ਬਿਊਟੀ ਡੈਸਕ - ਜੇਕਰ ਤੁਸੀਂ ਵੀ ਵਾਲਾਂ ਦੇ ਝੜਨ, ਰੁੱਖੇਪਨ ਜਾਂ ਦੋ-ਮੂੰਹੇ ਵਾਲਾਂ ਤੋਂ ਪਰੇਸ਼ਾਨ ਹੋ ਅਤੇ ਮਹਿੰਗੇ ਪ੍ਰੋਡਕਟਸ ਵਰਤ ਕੇ ਥੱਕ ਚੁੱਕੇ ਹੋ, ਤਾਂ ਹੁਣ ਤੁਹਾਡੀ ਰਸੋਈ 'ਚ ਹੀ ਇਸ ਦਾ ਹੱਲ ਮੌਜੂਦ ਹੈ। ਪ੍ਰਾਚੀਨ ਸਮੇਂ ਤੋਂ ਹੀ ਏਸ਼ੀਆਈ ਦੇਸ਼ਾਂ 'ਚ ਚੌਲਾਂ ਦੇ ਪਾਣੀ ਦੀ ਵਰਤੋਂ ਵਾਲਾਂ ਨੂੰ ਲੰਬੇ, ਸੰਘਣੇ ਅਤੇ ਮਜ਼ਬੂਤ ਬਣਾਉਣ ਲਈ ਕੀਤੀ ਜਾ ਰਹੀ ਹੈ। ਵਿਗਿਆਨ ਵੀ ਮੰਨਦਾ ਹੈ ਕਿ ਚੌਲਾਂ 'ਚ ਮੌਜੂਦ 'ਇਨੋਸਿਟੋਲ' ਨਾਮਕ ਤੱਤ ਵਾਲਾਂ ਨੂੰ ਅੰਦਰੋਂ ਮਜ਼ਬੂਤ ਕਰਦਾ ਹੈ।
ਵਾਲਾਂ ਲਈ ਚੌਲਾਂ ਦੇ ਪਾਣੀ ਦੇ ਫਾਇਦੇ :-
ਵਾਲਾਂ ਦੀ ਲੰਬਾਈ ਵਧਾਵੇ
- ਚੌਲਾਂ ਦੇ ਪਾਣੀ 'ਚ ਮੌਜੂਦ ਐਮੀਨੋ ਐਸਿਡ ਵਾਲਾਂ ਦੀਆਂ ਜੜ੍ਹਾਂ ਨੂੰ ਪੋਸ਼ਣ ਦਿੰਦੇ ਹਨ, ਜਿਸ ਨਾਲ ਵਾਲ ਤੇਜ਼ੀ ਨਾਲ ਲੰਬੇ ਹੁੰਦੇ ਹਨ।
ਕੰਡੀਸ਼ਨਰ ਦਾ ਕੰਮ
- ਇਹ ਵਾਲਾਂ ਨੂੰ ਕੁਦਰਤੀ ਤੌਰ 'ਤੇ ਨਰਮ ਅਤੇ ਚਮਕਦਾਰ ਬਣਾਉਂਦਾ ਹੈ।
ਝੜਨਾ ਰੋਕੇ
- ਇਸ ਦੀ ਨਿਯਮਤ ਵਰਤੋਂ ਨਾਲ ਵਾਲਾਂ ਦੀਆਂ ਜੜ੍ਹਾਂ ਮਜ਼ਬੂਤ ਹੁੰਦੀਆਂ ਹਨ ਅਤੇ ਵਾਲ ਟੁੱਟਣੇ ਬੰਦ ਹੋ ਜਾਂਦੇ ਹਨ।
ਸਿਕਰੀ ਤੋਂ ਰਾਹਤ
- ਇਹ ਸਿਰ ਦੀ ਚਮੜੀ ਨੂੰ ਸਾਫ਼ ਰੱਖਦਾ ਹੈ ਅਤੇ ਖੁਜਲੀ ਤੇ ਸਿਕਰੀ ਤੋਂ ਨਿਜਾਤ ਦਿਵਾਉਂਦਾ ਹੈ।
ਕਿਵੇਂ ਕਰੀਏ ਵਰਤੋਂ?
- ਅੱਧਾ ਕੱਪ ਚੌਲ ਲਓ, ਉਨ੍ਹਾਂ ਨੂੰ ਧੋ ਕੇ 2-3 ਕੱਪ ਪਾਣੀ 'ਚ 30 ਮਿੰਟ ਲਈ ਭਿਓਂ ਦਿਓ। ਫਿਰ ਪਾਣੀ ਨੂੰ ਛਾਣ ਕੇ ਇਕ ਬੋਤਲ 'ਚ ਭਰ ਲਓ।
- ਪਹਿਲਾਂ ਵਾਲਾਂ ਨੂੰ ਸ਼ੈਂਪੂ ਨਾਲ ਧੋ ਲਓ। ਫਿਰ ਚੌਲਾਂ ਦੇ ਪਾਣੀ ਨੂੰ ਵਾਲਾਂ ਅਤੇ ਜੜ੍ਹਾਂ ਵਿੱਚ ਲਗਾ ਕੇ 10-15 ਮਿੰਟ ਲਈ ਛੱਡ ਦਿਓ। ਅਖੀਰ 'ਚ ਸਾਦੇ ਪਾਣੀ ਨਾਲ ਵਾਲ ਧੋ ਲਓ।
ਅੱਖਾਂ ਦੇ ਹੇਠਲੇ ਕਾਲੇ ਘੇਰਿਆਂ ਤੋਂ ਹੋ ਗਏ ਹੋ ਪਰੇਸ਼ਾਨ ਤਾਂ ਅਪਣਾਓ ਇਹ ਦੇਸੀ ਨੁਸਖ਼ੇ
NEXT STORY 
