ਝਬਾਲ (ਨਰਿੰਦਰ)- ਅਪਰਬਾਰੀ ਨਹਿਰ ਮੀਆਂਪੁਰ ਨਜ਼ਦੀਕ ਨਹਿਰ ਦਾ ਪੁਲ, ਜਿਸ ਨੂੰ ਪਹਿਲਾਂ ਸੰਗਤ ਅਤੇ ਨਹਿਰ ਤੋਂ ਅਗਲੇ ਦਰਜਨਾਂ ਪਿੰਡਾਂ ਦੇ ਲੋਕਾਂ ਦੀ ਸਹੂਲਤ ਲਈ ਮਹਾਨਕਾਰ ਸੇਵਕ ਸੰਤ ਬਾਬਾ ਖੜਕ ਸਿੰਘ ਜੀ ਬੀੜ ਸਾਹਿਬ ਵਾਲਿਆਂ ਨੇ ਸੰਗਤ ਦੇ ਸਹਿਯੋਗ ਨਾਲ ਬਣਾਇਆ ਸੀ ਪਰ ਹੁਣ ਇਸ ਪੁਲ ਨੂੰ ਹੋਰ ਚੌੜਾ ਕਰਨ ਲਈ ਪੰਜਾਬ ਮੰਡੀਕਰਨ ਬੋਰਡ ਵੱਲੋਂ ਤੋੜ ਕੇ ਇਕ ਸਾਲ ਤੋਂ ਨਵਾਂ ਚੌੜਾ ਪੁਲ ਬਣਾਉਣਾ ਸ਼ੁਰੂ ਕੀਤਾ ਹੈ। ਲੱਗਭਗ ਇਕ ਸਾਲ ਬੀਤਣ ’ਤੇ ਵੀ ਇਹ ਨਹਿਰ ਦਾ ਪੁਲ ਕੰਪਲੀਟ ਨਹੀਂ ਹੋ ਸਕਿਆ। ਜਿਸ ਕਰਕੇ ਇਸ ਪੁਲ ਤੋਂ ਲੰਘਣ ਵਾਲੇ ਸਕੂਲੀ ਬੱਚੇ ਅਤੇ ਦਰਜਨਾਂ ਪਿੰਡਾਂ ਦੇ ਲੋਕਾਂ ਤੋਂ ਇਲਾਵਾ ਬਾਬਾ ਬੁੱਢਾ ਸਾਹਿਬ ਜੀ ਨੂੰ ਆਉਣ ਵਾਲੀ ਅਤੇ ਗੁਰਦੁਆਰਾ ਸੰਨ੍ਹ ਸਾਹਿਬ ਤੇ ਛੇਹਰਟਾ ਸਾਹਿਬ ਜੀ ਨੂੰ ਜਾਣ ਵਾਲੀ ਸੰਗਤ ਕਾਫੀ ਖੱਜਲ-ਖਰਾਬ ਹੋ ਰਹੀ ਹੈ। ਪ੍ਰੰਤੂ ਲੋਕਾਂ ਦੇ ਲੰਘਣ ਲਈ ਮੰਡੀਕਰਨ ਬੋਰਡ ਵੱਲੋਂ ਬਣਾਏ ਦੋ ਆਰਜੀ ਪੁਲਾਂ ’ਚੋਂ ਇਕ ਪਹਿਲਾਂ ਹੀ ਜ਼ਿਆਦਾ ਪਾਣੀ ਕਰਕੇ ਟੁੱਟ ਗਿਆ ਜਦੋਂ ਕਿ ਦੂਸਰਾ ਆਰਜੀ ਪੁਲ ਵੀ ਹੁਣ ਟੁੱਟਣ ਕਿਨਾਰੇ ਹੈ ਕਿਉਂਕਿ ਨਹਿਰ ਵਿਚ ਵਗ ਰਹੇ ਜ਼ਿਆਦਾ ਪਾਣੀ ਨਾਲ ਇਹ ਪੁਲ ਕਿਸੇ ਵੇਲੇ ਵੀ ਰੁੜ੍ਹ ਕੇ ਵੱਡੇ ਹਾਦਸੇ ਦਾ ਕਾਰਨ ਬਣ ਸਕਦਾ ਹੈ।
ਇਹ ਵੀ ਪੜ੍ਹੋ- ਪੰਜਾਬ 'ਚ ਵੱਡਾ ਡਾਕਾ, ਦਿਨ-ਦਿਹਾੜੇ ਲੁੱਟ ਲਏ 7,00,00,000 ਕਰੋੜ ਰੁਪਏ
ਇਸ ਪੁਲ ਉਪਰੋਂ ਲੋਕਾਂ ਦੇ ਵੱਡੀ ਗਿਣਤੀ ਵਿਚ ਗੱਡੀਆਂ, ਦੋ ਪਹੀਆ ਵਾਹਨ ਅਤੇ ਬੱਚਿਆਂ ਦੀਆਂ ਸਕੂਲੀ ਬੱਸਾਂ ਜਾਨ ਜ਼ੋਖਮ ਵਿਚ ਪਾ ਕੇ ਨਿਤ ਲੰਘ ਰਹੀਆਂ ਹਨ। ਇਸ ਤੋਂ ਇਲਾਵਾ ਇਸੇ ਨਹਿਰ ’ਤੇ ਬਣਿਆ ਜਗਤਪੁਰੇ ਵਾਲਾ ਪੁਲ ਜੋ ਅੰਗਰੇਜ਼ਾਂ ਦੇ ਜ਼ਮਾਨੇ ਦਾ ਬਣਿਆ ਹੈ, ਵੀ ਟੁੱਟਣ ਕਿਨਾਰੇ ਹੈ ਅਤੇ ਇਹ ਪੁਲ ਵੀ ਕਿਸੇ ਵੇਲੇ ਲੋਕਾਂ ਨੂੰ ਧੋਖਾ ਦੇ ਸਕਦਾ ਹੈ। ਇਲਾਕੇ ਦੇ ਲੋਕਾਂ ਦੀ ਪੁਰਜ਼ੋਰ ਮੰਗ ਹੈ ਕਿ ਮੀਆਂਪੁਰ ਨਹਿਰ ਦੇ ਪੁਲ ਨੂੰ ਜਲਦੀ ਤੋਂ ਜਲਦੀ ਬਣਾਕੇ ਲੋਕਾਂ ਨੂੰ ਰਾਹਤ ਦਿੱਤੀ ਜਾਵੇ ਅਤੇ ਕਿਸੇ ਵਾਪਰਨ ਵਾਲੇ ਵੱਡੇ ਹਾਦਸੇ ਨੂੰ ਟਾਲਿਆ ਜਾਵੇ।
ਇਹ ਵੀ ਪੜ੍ਹੋ- ਪੰਜਾਬ 'ਚ ਮਾਰਚ ਮਹੀਨੇ ਹੀ ਅਸਮਾਨ ਤੋਂ ਵਰ੍ਹੇਗੀ ਅੱਗ! ਨਹੀਂ ਪਵੇਗਾ ਮੀਂਹ, ਮੌਸਮ ਵਿਭਾਗ ਦੀ ਪੜ੍ਹੋ ਭਵਿੱਖਬਾਣੀ
ਇਸ ਸਬੰਧੀ ਮੰਡੀਕਰਨ ਬੋਰਡ ਦੇ ਐੱਸ.ਡੀ.ਓ ਮਨਜੀਤ ਸਿੰਘ ਨਾਲ ਗੱਲ ਕੀਤੀ ਤਾਂ ਉਨ੍ਹਾਂ ਕਿਹਾ ਕਿ ਨਹਿਰੀ ਵਿਭਾਗ ਸਾਨੂੰ ਸਹਿਯੋਗ ਨਹੀਂ ਦਿੰਦਾ ਅਤੇ ਸਾਡੇ ਕਹਿਣ ਦੇ ਬਾਵਜੂਦ ਪਾਣੀ ਘੱਟ ਨਹੀਂ ਕਰ ਰਹੇ। ਬਾਕੀ ਪੱਕਾ ਪੁਲ ਕੁਝ ਹੀ ਦਿਨਾਂ ਵਿਚ ਚਾਲੂ ਕਰ ਦਿੱਤਾ ਜਾਵੇਗਾ, ਸਿਰਫ ਪਾਣੀ ਘੱਟ ਹੋਣ ਨੂੰ ਉਡੀਕ ਰਹੇ ਹਾਂ ਕਿਉਂਕਿ ਨਹਿਰ ਵਿਚ ਪਾਣੀ ਬਹੁਤ ਜ਼ਿਆਦਾ ਚੱਲ ਰਿਹਾ ਹੋਣ ਕਰਕੇ ਕੰਮ ਨਹੀਂ ਚੱਲ ਰਿਹਾ। ਜਦੋਂ ਕਿ ਨਹਿਰ ਮਹਿਕਮੇ ਦੇ ਐੱਸ.ਡੀ.ਓ ਪ੍ਰਵੀਨ ਕੁਮਾਰ ਨੇ ਕਿਹਾ ਕਿ ਨਹਿਰ ਵਿਚ ਪਾਣੀ ਜ਼ਿਆਦਾ ਹੈ ਉਹ ਤਾਂ ਹੈੱਡ ਵਰਕਸ ਮਾਧੋਪੁਰ ਤੋਂ ਆ ਰਿਹਾ ਹੈ ਪ੍ਰੰਤੂ ਫਿਰ ਵੀ ਮੈਂ ਐਕਸੀਅਨ ਸਾਹਿਬ ਨਾਲ ਗੱਲ ਕਰਕੇ ਕੋਈ ਹੱਲ ਕੱਢਦੇ ਹਾਂ, ਬਾਕੀ ਦੋ ਆਰਜੀ ਪੁਲ ਬਾਰੇ ਅਸੀਂ ਮੰਡੀਕਰਨ ਬੋਰਡ ਦੇ ਐੱਸ.ਡੀ.ਓ ਨੂੰ ਪਹਿਲਾਂ ਕਹਿ ਚੁੱਕੇ ਕਿ ਇਸ ਨੂੰ ਮਜ਼ਬੂਤ ਤੇ ਚੌੜਾ ਕਰੋ।
ਇਹ ਵੀ ਪੜ੍ਹੋ- ਕਹਿਰ ਓ ਰੱਬਾ: ਕੈਨੇਡਾ 'ਚ ਦੋ ਭਰਾਵਾਂ ਦੀ ਮੌਤ, ਪਰਿਵਾਰ 'ਚ ਪਸਰਿਆ ਸੋਗ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
Whatsapp Channel: https://whatsapp.com/channel/0029Va94hsaHAdNVur4L170e
ਚੰਡੀਗੜ੍ਹ 'ਚ ਹਾਕੀ ਖਿਡਾਰਣ ਦਾ ਬੇਰਹਿਮੀ ਨਾਲ ਕਤਲ, ਭੂਆ ਦੇ ਮੁੰਡੇ ਨੇ ਮਾਰੇ ਚਾਕੂ
NEXT STORY 
