ਵੈੱਬ ਡੈਸਕ - ਨਵਜੰਮੇ ਬੱਚਿਆਂ ਨੂੰ ਆਮ ਤੌਰ 'ਤੇ 6 ਮਹੀਨਿਆਂ ਤੋਂ ਬਾਅਦ ਹੀ ਹੌਲੀ ਹੌਲੀ ਸੋਲਿਡ ਫੂਡ ਖਿਲਾਉਣਾ ਸ਼ੁਰੂ ਕੀਤਾ ਜਾਂਦਾ ਹੈ। ਜਦੋਂ ਕਿਸੇ ਦਾ ਬੱਚਾ 6 ਮਹੀਨੇ ਦਾ ਹੈ ਜਾਂਚਾ ਹੈ, ਤਾਂ ਮਾਪਿਆਂ ਦੇ ਮਨ 'ਚ ਸਭ ਤੋਂ ਵੱਡਾ ਸਵਾਲ ਇਹੀ ਹੁੰਦਾ ਹੈ ਕਿ ਹੁਣ ਉਸ ਨੂੰ ਮਾਂ ਦੇ ਦੁੱਧ ਤੋਂ ਇਲਾਵਾ ਖਾਣੇ 'ਚ ਕੀ ਦਿੱਤਾ ਜਾਵੇ ? ਇਸ ਉਮਰ 'ਚ ਬੱਚੇ ਦਾ ਪਾਚਨ ਤੰਤਰ ਕਮਜ਼ੋਰ ਹੁੰਦਾ ਹੈ, ਇਸ ਲਈ ਸ਼ੁਰੂਆਤ ਹਮੇਸ਼ਾ ਹਲਕੀਆਂ ਅਤੇ ਆਸਾਨੀ ਨਾਲ ਪਚਣ ਵਾਲੀਆ ਚੀਜ਼ਾਂ ਨਾਲ ਕਰਨੀ ਚਾਹੀਦੀ ਹੈ। ਡਾਕਟਰਾਂ ਅਨੁਸਾਰ ਬੱਚੇ ਨੂੰ ਸਿੱਧਾ ਠੇਸ ਆਹਾਰ ਦੇਣ ਦੀ ਬਜਾਏ ਲਿਕਵਿਡ ਡਾਈਟ ਨਾਲ ਸ਼ੁਰੂਆਤ ਕਰਨਾ ਸਭ ਤੋਂ ਸੁਰੱਖਿਅਤ ਅਤੇ ਸਹੀ ਤਰੀਕਾ ਮੰਨਿਆ ਜਾਂਦਾ ਹੈ। ਤਾਂ ਬੱਚੇ ਲਈ ਖਾਣ-ਪੀਣ ਦੇ ਕੀ ਬਦਲ ਹੋ ਸਕਦੇ ਹਨ, ਇਸ ਬਾਰੇ ਜਾਣ ਲਓ।
ਲਿਕਵਿਡ ਡਾਈਟ ਨਾਲ ਕਰੋ ਸ਼ੁਰੂਆਤ
ਮੈਕਸ ਹੈਲਥਕੇਅਰ ਦੇ ਪੀਡੀਆਟਿਸ਼ੀਅਨ ਡਾਕਟਰ ਅੰਕੁਰ ਸੇਠੀ ਨੇ ਇਕ ਇੰਟਰਵਿਊ 'ਚ ਦੱਸਿਆ ਕਿ 6 ਮਹੀਨੇ ਦੇ ਬੱਚੇ ਲਈ ਸਭ ਤੋਂ ਪਹਿਲਾਂ ਕਲੀਅਰ ਸੂਪ, ਸਬਜ਼ੀਆਂ ਦੀ ਪਿਉਰੀ ਅਤੇ ਫਲਾਂ ਦੀ ਪਿਊਰੀ ਬਿਹਤਰੀਨ ਬਦਲ ਹਨ।ਜੇਕਰ ਤੁਹਾਡੇ ਘਰ ਵਿਚ ਰੋਜ਼ਾਨਾ ਦਾਲ ਬਣਦੀ ਹੈ, ਤਾਂ ਤੁਸੀਂ ਬੱਚੇ ਲਈ ਦਾਲ ਪਕਾਉਂਦੇ ਸਮੇਂ ਉਸ 'ਚ 2 ਸੀਟੀਆਂ ਵਾਧੂ ਲਗਵਾ ਲਓ। ਇਸ ਤੋਂ ਬਾਅਦ ਦਾਲ ਨੂੰ ਚੰਗੀ ਤਰ੍ਹਾਂ ਮੈਸ਼ ਕਰ ਕੇ, ਉਸ 'ਚ ਥੋੜ੍ਹਾ ਜਿਹਾ ਘਿਓ ਜਾਂ ਤੇਲ ਮਿਲਾ ਕੇ ਬਿਲਕੁਲ ਪਤਲਾ ਸੂਪ ਵਰਗਾ ਬਣਾ ਲਓ।
ਉਮਰ ਦੇ ਨਾਲ ਬਦਲੇ ਖਾਣਾ
ਜਿਵੇਂ-ਜਿਵੇਂ ਬੱਚਾ ਵੱਡਾ ਹੁੰਦਾ ਹੈ, ਉਸੇ ਤਰ੍ਹਾਂ ਉਸ ਦੀ ਡਾਈਣ ਅਤੇ ਖਾਣੇ ਦੇ ਟੈਕਸਚਰ ਨੂੰ ਵੀ ਬਦਲਣਾ ਚਾਹੀਦਾ ਹੈ। ਡਾਕਟਰ ਦੇ ਅਨੁਸਾਰ, ਜਦ ਬੱਚਾ ਥੋੜ੍ਹਾ ਵੱਡਾ ਹੋ ਜਾਵੇ ਤਾਂ ਤੁਸੀਂ ਉਸ ਨੂੰ ਦਾਲ-ਚੋਲ ਮਿਕਸ ਕਰ ਕੇ ਚੰਗੀ ਤਰ੍ਹਾਂ ਮੇਸ਼ ਕਰਕੇ ਦੇ ਸਕਦੇ ਹੋ। ਜਦੋਂ ਬੱਚਾ 9 ਮਹੀਨੇ ਦਾ ਹੋ ਜਾਂਦਾ ਹੈ, ਉਦੋਂ ਉਸ ਨੂੰ ਸਾਫਟ ਸੋਲਿਡ ਫੂਡ ਭਾਵ ਥੋੜ੍ਹਾ ਗਾੜ੍ਹਾ ਅਤੇ ਮਸਲਿਆ ਹੋਇਆ ਖਾਣਾ ਦੇਣਾ ਸ਼ੁਰੂ ਕਰਨਾ ਚਾਹੀਦਾ ਹੈ। ਇਸ ਸਟੇਜ 'ਤੇ ਤੁਸੀਂ ਬੱਚੇ ਨੂੰ ਮੈਸ਼ ਕੀਤਾ ਹੋਇਆ ਕੋਲਾ ਉਬਲਿਆ ਤੇ ਮੈਸ਼ ਕੀਤਾ ਹੋਇਆ ਆਲੂ ਜਾਂ ਬਿਲਕੁਲ ਨਰਮ ਪਰੋਠਾ ਦੇ ਸਕਦੇ ਹੈ।
1 ਸਾਲ ਦੇ ਬੱਚੇ ਦੀ ਡਾਈਟ
ਜਦੋਂ ਬੱਚਾ ਇਕ ਜਾਂ ਸਵਾ ਸਾਲ ਦਾ ਹੋ ਜਾਂਦਾ ਹੈ, ਉਦੋਂ 7 ਤੱਕ ਉਹ ਖਾਣਾ ਚਬਾਉਣ ਲਈ ਪੂਰੀ ਤਰ੍ਹਾਂ ਟ੍ਰੇਡ ਹੋ ਚੁੱਕਾ ਹੁੰਦਾ ਹੈ। ਇਸ ਉਮਰ 'ਚ ਤੁਸੀਂ ਉਸ ਨੂੰ ਥੋੜ੍ਹਾ ਹੋਰ ਠੋਸ ਖਾਣਾ ਦੇਣਾ ਸ਼ੁਰੂ ਕਰ ਸਕਦੇ ਹੋ। ਡਾਕਟਰ ਸੋਠੀ ਦਾ ਕਹਿਣਾ ਹੈ ਕਿ ਸਾਡਾ ਆਖਰੀ ਟੀਚਾ ਇਹੀ ਹੋਣਾ ਚਾਹੀਦਾ ਹੈ ਕਿ ਜਦੋਂ ਤੱਕ ਬੱਚਾ ਡੇਢ ਤੋਂ 2 ਸਾਲ ਦਾ ਹੋਵੇ, ਉਹ ਘਰ ਦੇ ਬਾਕੀ ਮੈਂਬਰਾਂ ਵਾਂਗ ਹੀ ਨਾਰਮਲ ਖਾਣਾ ਖਾਣ ਲੱਗ ਪਵੇ । ਧਿਆਨ ਰੱਖੋ ਕਿ ਹਰ ਬੱਚਾ ਵੱਖਰਾ ਹੁੰਦਾ ਹੈ, ਇਸ ਲਈ ਉਸ ਦੀ ਪਸੰਦ ਅਤੇ ਸਮਰੱਥਾ ਦੇ ਹਿਸਾਬ ਨਾਲ ਹੌਲੀ-ਹੌਲੀ ਡਾਈਟ ਬਦਲੋ।
ਮਿੱਟੀ ਦੇ ਭਾਂਡਿਆਂ 'ਚ ਜੰਮੀ ਚਿਕਨਾਈ ਮਿੰਟਾਂ 'ਚ ਦੂਰ ਕਰੋ
NEXT STORY 
