ਵੈੱਬ ਡੈਸਕ - ਸਰਦੀਆਂ ’ਚ ਠੰਡੀਆਂ ਹਵਾਵਾਂ ਸਕਿਨ ਤੋਂ ਨਮੀ ਖੋਹ ਲੈਂਦੀਆਂ ਹਨ, ਜਿਸ ਕਾਰਨ ਸਕਿਨ ਖੁਸ਼ਕ ਅਤੇ ਬੇਜਾਨ ਹੋ ਜਾਂਦੀ ਹੈ। ਅਜਿਹੇ 'ਚ ਠੰਡ ਤੋਂ ਬਚਣ ਲਈ ਗਰਮ ਪਾਣੀ ਨਾਲ ਨਹਾਉਣਾ ਅਤੇ ਘੱਟ ਪਾਣੀ ਪੀਣਾ ਇਸ ਸਮੱਸਿਆ ਨੂੰ ਹੋਰ ਵਧਾ ਦਿੰਦਾ ਹੈ। ਇਸ ਤਰ੍ਹਾਂ, ਖੁਸ਼ਕ ਸਕਿਨ ’ਚ ਖਾਰਿਸ਼, ਖਿਚਾਅ ਅਤੇ ਫਲੇਕੀ ਪੈਚ ਆਮ ਹੋ ਜਾਂਦੇ ਹਨ। ਇਸ ਤੋਂ ਬਚਣ ਲਈ ਕੋਸੇ ਪਾਣੀ ਦੀ ਚੋਣ ਕਰੋ, ਮਾਇਸਚਰਾਈਜ਼ਰ ਲਗਾਓ ਅਤੇ ਕਾਫ਼ੀ ਪਾਣੀ ਪੀਓ। ਇਸ ਦੇ ਨਾਲ, ਕੁਦਰਤੀ ਤੇਲ ਅਤੇ ਹਾਈਡ੍ਰੇਟਿੰਗ ਡਰਿੰਕਸ ਨਾਲ ਚਮੜੀ ਨੂੰ ਅੰਦਰੋਂ ਪੋਸ਼ਣ ਦਿਓ। ਜੇਕਰ ਦੇਖਿਆ ਜਾਵੇ ਤਾਂ ਅੰਦਰੂਨੀ ਪੋਸ਼ਣ ਨਾਲ ਹੀ ਸਕਿਨ ਚਮਕਦਾਰ ਰਹਿੰਦੀ ਹੈ, ਅਜਿਹੇ 'ਚ ਕੁਝ ਹਾਈਡ੍ਰੇਟਿੰਗ ਡਰਿੰਕ ਸਰਦੀਆਂ 'ਚ ਸਕਿਨ ਨੂੰ ਕੁਦਰਤੀ ਤੌਰ ’ਤੇ ਗਲੋਇੰਗ ਬਣਾਉਣ 'ਚ ਕਾਫੀ ਕਾਰਗਰ ਸਾਬਤ ਹੁੰਦੇ ਹਨ, ਤਾਂ ਆਓ ਜਾਣਦੇ ਹਾਂ ਇਨ੍ਹਾਂ ਬਾਰੇ।
ਪੜ੍ਹੋ ਇਹ ਵੀ ਖਬਰ - Face ’ਤੇ serum ਲਗਾਉਂਦੇ ਸਮੇਂ ਕਿਤੇ ਤੁਸੀਂ ਤਾਂ ਨਹੀਂ ਕਰ ਰਹੇ ਇਹ ਗਲਤੀ
ਕੋਸਾ ਨਿੰਬੂ-ਪਾਣੀ
- ਕੋਸੇ ਪਾਣੀ 'ਚ ਨਿੰਬੂ ਅਤੇ ਸ਼ਹਿਦ ਮਿਲਾ ਕੇ ਸਵੇਰੇ ਖਾਲੀ ਪੇਟ ਪੀਓ। ਇਹ ਸਰੀਰ ਨੂੰ ਡੀਟੌਕਸਫਾਈ ਕਰਦਾ ਹੈ ਅਤੇ ਸਕਿਨ ਨੂੰ ਸਾਫ਼ ਕਰਦਾ ਹੈ। ਇਸ ਤੋਂ ਇਲਾਵਾ ਵਿਟਾਮਿਨ ਸੀ ਵੀ ਗਲੋਅ ਵਧਾਉਂਦਾ ਹੈ। ਇਹ ਡਰਿੰਕ ਸਰਦੀਆਂ ’ਚ ਸਕਿਨ ਦੀ ਚਮਕ ਬਰਕਰਾਰ ਰੱਖਣ ’ਚ ਮਦਦਗਾਰ ਹੁੰਦਾ ਹੈ।
ਹਲਦੀ ਦੁੱਧ
- ਹਲਦੀ ਵਾਲੇ ਦੁੱਧ ’ਚ ਐਂਟੀਆਕਸੀਡੈਂਟ ਅਤੇ ਐਂਟੀ-ਇੰਫਲੇਮੇਟਰੀ ਗੁਣ ਹੁੰਦੇ ਹਨ। ਇਹ ਸਕਿਨ ਨੂੰ ਅੰਦਰੋਂ ਪੋਸ਼ਣ ਦਿੰਦਾ ਹੈ ਅਤੇ ਇਸ ਨੂੰ ਨਮੀ ਦਿੰਦਾ ਹੈ। ਹਲਦੀ ਵਾਲਾ ਦੁੱਧ ਝੁਰੜੀਆਂ ਨੂੰ ਘਟਾਉਂਦਾ ਹੈ ਅਤੇ ਸਕਿਨ ਦੀ ਲਚਕਤਾ ਨੂੰ ਵਧਾਉਂਦਾ ਹੈ।
ਪੜ੍ਹੋ ਇਹ ਵੀ ਖਬਰ - ਸਰੀਰ ਲਈ ਵਰਦਾਨ ਹੈ ਭੁੰਨੀ ਹੋਈ ਹਲਦੀ, ਚਿਹਰਾ ਜਾਵੇਗਾ ਚਮਕ, ਜਾਣ ਲਓ ਇਸ ਦੇ ਫਾਇਦੇ
ਨਾਰੀਅਲ ਪਾਣੀ
- ਨਾਰੀਅਲ ਪਾਣੀ ਇਲੈਕਟ੍ਰੋਲਾਈਟਸ ਅਤੇ ਖਣਿਜਾਂ ਦਾ ਇਕ ਕੁਦਰਤੀ ਸਰੋਤ ਹੈ। ਇਹ ਸਕਿਨ ਦੀ ਖੁਸ਼ਕੀ ਨੂੰ ਦੂਰ ਕਰਦਾ ਹੈ ਅਤੇ ਇਸ ਨੂੰ ਅੰਦਰੋਂ ਹਾਈਡਰੇਟ ਰੱਖਦਾ ਹੈ। ਸਰਦੀਆਂ ’ਚ ਇਸਨੂੰ ਨਿਯਮਿਤ ਰੂਪ ’ਚ ਪੀਣ ਨਾਲ ਸਕਿਨ ਦੀ ਨਮੀ ਬਣੀ ਰਹਿੰਦੀ ਹੈ।
ਐਲੋਵੈਰਾ ਜੂਸ
- ਐਲੋਵੇਰਾ ਦਾ ਜੂਸ ਸਕਿਨ ਦੀ ਨਮੀ ਨੂੰ ਵਧਾਉਂਦਾ ਹੈ ਅਤੇ ਇਸ ਨੂੰ ਹਾਈਡਰੇਟ ਰੱਖਦਾ ਹੈ। ਇਸ 'ਚ ਮੌਜੂਦ ਪੋਸ਼ਕ ਤੱਤ ਸਕਿਨ ਨੂੰ ਨਰਮ ਅਤੇ ਚਮਕਦਾਰ ਬਣਾਉਂਦੇ ਹਨ। ਇਸ ਨੂੰ ਸਵੇਰੇ ਖਾਲੀ ਪੇਟ ਲੈਣ ਨਾਲ ਫਾਇਦਾ ਹੁੰਦਾ ਹੈ।
ਗ੍ਰੀਨ-ਟੀ
- ਗ੍ਰੀਨ ਟੀ ’ਚ ਐਂਟੀਆਕਸੀਡੈਂਟ ਹੁੰਦੇ ਹਨ, ਜੋ ਸਕਿਨ ਨੂੰ ਫ੍ਰੀ ਰੈਡੀਕਲਸ ਤੋਂ ਬਚਾਉਂਦੇ ਹਨ ਅਤੇ ਇਸ ਨੂੰ ਕੁਦਰਤੀ ਚਮਕ ਪ੍ਰਦਾਨ ਕਰਦੇ ਹਨ।
ਚੁਕੰਦਰ ਦਾ ਜੂਸ
- ਚੁਕੰਦਰ ਦਾ ਜੂਸ ਆਇਰਨ ਅਤੇ ਖਣਿਜਾਂ ਨਾਲ ਭਰਪੂਰ ਹੁੰਦਾ ਹੈ। ਇਹ ਚਮੜੀ ’ਚ ਖੂਨ ਦਾ ਸੰਚਾਰ ਵਧਾਉਂਦਾ ਹੈ ਅਤੇ ਇਸ ਨੂੰ ਗੁਲਾਬੀ ਅਤੇ ਸਿਹਤਮੰਦ ਬਣਾਉਂਦਾ ਹੈ। ਇਸ ’ਚ ਗਾਜਰ ਅਤੇ ਅਦਰਕ ਮਿਲਾ ਕੇ ਇਸ ਨੂੰ ਹੋਰ ਪੌਸ਼ਟਿਕ ਬਣਾਇਆ ਜਾ ਸਕਦਾ ਹੈ।
ਅਦਰਕ ਅਤੇ ਸ਼ਹਿਦ ਦੀ ਚਾਹ
- ਅਦਰਕ-ਸ਼ਹਿਦ ਵਾਲੀ ਚਾਹ ਸਕਿਨ ਨੂੰ ਨਿੱਘ ਅਤੇ ਨਮੀ ਪ੍ਰਦਾਨ ਕਰਦੀ ਹੈ। ਇਹ ਸਕਿਨ ਦੀ ਸੋਜ ਨੂੰ ਘਟਾਉਂਦਾ ਹੈ ਅਤੇ ਇਸ ਦੀ ਬਣਤਰ ਨੂੰ ਸੁਧਾਰਦਾ ਹੈ।
ਨੋਟ : ਦੱਸ ਦਈਏ ਕਿ ਉਪਰ ਦਿੱਤੇ ਗਏ ਤੱਥ ਆਮ ਜਾਣਕਾਰੀ ਉਤੇ ਆਧਾਰਿਤ ਹਨ। ਜਗਬਾਣੀ ਇਸ ਦੀ ਕੋਈ ਪੁਸ਼ਟੀ ਨਹੀਂ ਕਰਦਾ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ
Diabetes ਦੇ ਮਰੀਜ਼ ਰੋਜ਼ ਖੁੱਲ੍ਹ ਕੇ ਖਾਣ ਇਹ ਚੀਜ਼ਾਂ, ਨਹੀਂ ਵਧੇਗਾ ਸ਼ੂਗਰ ਲੈਵਲ
NEXT STORY 
