ਲੰਡਨ- ਬ੍ਰਿਟੇਨ ਵਿਚ ਇਕ ਔਰਤ ਨਾਲ ਧੋਖੇ ਦਾ ਅਜੀਬ ਮਾਮਲਾ ਸਾਹਮਣੇ ਆਇਆ ਹੈ। ਔਰਤ ਨਾਲ ਨਿੱਜੀ ਪਲਾਂ ਦੀ ਨਾ ਸਿਰਫ ਉਸ ਦੇ ਪ੍ਰੇਮੀ ਨੇ ਵੀਡੀਓ ਬਣਾਈ ਬਲਕੀ ਉਸ ਨੂੰ ਅਡਲਟ ਵੈੱਬਸਾਈਟ 'ਤੇ ਪੋਸਟ ਵੀ ਕਰ ਦਿੱਤਾ। ਇੰਨਾਂ ਹੀ ਨਹੀਂ ਔਰਤ ਦੇ ਪ੍ਰੇਮੀ ਨੇ ਉਸ ਦਾ ਪਤਾ ਵੀ ਵੈੱਬਸਾਈਟ 'ਤੇ ਸ਼ੇਅਰ ਕਰ ਦਿੱਤਾ। ਇਸ ਤੋਂ ਬਾਅਦ ਔਰਤ ਨੇ ਇਸ ਦੀ ਸ਼ਿਕਾਇਤ ਪੁਲਸ ਨੂੰ ਦਿੱਤੀ ਤੇ ਉਸ ਨੂੰ ਅਦਾਲਤ ਵਲੋਂ 2 ਸਾਲ ਦੀ ਸਜ਼ਾ ਸੁਣਾਈ ਗਈ ਹੈ।
ਇੰਗਲੈਂਡ ਦੇ ਬਮਿੰਘਮ ਦੀ ਰਹਿਣ ਵਾਲੀ ਤਿੰਨ ਬੱਚਿਆਂ ਦੀ ਮਾਂ ਸ਼ੈਰਾਨ ਥਾਮਸਨ ਨੇ ਦੱਸਿਆ ਕਿ ਡੈਰੇਨ ਨਾਂ ਦਾ ਸ਼ਖਸ ਦੋ ਸਾਲ ਤੱਕ ਉਸ ਦਾ ਬੁਆਏਫ੍ਰੈਂਡ ਰਿਹਾ ਸੀ। 40 ਸਾਲ ਦੀ ਸ਼ੈਰਾਨ ਨੇ ਦੱਸਿਆ ਕਿ ਇਕ ਦਿਨ ਉਹਨਾਂ ਦੇ ਘਰ ਕੁਝ ਹੀ ਘੰਟਿਆਂ ਦੇ ਅੰਦਰ 12 ਪੁਰਸ਼ਾਂ ਨੇ ਦਰਵਾਜ਼ਾ ਖੜਕਾਇਆ। ਉਹ ਇਸ ਦੌਰਾਨ ਬਹੁਤ ਡਰ ਗਈ ਤੇ ਜਦੋਂ ਉਸਨੇ 13ਵੇਂ ਵਿਅਕਤੀ ਤੋਂ ਘਰ ਆਉਣ ਦਾ ਕਾਰਨ ਪੁੱਛਿਆ ਤਾਂ ਉਸ ਨੂੰ ਪਤਾ ਲੱਗਿਆ ਕਿ ਉਸ ਦਾ ਪਤਾ ਕਿਸੇ ਵੈੱਬਸਾਈਟ 'ਤੇ ਸ਼ੇਅਰ ਕੀਤਾ ਗਿਆ ਹੈ। ਉਸ ਨੂੰ ਫੇਸਬੁੱਕ 'ਤੇ ਵੀ ਸੈਂਕੜੇ ਮੈਸੇਜ ਆਉਣ ਲੱਗੇ ਸਨ ਤੇ ਲੋਕ ਉਹਨਾਂ ਨੂੰ ਨਿਊਡ ਫੋਟੋਜ਼ ਦੀ ਡਿਮਾਂਡ ਕਰ ਰਹੇ ਸਨ।
ਸ਼ੈਰਾਨ ਨੇ ਦੱਸਿਆ ਕਿ ਉਹਨਾਂ ਨੂੰ ਬਿਲਕੁਲ ਵੀ ਅੰਦਾਜ਼ਾ ਨਹੀਂ ਸੀ ਕਿ ਪ੍ਰੈਗਨੇਂਸੀ ਦੇ ਦਿਨਾਂ ਵਿਚ ਉਸ ਦਾ ਪ੍ਰੇਮੀ ਉਸ ਦੀ ਗੁਪਤ ਕੈਮਰਿਆਂ ਰਾਹੀਂ ਵੀਡੀਓ ਬਣਾ ਰਿਹਾ ਹੈ। ਉਸ ਨੂੰ ਲੱਗ ਰਿਹਾ ਸੀ ਕਿ ਉਹਨਾਂ ਦੀ ਜ਼ਿੰਦਗੀ ਰਸਤੇ 'ਤੇ ਹੈ ਪਰ ਬਾਅਦ ਵਿਚ ਉਸ ਨੂੰ ਆਪਣੇ ਪ੍ਰੇਮੀ ਦੀ ਹਕੀਕਤ ਪਤਾ ਲੱਗੀ। ਬਾਅਦ ਵਿਚ ਸ਼ੈਰਾਨ ਦੀ ਸ਼ਿਕਾਇਤ 'ਤੇ ਪੁਲਸ ਨੇ ਦੋਸ਼ੀ ਨੂੰ ਗ੍ਰਿਫਤਾਰ ਕਰ ਲਿਆ। ਇੰਗਲੈਂਡ ਦੇ ਵੈਲਵਰਹੈਂਪਟਨ ਦੀ ਇਕ ਅਦਾਲਤ ਨੇ ਔਰਤ ਦੇ ਪ੍ਰੇਮੀ ਨੂੰ ਦੋਸ਼ੀ ਕਰਾਰ ਦਿੰਦਿਆਂ 2 ਸਾਲ ਦੀ ਸਜ਼ਾ ਸੁਣਾ ਦਿੱਤੀ।
ਪਾਕਿਸਤਾਨ 'ਚ ਸੁਰੱਖਿਆ ਮੁਹਿੰਮ ਦੌਰਾਨ 5 ਅੱਤਵਾਦੀ ਢੇਰ
NEXT STORY 
