ਅੰਮ੍ਰਿਤਸਰ (ਕਵਿਸ਼ਾ)-ਫੈਸ਼ਨ ਉਦਯੋਗ ਹਮੇਸ਼ਾ ਨਵੀਨਤਮ ਰੁਝਾਨਾਂ ਨਾਲ ਅਪਡੇਟ ਹੁੰਦਾ ਹੈ। ਮੌਸਮ ਕੋਈ ਵੀ ਹੋਵੇ, ਔਰਤਾਂ ਆਪਣੇ ਫੈਸ਼ਨ ਵਿਚ ਕਿਸੇ ਵੀ ਤਰ੍ਹਾਂ ਦੀ ਰੁਕਾਵਟ ਨੂੰ ਸਵੀਕਾਰ ਨਹੀਂ ਕਰਦੀਆਂ, ਜਿਸ ਕਾਰਨ ਫੈਸ਼ਨ ਇੰਡਸਟਰੀ ਵਿਚ ਜਗ੍ਹਾ ਤਾਂ ਤਬਦੀਲ ਨਹੀਂ ਹੁੰਦੀ, ਪਰ ਫੈਬਰਿਕ ਦੀ ਜਗ੍ਹਾ ਬਹੁਤ ਬਦਲ ਜਾਂਦੀ ਹੈ। ਅਜਿਹੇ ਵਿਚ ਮੌਸਮ ਦੀ ਤਬਦੀਲੀ ਨਾਲ ਫੈਸ਼ਨ ਇੰਡਸਟਰੀ ਵਿਚ ਵੈਲਵੇਟ ਫੈਬ੍ਰਿਕ ਨੇ ਆਪਣੀ ਧਾਕ ਜਮਾ ਲਈ ਹੈ।
ਵੈੱਲਵੇਟ ਦਾ ਫੈਬਰਿਕ ਜਿੱਥੇ ਔਰਤਾਂ ਨੂੰ ਆਪਣੇ ਨਵੇਂ ਅਤੇ ਖੂਬਸੂਰਤ ਅੰਦਾਜ਼ ਤੋਂ ਦੂਰ ਨਹੀਂ ਰੱਖਦਾ, ਉੱਥੇ ਹੀ ਇਹ ਠੰਢ ਤੋਂ ਵੀ ਕਾਫੀ ਸੁਰੱਖਿਆ ਪ੍ਰਦਾਨ ਕਰਦਾ ਹੈ। ਵੈੱਲਵੇਟ ਫੈਬਰਿਕ ਵਿਚ ਇਕ ਵਿਸ਼ੇਸ਼ ਲਚਕਤਾ ਹੁੰਦੀ ਹੈ, ਜਿਸ ਵਿੱਚ ਕਿਸੇ ਵੀ ਤਰ੍ਹਾਂ ਦੀ ਸਟਾਈਲਿੰਗ ਬਹੁਤ ਆਰਾਮ ਨਾਲ ਕੀਤੀ ਜਾ ਸਕਦੀ ਹੈ। ਇਸੇ ਲਈ ਡਿਜ਼ਾਈਨਰ ਵੀ ਇਸ ਤਰ੍ਹਾਂ ਦੇ ਫੈਬਰਿਕ ਦੀ ਵਰਤੋਂ ਕਰਨਾ ਪਸੰਦ ਕਰਦੇ ਹਨ।
ਸਰਦੀਆਂ ਵਿਚ ਔਰਤਾਂ ਦੇ ਫੈਸ਼ਨ ਨੂੰ ਬਰਕਰਾਰ ਰੱਖਣ ਲਈ ਵੈੱਲਵੇਟ ਇੱਕ ਵਧੀਆ ਵਿਕਲਪ ਬਣ ਕੇ ਉੱਭਰਦਾ ਹੈ, ਜੋ ਕਿ ਉਨ੍ਹਾਂ ਦੇ ਫੈਸ਼ਨ ਨੂੰ ਪ੍ਰਭਾਵਿਤ ਨਹੀਂ ਕਰਦਾ, ਸਗੋਂ ਉਨ੍ਹਾਂ ਨੂੰ ਠੰਡ ਤੋਂ ਬਹੁਤ ਸੁਰੱਖਿਆ ਦਿੰਦਾ ਹੈ। ਇਸੇ ਲਈ ਅੱਜ-ਕੱਲ੍ਹ ਔਰਤਾਂ ਵੈੱਲਵੇਟ ਫੈਬਰਿਕ ਦੇ ਸੁੰਦਰ ਫੈਸ਼ਨੇਬਲ ਕੱਪੜੇ ਪਹਿਨਣਾ ਪਸੰਦ ਕਰਦੀਆਂ ਹਨ। ਅੱਜ-ਕੱਲ੍ਹ ਔਰਤਾਂ ਵੈੱਲਵੇਟ ਦੇ ਬਣੇ ਸੁੰਦਰ ਪਹਿਰਾਵੇ ਪਾ ਕੇ ਵੱਖ-ਵੱਖ ਸਮਾਗਮਾਂ ਵਿੱਚ ਸ਼ਾਮਲ ਹੋ ਰਹੀਆਂ ਹਨ।
ਚਾਹੁੰਦੇ ਹੋ ਲੰਬੀ ਉਮਰ ਤਾਂ ਅਪਣਾਓ ਇਹ ਆਦਤ
NEXT STORY 
