ਫਰਿਜ਼ਨੋ, ਕੈਲੀਫੋਰਨੀਆ (ਗੁਰਿੰਦਰਜੀਤ ਨੀਟਾ ਮਾਛੀਕੇ) : ਸੇਵਾ ਅਤੇ ਸਮਰਪਣ ਲਈ ਮਸ਼ਹੂਰ ਸੰਸਥਾ ਸਹਾਇਤਾ USA (Sahaita USA) ਨੇ 2025 ਵਿੱਚ ਆਏ ਪੰਜਾਬ ਦੇ ਹੜ੍ਹਾਂ ਦੌਰਾਨ ਪ੍ਰਭਾਵਿਤ ਪਰਿਵਾਰਾਂ ਦੀ ਮਦਦ ਲਈ 5 ਕਰੋੜ ਰੁਪਏ (ਲਗਭਗ $500,000) ਦੇ ਫੰਡ ਦਾ ਐਲਾਨ ਕੀਤਾ ਹੈ। ਇਹ ਰਕਮ ਸਿੱਧੇ ਤੌਰ ‘ਤੇ ਹੜ੍ਹ ਪੀੜਤ ਪਰਿਵਾਰਾਂ ਦੀ ਸਹਾਇਤਾ, ਘਰਾਂ ਦੇ ਪੁਨਰ-ਨਿਰਮਾਣ ਅਤੇ ਸਿੱਖਿਆ ਸਮਰਥਨ ‘ਤੇ ਖਰਚੀ ਜਾਵੇਗੀ। ਸਹਾਇਤਾ USA ਨੇ ਇਸ ਸਾਲ ਆਪਣੀ ਸੇਵਾ ਦੇ 20 ਸਾਲ ਪੂਰੇ ਹੋਣ ਉਤੇ ਖ਼ਾਸ ਸਮਾਰੋਹ ਮਨਾਉਣ ਦਾ ਐਲਾਨ ਕੀਤਾ ਹੈ। ਇਹ ਸਮਾਗਮ ਐਤਵਾਰ, 26 ਅਕਤੂਬਰ 2025 ਨੂੰ ਸ਼ਾਮ 6 ਵਜੇ, ਸ਼ੈਨਨ ਕਮਿਊਨਿਟੀ ਸੈਂਟਰ (11600 Shannon Ave, Dublin, CA) ਵਿੱਚ ਕਰਵਾਇਆ ਜਾਵੇਗਾ।
ਇਹ ਵੀ ਪੜ੍ਹੋ : ਚੀਨ ਨੇ ਅਮਰੀਕਾ 'ਤੇ ਲਾਇਆ 'ਡਬਲ ਸਟੈਂਡਰਡ' ਦਾ ਦੋਸ਼, ਕਿਹਾ-ਅਸੀਂ ਟ੍ਰੇਡ ਵਾਰ ਤੋਂ ਨਹੀਂ ਡਰਦੇ
ਸੰਸਥਾ ਦੇ ਪ੍ਰਤੀਨਿਧੀਆਂ ਨੇ ਦੱਸਿਆ ਕਿ ਇਹ ਸ਼ਾਮ ਸੰਗੀਤ, ਕਾਮੇਡੀ, ਡਿਨਰ ਅਤੇ ਸੇਵਾ ਦੇ ਜਜ਼ਬੇ ਨਾਲ ਭਰਪੂਰ ਹੋਵੇਗੀ। ਸਮਾਗਮ ਤੋਂ ਪ੍ਰਾਪਤ ਹੋਣ ਵਾਲੀ ਰਕਮ ਵੀ ਹੜ੍ਹ ਰਾਹਤ ਯੋਜਨਾ ਲਈ ਵਰਤੀ ਜਾਵੇਗੀ। ਟਿਕਟਾਂ ਦੀ ਕੀਮਤ $90 (ਪ੍ਰੀ-ਸੇਲ) ਅਤੇ $100 (ਦਰਵਾਜ਼ੇ ‘ਤੇ) ਰੱਖੀ ਗਈ ਹੈ। ਹੋਰ ਜਾਣਕਾਰੀ ਲਈ www.sahaita.org/donate ਅਤੇ www.sahaita.yapsody.com ‘ਤੇ ਸੰਪਰਕ ਕੀਤਾ ਜਾ ਸਕਦਾ ਹੈ। ਸਹਾਇਤਾ USA ਨੇ ਆਪਣੀ ਸ਼ੁਰੂਆਤ ਤੋਂ ਹੀ ਪੰਜਾਬ ਅਤੇ ਹੋਰ ਜਗ੍ਹਾਂ ਤੇ ਸਿੱਖਿਆ, ਸਿਹਤ ਅਤੇ ਆਫ਼ਤ ਸਹਾਇਤਾ ਖੇਤਰਾਂ ਵਿੱਚ ਮਹੱਤਵਪੂਰਨ ਯੋਗਦਾਨ ਪਾਇਆ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਲਓ ਜੀ ! ਇਕ ਹੋਰ ਦੇਸ਼ 'ਚ ਤਖ਼ਤਾਪਲਟ ਦੀਆਂ ਕੋਸ਼ਿਸ਼ਾਂ ਸ਼ੁਰੂ
NEXT STORY 
