ਜੰਮੂ : ਭਾਰਤੀ ਡਰੈੱਸਾਂ ’ਚ ਜੇਕਰ ਸਭ ਤੋਂ ਖ਼ਾਸ ਕੋਈ ਪਹਿਰਾਵਾ ਹੈ ਤਾਂ ਉਹ ਹੈ ਸਾੜ੍ਹੀ। ਮੁਟਿਆਰਾਂ ਹੋਣ ਜਾਂ ਔਰਤਾਂ, ਸਾੜ੍ਹੀ ਪਹਿਨਣਾ ਅੱਜ ਵੀ ਸਭ ਤੋਂ ਵੱਧ ਪਸੰਦ ਕੀਤਾ ਜਾਂਦਾ ਹੈ। ਸਾੜ੍ਹੀ ਦੀ ਖ਼ਾਸੀਅਤ ਇਹ ਹੈ ਕਿ ਇਸ ਨੂੰ ਹਰ ਮੌਕੇ ’ਤੇ ਪਹਿਨਿਆ ਜਾ ਸਕਦਾ ਹੈ। ਕੈਜ਼ੂਅਲ ਤੋਂ ਲੈ ਕੇ ਫ਼ਾਰਮਲ ਤੱਕ, ਹਰ ਜਗ੍ਹਾ ਸਾੜ੍ਹੀ ਆਪਣੀ ਵੱਖਰੀ ਪਛਾਣ ਬਣਾਉਂਦੀ ਹੈ। ਸ਼ਾਪਿੰਗ, ਕਾਲਜ ਜਾਂ ਦੋਸਤਾਂ ਨਾਲ ਘੁੰਮਣ ਦੌਰਾਨ ਮੁਟਿਆਰਾਂ ਨੂੰ ਹਲਕੀ-ਫੁਲਕੀ ਪ੍ਰਿੰਟਿਡ ਕਾਟਨ ਦੀ ਸਾੜ੍ਹੀ ’ਚ ਦੇਖਿਆ ਜਾ ਸਕਦਾ ਹੈ। ਉੱਥੇ ਹੀ ਵਿਆਹ, ਸੰਗੀਤ, ਮਹਿੰਦੀ ਅਤੇ ਰਿਸੈਪਸ਼ਨ ਵਰਗੇ ਖ਼ਾਸ ਮੌਕਿਆਂ ’ਤੇ ਔਰਤਾਂ ਨੂੰ ਹੈਵੀ ਵਰਕ ਵਾਲੀਆਂ ਸਾੜ੍ਹੀਆਂ ’ਚ ਦੇਖਿਆ ਜਾਂਦਾ ਹੈ। ਇਨ੍ਹਾਂ ਸਾਰਿਆਂ ’ਚ ਇਕ ਚੀਜ਼ ਕਾਮਨ ਹੁੰਦੀ ਹੈ ਅਤੇ ਉਹ ਹੈ ਗੋਲਡਨ ਵਰਕ। ਗੋਲਡਨ ਵਰਕ ਦਾ ਫ਼ੈਸ਼ਨ ਕਦੇ ਪੁਰਾਣਾ ਨਹੀਂ ਹੁੰਦਾ। ਇਹੋ ਕਾਰਨ ਹੈ ਕਿ ਗੋਲਡਨ ਵਰਕ ਵਾਲੀਆਂ ਸਾੜ੍ਹੀਆਂ ਹਮੇਸ਼ਾ ਟ੍ਰੈਂਡ ’ਚ ਰਹਿੰਦੀਆਂ ਹਨ।
ਗੋਲਡਨ ਵਰਕ ਵਾਲੀਆਂ ਸਾੜ੍ਹੀਆਂ ’ਚ ਤਰ੍ਹਾਂ-ਤਰ੍ਹਾਂ ਦੇ ਡਿਜ਼ਾਈਨ ਦੇਖਣ ਨੂੰ ਮਿਲ ਜਾਣਗੇ। ਕੁਝ ਸਾੜ੍ਹੀਆਂ ’ਚ ਸਿਰਫ਼ ਪਤਲਾ ਗੋਲਡਨ ਬਾਰਡਰ ਹੁੰਦਾ ਹੈ ਤੇ ਕੁਝ ’ਚ ਚੌੜਾ ਅਤੇ ਹੈਵੀ ਗੋਲਡਨ ਬਾਰਡਰ। ਕੁਝ ਸਾੜ੍ਹੀਆਂ ’ਚ ਗੋਲਡਨ ਲੈਸ ਅਤੇ ਪੈਚ ਵਰਕ ਦਾ ਕੰਮ ਹੁੰਦਾ ਹੈ ਤੇ ਕੁਝ ’ਤੇ ਗੋਲਡਨ ਜ਼ਰੀ ਵਰਕ ਅਤੇ ਸਟੋਨ ਵਰਕ ਦੀ ਡਿਟੇਲਿੰਗ ਮਿਲਦੀ ਹੈ। ਇਹੋ ਗੋਲਡਨ ਡਿਟੇਲਿੰਗ ਸਾੜ੍ਹੀ ਨੂੰ ਇਕ ਰਾਇਲ ਟੱਚ ਦਿੰਦੀ ਹੈ। ਗੋਲਡਨ ਵਰਕ ਦੀ ਸਭ ਤੋਂ ਵੱਡੀ ਖ਼ਾਸੀਅਤ ਇਹ ਹੈ ਕਿ ਇਹ ਹਰ ਰੰਗ ਦੀ ਸਾੜ੍ਹੀ ’ਤੇ ਜੱਚਦਾ ਹੈ। ਭਾਵੇਂ ਲਾਲ ਹੋਵੇ, ਹਰਾ, ਨੀਲਾ ਜਾਂ ਕਾਲਾ, ਗੋਲਡਨ ਵਰਕ ਹਰ ਰੰਗ ਨੂੰ ਹੋਰ ਆਕਰਸ਼ਕ ਅਤੇ ਸਟਾਈਲਿਸ਼ ਬਣਾ ਦਿੰਦਾ ਹੈ।
ਇਸੇ ਵਜ੍ਹਾ ਕਰ ਕੇ ਗੋਲਡਨ ਵਰਕ ਵਾਲੀਆਂ ਸਾੜ੍ਹੀਆਂ ਔਰਤਾਂ ਨੂੰ ਭੀੜ ਤੋਂ ਵੱਖਰਾ ਦਿਖਾਉਂਦੀਆਂ ਹਨ। ਅੱਜਕੱਲ ਸਿਰਫ਼ ਆਮ ਔਰਤਾਂ ਹੀ ਨਹੀਂ, ਸਗੋਂ ਬਾਲੀਵੁੱਡ ਅਦਾਕਾਰਾਂ ਵੀ ਗੋਲਡਨ ਵਰਕ ਵਾਲੀਆਂ ਸਾੜ੍ਹੀਆਂ ਦੀਆਂ ਦੀਵਾਨੀਆਂ ਹਨ। ਉਨ੍ਹਾਂ ਨੂੰ ਐਵਾਰਡ ਫੰਕਸ਼ਨਾਂ ਤੋਂ ਲੈ ਕੇ ਵਿਆਹਾਂ ਅਤੇ ਹੋਰ ਸਮਾਰੋਹਾਂ ’ਚ ਰੈੱਡ, ਗ੍ਰੀਨ, ਬਲੂ ਅਤੇ ਗੋਲਡਨ ਸ਼ੇਡ ਦੀਆਂ ਗੋਲਡਨ ਵਰਕ ਸਾੜ੍ਹੀਆਂ ’ਚ ਦੇਖਿਆ ਜਾ ਸਕਦਾ ਹੈ। ਮੁਟਿਆਰਾਂ ’ਚ ਬਲੈਕ, ਰਾਇਲ ਬਲੂ, ਗ੍ਰੀਨ ਅਤੇ ਪਿੰਕ ਕਲਰ ਦੀਆਂ ਗੋਲਡਨ ਵਰਕ ਸਾੜ੍ਹੀਆਂ ਕਾਫ਼ੀ ਟ੍ਰੈਂਡ ’ਚ ਹਨ। ਉੱਥੇ ਹੀ, ਸੱਜ ਵਿਆਹੀਆਂ ਮੁਟਿਆਰਾਂ ਰੈੱਡ ਅਤੇ ਮੈਰੂਨ ਰੰਗ ਦੀਆਂ ਹੈਵੀ ਗੋਲਡਨ ਵਰਕ ਵਾਲੀਆਂ ਸਾੜ੍ਹੀਆਂ ਨੂੰ ਸਭ ਤੋਂ ਜ਼ਿਆਦਾ ਪਸੰਦ ਕਰ ਰਹੀਆਂ ਹਨ। ਔਰਤਾਂ ਗ੍ਰੀਨ, ਬਲੂ, ਯੈਲੋ ਅਤੇ ਪਰਪਲ ਵਰਗੇ ਰੰਗਾਂ ’ਚ ਗੋਲਡਨ ਵਰਕ ਵਾਲੀਆਂ ਸਾੜ੍ਹੀਆਂ ਨੂੰ ਖ਼ੂਬ ਅਪਣਾ ਰਹੀਆਂ ਹਨ।
ਗੋਲਡਨ ਵਰਕ ਸਾੜ੍ਹੀ ਦੇ ਨਾਲ ਸਟਾਈਲਿੰਗ ਵੀ ਓਨੀ ਹੀ ਖ਼ਾਸ ਹੁੰਦੀ ਹੈ। ਇਸ ਦੇ ਨਾਲ ਗੋਲਡਨ ਜਿਊਲਰੀ, ਮੈਚਿੰਗ ਜਿਊਲਰੀ ਜਾਂ ਡਾਇਮੰਡ ਸੈੱਟ ਪਹਿਨਿਆ ਜਾ ਸਕਦਾ ਹੈ। ਹੇਅਰ ਸਟਾਈਲ ’ਚ ਜੂੜਾ, ਹੇਅਰ ਡੂ ਜਾਂ ਓਪਨ ਹੇਅਰ ਕਿਸੇ ਦੇ ਨਾਲ ਵੀ ਇਹ ਲੁੱਕ ਕਮਾਲ ਲੱਗਦੀ ਹੈ। ਲੁੱਕ ਨੂੰ ਕੰਪਲੀਟ ਕਰਨ ਲਈ ਔਰਤਾਂ ਗੋਲਡਨ, ਸਿਲਵਰ ਜਾਂ ਸਾੜ੍ਹੀ ਨਾਲ ਮੈਚਿੰਗ ਕਲੱਚ ਕੈਰੀ ਕਰ ਰਹੀਆਂ ਹਨ। ਫੁੱਟਵੀਅਰ ’ਚ ਸੈਂਡਲ ਅਤੇ ਹੀਲਜ਼ ਦੋਵੇਂ ਹੀ ਇਸ ਦੇ ਨਾਲ ਪਰਫ਼ੈਕਟ ਲੱਗਦੇ ਹਨ। ਗੋਲਡਨ ਵਰਕ ਵਾਲੀ ਸਾੜ੍ਹੀ ਸਿਰਫ਼ ਇਕ ਕੱਪੜਾ ਨਹੀਂ, ਸਗੋਂ ਰਾਇਲਟੀ ਅਤੇ ਐਲੀਗੈਂਸ ਦਾ ਪ੍ਰਤੀਕ ਹੈ।
ਚਿਹਰੇ 'ਤੇ ਕੱਚਾ ਦੁੱਧ ਲਾਉਣ ਦੇ ਫਾਇਦੇ, ਜਾਣੋ ਵਰਤਣ ਦਾ ਤਰੀਕਾ
NEXT STORY 
