ਅੰਮ੍ਰਿਤਸਰ(ਇੰਦਰਜੀਤ)- ਆਬਕਾਰੀ ਵਿਭਾਗ ਵੱਲੋਂ ਸ਼ਹਿਰ ਭਰ ’ਚ ਬਿਨਾਂ ਲਾਇਸੈਂਸ ਨਾਜਾਇਜ਼ ਬਾਰਾਂ ਚਲਾਉਣ ਵਾਲਿਆਂ ਖ਼ਿਲਾਫ਼ ਕਾਰਵਾਈ ਕੀਤੀ ਜਾ ਰਹੀ ਹੈ। ਐਕਸਾਈਜ਼ ਵਿਭਾਗ ਦੇ ਟਾਰਗੈੱਟ ’ਚ ਇਸ ਸਮੇਂ ਇਕ ਦਰਜਨ ਤੋਂ ਵੱਧ ਅਜਿਹੇ ਇਲਾਕੇ ਹਨ, ਜਿੱਥੇ ਨਾਜਾਇਜ਼ ਤੌਰ ’ਤੇ ਬਾਰਾਂ ਚਲਾਈਆਂ ਜਾ ਰਹੀਆਂ ਹਨ। ਇਸੇ ਕੜੀ ’ਚ ਆਬਕਾਰੀ ਵਿਭਾਗ ਇਨ੍ਹਾਂ ਦੋ ਨੰਬਰ ’ਚ ਸ਼ਰਾਬ ਪੀਣ-ਪਿਲਾਉਣ ਵਾਲਿਆਂ ਤੇ ਕੜੀ ਨਿਗਰਾਨੀ ਰੱਖੇ ਹੋਏ ਹੈ।
ਇਹ ਵੀ ਪੜ੍ਹੋ- ਪੰਜਾਬ ਦੇ ਇਨ੍ਹਾਂ ਥਾਵਾਂ 'ਤੇ ਪੈ ਸਕਦੈ ਮੀਂਹ, ਮੌਸਮ ਵਿਭਾਗ ਨੇ ਕੀਤੀ ਭਵਿੱਖਬਾਣੀ
ਵਿਭਾਗੀ ਸੂਤਰਾਂ ਤੋਂ ਪਤਾ ਲੱਗਾ ਹੈ ਕਿ ਆਬਕਾਰੀ ਵਿਭਾਗ ਦੇ ਸਹਾਇਕ ਕਮਿਸ਼ਨਰ ਅੰਮ੍ਰਿਤਸਰ ਰੇਂਜ ਦਿਲਬਾਗ ਸਿੰਘ ਚੀਮਾ ਨੂੰ ਸੂਚਨਾਵਾਂ ਮਿਲ ਰਹੀਆਂ ਹਨ ਕਿ ਅੰਮ੍ਰਿਤਸਰ ਦੇ ਮਾਲ ਰੋਡ, ਰਣਜੀਤ ਐਵੇਨਿਊ, 88 ਫੁੱਟ ਰੋਡ, ਬੱਸ ਸਟੈਂਡ, ਅਲਫਾ ਮਾਲ ਦੇ ਨੇੜੇ, ਮਜੀਠਾ ਰੋਡ, ਸੁਲਤਾਨਵਿੰਡ ਰੋਡ, ਰਾਮਬਾਗ, ਗੇਟ ਹਕੀਮਾਂ, ਅਨਗੜ੍ਹ, ਝਬਾਲ ਰੋਡ, ਤਰਨਤਾਰਨ ਰੋਡ ਆਦਿ ਇਕ ਦਰਜਨ ਤੋਂ ਵੱਧ ਇਲਾਕਿਆਂ ’ਚ ਵੱਡੀ ਗਿਣਤੀ ’ਚ ਬਿਨਾਂ ਲਾਇਸੈਂਸ ਸ਼ਰਾਬ ਨਾਜਾਇਜ਼ ਤੌਰ ਤੇ ਪਿਲਾਈ ਜਾਂਦੀ ਹੈ। ਏ. ਡੀ. ਏ. (ਏ. ਈ. ਟੀ. ਸੀ.) ਚੀਮਾ ਦੇ ਹੁਕਮ ਤੇ ਆਬਕਾਰੀ ਵਿਭਾਗ ਵੱਲੋਂ ਆਪਣੇ ਸੂਚਨਾ ਤੰਤਰ ਤੇਜ਼ ਕਰ ਦਿੱਤੇ ਗਏ ਹਨ।
ਇਹ ਵੀ ਪੜ੍ਹੋ- ਮੰਦਭਾਗਾ : ਸ੍ਰੀ ਹਰਿਮੰਦਰ ਸਾਹਿਬ ਦੀ ਪਰਿਕਰਮਾ 'ਚ ਜੁੱਤੀਆਂ ਸਮੇਤ ਨੌਜਵਾਨ ਦੀ ਵੀਡੀਓ ਵਾਇਰਲ, ਮਾਮਲਾ ਦਰਜ
ਆਬਕਾਰੀ ਵਿਭਾਗ ਵੱਲੋਂ ਇੰਸਪੈਕਟਰ ਪੰਡਿਤ ਰਮਨ ਸ਼ਰਮਾ, ਧਰਮਿੰਦਰ ਸ਼ਰਮਾ, ਸੁਨੀਲ ਕੰਡਾ, ਜਗਦੀਪ ਕੌਰ ਤੇ ਹੋਰ ਅਧਿਕਾਰੀਆਂ ਦੀ ਅਗਵਾਈ ’ਚ ਟੀਮਾਂ ਗਠਿਤ ਕੀਤੀਆਂ ਜਾ ਰਹੀਆਂ ਹਨ, ਜੋ ਬਰਾਬਰ ਉਨ੍ਹਾਂ ਟਿਕਾਣਿਆਂ ’ਤੇ ਨਿਗਰਾਨੀ ਰੱਖ ਰਹੀਆਂ ਹਨ ਜਿੱਥੇ ਨਾਜਾਇਜ਼ ਸ਼ਰਾਬ ਪੀਣ ਅਤੇ ਪਿਲਾਉਣ ਦੇ ਅੱਡੇ ਬਣੇ ਹੋਏ ਹਨ। ਆਬਕਾਰੀ ਵਿਭਾਗ ਨਾਜਾਇਜ਼ ਸ਼ਰਾਬ ਦੀਆਂ ਬਾਰਾਂ ਤੇ ਕਾਰਵਾਈ ਕਰਨ ਤੋਂ ਇਲਾਵਾ ਅਜਿਹੇ ਸਥਾਨਾਂ ’ਤੇ ਵੀ ਆਪਣੀ ਨਿਗਰਾਨੀ ਰੱਖ ਰਿਹਾ ਹੈ, ਜੋ ਲੋਕ ਛੋਟੇ ਇਲਾਕਿਆਂ ’ਚ ਢਾਬੇ, ਰੈਸਟੋਰੈਂਟਸ, ਮੀਟ ਦੀਆਂ ਦੁਕਾਨਾਂ ਆਦਿ ’ਤੇ ਨਾਜਾਇਜ਼ ਸ਼ਰਾਬ ਪਿਲਾਉਂਦੇ ਹਨ।
ਇਹ ਵੀ ਪੜ੍ਹੋ- ਅੰਮ੍ਰਿਤਸਰ: ਇੰਟੈਲੀਜੈਂਸ ਦਾ ਅਫ਼ਸਰ ਨਸ਼ਾ ਸਮੱਗਲਿੰਗ ’ਚ ਨਾਮਜ਼ਦ, ਗ੍ਰਿਫ਼ਤਾਰੀ ਲਈ ANTF ਵੱਲੋਂ ਛਾਪੇਮਾਰੀ
‘ਕਾਰਾਂ ’ਚ ਬਾਰਾਂ’ ’ਤੇ ਪੁਲਸ ਹੋ ਜਾਂਦੀ ਹੈ ਬੇਵੱਸ, ਛਾਪਾ ਪੈਣ ’ਤੇ ਕਾਰ ਦੌੜਾ ਲੈ ਜਾਂਦੇ ਹਨ ‘ਪੀਣ ਵਾਲੇ’!
ਮੌਜੂਦਾ ਸਮੇਂ ’ਚ ਅੰਮ੍ਰਿਤਸਰ ’ਚ ਚੱਲ ਰਹੀਆਂ ਲਾਇਸੈਂਸੀ ਬਾਰਾਂ ’ਤੇ ਇਸ ਲਈ ਵੱਧ ਸੰਕਟ ਆਇਆ ਹੋਇਆ ਹੈ ਕਿ ਇੱਥੇ ਕਾਰਾਂ ਦੇ ਅੰਦਰ ਸ਼ਰਾਬ ਪੀਣ ਦਾ ਕਲਚਰ ਪਿਛਲੇ ਸਾਲਾਂ ਤੋਂ ਬਹੁਤ ਵੱਧ ਚੁੱਕਾ ਹੈ। ਇਸ ’ਚ ਸ਼ਾਮ ਢਲਣ ਤੋਂ ਬਾਅਦ ਅੱਛੇ ਨਾਨ-ਵੈੱਜ ਖਾਣੇ ਬਣਾਉਣ ਵਾਲੇ ਛੋਟੇ ਢਾਬਿਆਂ ਦੇ ਬਾਹਰ ਕਾਰਾਂ ਖੜ੍ਹੀਆਂ ਹੋ ਜਾਂਦੀਆਂ ਹਨ। ਇੱਥੋਂ ਤੱਕ ਕਿ ਮਟਨ ਦੀਆਂ ਰੇਹੜੀਆਂ ਵੀ ਇਨ੍ਹਾਂ ਦਾ ਪ੍ਰਮੁੱਖ ਟਿਕਾਣਾ ਹੁੰਦੀਆਂ ਹਨ। ਇਨ੍ਹਾਂ ਦੇ ਬਾਹਰ ਕਾਰਾਂ ’ਚ ਬੈਠ ਕੇ ਉਨ੍ਹਾਂ ਨੂੰ ਪੂਰੀ ਸਰਵਿਸ ਸੜਕ ਤੇ ਹੀ ਵੇਟਰਾਂ ਰਾਹੀਂ ਮਿਲ ਜਾਂਦੀ ਹੈ। ਜਿਵੇਂ ਹੀ ਕਿਸੇ ਰੇਡ ਦੀ ਭਨਕ ਮਿਲਦੀ ਹੈ ਤਾਂ ਇਹ ਕਾਰ-ਸਟਾਰਟ ਕਰ ਕੇ ਖਾਣ-ਪੀਣ ਦੇ ਸਾਮਾਨ ਅਤੇ ਸ਼ਰਾਬ ਦੀ ਬੋਤਲ ਸਮੇਤ ਨਿਕਲ ਜਾਂਦੇ ਹਨ।
ਇਹ ਵੀ ਪੜ੍ਹੋ- ਪੰਜਾਬ ਦੀਆਂ ਮਾਈਨਿੰਗ ਸਾਈਟਾਂ ‘ਤੇ NGT ਵੱਲੋਂ ਪਾਬੰਦੀ
ਦੂਜੇ ਪਾਸੇ, ਆਬਕਾਰੀ ਵਿਭਾਗ ਦਾ ਇਹ ਵੀ ਤਰਕ ਰਿਹਾ ਹੈ ਕਿ ਇਸ ਪ੍ਰਕਾਰ ਦੇ ਲੋਕਾਂ ਨੂੰ ਫੜਨਾ ਪੁਲਸ ਦਾ ਕੰਮ ਹੈ, ਕਿਉਂਕਿ ਸ਼ਹਿਰ ’ਚ ਇਨ੍ਹਾਂ ਦੀ ਸੰਖਿਆ ਬਹੁਤ ਜ਼ਿਆਦਾ ਹੈ। ਉੱਥੇ ਹੀ ਆਮ ਲੋਕਾਂ ’ਚ ਧਾਰਨਾ ਹੈ ਕਿ ਪੁਲਸ ਦੀ ਮਰਜ਼ੀ ਤੋਂ ਬਗੈਰ ਇਕ ਬੂੰਦ ਵੀ ਸ਼ਰਾਬ ਨਾਜਾਇਜ਼ ਤੌਰ ਤੇ ਪਿਲਾਈ ਨਹੀਂ ਜਾ ਸਕਦੀ। ਉੱਥੇ ਹੀ ਵਰਤਮਾਨ ਸਮੇਂ ’ਚ ਆਬਕਾਰੀ ਵਿਭਾਗ ਨੇ ਇਨ੍ਹਾਂ ਲੋਕਾਂ ਨਾਲ ਦੋ-ਦੋ ਹੱਥ ਕਰਨ ਦਾ ਪਲਾਨ ਬਣਾ ਲਿਆ ਹੈ।
ਨਾਜਾਇਜ਼ ਬਾਰਾਂ ਨੂੰ ਰੋਕਣ ਲਈ ਕਈ ਦਿਨਾਂ ਤੱਕ ਚੱਲੀ ਹੈ ਅਧਿਕਾਰੀਆਂ ਦੀ ਮੀਟਿੰਗ
ਅੰਮ੍ਰਿਤਸਰ ਦੇ ਐਕਸਾਈਜ਼ ਵਿਭਾਗ ਦੀ ਕਈ ਦਿਨਾਂ ਤੋਂ ਲਗਾਤਾਰ ਮੀਟਿੰਗ ਚੱਲ ਰਹੀ ਹੈ, ਜਿਸ ’ਚ ਮੁੱਖ ਤੌਰ ਤੇ ਮੁੱਦਾ ਪੂਰੇ ਸ਼ਹਿਰ ਅਤੇ ਦਿਹਾਤੀ ਇਲਾਕਿਆਂ ’ਚ ਨਾਜਾਇਜ਼ ਤੌਰ ’ਤੇ ਵਾਈਨ ਐਂਡ ਵੀਅਰ ਬਾਰਾਂ ਚਲਾਉਣ ਵਾਲਿਆਂ ਦਾ ਹੈ। ਪਤਾ ਲੱਗਾ ਹੈ ਕਿ ਮੀਟਿੰਗ ’ਚ ਇਸ ਗੱਲ ਤੇ ਜ਼ੋਰ ਦਿੰਦਿਆਂ ਸਹਾਇਕ ਕਮਿਸ਼ਨਰ ਆਬਕਾਰੀ ਅੰਮ੍ਰਿਤਸਰ ਡੀ. ਐੱਸ. ਚੀਮਾ ਨੇ ਐਕਸਾਈਜ਼ ਵਿਭਾਗ ਦੇ ਅਧਿਕਾਰੀਆਂ ਨੂੰ ਹੁਕਮ ’ਚ ਕਿਹਾ ਕਿ ਸ਼ਹਿਰ ਦੇ ਸਾਰੇ ਇਲਾਕਿਆਂ ’ਚ ਛਾਨਬੀਨ ਕਰ ਕੇ ਇਨ੍ਹਾਂ ਦੀਆਂ ਲਿਸਟਾਂ ਬਣਾਈਆਂ ਜਾਣ ਅਤੇ ਹਰ ਪ੍ਰਕਾਰ ਨਾਲ ਨਾਜਾਇਜ਼ ਬਾਰਾਂ ਨੂੰ ਰੋਕਿਆ ਜਾਵੇ। ਸੜਕਾਂ ਤੇ ਪਾਰਕ ਕੀਤੇ ਵਾਹਨਾਂ ’ਚ ਸ਼ਰਾਬ ਪੀਣ ਵਾਲੇ ਲੋਕਾਂ ਨੂੰ ਰੋਕਣ ਲਈ ਇਨ੍ਹਾਂ ਦੀ ਵੀਡੀਓਗ੍ਰਾਫੀ ਕੀਤੀ ਜਾਵੇ ਅਤੇ ਲੋਕਲ ਪੁਲਸ ਦੀ ਮਦਦ ਵੀ ਲਈ ਜਾਵੇ।
ਐਕਸਾਈਜ਼ ਐਕਟ ਹੈ ਧੰਦੇਬਾਜ਼ਾਂ ਲਈ ਸੁਵਿਧਾਜਨਕ !!
ਅਸਲ ’ਚ ਨਾਜਾਇਜ਼ ਸ਼ਰਾਬ ਲਈ ਆਬਕਾਰੀ ਐਕਟ ਦੀ ਧਾਰਾ 61/1/14 ਇਸ ਦੇ ਧੰਦੇਬਾਜ਼ਾਂ ਲਈ ਸੁਵਿਧਾਜਨਕ ਸਾਬਤ ਹੋ ਰਹੀ ਹੈ, ਕਿਉਂਕਿ ਇਸ ਦੀ ਜ਼ਮਾਨਤ ਕਾਰਵਾਈ ਹੋਣ ਦੇ ਚੰਦ ਘੰਟੇ ਬਾਅਦ ਹੀ ਮਿਲ ਜਾਂਦੀ ਹੈ। ਜ਼ਮਾਨਤ ਤੋਂ ਬਾਅਦ ਇਹ ਲੋਕ ਫਿਰ ਉਸੇ ਧੰਦੇ ’ਚ ਲੱਗ ਜਾਂਦੇ ਹਨ, ਇਹੀ ਕਾਰਨ ਹੈ ਕਿ ਨਾਜਾਇਜ਼ ਸ਼ਰਾਬ ਦਾ ਧੰਦਾ ਵਧਦਾ ਜਾ ਰਿਹਾ ਹੈ। ਕਈ ਮਾਮਲਿਆਂ ’ਚ ਤਾਂ ਪੁਲਸ ਸਟੇਸ਼ਨ ’ਚ ਪੁਲਸ ਮੌਕੇ ਤੇ ਹੀ ਜ਼ਮਾਨਤ ਲੈ ਲੈਂਦੀ ਹੈ। ਇਸ ਲਈ ਇਸ ਕਾਨੂੰਨ ਨੂੰ ਤੋੜਨ ਲਈ ਲੋਕਾਂ ਨੂੰ ਕੋਈ ਸੰਕੋਚ ਨਹੀਂ ਹੁੰਦਾ।
ਬਾਹਰ ਤੋਂ ਆਉਣ ਵਾਲੀ ਸ਼ਰਾਬ ਤੇ ਕੜੀ ਨਜ਼ਰ
ਐਕਸਾਈਜ਼ ਵਿਭਾਗ ਦੀਆਂ ਟੀਮਾਂ ਬਾਹਰ ਤੋਂ ਆਉਣ ਵਾਲੀ ਸ਼ਰਾਬ ਤੇ ਵੱਧ ਫੋਕਸ ਰੱਖ ਰਹੀਆਂ ਹਨ, ਕਿਉਂਕਿ ਇਸ ਪ੍ਰਕਾਰ ਦੀ ਸ਼ਰਾਬ ਨਾਲ ਆਬਕਾਰੀ ਵਿਭਾਗ ਦੇ ਰੈਵੇਨਿਊ ਨੂੰ ਸਿੱਧਾ ਨੁਕਸਾਨ ਹੁੰਦਾ ਹੈ, ਜਿਸ ’ਚ ਠੇਕੇਦਾਰਾਂ ਦੀ ਸੇਲ ਟੁੱਟ ਜਾਂਦੀ ਹੈ। ਜ਼ਿਆਦਾਤਰ ਇੱਥੇ ਵਿਕਣ ਵਾਲੀ ਸ਼ਰਾਬ ਚੰਡੀਗੜ੍ਹ ਹਰਿਆਣਾ ਤੋਂ ਹੁੰਦੀ ਹੈ, ਜਿਸ ਦਾ ਪੰਜਾਬ ਨੂੰ ਸਿੱਧਾ ਨੁਕਸਾਨ ਪਹੁੰਚਦਾ ਹੈ।
ਜ਼ਹਿਰੀਲੀ ਸ਼ਰਾਬ ਵੇਚਣ ਵਾਲੇ ’ਤੇ ਹੋਣਗੇ ਅਪਰਾਧਿਕ ਮਾਮਲੇ ਦਰਜ
ਆਬਕਾਰੀ ਵਿਭਾਗ ਇਸ ਗੱਲ ’ਤੇ ਵੀ ਵਿਚਾਰ ਕਰ ਰਿਹਾ ਹੈ ਕਿ ਕਈ ਲੋਕ ਮਿਥਾਇਲ-ਅਲਕੋਹਲ ਤੋਂ ਬਣੀ ਹੋਈ ਸ਼ਰਾਬ ਦਾ ਕੰਮ ਵੀ ਕਰਦੇ ਹਨ, ਜਿਸ ਦੇ ਕਾਰਨ ਕਈ ਲੋਕ ਮਾਰੇ ਵੀ ਗਏ ਹਨ। ਪਿਛਲੇ ਸਾਲ ਅਪ੍ਰੈਲ 2025 ਦੇ ਮਹੀਨੇ ਮਜੀਠਾ ’ਚ ਵੀ 45 ਲੋਕ ਮਾਰੇ ਗਏ ਅਤੇ ਕਈ ਬੁਰੀ ਤਰ੍ਹਾਂ ਬਿਮਾਰ ਹੋਏ ਸਨ। ਪਤਾ ਲੱਗਾ ਹੈ ਕਿ ਆਬਕਾਰੀ ਵਿਭਾਗ ਦੇ ਅਧਿਕਾਰੀ ਹੁਣ ਜ਼ਹਿਰੀਲੀ ਸ਼ਰਾਬ ਵੇਚਣ ਵਾਲਿਆਂ ਤੇ ਕਾਰਵਾਈ ਲਈ ਫੜੇ ਗਏ ਤਰਲ ਦੇ ਸੈਂਪਲ ਵੀ ਚੈੱਕ ਕਰਵਾਉਣਗੇ। ਸੈਂਪਲ ’ਚ ਜ਼ਹਿਰੀਲਾ ਤੱਤ ਪਾਏ ਜਾਣ ਤੇ ਅਪਰਾਧਿਕ ਮਾਮਲੇ ਵੀ ਦਰਜ ਕੀਤੇ ਜਾ ਸਕਦੇ ਹਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
Whatsapp Channel: https://whatsapp.com/channel/0029Va94hsaHAdNVur4L170e
ਸ੍ਰੀ ਹਰਿਮੰਦਰ ਸਾਹਿਬ ਸਰੋਵਰ ’ਚ ਕੁਰਲੀ ਕਰਨ ਵਾਲੇ ਨੂੰ ਝਟਕਾ, ਅਦਾਲਤ ਨੇ ਜ਼ਮਾਨਤ ਅਰਜ਼ੀ ਠੁਕਰਾਈ
NEXT STORY 
