ਜਲੰਧਰ (ਵੈੱਬ ਡੈਸਕ)- ਐਡੀਸ਼ਨਲ ਸੈਸ਼ਨ ਜੱਜ ਡਾ. ਦੀਪਤੀ ਗੁਪਤਾ ਦੀ ਕੋਰਟ ਨੇ ਵੀਰਵਾਰ ਨੂੰ ਕਰੀਬ 6 ਸਾਲ ਪਹਿਲਾਂ ਮੁਹੱਲਾ ਬਾਗ ਬਾਹਰੀਆਂ ਵਿਚ ਪਿਤਾ ਦਾ ਕਤਲ ਕਰਨ ਅਤੇ ਛੋਟੇ ਭਰਾ 'ਤੇ ਜਾਨਲੇਵਾ ਹਮਲਾ ਕਰਨ ਵਾਲੇ ਵੱਡੇ ਪੁੱਤਰ ਜਤਿਨ ਨਾਗਪਾਲ ਉਰਫ਼ ਸ਼ੇਰੂ ਨੂੰ ਉਮਰਕੈਦ ਦੀ ਸਜ਼ਾ ਸੁਣਾਈ ਹੈ।
ਅਦਾਲਤ ਨੇ ਦੋਸ਼ੀ 'ਤੇ ਕੁੱਲ੍ਹ 60 ਹਜ਼ਾਰ ਰੁਪਏ ਦਾ ਜੁਰਮਾਨਾ ਵੀ ਲਗਾਇਆ ਹੈ। ਬਚਾਅ ਕਰਨ ਆਏ ਚਸ਼ਮਦੀਦ ਛੋਟੇ ਭਰਾ ਅਭੈ ਜਿਸ ਦੇ ਸਿਰ, ਪਿੱਠ ਅਤੇ ਹੱਥ 'ਤੇ ਚਾਕੂ ਦੇ 10 ਡੂੰਘੇ ਜ਼ਖ਼ਮ ਲੱਗੇ ਸਨ, ਨੇ ਗਵਾਈ ਦਿੱਤੀ ਕਿ ਉਸ ਦੇ ਸਾਹਮਣੇ ਵੀ ਵੱਡੇ ਭਰਾ ਨੇ ਪਿਤਾ ਨੂੰ ਬੇਰਹਿਮੀ ਨਾਲ ਚਾਕੂ ਮਾਰੇ ਸਨ। ਉਹ ਬਚਾਉਣ ਲਈ ਆਇਆ ਤਾਂ ਉਸ ਨੂੰ ਜ਼ਖ਼ਮੀ ਕਰ ਦਿੱਤਾ।
ਇਹ ਵੀ ਪੜ੍ਹੋ: ਜਲੰਧਰ 'ਚ ਹੋਏ ਡਬਲ ਮਰਡਰ ਦੇ ਮਾਮਲੇ 'ਚ ਇਕ ਹੋਰ ਹੈਰਾਨ ਕਰਦਾ ਖ਼ੁਲਾਸਾ! ਮੁਲਜ਼ਮ ਨੇ ਬੱਸ ਸਟੈਂਡ 'ਤੇ...
ਕੇਸ ਦੀ ਦੂਜੀ ਅਹਿਮ ਗਵਾਹ ਮਾਂ ਵੀਨਾ ਰਾਣੀ ਨੇ ਕੋਰਟ ਵਿਚ ਆਪਣੇ ਵੱਡੇ ਬੇਟੇ ਖ਼ਿਲਾਫ਼ ਗਵਾਹੀ ਦਿੱਤੀ।ਉਨ੍ਹਾਂ ਦੱਸਿਆ ਕਿ ਉਨ੍ਹਾਂ ਦੀਆਂ ਅੱਖਾਂ ਸਾਹਮਣੇ ਪਤੀ ਦੀ ਲਾਸ਼ ਅਤੇ ਛੋਟਾ ਬੇਟਾ ਲਹੁ-ਲੂਹਾਣ ਪਿਆ ਸੀ ਜਦਕਿ ਵੱਡੇ ਬੇਟੇ ਦੇ ਹੱਥ ਖ਼ੂਨ ਨਾਲ ਭਰੇ ਸਨ। ਇਹ ਵੇਖ ਕੇ ਉਸ ਨੇ ਰੌਲਾ ਪਾਇਆ ਸੀ। ਸਜ਼ਾ ਸੁਣਾਉਂਦੇ ਹੋਏ ਕੋਰਟ ਨੇ ਸਖ਼ਤ ਟਿੱਪਣੀ ਕੀਤੀ। ਕੋਰਟ ਨੇ ਕਿਹਾ ਕਿ ਦੋਸ਼ੀ ਦਾ ਅਪਰਾਧ ਬੇਹੱਦ ਹੈਰਾਨ ਕਰਨ ਵਾਲਾ ਹੈ। ਉਸ ਨੇ ਕਿਸੇ ਹੋਰ ਦੀ ਨਹੀਂ ਸਗੋਂ ਆਪਣੇ ਪਿਤਾ ਦੀ ਜਾਨ ਲਈ ਹੈ। ਇਕ ਮਾਤਾ-ਪਿਤਾ ਅਤੇ ਬੱਚੇ ਵਿਚਕਾਰ ਦਾ ਰਿਸ਼ਤਾ ਸਭ ਤੋਂ ਪਵਿੱਤਰ ਹੁੰਦਾ ਹੈ ਪਰ ਦੋਸ਼ੀ ਨੇ ਉਸ ਰਿਸ਼ਤੇ ਦੀ ਮਰਿਆਦਾ ਨੂੰ ਤਾਰ-ਤਾਰ ਕਰ ਦਿੱਤਾ।
ਹੋਟਲ ਦੀ ਡੀਲ ਦੇ ਪੈਸੇ ਲੈਣਾ ਚਾਹੁੰਦਾ ਸੀ ਮੁਲਜ਼ਮ ਨਾਗਪਾਲ
ਮੁਹੱਲਾ ਬਾਗ ਬਾਹਰੀਆਂ ਵਿਚ 4 ਅਕਤੂਬਰ 2020 ਨੂੰ ਏ. ਟੀ. ਐੱਮ. ਕੇਟਰਸ ਦੇ ਮਾਲਕ ਅਸ਼ਵਨੀ ਨਾਗਪਾਲ ਅਤੇ ਉਨ੍ਹਾਂ ਦੇ ਛੋਟੇ ਬੇਟੇ ਅਭੈ ਨਾਗਪਾਲ ਉਰਫ਼ ਮਾਰਸ਼ਲ 'ਤੇ ਵੱਡੇ ਬੇਟੇ ਜਤਿਨ ਨਾਗਪਾਲ ਉਰਫ਼ ਸ਼ੇਰੂ ਨੇ ਚਾਕੂ ਨਾਲ ਹਮਲਾ ਕੀਤਾ ਸੀ, ਜਿਸ ਵਿਚ ਅਸ਼ਵਨੀ ਦੀ ਮੌਤ ਹੋ ਗਈ ਸੀ। ਅਭੈ ਨੇ ਪੁਲਸ ਨੂੰ ਦੱਸਿਆ ਸੀ ਕਿ ਜਦੋਂ ਉਹ ਆਪਣੀ ਪਤਨੀ ਅਤੇ ਦੋਸਤਾਂ ਨਾਲ ਚਿੰਤਪੁਰਨੀ ਮੰਦਿਰ ਤੋਂ ਵਾਪਸ ਆਇਆ ਤਾਂ ਜਤਿਨ ਆਪਣੇ ਪਿਤਾ ਨਾਲ ਝਗੜਾ ਕਰ ਰਿਹਾ ਸੀ। ਪਿਤਾ ਉਸ ਨੂੰ ਸਮਝਾ ਰਹੇ ਸਨ ਕਿ ਅਭੀ ਨਸ਼ੇ ਵਿਚ ਹੋ, ਸਵੇਰੇ ਗੱਲ ਕਰਾਂਗਾ ਪਰ ਉਹ ਨਹੀਂ ਮੰਨਿਆ। ਜਦੋਂ ਅਭੈ ਨੇ ਵੱਡੇ ਭਰਾ ਨੂੰ ਸਮਝਾਉਣਾ ਚਾਹਿਆ ਤਾਂ ਉਸ ਨੇ ਕਿਰਚ ਕੱਢ ਲਈ ਅਤੇ ਵੇਖਦੇ ਹੀ ਵੇਖਦੇ ਪਿਤਾ ਅਤੇ ਅਭੈ 'ਤੇ ਤਾਬੜਤੋੜ ਵਾਰ ਕੀਤੇ। ਅਭੈ ਮੁਤਾਬਰ ਇਕ ਹੋਟਲ ਦੀ ਡੀਲ ਹੋਣਾ ਸੀ, ਜਿਸ ਦੇ ਕਾਰਨ ਘਰ ਵਿਚ ਵੱਡੀ ਰਕਮ ਰੱਖੀ ਸੀ। ਵੱਡਾ ਭਰਾ ਨਸ਼ੇ ਵਿਚ ਸੀ ਅਤੇ ਨਸ਼ੇ ਲਈ ਉਸੇ ਰਕਮ ਨੂੰ ਚੁੱਕ ਕੇ ਲਿਜਾਉਣਾ ਚਾਹੁੰਦਾ ਸੀ। ਪੈਸੇ ਲੈ ਕੇ ਜਾਣ ਤੋਂ ਰੋਕਣ 'ਤੇ ਉਸ ਨੇ ਇਸ ਖ਼ੂਨੀ ਖੇਡ ਨੂੰ ਅੰਜਾਮ ਦਿੱਤਾ। ਇਸ ਮਾਮਲੇ ਵਿਚ ਥਾਣਾ ਨੰਬਰ-2 ਦੀ ਪੁਲਸ ਨੇ ਮਾਂ ਵੀਨਾ ਰਾਣੀ ਦੀ ਸ਼ਿਕਾਇਤ 'ਤੇ ਕਤਲ ਅਤੇ ਇਰਾਦਾ-ਏ-ਕਤਲ ਦਾ ਕੇਸ ਦਰਜ ਕੀਤਾ ਸੀ।
ਇਹ ਵੀ ਪੜ੍ਹੋ: ਭਿਆਨਕ ਸੜਕ ਹਾਦਸੇ 'ਚ ਪੰਜਾਬ ਪੁਲਸ ਦੇ ਮੁਲਾਜ਼ਮ ਦੀ ਮੌਤ, ਕਾਰ ਦੇ ਉੱਡੇ ਪਰਖੱਚੇ
ਮੁਲਜ਼ਮ ਨੇ ਰਚੀ ਸੀ ਝੂਠੀ ਕਹਾਣੀ
ਬਚਾਅ ਪੱਖ ਨੇ ਦਲੀਲ ਦਿੱਤੀ ਕਿ ਦੋਸ਼ੀ ਦਾ ਪਹਿਲਾਂ ਕੋਈ ਅਪਰਾਧਿਕ ਰਿਕਾਰਡ ਨਹੀਂ ਸੀ ਅਤੇ ਉਸ 'ਤੇ ਆਪਣੀ ਪਤਨੀ, ਬੱਚੇ ਅਤੇ ਬਜ਼ੁਰਗ ਮਾਂ ਦੀ ਜ਼ਿੰਮੇਵਾਰੀ ਹੈ, ਇਸ ਲਈ ਸਜ਼ਾ ਵਿਚ ਨਰਮੀ ਵਰਤੀ ਜਾਵੇ। ਆਪਣੇ ਆਪ ਨੂੰ ਬਚਾਉਣ ਲਈ ਦੋਸ਼ੀ ਨੇ ਇਕ ਝੂਠੀ ਕਹਾਣੀ ਵੀ ਘੜੀ ਕਿ ਉਸ ਦੇ ਪਿਤਾ ਅਤੇ ਭਰਾ ਵਿਚਕਾਰ ਝਗੜਾ ਹੋਇਆ ਸੀ। ਹਾਲਾਂਕਿ ਅਦਾਲਤ ਨੇ ਮੈਡੀਕਲ ਰਿਪੋਰਟ, ਮਾਂ ਅਤੇ ਪੁੱਤਰ ਦੀ ਗਵਾਹੀ ਅਤੇ ਪੁਲਸ ਜਾਂਚ ਨੂੰ ਮਜ਼ਬੂਤ ਸਬੂਤ ਵਜੋਂ ਮੰਨਦੇ ਹੋਏ ਦੋਸ਼ੀ ਦੀਆਂ ਸਾਰੀਆਂ ਦਲੀਲਾਂ ਨੂੰ ਰੱਦ ਕਰ ਦਿੱਤਾ।
ਇਹ ਵੀ ਪੜ੍ਹੋ: ਜਲੰਧਰ 'ਚ ਹੋਏ ਡਬਲ ਮਰਡਰ ਦੇ ਮਾਮਲੇ 'ਚ ਵੱਡੇ ਖ਼ੁਲਾਸੇ! CCTV ਨੇ ਖੋਲ੍ਹਿਆ ਰਾਜ਼
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਖਰੜ ਹਲਕੇ ਦੇ 324 ਪੋਲਿੰਗ ਬੂਥਾਂ ’ਤੇ 16 ਅਗਸਤ ਨੂੰ ਲੱਗਣਗੇ ਵਿਸ਼ੇਸ਼ ਕੈਂਪ
NEXT STORY 
