ਖਡੂਰ ਸਾਹਿਬ, ਵੈਰੋਵਾਲ (ਗਿੱਲ, ਖਹਿਰਾ) : ਸ਼ਹੀਦ ਬਾਬਾ ਜੀਵਨ ਸਿੰਘ ਵਿਦਿਅਕ ਅਤੇ ਭਲਾਈ ਟਰੱਸਟ ਵਲੋਂ ਖਡੂਰ ਸਾਹਿਬ ਵਿਖੇ ਗੁਰਦੁਆਰਾ ਬਾਬਾ ਜੀਵਨ ਸਿੰਘ ਵਿਖੇ ਜ਼ਿਲਾ ਪੱਧਰੀ ਇਕ ਵਿਸ਼ਾਲ ਮੀਟਿੰਗ ਕੀਤੀ ਗਈ । ਇਸ ਮੌਕੇ ਸੰਬੋਧਨ ਕਰਦਿਆਂ ਵੱਖ-ਵੱਖ ਬੁਲਾਰਿਆਂ ਨੇ ਪੰਜਾਬ 'ਚ ਦਲਿਤ ਸਿੱਖਾਂ ਦੀਆਂ ਮੁਸ਼ਕਲਾਂ ਅਤੇ ਮੰਗਾਂ ਦੀ ਵਿਸਥਾਰ ਸਾਹਿਤ ਵਿਚਾਰਾਂ ਕੀਤੀਆਂ ਗਈਆਂ। ਇਸ ਮੌਕੇ ਉਨ੍ਹਾਂ ਪੰਜਾਬ ਲੇਬਰ ਕੰਸਟਰਕਸ਼ਨ ਬੋਰਡ ਦੀਆਂ ਕਿਰਤੀਆਂ ਦੀ ਭਲਾਈ ਦੀਆਂ ਅਤੇ ਵਿੱਦਿਆ ਸਬੰਧੀ ਸਕੀਮਾਂ ਤੋਂ ਜਾਣੂੰ ਕਰਵਾਇਆ ਗਿਆ। ਉਨ੍ਹਾਂ ਦੱਸਿਆ ਕਿ ਪਹਿਲੀ ਤੋਂ ਪੰਜਵੀਂ ਜਮਾਤ ਤੱਕ 3 ਹਜ਼ਾਰ ਸਲਾਨਾ, ਪੰਜਵੀਂ ਤੋਂ ਅੱਠਵੀਂ ਤੱਕ 4 ਹਜ਼ਾਰ ਸਲਾਨਾ, ਅੱਠਵੀਂ ਤੋਂ ਦਸਵੀਂ ਤੱਕ 5 ਹਜ਼ਾਰ ਸਲਾਨਾ ਅਤੇ ਦਸਵੀਂ ਤੋਂ ਬਾਰਵੀਂ ਤੱਕ 6 ਹਜ਼ਾਰ ਰੁਪਏ ਸਲਾਨਾ ਵਜੀਫਾ ਮਿਲਦਾ ਹੈ।
ਲੇਬਰ ਕਰਦੇ ਵਿਅਕਤੀ ਦੀ ਮੌਤ ਹੋਣ 'ਤੇ ਦੋ ਲੱਖ ਦਾ ਬੀਮਾ ਅਤੇ 20 ਹਜ਼ਾਰ ਰੁਪਏ ਅੰਤਿਮ ਸੰਸਕਾਰ ਲਈ 31 ਹਜ਼ਾਰ ਰੁਪਏ ਲੜਕੀ ਦੇ ਵਿਆਹ ਲਈ ਮਿਲਦੇ ਹਨ। ਇਨ੍ਹਾਂ ਸਕੀਮਾਂ ਦਾ ਲਾਭ ਪ੍ਰਾਪਤ ਕਰਨ ਲਈ ਉਨ੍ਹਾਂ ਦੇ ਟਰੱਸਟ ਵਲੋਂ 3 ਜੂਨ ਨੂੰ ਤਰਨਤਾਰਨ ਵਿਖੇ ਫਾਰਮ ਭਰੇ ਜਾਣਗੇ। ਇਸ ਮੌਕੇ ਟਰੱਸਟ ਦੇ ਕੌਮੀ ਚੇਅਰਮੈਨ ਜਸਵੰਤ ਸਿੰਘ, ਜ਼ਿਲਾ ਪ੍ਰਧਾਨ ਕੈਪਟਨ ਸਤਪਾਲ ਸਿੰਘ, ਮਲਕੀਤ ਸਿੰਘ ਜ਼ਿਲਾ ਪ੍ਰਧਾਨ ਅੰਮ੍ਰਿਤਸਰ ਆਦਿ ਮੌਜ਼ੂਦ ਸਨ।
ਟਾਂਕ ਕਸ਼ੱਤਰੀ ਸਭਾ ਨੇ ਮਨਾਇਆ ਪੂਰਨਮਾਸ਼ੀ ਦਾ ਪਵਿੱਤਰ ਦਿਹਾੜਾ
NEXT STORY 
