ਵੈੱਬ ਡੈਸਕ - ਪੰਜਾਬੀ ਰਸੋਈ 'ਚ 'ਕਾਲੇ ਛੋਲੇ' ਇਕ ਅਜਿਹੀ ਡਿਸ਼ ਹੈ ਜੋ ਹਰ ਘਰ 'ਚ ਬੜੇ ਚਾਅ ਨਾਲ ਬਣਾਈ ਜਾਂਦੀ ਹੈ ਪਰ ਅਕਸਰ ਸ਼ਿਕਾਇਤ ਰਹਿੰਦੀ ਹੈ ਕਿ ਘਰ 'ਚ ਉਹ 'ਹੋਟਲ ਜਾਂ ਢਾਬੇ' ਵਾਲਾ ਸਵਾਦ ਨਹੀਂ ਆਉਂਦਾ। ਅੱਜ ਅਸੀਂ ਤੁਹਾਨੂੰ ਦੱਸਾਂਗੇ ਉਹ ਸਹੀ ਤਰੀਕਾ, ਜਿਸ ਨਾਲ ਤੁਹਾਡੇ ਕਾਲੇ ਛੋਲੇ ਨਾ ਸਿਰਫ਼ ਨਰਮ ਬਣਨਗੇ, ਸਗੋਂ ਇਸ ਦੀ ਤਰੀ (Gravy) ਵੀ ਬੇਹੱਦ ਲਾਜਵਾਬ ਹੋਵੇਗੀ।
ਸਮੱਗਰੀ :-
- ਕਾਲੇ ਛੋਲੇ (ਰਾਤ ਭਰ ਭਿਓਂ ਕੇ ਰੱਖੇ ਹੋਏ)
- ਪਿਆਜ਼, ਅਦਰਕ, ਲਸਣ ਅਤੇ ਹਰੀਆਂ ਮਿਰਚਾਂ ਦਾ ਪੇਸਟ
- ਟਮਾਟਰ ਦੀ ਪਿਊਰੀ
- ਮਸਾਲੇ: ਹਲਦੀ, ਲੂਣ, ਲਾਲ ਮਿਰਚ, ਗਰਮ ਮਸਾਲਾ, ਅਤੇ ਸੁੱਕਾ ਧਨੀਆ
- ਖੜ੍ਹੇ ਮਸਾਲੇ: ਤੇਜ਼ ਪੱਤਾ, ਦਾਲਚੀਨੀ, ਅਤੇ ਵੱਡੀ ਇਲਾਇਚੀ
ਬਣਾਉਣ ਦਾ ਸਹੀ ਤਰੀਕਾ :-
ਪਹਿਲਾ ਪੜਾਅ
- ਸਭ ਤੋਂ ਪਹਿਲਾਂ ਭਿੱਜੇ ਹੋਏ ਛੋਲਿਆਂ ਨੂੰ ਕੁੱਕਰ 'ਚ ਪਾਓ। ਇਸ 'ਚ ਲੋੜ ਅਨੁਸਾਰ ਪਾਣੀ, ਥੋੜ੍ਹਾ ਜਿਹਾ ਲੂਣ ਅਤੇ ਇਕ ਵੱਡੀ ਇਲਾਇਚੀ ਪਾ ਕੇ 5-6 ਸੀਟੀਆਂ ਲਗਵਾਓ।
ਤੜਕਾ ਲਗਾਉਣਾ
- ਇਕ ਕੜਾਹੀ 'ਚ ਤੇਲ ਗਰਮ ਕਰੋ। ਇਸ 'ਚ ਜੀਰਾ ਅਤੇ ਤੇਜ਼ ਪੱਤਾ ਪਾਓ। ਹੁਣ ਪਿਆਜ਼-ਅਦਰਕ-ਲਸਣ ਦਾ ਪੇਸਟ ਪਾ ਕੇ ਸੁਨਹਿਰੀ ਹੋਣ ਤੱਕ ਚੰਗੀ ਤਰ੍ਹਾਂ ਭੁੰਨੋ।
ਮਸਾਲੇ ਦਾ ਜਾਦੂ
- ਜਦੋਂ ਪਿਆਜ਼ ਤੇਲ ਛੱਡ ਦੇਵੇ, ਤਾਂ ਟਮਾਟਰ ਦੀ ਪਿਊਰੀ ਅਤੇ ਸਾਰੇ ਸੁੱਕੇ ਮਸਾਲੇ ਪਾ ਦਿਓ। ਮਸਾਲੇ ਨੂੰ ਉਦੋਂ ਤੱਕ ਪਕਾਓ ਜਦੋਂ ਤੱਕ ਉਹ ਕੜਾਹੀ ਦੇ ਕਿਨਾਰਿਆਂ ਤੋਂ ਤੇਲ ਨਾ ਛੱਡਣ ਲੱਗ ਜਾਵੇ।
ਮਿਕਸ ਕਰਨਾ
- ਹੁਣ ਉਬਾਲੇ ਹੋਏ ਛੋਲੇ (ਪਾਣੀ ਸਮੇਤ) ਤੜਕੇ 'ਚ ਪਾ ਦਿਓ। ਜੇਕਰ ਤਰੀ ਗਾੜ੍ਹੀ ਚਾਹੀਦੀ ਹੈ, ਤਾਂ ਥੋੜ੍ਹੇ ਜਿਹੇ ਛੋਲਿਆਂ ਨੂੰ ਮੈਸ਼ ਕਰਕੇ ਮਿਲਾ ਦਿਓ।
ਆਖਰੀ ਟੱਚ
- ਇਸ ਨੂੰ 10-15 ਮਿੰਟ ਘੱਟ ਅੱਗ 'ਤੇ ਪਕਣ ਦਿਓ। ਅਖੀਰ 'ਚ ਹਰਾ ਧਨੀਆ ਅਤੇ ਗਰਮ ਮਸਾਲਾ ਪਾ ਕੇ ਗਾਰਨਿਸ਼ ਕਰੋ।
ਸਵਾਦ ਵਧਾਉਣ ਲਈ ਖ਼ਾਸ ਟਿਪਸ :-
ਲੋਹੇ ਦੀ ਕੜਾਹੀ
- ਜੇਕਰ ਤੁਸੀਂ ਛੋਲਿਆਂ ਦਾ ਰੰਗ ਗੂੜ੍ਹਾ ਕਾਲਾ ਚਾਹੁੰਦੇ ਹੋ, ਤਾਂ ਇਸ ਨੂੰ ਲੋਹੇ ਦੀ ਕੜਾਹੀ 'ਚ ਬਣਾਓ। ਇਸ ਨਾਲ ਆਇਰਨ ਦੀ ਮਾਤਰਾ ਵੀ ਵਧਦੀ ਹੈ।
ਭੁੰਨਣਾ
- ਤੜਕੇ ਨੂੰ ਜਿੰਨਾ ਹੌਲੀ ਅੱਗ 'ਤੇ ਭੁੰਨੋਗੇ, ਸਵਾਦ ਓਨਾ ਹੀ ਜ਼ਿਆਦਾ ਵਧੀਆ ਆਵੇਗਾ।
ਪਾਰਲਰ ਦੇ ਹਜ਼ਾਰਾਂ ਰੁਪਏ ਬਚਾਏਗਾ ਰਸੋਈ 'ਚ ਰੱਖਿਆ ਨਿੰਬੂ! ਜਾਣੋ ਲਾਉਣ ਦਾ ਤਰੀਕਾ
NEXT STORY 
