ਵੈੱਬ ਡੈਸਕ - ਅਕਸਰ ਘਰਾਂ 'ਚ ਰੋਟੀਆਂ ਬਚ ਜਾਂਦੀਆਂ ਹਨ, ਜਿਨ੍ਹਾਂ ਨੂੰ ਆਮ ਤੌਰ 'ਤੇ ਸੁੱਟ ਦਿੱਤਾ ਜਾਂਦਾ ਹੈ ਪਰ ਹੁਣ ਤੁਸੀਂ ਇਨ੍ਹਾਂ ਬਚੀਆਂ ਹੋਈਆਂ ਰੋਟੀਆਂ ਨੂੰ ਇਕ ਬਹੁਤ ਹੀ ਸਵਾਦਿਸ਼ਟ ਅਤੇ ਸਿਹਤਮੰਦ ਸਨੈਕ 'ਚ ਬਦਲ ਸਕਦੇ ਹੋ। 'ਬਚੀ ਹੋਈ ਰੋਟੀ ਦਾ ਸਲਾਦ' ਨਾ ਸਿਰਫ਼ ਖਾਣ 'ਚ ਬਹੁਤ ਟੇਸਟੀ ਅਤੇ ਕੁਰਕੁਰਾ ਹੁੰਦਾ ਹੈ, ਸਗੋਂ ਇਹ ਭੋਜਨ ਦੀ ਬਰਬਾਦੀ ਨੂੰ ਰੋਕਣ ਦਾ ਵੀ ਇਕ ਵਧੀਆ ਤਰੀਕਾ ਹੈ। ਇਹ ਰੈਸਿਪੀ ਬਹੁਤ ਜਲਦੀ ਤਿਆਰ ਹੋ ਜਾਂਦੀ ਹੈ ਅਤੇ ਬੱਚਿਆਂ ਤੋਂ ਲੈ ਕੇ ਵੱਡਿਆਂ ਤੱਕ ਸਭ ਨੂੰ ਪਸੰਦ ਆਉਂਦੀ ਹੈ।
ਲੋੜੀਂਦੀ ਸਮੱਗਰੀ :-
ਬਚੀ ਹੋਈ ਰੋਟੀ - 150 ਗ੍ਰਾਮ
ਪਿਆਜ਼ ਅਤੇ ਟਮਾਟਰ - 50-50 ਗ੍ਰਾਮ
ਹਰੀ ਮਿਰਚ - 1 ਚਮਚ
ਮਸਾਲੇ - ਲੂਣ (3/4 ਚਮਚ), ਗਰਮ ਮਸਾਲਾ (1/2 ਚਮਚ), ਲਾਲ ਮਿਰਚ (1/4 ਚਮਚ), ਚਾਟ ਮਸਾਲਾ (1/2 ਚਮਚ)
ਹੋਰ - ਨਿੰਬੂ ਦਾ ਰਸ (1 ਚਮਚ), ਹਰਾ ਧਨੀਆ ਅਤੇ ਤਲਣ ਲਈ ਤੇਲ
ਬਣਾਉਣ ਦੀ ਵਿਧੀ : -
- ਸਭ ਤੋਂ ਪਹਿਲਾਂ ਕੜਾਹੀ 'ਚ ਤੇਲ ਗਰਮ ਕਰੋ ਅਤੇ ਰੋਟੀਆਂ ਨੂੰ ਛੋਟੇ-ਛੋਟੇ ਟੁਕੜਿਆਂ 'ਚ ਕੱਟ ਕੇ ਸੁਨਹਿਰੀ ਤੇ ਕੁਰਕੁਰਾ ਹੋਣ ਤੱਕ ਡੀਪ ਫਰਾਈ ਕਰੋ।
- ਤਲੀਆਂ ਹੋਈਆਂ ਰੋਟੀਆਂ ਨੂੰ ਤੇਲ 'ਚੋਂ ਕੱਢ ਕੇ ਇਕ ਬਾਊਲ 'ਚ ਰੱਖੋ।
- ਹੁਣ ਇਸ 'ਚ ਬਾਰੀਕ ਕੱਟੇ ਹੋਏ ਪਿਆਜ਼, ਟਮਾਟਰ, ਹਰੀ ਮਿਰਚ, ਸਾਰੇ ਮਸਾਲੇ, ਨਿੰਬੂ ਦਾ ਰਸ ਅਤੇ ਹਰਾ ਧਨੀਆ ਪਾਓ।
- ਸਾਰੀਆਂ ਚੀਜ਼ਾਂ ਨੂੰ ਚੰਗੀ ਤਰ੍ਹਾਂ ਮਿਲਾਓ ਅਤੇ ਇਸ ਕੁਰਕੁਰੇ ਸਲਾਦ ਦਾ ਤੁਰੰਤ ਆਨੰਦ ਲਓ।
ਰਸੋਈ ਦੀਆਂ ਕੀੜੀਆਂ ਹੁਣ ਮਿੰਟਾਂ 'ਚ ਹੋਣਗੀਆਂ ਦੂਰ, ਬਸ ਅਪਣਾ ਲਓ ਇਹ 4 ਘਰੇਲੂ ਨੁਸਖੇ
NEXT STORY 
