ਨੈਸ਼ਨਲ ਡੈਸਕ- ਕਰਨਾਟਕ ਸੂਬੇ ਤੋਂ ਇਕ ਅਧਿਆਪਕ ਤੇ ਵਿਦਿਆਰਥੀ ਦੇ ਰਿਸ਼ਤੇ ਨੂੰ ਤਾਰ-ਤਾਰ ਕਰਦੀ ਇਕ ਖ਼ਬਰ ਸਾਹਮਣੇ ਆਈ ਹੈ, ਜਿਸ ਨੇ ਹਰ ਕਿਸੇ ਨੂੰ ਸ਼ਰਮਸਾਰ ਕਰ ਦਿੱਤਾ ਹੈ। ਬੈਂਗਲੁਰੂ ਦੇ ਨੇਲਾਮੰਗਲਾ ਨੇੜੇ ਸਥਿਤ ਸ਼੍ਰੀ ਸਿਧਾਰਥ ਇੰਸਟੀਚਿਊਟ ਆਫ ਮੈਡੀਕਲ ਸਾਇੰਸਿਜ਼ ਵਿੱਚ ਇੱਕ ਪ੍ਰੋਫੈਸਰ ਨੇ ਕਲਾਸਰੂਮ ਵਿੱਚ ਇਕ ਵਿਦਿਆਰਥਣ ਨੂੰ ਸ਼ਰੇਆਮ ਪ੍ਰਪੋਜ਼ ਕਰ ਦਿੱਤਾ, ਜਿਸ ਮਗਰੋਂ ਕਾਲਜ 'ਚ ਹਾਹਾਕਾਰ ਮਚ ਗਈ। ਇਸ ਘਟਨਾ ਦੀ ਵੀਡੀਓ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ।
ਉਕਤ ਪ੍ਰੋਫੈਸਰ, ਜਿਸ ਦੀ ਪਛਾਣ ਮੁਹੰਮਦ ਵਜੋਂ ਹੋਈ ਹੈ, ਨੇ ਬੁੱਧਵਾਰ ਨੂੰ ਕਲਾਸ ਦੌਰਾਨ ਸਾਰੇ ਵਿਦਿਆਰਥੀਆਂ ਦੇ ਸਾਹਮਣੇ ਦਾਅਵਾ ਕੀਤਾ ਕਿ ਇਸ ਬੈਚ ਦੀ ਇੱਕ ਵਿਦਿਆਰਥਣ ਨੇ ਉਸ ਨੂੰ ਪ੍ਰਪੋਜ਼ ਕੀਤਾ ਹੈ ਅਤੇ ਉਹ ਵੀ ਉਸ ਨੂੰ ਪਿਆਰ ਕਰਦਾ ਹੈ। ਇੰਨਾ ਹੀ ਨਹੀਂ, ਉਸ ਨੇ ਇਸ ਖ਼ੁਸ਼ੀ ਵਿੱਚ ਪੂਰੀ ਕਲਾਸ ਨੂੰ ਚਾਕਲੇਟਾਂ ਵੀ ਵੰਡੀਆਂ।
ਜਦੋਂ ਪ੍ਰੋਫੈਸਰ ਨੇ ਉਸ ਵਿਦਿਆਰਥਣ ਦਾ ਨਾਂ ਲਿਆ, ਤਾਂ ਉਸ ਨੇ ਤੁਰੰਤ ਇਤਰਾਜ਼ ਜਤਾਇਆ ਤੇ ਪ੍ਰੋਫੈਸਰ ਨੂੰ ਪੁੱਛਿਆ ਕਿ ਉਸ ਨੇ ਕਦੋਂ ਪ੍ਰਪੋਜ਼ ਕੀਤਾ ਸੀ ? ਇਸ 'ਤੇ ਪ੍ਰੋਫੈਸਰ ਨੇ ਬਹਿਸ ਕਰਦਿਆਂ ਕਿਹਾ, "ਕੀ ਤੁਸੀਂ ਮੈਨੂੰ 'ਆਈ ਲਵ ਯੂ' ਨਹੀਂ ਕਿਹਾ ਸੀ ? ਮੇਰੇ ਕੋਲ ਇਸ ਦੀ ਸੀ.ਸੀ.ਟੀ.ਵੀ. ਫੁਟੇਜ ਵੀ ਹੈ।"
Bengaluru: 50-year-old professor, MD Abdullah, proposed to a 19-year-old student in class.
She refused the proposal, and the professor was beaten up by the students.
professor said that the girl herself had proposed to him first, and he also has CCTV footage.
Is it right to… pic.twitter.com/kYToniil8M
— Dhruvaa (@ripper_dhruvaa) March 26, 2026
ਇਹ ਵੀ ਪੜ੍ਹੋ- ਤੜਕੇ ਹੀ ਲੱਗ ਗਈਆਂ ਪੈਟਰੋਲ ਪੰਪਾਂ 'ਤੇ ਲੰਬੀਆਂ ਲਾਈਨਾਂ ! ਜੰਗ ਨੇ ਹੁਣ ਭਾਰਤ ਦੇ ਲੋਕਾਂ 'ਚ ਵੀ ਪਾ'ਤਾ 'ਡਰ'
ਜਦੋਂ ਵਿਦਿਆਰਥਣ ਨੇ ਸਬੂਤ ਦਿਖਾਉਣ ਦੀ ਮੰਗ ਕੀਤੀ, ਤਾਂ ਪ੍ਰੋਫੈਸਰ ਕਲਾਸ ਤੋਂ ਬਾਹਰ ਜਾਣ ਲੱਗਿਆ। ਇਸ 'ਤੇ ਗੁੱਸੇ ਵਿੱਚ ਆਈ ਵਿਦਿਆਰਥਣ ਨੇ ਪ੍ਰੋਫੈਸਰ ਦਾ ਪਿੱਛਾ ਕੀਤਾ ਅਤੇ ਕੈਂਪਸ ਵਿੱਚ ਹੀ ਉਸ ਦੀ ਛਿੱਤਰ ਪਰੇਡ ਕਰ ਦਿੱਤੀ। ਹੋਰ ਵਿਦਿਆਰਥੀਆਂ ਨੇ ਵੀ ਇਸ ਦਾ ਵਿਰੋਧ ਕੀਤਾ ਅਤੇ ਪ੍ਰੋਫੈਸਰ ਨਾਲ ਹੱਥੋਪਾਈ ਕੀਤੀ।
ਇਹ ਮਾਮਲਾ ਨੇਲਾਮੰਗਲਾ ਰੂਰਲ ਪੁਲਸ ਸਟੇਸ਼ਨ ਤੱਕ ਪਹੁੰਚ ਗਿਆ ਹੈ। ਪੁਲਸ ਅਨੁਸਾਰ, ਅਜੇ ਤੱਕ ਕਿਸੇ ਵੀ ਪੱਖ ਵੱਲੋਂ ਕੋਈ ਰਸਮੀ ਸ਼ਿਕਾਇਤ ਦਰਜ ਨਹੀਂ ਕਰਵਾਈ ਗਈ ਹੈ, ਪਰ ਉਹ ਵਾਇਰਲ ਵੀਡੀਓ ਦੇ ਅਧਾਰ 'ਤੇ ਮਾਮਲੇ ਦੀ ਜਾਂਚ ਕਰ ਰਹੇ ਹਨ। ਇਸ ਵੀਡੀਓ ਨੇ ਇੰਟਰਨੈੱਟ 'ਤੇ ਇੱਕ ਵੱਡੀ ਬਹਿਸ ਛੇੜ ਦਿੱਤੀ ਹੈ। ਲੋਕ ਪ੍ਰੋਫੈਸਰ ਦੀ ਇਸ ਹਰਕਤ ਨੂੰ ਅਨੈਤਿਕ ਅਤੇ ਪੇਸ਼ੇਵਰ ਮਰਿਯਾਦਾ ਦੇ ਖ਼ਿਲਾਫ਼ ਦੱਸ ਰਹੇ ਹਨ। ਦੂਜੇ ਪਾਸੇ, ਕੁਝ ਲੋਕਾਂ ਨੇ ਕਾਨੂੰਨ ਨੂੰ ਹੱਥ ਵਿੱਚ ਲੈਣ ਅਤੇ ਪ੍ਰੋਫੈਸਰ ਦੀ ਕੁੱਟਮਾਰ ਕਰਨ 'ਤੇ ਵੀ ਸਵਾਲ ਚੁੱਕੇ ਹਨ। ਹੁਣ ਦੇਖਣਾ ਹੋਵੇਗਾ ਕਿ ਇਸ ਮਾਮਲੇ 'ਚ ਪੁਲਸ ਅੱਗੇ ਕੀ ਕਾਰਵਾਈ ਕਰਦੀ ਹੈ।
ਇਹ ਵੀ ਪੜ੍ਹੋ- ਟਰੰਪ ਨੂੰ ਮਹਿੰਗੀ ਪਈ ਜੰਗ ! ਇਰਾਨ ਨੇ ਅਮਰੀਕਾ ਦੇ 13 Army Base ਕਰ'ਤੇ ਤਬਾਹ
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
ਮੈਡੀਕਲ ਦੀ ਪੜ੍ਹਾਈ ਕਰ ਰਹੀ ਮਹਿਲਾ ਡਾਕਟਰ ਨੇ ਕੀਤੀ ਖੁਦਕੁਸ਼ੀ, ਵਿਭਾਗ ਮੁਖੀ 'ਤੇ ਲਾਏ ਦੋਸ਼
NEXT STORY 
