ਵਾਸ਼ਿੰਗਟਨ— ਵੱਡੀ ਗਿਣਤੀ 'ਚ ਭਾਰਤੀ-ਅਮਰੀਕੀ ਲੋਕ ਐੱਨ. ਆਰ. ਸੀ. ਅਤੇ ਸੀ. ਏ. ਏ. ਭਾਵ ਨਾਗਰਿਕਤਾ ਕਾਨੂੰਨ ਦੇ ਸਮਰਥਨ 'ਚ ਸਾਹਮਣੇ ਆਏ ਹਨ ਅਤੇ ਉਹ ਇਸ ਵਿਵਾਦਤ ਕਾਨੂੰਨ ਬਾਰੇ 'ਗਲਤ ਸੂਚਨਾਵਾਂ ਅਤੇ ਝੂਠੇ ਪ੍ਰਚਾਰ ਨੂੰ ਦੂਰ' ਕਰਨ ਲਈ ਅਮਰੀਕਾ ਦੇ ਕਈ ਸ਼ਹਿਰਾਂ 'ਚ ਰੈਲੀਆਂ ਕਰ ਰਹੇ ਹਨ। ਸੰਸਦ 'ਚ ਜਦ ਤੋਂ ਨਾਗਰਿਕਤਾ ਬਿੱਲ ਪਾਸ ਹੋਇਆ ਹੈ ਤਦ ਤੋਂ ਭਾਰਤ 'ਚ ਪ੍ਰਦਰਸ਼ਨ ਚੱਲ ਰਹੇ ਹਨ। ਰਾਸ਼ਟਰਪਤੀ ਵਲੋਂ ਦਸਤਖਤ ਕਰਨ 'ਤੇ ਬਿੱਲ ਨੇ ਕਾਨੂੰਨ ਦਾ ਰੂਪ ਧਾਰ ਲਿਆ ਹੈ। ਸਰਕਾਰ ਨੇ ਮੰਗਲਵਾਰ ਨੂੰ 2021 ਦੀ ਜਨਸੰਖਿਆ ਅਤੇ ਰਾਸ਼ਟਰੀ ਜਨਸੰਖਿਆ ਰਜਿਸਟਰ ਲਈ 12,700 ਕਰੋੜ ਰੁਪਏ ਦੀ ਮਨਜ਼ੂਰੀ ਦਿੱਤੀ ਅਤੇ ਇਹ ਸਾਫ ਕੀਤਾ ਕਿ ਐੱਨ. ਪੀ. ਆਰ. ਦਾ ਵਿਵਾਦਤ ਐੱਨ. ਆਰ. ਸੀ. ਨਾਲ ਕੋਈ ਸਬੰਧ ਨਹੀਂ ਹੈ।
ਰੈਲੀ ਦੇ ਪ੍ਰਬੰਧਕਾਂ ਨੇ ਦੱਸਿਆ ਕਿ ਇਨ੍ਹਾਂ ਰੈਲੀਆਂ ਦਾ ਉਦੇਸ਼ ਕਾਨੂੰਨ ਬਾਰੇ ਗਲਤ ਸੂਚਨਾਵਾਂ ਅਤੇ ਝੂਠੀਆਂ ਗੱਲਾਂ ਨੂੰ ਦੂਰ ਕਰਨਾ ਹੈ ਅਤੇ ਇਸ ਦੇ ਨਾਲ ਹੀ ਨਫਰਤ ਦੇ ਗਲਤ ਪ੍ਰਚਾਰ ਦਾ ਵਿਰੋਧ ਕਰਨਾ ਵੀ ਹੈ।
ਉਨ੍ਹਾਂ ਕਿਹਾ ਕਿ ਭਾਰਤੀ-ਅਮਰੀਕੀਆਂ ਨੇ ਸਿਆਟਲ, ਆਸਟਿਨ ਅਤੇ ਹਿਊਸਟਨ 'ਚ ਭਾਰਤੀ ਵਪਾਰ ਦੂਤਘਰ ਦੇ ਸਾਹਮਣੇ ਸੀ. ਏ. ਏ. ਦੇ ਸਮਰਥਨ 'ਚ ਰੈਲੀਆਂ ਕੱਢੀਆਂ। ਡਬਲਿਨ, ਓਹੀਓ ਅਤੇ ਉੱਤਰੀ ਕੈਰੋਲੀਨਾ 'ਚ 22 ਦਸੰਬਰ ਨੂੰ ਰੈਲੀਆਂ ਕੀਤੀਆਂ ਗਈਆਂ ਸਨ। ਪ੍ਰਬੰਧਕਾਂ ਨੇ ਦੱਸਿਆ ਕਿ ਡਲਾਸ, ਸ਼ਿਕਾਗੋ, ਸੈਨ ਫਰਾਂਸਿਸਕੋ, ਨਿਊਯਾਰਕ ਸਿਟੀ, ਵਾਸ਼ਿੰਗਟਨ ਡੀ. ਸੀ. ਅਟਲਾਂਟਾ, ਸੈਨ ਜੋਸ ਅਤੇ ਹੋਰ ਸਥਾਨਾਂ 'ਤੇ ਵੀ ਅਗਲੇ ਹਫਤਿਆਂ 'ਚ ਕਈ ਪ੍ਰਦਰਸ਼ਨ ਕਰਨ ਦੀ ਯੋਜਨਾ ਹੈ।
ਉੱਤਰੀ ਕੈਰੋਲੀਨਾ ਦੇ ਰਾਲੇਘ 'ਚ ਰੈਲੀ ਦੌਰਾਨ 70 ਤੋਂ ਵਧੇਰੇ ਉੱਚ ਡਾਕਟਰਾਂ ਅਤੇ ਭਾਈਚਾਰਕ ਨੇਤਾਵਾਂ ਨੇ ਹਿੱਸਾ ਲਿਆ। ਉਨ੍ਹਾਂ ਮੰਗ ਕੀਤੀ ਕਿ ਭਾਰਤ 'ਚ ਜਨਤਕ ਸੰਪਤੀ ਨੂੰ ਨੁਕਸਾਨ ਪਹੁੰਚਾਉਣ ਅਤੇ ਪੁਲਸ ਕਰਮਚਾਰੀਆਂ 'ਤੇ ਹਮਲਾ ਕਰਨ ਵਾਲੇ ਪ੍ਰਦਰਸ਼ਨਕਾਰੀਆਂ ਨੂੰ ਸਖਤ ਸਜ਼ਾ ਦਿੱਤੀ ਜਾਵੇ ਅਤੇ ਇਨ੍ਹਾਂ ਗਤੀਵਿਧੀਆਂ ਦੇ ਪਿੱਛੇ ਖੜ੍ਹੇ ਸਰਗਨਿਆਂ ਨੂੰ ਬਖਸ਼ਿਆ ਨਾ ਜਾਵੇ।
Merry X'Mas : ਯੀਸ਼ੂ ਦੇ ਜਨਮ ਸਮੇਂ ਆਕਾਸ਼ 'ਚ ਦਿਖਾਈ ਦਿੱਤਾ ਨਵਾਂ ਤਾਰਾ
NEXT STORY