ਵੈੱਬ ਡੈਸਕ - ਦਾਲ ਸਾਡੀ ਰੋਜ਼ਾਨਾ ਦੀ ਖੁਰਾਕ ਦਾ ਇਕ ਅਹਿਮ ਹਿੱਸਾ ਹੈ। ਭਾਰਤੀ ਰਸੋਈਆਂ 'ਚ ਸਮੇਂ ਦੀ ਬਚਤ ਲਈ ਜ਼ਿਆਦਾਤਰ ਦਾਲ ਪ੍ਰੈਸ਼ਰ ਕੁੱਕਰ 'ਚ ਹੀ ਬਣਾਈ ਜਾਂਦੀ ਹੈ ਪਰ ਕਈ ਵਾਰ ਕੁੱਕਰ 'ਚ ਦਾਲ ਬਣਾਉਂਦੇ ਸਮੇਂ ਉਹ ਉਬਲ ਕੇ ਬਾਹਰ ਆ ਜਾਂਦੀ ਹੈ, ਜਿਸ ਨਾਲ ਗੈਸ ਸਟੋਵ ਅਤੇ ਰਸੋਈ ਗੰਦੀ ਹੋ ਜਾਂਦੀ ਹੈ। ਜੇਕਰ ਤੁਸੀਂ ਵੀ ਇਸ ਸਮੱਸਿਆ ਤੋਂ ਪ੍ਰੇਸ਼ਾਨ ਹੋ, ਤਾਂ ਦਾਲ ਬਣਾਉਂਦੇ ਸਮੇਂ ਕੁਝ ਸੌਖੀਆਂ ਗੱਲਾਂ ਦਾ ਧਿਆਨ ਰੱਖ ਕੇ ਇਸ ਤੋਂ ਬਚ ਸਕਦੇ ਹੋ।
ਦਾਲ ਨੂੰ ਉਬਲਣ ਤੋਂ ਰੋਕਣ ਦੇ ਸੌਖੇ ਨੁਸਖੇ :-
ਤੇਲ ਜਾਂ ਘਿਓ ਦੀ ਵਰਤੋਂ
- ਦਾਲ ਨੂੰ ਕੁੱਕਰ 'ਚ ਪਾਉਣ ਤੋਂ ਬਾਅਦ ਉਸ 'ਚ ਪਾਣੀ ਦੇ ਨਾਲ ਇਕ ਚਮਚ ਤੇਲ ਜਾਂ ਦੇਸੀ ਘਿਓ ਪਾ ਦਿਓ। ਅਜਿਹਾ ਕਰਨ ਨਾਲ ਜਦੋਂ ਕੁੱਕਰ ਦੀ ਸੀਟੀ ਵੱਜੇਗੀ, ਤਾਂ ਦਾਲ ਦਾ ਪਾਣੀ ਬਾਹਰ ਨਹੀਂ ਆਵੇਗਾ।
ਦਾਲ ਨੂੰ ਪਹਿਲਾਂ ਭਿਓਂ ਕੇ ਰੱਖੋ
- ਦਾਲ ਬਣਾਉਣ ਤੋਂ ਘੱਟੋ-ਘੱਟ 15 ਤੋਂ 20 ਮਿੰਟ ਪਹਿਲਾਂ ਉਸ ਨੂੰ ਪਾਣੀ 'ਚ ਭਿਓਂ ਕੇ ਰੱਖੋ। ਇਸ ਨਾਲ ਦਾਲ ਜਲਦੀ ਪਕਦੀ ਹੈ ਅਤੇ ਕੁੱਕਰ 'ਚ ਜ਼ਿਆਦਾ ਸੀਟੀਆਂ ਲਗਵਾਉਣ ਦੀ ਲੋੜ ਨਹੀਂ ਪੈਂਦੀ।
ਪਾਣੀ ਦੀ ਸਹੀ ਮਾਤਰਾ
- ਕੁੱਕਰ 'ਚ ਦਾਲ ਦੀ ਮਾਤਰਾ ਦੇ ਹਿਸਾਬ ਨਾਲ ਹੀ ਪਾਣੀ ਪਾਓ। ਜੇਕਰ ਕੁੱਕਰ 'ਚ ਪਾਣੀ ਬਹੁਤ ਜ਼ਿਆਦਾ ਹੋਵੇਗਾ, ਤਾਂ ਪ੍ਰੈਸ਼ਰ ਬਣਨ 'ਤੇ ਪਾਣੀ ਸੀਟੀ ਰਾਹੀਂ ਬਾਹਰ ਨਿਕਲਣ ਲੱਗਦਾ ਹੈ।
ਕੁੱਕਰ ਦੇ ਢੱਕਣ 'ਤੇ ਤੇਲ ਲਗਾਓ
- ਕੁੱਕਰ ਬੰਦ ਕਰਨ ਤੋਂ ਪਹਿਲਾਂ ਉਸ ਦੇ ਢੱਕਣ ਦੇ ਅੰਦਰਲੇ ਹਿੱਸੇ ਅਤੇ ਸੀਟੀ ਵਾਲੀ ਥਾਂ 'ਤੇ ਹਲਕਾ ਜਿਹਾ ਤੇਲ ਲਗਾ ਦਿਓ। ਇਸ ਨਾਲ ਦਾਲ ਦਾ ਪਾਣੀ ਉੱਪਰ ਵੱਲ ਨਹੀਂ ਆਉਂਦਾ।
ਗੈਸ ਦੀ ਅੱਗ ਮੱਧਮ ਰੱਖੋ
- ਕੁੱਕਰ ਨੂੰ ਹਮੇਸ਼ਾ ਬਹੁਤ ਤੇਜ਼ ਅੱਗ 'ਤੇ ਨਾ ਰੱਖੋ। ਇਕ ਸੀਟੀ ਆਉਣ ਤੋਂ ਬਾਅਦ ਗੈਸ ਨੂੰ ਮੱਧਮ (ਧੀਮਾ) ਕਰ ਦਿਓ, ਤਾਂ ਜੋ ਦਾਲ ਅੰਦਰੋਂ ਚੰਗੀ ਤਰ੍ਹਾਂ ਪਕ ਜਾਵੇ।
ਇਨ੍ਹਾਂ ਛੋਟੀਆਂ-ਛੋਟੀਆਂ ਗੱਲਾਂ ਦਾ ਧਿਆਨ ਰੱਖ ਕੇ ਤੁਸੀਂ ਨਾ ਸਿਰਫ਼ ਸਵਾਦਿਸ਼ਟ ਦਾਲ ਬਣਾ ਸਕਦੇ ਹੋ, ਬਲਕਿ ਆਪਣੀ ਰਸੋਈ ਨੂੰ ਵੀ ਸਾਫ਼-ਸੁਥਰਾ ਰੱਖ ਸਕਦੇ ਹੋ।
ਸਕਿਨ ਲਈ ਵਰਦਾਨ ਹੈ ਤਾਂਬੇ ਦੇ ਭਾਂਡੇ 'ਚ ਭਿੱਜੀ ਮੁਲਤਾਨੀ ਮਿੱਟੀ, ਮਿਲਣਗੇ ਜ਼ਬਰਦਸਤ ਫਾਇਦੇ
NEXT STORY 
