ਜਲੰਧਰ (ਬਿਊਰੋ) - ਤੁਲਸੀ ਚਮੜੀ ਲਈ ਬਹੁਤ ਫ਼ਾਇਦੇਮੰਦ ਹੁੰਦੀ ਹੈ। ਇਸ 'ਚ ਮੌਜੂਦ ਤੱਤ ਚਮੜੀ ਦੇ ਦਾਗ ਧੱਬਿਆਂ ਨੂੰ ਦੂਰ ਕਰਨ ਦਾ ਵੀ ਕਰਦੇ ਹਨ। ਰੋਜ਼ਾਨਾ ਤੁਲਸੀ ਦੀ ਵਰਤੋਂ ਕਰਨ ਨਾਲ ਚਮੜੀ 'ਤੇ ਕਦੇ ਵੀ ਝੁਰੜੀਆਂ ਨਹੀਂ ਪੈਂਦੀਆਂ। ਤੁਲਸੀ ਦੇ ਫੇਸਪੈਕ ਨੂੰ ਬਣਾਉਣ ਲਈ ਪਹਿਲਾਂ ਤੁਲਸੀ ਦੇ 30-40 ਪੱਤਿਆਂ ਨੂੰ ਧੋ ਲਵੋ। ਉਸ ਤੋਂ ਬਾਅਦ ਧੁੱਪ 'ਚ ਇਨ੍ਹਾਂ ਪੱਤਿਆਂ ਨੂੰ ਚੰਗੀ ਤਰ੍ਹਾਂ ਸੁੱਕਾ ਲਵੋ। ਫਿਰ ਇਨ੍ਹਾਂ ਪੱਤਿਆਂ ਨੂੰ ਮਿਕਸੀ 'ਚ ਪੀਸ ਲਵੋ ਅਤੇ ਇਨ੍ਹਾਂ ਦਾ ਪਾਊਡਰ ਬਣਾ ਕੇ ਤਿਆਰ ਕਰ ਲਓ। ਇਸ ਤੋਂ ਬਾਅਦ ਤੁਲਸੀ ਦੇ ਇਸ ਪਾਊਡਰ 'ਚ ਦਹੀਂ, ਤੁਲਸੀ, ਸ਼ਹਿਦ ਮਿਲਾ ਕੇ ਆਪਣੇ ਚਿਹਰੇ 'ਤੇ ਲਗਾਓ।
ਤੁਲਸੀ ਅਤੇ ਦਹੀਂ
ਤੁਲਸੀ ਅਤੇ ਦਹੀਂ ਦੇ ਫੇਸਪੈਕ ਨੂੰ ਚਮੜੀ 'ਤੇ ਲਗਾਉਣ ਨਾਲ ਰੁੱਖਾਪਨ ਦੂਰ ਹੁੰਦਾ ਹੈ। ਇਸ ਨਾਲ ਚਮੜੀ 'ਤੇ ਚਮਕ ਆਉਂਦੀ ਹੈ। ਇਸ ਫੇਸਪੈਕ ਨੂੰ ਬਣਾਉਣ ਲਈ 2 ਚਮਚ ਦਹੀਂ 'ਚ ਇਕ ਚਮਚ ਤੁਲਸੀ ਦਾ ਪਾਊਡਰ ਮਿਲਾ ਲਵੋ। ਇਸ ਪੇਸਟ ਨੂੰ ਆਪਣੇ ਚਿਹਰੇ 'ਤੇ ਲਗਾਓ। ਜਦੋਂ ਫੇਸਪੈਕ ਸੁੱਕ ਜਾਵੇ ਤਾਂ ਆਪਣੇ ਚਿਹਰੇ ਨੂੰ ਪਾਣੀ ਨਾਲ ਧੋ ਲਵੋ।
ਤੁਲਸੀ ਅਤੇ ਸ਼ਹਿਦ
ਤੁਲਸੀ ਅਤੇ ਸ਼ਹਿਦ ਦੇ ਫੇਸਪੈਕ ਨਾਲ ਚਿਹਰੇ ਦੀ ਥਕਾਵਟ ਦੂਰ ਹੁੰਦੀ ਹੈ। ਚਿਹਰੇ 'ਤੇ ਚਮਕ ਆਉਂਦੀ ਹੈ। ਇਸ ਫੇਸਪੈਕ ਨੂੰ ਬਣਾਉਣ ਲਈ ਤੁਲਸੀ ਦੇ 30 ਪੱਤਿਆਂ ਨੂੰ ਮਿਕਸੀ 'ਚ ਪੀਸ ਕੇ ਇਸ ਦਾ ਰਸ ਕੱਢ ਲਵੋ। ਇਸ ਰਸ 'ਚ 1/2 ਚਮਚ ਬੇਸਨ ਅਤੇ ਕੁਝ ਸ਼ਹਿਦ ਦੀਆਂ ਕੁਝ ਬੂੰਦਾਂ ਮਿਲਾਓ। ਇਸ ਪੇਸਟ ਨੂੰ ਚਿਹਰੇ 'ਤੇ ਲਗਾਉਣ ਤੋਂ ਕੁਝ ਦੇਰ ਬਾਅਦ ਮੂੰਹ ਨੂੰ ਹਲਕੇ ਗਰਮ ਪਾਣੀ ਨਾਲ ਧੋ ਲਵੋ।
ਤੁਲਸੀ ਅਤੇ ਮੁਲਤਾਨੀ ਮਿੱਟੀ
ਇਕ ਭਾਂਡੇ 'ਚ ਤੁਲਸੀ ਪਾਊਡਰ, ਚੰਦਨ ਪਾਊਡਰ, ਤੇਲ, ਮੁਲਤਾਨੀ ਮਿੱਟੀ ਅਤੇ ਗੁਲਾਬ ਜਲ ਮਿਕਸ ਕਰੋ। ਇਸ ਪੇਸਟ ਨੂੰ ਚਿਹਰੇ 'ਤੇ ਲਗਾਉ। ਅੱਧੇ ਘੰਟੇ ਬਾਅਦ ਚਿਹਰੇ ਨੂੰ ਠੰਡੇ ਪਾਣੀ ਨਾਲ ਧੋ ਲਵੋ। ਇਹ ਫੇਸਪੈਕ ਚਮੜੀ ਲਈ ਫ਼ਾਇਦੇਮੰਦ ਹੁੰਦਾ ਹੈ।
ਤੁਲਸੀ ਅਤੇ ਨੀਮ
ਤੁਲਸੀ ਅਤੇ ਨੀਮ ਦੀਆਂ ਪੱਤਿਆਂ ਨੂੰ ਧੋ ਲਵੋ। ਇਸ ਤੋਂ ਬਾਅਦ ਇਨ੍ਹਾਂ ਨੂੰ ਪੀਸ ਲਵੋ। ਇਸ ਮਿਸ਼ਰਣ 'ਚ 2 ਲੌਂਗ ਮਿਲਾਓ ਅਤੇ ਫੇਸਪੈਕ ਤਿਆਰ ਕਰੋ। ਇਸ ਫੇਸਪੈਕ ਨੂੰ ਆਪਣੇ ਚਿਹਰੇ 'ਤੇ ਲਗਾਓ। 15-20 ਮਿੰਟਾਂ ਬਾਅਦ ਚਿਹਰੇ ਨੂੰ ਠੰਡੇ ਪਾਣੀ ਨਾਲ ਧੋ ਲਵੋ।
397 ਸਾਲ ਬਾਅਦ ਆਸਮਾਨ 'ਚ ਦਿਸੇਗਾ ਅਦਭੁੱਤ ਨਜ਼ਾਰਾ, ਜੁਪੀਟਰ ਤੇ ਸ਼ਨੀ ਆਉਣਗੇ ਕਰੀਬ
NEXT STORY 
