ ਇਤਾਲਵੀ ਅਰਾਜਕਤਾਵਾਦੀ ਮੋਰਚਾ, ਐਥਨਜ਼ ਵਿੱਚ ਪੁਲਸ ਅਤੇ ਕਿਰਤ ਵਿਭਾਗ ਦੀਆਂ ਇਮਾਰਤਾਂ ਦੇ ਬਾਹਰ ਬੰਬ ਲਗਾਉਣ ਦੇ ਸ਼ੱਕੀ ਦੋ ਯੂਨਾਨੀ ਸਮੂਹ ਅਤੇ ਜਰਮਨੀ ਵਿੱਚ ਨਵ-ਨਾਜ਼ੀਆਂ 'ਤੇ ਹਥੌੜੇ ਨਾਲ ਹਮਲੇ ਦੇ ਮਾਮਲੇ ਵਿੱਚ ਸ਼ਾਮਲ ਫਾਸ਼ੀਵਾਦ ਵਿਰੋਧੀ ਸਮੂਹ ਸ਼ਾਮਲ ਹੈ।
ਅਮਰੀਕੀ ਪ੍ਰਸ਼ਾਸਨ ਨੇ ਕਿਹਾ ਕਿ "ਅਰਾਜਕਤਾਵਾਦੀ ਕੱਟੜਪੰਥੀਆਂ ਨੇ ਅਮਰੀਕਾ ਅਤੇ ਯੂਰਪ ਵਿੱਚ ਅੱਤਵਾਦੀ ਮੁਹਿੰਮਾਂ ਚਲਾਈਆਂ ਹਨ ਅਤੇ ਆਪਣੇ ਬੇਰਹਿਮ ਹਮਲਿਆਂ ਰਾਹੀਂ, ਪੱਛਮੀ ਸਭਿਅਤਾ ਦੀਆਂ ਨੀਂਹਾਂ ਨੂੰ ਕਮਜ਼ੋਰ ਕਰਨ ਦੀ ਸਾਜ਼ਿਸ਼ ਰਚੀ ਹੈ।" ਟਰੰਪ ਪ੍ਰਸ਼ਾਸਨ ਦਾ ਇਹ ਫੈਸਲਾ ਅਮਰੀਕੀ ਸਰਕਾਰ ਨੂੰ ਇਨ੍ਹਾਂ ਸਮੂਹਾਂ ਦੇ ਸੰਭਾਵੀ ਵਿੱਤੀ ਨੈਟਵਰਕਾਂ ਨੂੰ ਨਿਸ਼ਾਨਾ ਬਣਾਉਣ ਦੀ ਆਗਿਆ ਦੇਵੇਗਾ।
ਇਟਲੀ 'ਚ ਪੰਜਾਬਣ ਨੇ ਚਮਕਾਇਆ ਨਾਂ, ਪੁਲਸ 'ਚ ਹੋਈ ਭਰਤੀ
NEXT STORY 
