ਵੈੱਬ ਡੈਸਕ- ਆਧੁਨਿਕ ਭਾਰਤੀ ਫੈਸ਼ਨ ਦੀ ਦੁਨੀਆ ’ਚ ਸ਼ਰਾਰਾ ਸੂਟ ਨੇ ਮੁਟਿਆਰਾਂ ਦਾ ਦਿਲ ਜਿੱਤ ਲਿਆ ਹੈ। ਰਵਾਇਤੀ ਭਾਰਤੀ ਪਹਿਰਾਵਿਆਂ ’ਚ ਸਾੜ੍ਹੀ, ਲਹਿੰਗਾ-ਚੋਲੀ ਅਤੇ ਵੱਖ-ਵੱਖ ਤਰ੍ਹਾਂ ਦੇ ਸੂਟਾਂ ਵਿਚਾਲੇ ਸ਼ਰਾਰਾ ਸੂਟ ਇਕ ਅਨੋਖਾ ਅਤੇ ਸਟਾਈਲਿਸ਼ ਬਦਲ ਬਣ ਕੇ ਉੱਭਰਿਆ ਹੈ। ਇਹ ਨਾ ਸਿਰਫ਼ ਟ੍ਰੈਡੀਸ਼ਨਲ ਲੁੱਕ ਦਿੰਦਾ ਹੈ, ਸਗੋਂ ਮਾਡਰਨ ਟੱਚ ਵੀ ਦਿੰਦਾ ਹੈ, ਜਿਸ ਨਾਲ ਇਹ ਨਵੀਂ ਪੀੜ੍ਹੀ ਦੀ ਪਹਿਲੀ ਪਸੰਦ ਬਣ ਗਿਆ ਹੈ। ਸ਼ਰਾਰਾ ਸੂਟ ਦੀ ਲੋਕਪ੍ਰਿਯਤਾ ਦਾ ਮੁੱਖ ਕਾਰਨ ਇਸ ਦਾ ਯੂਨੀਕ ਡਿਜ਼ਾਈਨ ਹੈ। ਜਦੋਂ ਤੋਂ ਇਹ ਫੈਸ਼ਨ ਮਾਰਕੀਟ ’ਚ ਆਇਆ, ਉਦੋਂ ਤੋਂ ਇਹ ਮੁਟਿਆਰਾਂ ਦਾ ਨਵਾਂ ਫੈਸ਼ਨ ਟ੍ਰੈਂਡ ਬਣ ਗਿਆ।
ਸ਼ਰਾਰਾ ਸੂਟ ਮੁਟਿਆਰਾਂ ਨੂੰ ਸਟਾਈਲਿਸ਼ ਅਤੇ ਵੱਖਰੀ ਲੁੱਕ ਦਿੰਦਾ ਹੈ। ਇਹ ਉਨ੍ਹਾਂ ਨੂੰ ਟ੍ਰੈਡੀਸ਼ਨਲ ਦੇ ਨਾਲ-ਨਾਲ ਮਾਡਰਨ ਵੀ ਵਿਖਾਉਂਦਾ ਹੈ। ਖਾਸ ਕਰ ਕੇ ਵਿਆਹ, ਪਾਰਟੀ, ਮੰਗਣੀ, ਮਹਿੰਦੀ ਅਤੇ ਸੰਗੀਤ ਵਰਗੇ ਵਿਸ਼ੇਸ਼ ਮੌਕਿਆਂ ’ਤੇ ਸ਼ਰਾਰਾ ਸੂਟ ਮੁਟਿਆਰਾਂ ਦੀ ਪਹਿਲੀ ਪਸੰਦ ਬਣ ਜਾਂਦਾ ਹੈ। ਸ਼ਰਾਰਾ ਸੂਟ ਤਿੰਨ ਪੀਸ ’ਚ ਉਪਲਬਧ ਹੁੰਦਾ ਹੈ- ਕੁੜਤੀ, ਬਾਟਮ ਅਤੇ ਦੁਪੱਟਾ। ਕੁੜਤੀ ਵੱਖ-ਵੱਖ ਸਟਾਈਲਾਂ ’ਚ ਆਉਂਦੀ ਹੈ। ਕੁਝ ਸਟ੍ਰੇਟ ਕੱਟ ਵਾਲੀਆਂ ਹੁੰਦੀਆਂ ਹਨ ਤਾਂ ਕੁਝ ਫਰਾਕ ਸਟਾਈਲ ਦੀਆਂ। ਸਲੀਵਜ਼ ਦੇ ਡਿਜ਼ਾਈਨ ਵੀ ਵੰਨ-ਸੁਵੰਨੇ ਹਨ- ਸਲੀਵਲੈੱਸ, ਹਾਫ ਸਲੀਵਜ਼, ਫੁੱਲ ਸਲੀਵਜ਼ ਜਾਂ ਸਟ੍ਰੈਪ ਡਿਜ਼ਾਈਨ ਵਾਲੀਆਂ ਸਲੀਵਜ਼। ਕੁੜਤੀ ਦੀ ਲੰਬਾਈ ਵੀ ਵੱਖ-ਵੱਖ ਹੁੰਦੀ ਹੈ- ਕੁਝ ਗੋਡਿਆਂ ਤੱਕ, ਕੁਝ ਮੀਡੀਅਮ ਲੰਬਾਈ ਦੀਆਂ ਅਤੇ ਕੁਝ ਕਾਫੀ ਸ਼ਾਰਟ ਕੁੜਤੀਆਂ ਵੀ ਬਾਜ਼ਾਰ ’ਚ ਉਪਲਬਧ ਹਨ। ਇਸ ਨਾਲ ਮੁਟਿਆਰਾਂ ਇਨ੍ਹਾਂ ਨੂੰ ਆਪਣੀ ਪਸੰਦ ਅਤੇ ਬਾਡੀ ਟਾਈਪ ਅਨੁਸਾਰ ਆਸਾਨੀ ਨਾਲ ਚੁਣ ਸਕਦੀਆਂ ਹਨ।
ਖਾਸ ਮੌਕਿਆਂ ’ਤੇ ਮੁਟਿਆਰਾਂ ਭਾਰੀ ਵਰਕ ਵਾਲੇ ਸ਼ਰਾਰਾ ਸੂਟ ਪਸੰਦ ਕਰਦੀਆਂ ਹਨ, ਜਦਕਿ ਨਾਰਮਲ ਫੰਕਸ਼ਨਾਂ ਲਈ ਲਾਈਟ ਵਰਕ ਵਾਲੇ ਸੂਟ ਚੁਣਦੀਆਂ ਹਨ। ਰੰਗਾਂ ਦੀ ਵੰਨ-ਸੁਵੰਨਤਾ ਵੀ ਸ਼ਰਾਰਾ ਸੂਟ ਨੂੰ ਆਕਰਸ਼ਕ ਬਣਾਉਂਦੀ ਹੈ। ਮੁਟਿਆਰਾਂ ਰੈੱਡ, ਮੈਰੂਨ, ਬਲੈਕ, ਪਰਪਲ, ਡਾਰਕ ਗ੍ਰੀਨ, ਬਲੂ, ਯੈਲੋ ਅਤੇ ਪਿੰਕ ਵਰਗੇ ਰੰਗਾਂ ’ਚ ਸ਼ਰਾਰਾ ਸੂਟ ਪਹਿਨਣਾ ਪਸੰਦ ਕਰਦੀਆਂ ਹਨ। ਇਹ ਰੰਗ ਨਾ ਸਿਰਫ਼ ਫੰਕਸ਼ਨ ਦੇ ਮਾਹੌਲ ਨੂੰ ਵਧਾਉਂਦੇ ਹਨ, ਸਗੋਂ ਮੁਟਿਆਰਾਂ ਦੀ ਨਿੱਜੀ ਸਟਾਈਲ ਨੂੰ ਵੀ ਪਰਖਦੇ ਹਨ। ਅਸੈਸਰੀਜ਼ ਦੇ ਨਾਲ ਸਟਾਈਲਿੰਗ ਸ਼ਰਾਰਾ ਸੂਟ ਨੂੰ ਹੋਰ ਨਿਖਾਰਦੀ ਹੈ। ਮੁਟਿਆਰਾਂ ਇਸ ਦੇ ਨਾਲ ਪੋਟਲੀ ਬੈਗ ਨੂੰ ਤਰਜੀਹ ਦਿੰਦੀਆਂ ਹਨ। ਜਿਊਲਰੀ ’ਚ ਮਿਨੀਮਲ ਤੋਂ ਲੈ ਕੇ ਹੈਵੀ ਜਿਊਲਰੀ ਦੋਵੇਂ ਹੀ ਆਪਸ਼ਨ ਉਪਲਬਧ ਹਨ। ਹੇਅਰ ਸਟਾਈਲ ’ਚ ਓਪਨ ਹੇਅਰ, ਵੇਵੀ ਹੇਅਰ, ਹਾਈ ਪੋਨੀਟੇਲ ਜਾਂ ਟ੍ਰੈਡੀਸ਼ਨਲ ਜੂੜੇ ਵਰਗੇ ਸਟਾਈਲ ਵੇਖੇ ਜਾਂਦੇ ਹਨ। ਫੁੱਟਵੀਅਰ ’ਚ ਹਾਈ ਹੀਲਜ਼, ਹਾਈ ਬੈਲੀ ਜੁੱਤੀਆਂ ਜਾਂ ਸੈਂਡਲਜ਼ ਦੀ ਵਰਤੋਂ ਕੀਤੀ ਜਾਂਦੀ ਹੈ, ਜੋ ਪੂਰੀ ਲੁੱਕ ਨੂੰ ਪਰਫੈਕਟ ਬਣਾਉਂਦਾ ਹੈ। ਅੱਜਕਲ ਡਿਜ਼ਾਈਨਰ ਸ਼ਰਾਰਾ ਸੂਟ ’ਚ ਫਿਊਜ਼ਨ ਐਲੀਮੈਂਟਸ ਵੀ ਜੋੜਿਆ ਜਾ ਰਿਹਾ ਹੈ, ਜਿਵੇਂ ਵੈਸਟਰਨ ਟੱਚ ਜਾਂ ਇੰਡੋ-ਵੈਸਟਰਨ ਸਟਾਈਲ, ਜਿਸ ਨਾਲ ਇਹ ਹੋਰ ਵੀ ਪਾਪੂਲਰ ਹੋ ਰਿਹਾ ਹੈ। ਭਾਰਤੀ ਡ੍ਰੈੱਸਾਂ ’ਚ ਸ਼ਰਾਰਾ ਸੂਟ ਵਾਕਈ ਇਕ ਨਵਾਂ ਫੈਸ਼ਨ ਸਟੇਟਮੈਂਟ ਬਣ ਚੁੱਕਾ ਹੈ। ਇਹ ਮੁਟਿਆਰਾਂ ਨੂੰ ਸਟਾਈਲ, ਕੰਫਰਟ ਅਤੇ ਟ੍ਰੈਡੀਸ਼ਨ ਦਾ ਪਰਫੈਕਟ ਮਿਸ਼ਰਣ ਦਿੰਦਾ ਹੈ। ਵਿਸ਼ੇਸ਼ ਮੌਕਿਆਂ ’ਤੇ ਸ਼ਰਾਰਾ ਸੂਟ ਨਾ ਸਿਰਫ਼ ਧਿਆਨ ਖਿੱਚਦਾ ਹੈ, ਸਗੋਂ ਪਹਿਨਣ ਵਾਲੀ ਨੂੰ ਇਕ ਯਾਦਗਾਰ ਲੁੱਕ ਵੀ ਦਿੰਦਾ ਹੈ।
ਬਚੀਆਂ ਹੋਈਆਂ ਰੋਟੀਆਂ ਨੂੰ ਸੁੱਟਣ ਦੀ ਬਜਾਏ ਬਣਾਓ ਇਹ ਸਵਾਦਿਸ਼ਟ 'ਰੋਟੀ ਸਲਾਦ', ਜਾਣੋ ਆਸਾਨ ਰੈਸਿਪੀ
NEXT STORY 
