ਕਿਤਾਬਾਂ
ਦਿੰਦੀਆਂ ਸਾਨੂੰ ਗਿਆਨ ਕਿਤਾਬਾਂ ।
ਸਾਡੇ ਲਈ ਵਰਦਾਨ ਕਿਤਾਬਾਂ ।
ਦਿੰਦੀਆਂ ਕਰ ਨੇ ਦੂਰ ਹਨ੍ਹੇਰਾ ।
ਰੌਸ਼ਨ ਕਰਦੀਆਂ ਚਾਰ ਚੁਫ਼ੇਰਾ ।
ਇਨ੍ਹਾਂ ਦੇ ਨਾਲ਼ ਲਾ ਕੇ ਯਾਰੀ ।
ਜਿੱਤ ਜਾਵੋਗੇ ਦੁਨੀਆਂ ਸਾਰੀ ।
ਜ਼ਿੰਦਗੀ ਦਾ ਇਹ ਸਿਖਾਉਣ ਸਲੀਕਾ ।
ਜ਼ਿੰਦਗੀ ਜਿਊਣ ਦਾ ਚੰਗਾ ਤਰੀਕਾ ।
ਕਿਤਾਬਾਂ ਹਨ ਇੱਕ ਚੰਗੀਆਂ ਮਿੱਤਰ ।
ਪੜ੍ਹੀ ਚੱਲੋ ਵਿੱਚ ਬਹਿ ਕੇ ਬਿਸਤਰ ।
ਸਰ ਕਰਨਾ ਹੈ ਜੇ ਸੰਸਾਰ ।
ਇੰਨ੍ਹਾਂ ਦੇ ਨਾਲ਼ ਕਰੋ ਪਿਆਰ ।
ਪੜ੍ਹ ਇਨ੍ਹਾਂ ਨੂੰ ਬਣੋ ਮਹਾਨ ।
ਉੱਚੀ ਕਰਲੋ ਆਪਣੀ ਸ਼ਾਨ ।
ਨਾ ਇਨ੍ਹਾਂ ਦੇ ਨਾਲ਼ ਲੜੀ ਚੱਲੋ ।
ਰੱਜ ਰੱਜ ਕੇ ਤੁਸੀਂ ਪੜ੍ਹੀ ਚੱਲੋ ।
'ਗੁਰਵਿੰਦਰਾ' ਰੱਖ ਅੰਗ ਸੰਗ ਕਿਤਾਬਾਂ ।
ਪੜ੍ਹ ਲੈ ਤੂੰ ਮੰਗ ਮੰਗ ਕਿਤਾਬਾਂ ।
ਗੁਰਵਿੰਦਰ ਸਿੰਘ 'ਉੱਪਲ'
ਈ. ਟੀ. ਟੀ. ਅਧਿਆਪਕ,
ਸਰਕਾਰੀ ਪ੍ਰਾਇਮਰੀ ਸਕੂਲ, ਦੌਲੋਵਾਲ
ਬਲਾਕ ਮਾਲੇਰਕੋਟਲਾ-2 (ਸੰਗਰੂਰ)
ਮੋਬਾਈਲ: 98411-45000
ਕੋਰੋਨਾ ਖ਼ਿਲਾਫ਼ ਲੜਨ ਲਈ ‘ਕੋਵਾ ਪੰਜਾਬ ਐਪ’ ਸਹਾਈ ਹੋਵੇਗੀ
NEXT STORY 
