ਜਲੰਧਰ— ਭਾਰਤ 'ਚ 20 ਸਾਲ ਪਹਿਲਾਂ (1998) 'ਚ ਟਾਟਾ ਮੋਟਰਸ ਨੇ ਆਪਣੀ ਪਹਿਲੀ ਛੋਟੀ ਕਾਰ ਇੰਡੀਕਾ ਨੂੰ ਲਾਂਚ ਕੀਤਾ ਸੀ, ਉਸ ਤੋਂ ਬਾਅਦ ਟਾਟਾ ਨੇ ਸਿਡਾਨ ਕਾਰ ਇੰਡੀਗੋ ਨੂੰ ਵੀ ਬਾਜ਼ਾਰ 'ਚ ਉਤਾਰਿਆ। ਇਹ ਪਹਿਲੀ ਵਾਰ ਸੀ ਜਦੋਂ ਕੋਈ ਕਮਰਸ਼ੀਅਲ ਵਾਹਨ ਨਿਰਮਾਤਾ ਕੰਪਨੀ ਪੈਸੇਂਜਰ ਕਾਰ ਸੈਗਮੈਂਟ 'ਚ ਉਤਾਰੀ ਸੀ, ਆਲਮ ਇਹ ਸੀ ਕਿ ਲਾਂਚਿੰਗ 'ਚ ਸਿਰਫ 2 ਸਾਲਾਂ 'ਚ ਹੀ ਕਰੀਬ ਸਵਾ ਲੱਖ ਗੱਡੀਆਂ ਦੇ ਆਰਡਰ ਵੀ ਮਿਲ ਗਏ ਪਰ ਹੁਣ ਟਾਟਾ ਦੀ ਇੰਡੀਕਾ ਦੇ ਨਾਲ ਸਿਡਾਨ ਦਾ ਵੀ ਸਫਰ ਇਥੇ ਹੀ ਖਤਮ ਹੋ ਗਿਆ, ਕੰਪਨੀ ਨੇ ਇਨ੍ਹਾਂ ਦਾ ਪ੍ਰੋਡਕਸ਼ਨ ਬੰਦ ਕਰ ਦਿੱਤਾ ਹੈ।
ਵਿਕਰੀ 'ਚ ਲਗਾਤਾਰ ਗਿਰਾਵਟ ਬਣੀ ਮੁੱਖ ਕਾਰਨ
ਉੱਤਰ ਭਾਰਤ ਦੇ ਇਕ ਡੀਲਰ ਨੇ ਦੱਸਿਆ ਕਿ ਕੰਪਨੀ ਨੇ ਇਨ੍ਹਾਂ ਦੋਵਾਂ ਕਾਰਾਂ ਦਾ ਪ੍ਰੋਡਕਸ਼ਨ ਬੰਦ ਕਰ ਦਿੱਤ ਹੈ ਅਤੇ ਫਿਲਹਾਲ ਸਿਰਫ ਇਨ੍ਹਾਂ ਕਾਰਾਂ ਦੇ ਬਚੇ ਹੋਏ ਕੁਝ ਸਟਾਕਸ ਨੂੰ ਸਪਲਾਈ ਕੀਤਾ ਜਾ ਰਿਹਾ ਹੈ। ਇਸ ਸਾਲ ਅਪ੍ਰੈਲ ਮਹੀਨੇ 'ਚ ਟਾਟਾ ਮੋਟਰਸ ਨੇ ਕੁਲ 187,321 ਯੂਨਿਟਸ ਵੇਚ ਕੇ ਵਿਕਰੀ 'ਚ 22 ਫੀਸਦੀ ਗ੍ਰੋਥ ਹਾਸਲ ਕੀਤੀ ਸੀ। ਜਦ ਕਿ ਪਿਛਲੇ ਸਾਲ ਇਸੇ ਸਮੇਂ ਦੌਰਾਨ ਇਹ ਅੰਕੜਾ 153,151 ਗੱਡੀਆਂ ਦਾ ਰਿਹਾ ਸੀ। ਇਸ ਗ੍ਰੋਥ 'ਚ ਸਭ ਤੋਂ ਚੰਗਾ ਪ੍ਰਦਰਸ਼ਨ ਨੈਕਸਨ, ਟਿਆਗੋ ਅਤੇ ਹੈਕਸਾ ਨੇ ਕੀਤਾ। ਭਲੇ ਹੀ ਕੰਪਨੀ ਨੇ ਮਾਰਕੀਟ 'ਚ ਇਨ੍ਹਾਂ ਦੋਵਾਂ ਕਾਰਾਂ ਨੂੰ ਬੰਦ ਕਰ ਦਿੱਤਾ ਹੋਵੇ ਪਰ ਜਿਨ੍ਹਾਂ ਗਾਹਕਾਂ ਕੋਲ ਇਹ ਦੋਵੇਂ ਕਾਰਾਨ ਹਨ ਉਨ੍ਹਾਂ ਦੇ ਸਪੇਅਰ ਪਾਰਟਸ ਆਸਾਨੀ ਨਾਲ ਮਿਲਣਗੇ ਅਤੇ ਸਰਵਿਸ ਸਪੋਰਟ ਵੀ ਮਿਲੇਗਾ।
ਪਹਿਲੀ ਵੀ ਆਈ ਸੀ ਖਬਰ
ਇਸ ਸਾਲ ਫਰਵਰੀ ਮਹੀਨੇ 'ਚ ਵੀ ਖਬਰ ਆਈ ਸੀ ਕਿ ਇੰਡੀਕਾ ਅਤੇ ਇੰਡੀਗੋ ਦੀ ਵਿਕਰੀ 'ਚ ਲਗਾਤਾਰ ਭਾਰੀ ਗਿਰਾਵਟ ਦੇਖੀ ਜਾ ਰਹੀ ਸੀ ਜਿਸ ਕਾਰਨ ਕੰਪਨੀ ਜਲਦੀ ਹੀ ਇਨ੍ਹਾਂ ਦੋਵਾਂ ਕਾਰਾਂ ਦੇ ਪ੍ਰੋਡਕਸ਼ਨ ਨੂੰ ਬੰਦ ਕਰ ਸਕਦੀ ਹੈ ਪਰ ਉਸ ਸਮੇਂ ਇਹ ਤੈਅ ਨਹੀਂ ਹੋ ਸਕਿਆ ਕਿ ਇਹ ਦੋਵੇਂ ਕਾਰਾਂ ਕਦੋਂ ਤਕ ਬੰਦ ਕੀਤੀਆਂ ਜਾਣਗੀਆਂ।
ਆਟੋ ਮਾਹਿਰਾਂ ਨੇ ਦੱਸਿਆ ਇਹ ਕਾਰਨ
ਆਟੋ ਮਾਹਿਰਾਂ ਮੁਤਾਬਕ ਇੰਡੀਕਾ ਅਤੇ ਇੰਡੀਗੋ ਟਾਟਾ ਦੀਆਂ ਪਹਿਲੀਆਂ ਕਾਰਾਂ ਸਨ। ਕੰਪਨੀ ਨੇ ਕਾਫੀ ਵਾਰ ਇਨ੍ਹਾਂ ਨੂੰ ਅਪਗ੍ਰੇਡ ਵੀ ਕੀਤਾ ਪਰ ਬਹੁਤ ਜ਼ਿਆਦਾ ਕਾਮਯਾਬੀ ਨਹੀਂ ਮਿਲੀ ਕਿਉਂਕਿ ਡਿਜ਼ਾਇਨ, ਇੰਜਣ ਅਤੇ ਪਲੇਟਫਾਰਮ ਪੁਰਾਣੇ ਹੋ ਚੁੱਕੇ ਹਨ ਅਤੇ ਇਸ ਨੂੰ ਇਕ ਨਵੇਂ ਸਿਰੇ ਤੋਂ ਅਪਗ੍ਰੇਡ ਵੀ ਕੀਤਾ ਜਾਵੇ ਤਾਂ ਲਾਗਤ ਵਧ ਜਾਂਦੀ ਹੈ ਅਤੇ ਉਨੀ ਕੀਮਤ 'ਚ ਇਕ ਨਵਾਂ ਮਾਡਲ ਤਿਆਰ ਹੋ ਜਾਂਦਾ ਹੈ। ਹੁਣ ਬਾਜ਼ਾਰ 'ਚ ਨਵੇਂ ਮਾਡਰਨ ਡਿਜ਼ਾਇਨ ਵਾਲੀਆਂ ਕਾਰਾਂ ਆਉਣ ਲੱਗੀਆਂ ਹਨ ਤਾਂ ਬਾਜ਼ਾਰ 'ਚ ਇਨ੍ਹਾਂ ਦੀ ਮੰਗ ਘੱਟ ਹੋਣ ਲੱਗੀ ਹੈ ਜਿਸ ਦਾ ਅਸਰ ਇਨ੍ਹਾਂ ਦੀ ਵਿਕਰੀ 'ਤੇ ਹੋਇਆ ਹੈ। ਉਥੇ ਹੀ ਟਾਟਾ ਨੇ ਟਿਆਗੋ ਅਤੇ ਟਿਗੋਰ ਵਰਗੀਆਂ ਕਾਰਾਂ ਨੂੰ ਲਾਂਚ ਕੀਤਾ ਤਾਂ ਬਾਜ਼ਾਰ 'ਚ ਕਾਫੀ ਚੰਗਾ ਰਿਸਪਾਂਸ ਮਿਲਣ ਲੱਗਾ, ਜਿਸ ਕਾਰਨ ਕੰਪਨੀ ਨੇ ਆਪਣਾ ਸਾਰਾ ਧਿਆਨ ਇਨ੍ਹਾਂ ਦੋਵਾਂ ਕਾਰਾਂ 'ਤੇ ਦੇਣਾ ਸ਼ੁਰੂ ਕਰ ਦਿੱਤਾ। ਹੁਣ ਅਜਿਹੇ 'ਚ ਕੰਪਨੀ ਨੂੰ ਇੰਡੀਕਾ ਅਤੇ ਇੰਡੀਗੋ ਨੂੰ ਬੰਦ ਕਰਨ ਦਾ ਫੈਸਲਾ ਸਹੀ ਲੱਗਾ ਹੈ।
ਐਂਡ੍ਰਾਇਡ ਸਪੋਰਟ ਤੇ 14 ਘੰਟੇ ਦੀ ਬੈਟਰੀ ਲਾਈਫ ਦੇ ਨਾਲ Acer ਨੇ ਪੇਸ਼ ਕੀਤੀਆਂ ਨਵੀਆਂ ਕ੍ਰੋਮਬੁੱਕਸ
NEXT STORY 
