ਮਹਾਕੁੰਭ ਨਗਰ : ਮਹਾਂਕੁੰਭ ਦੇ ਦੂਜੇ ਇਸ਼ਨਾਨ ਅਤੇ ਮਕਰ ਸੰਕ੍ਰਾਂਤੀ ਦੇ ਮੌਕੇ ਮੰਗਲਵਾਰ ਦੀ ਸਵੇਰ ਨੂੰ ਅਖਾੜਿਆਂ ਦੇ ਸਾਧੂ-ਸੰਤਾਂ ਦਾ ਅੰਮ੍ਰਿਤ ਇਸ਼ਨਾਨ ਜਾਰੀ ਹੈ। ਇਸ ਦੌਰਾਨ, ਸਵੇਰੇ 10 ਵਜੇ ਤੱਕ ਠੰਡ ਅਤੇ ਬਰਫ਼ ਵਾਲੇ ਪਾਣੀ ਵਿਚ 1 ਕਰੋੜ 38 ਲੱਖ ਸ਼ਰਧਾਲੂਆਂ ਨੇ ਗੰਗਾ ਅਤੇ ਸੰਗਮ ਵਿੱਚ ਆਸਥਾ ਦੀ ਡੁਬਕੀ ਲਗਾਈ। ਇਸ ਗੱਲ ਦੀ ਜਾਣਕਾਰੀ ਮੇਲਾ ਪ੍ਰਸ਼ਾਸਨ ਵਲੋਂ ਦਿੱਤੀ ਗਈ ਹੈ। ਅਖਾੜਿਆਂ ਦੇ ਅੰਮ੍ਰਿਤ ਇਸ਼ਨਾਨ ਵਿੱਚ ਸਭ ਤੋਂ ਪਹਿਲਾਂ ਸ਼੍ਰੀ ਪੰਚਾਇਤੀ ਅਖਾੜਾ ਮਹਾਂਨਿਰਵਾਣੀ ਅਤੇ ਸ਼੍ਰੀ ਸ਼ੰਭੂ ਪੰਚਾਇਤੀ ਅਟਲ ਅਖਾੜਾ ਦੇ ਸੰਤਾਂ ਨੇ ਹਰ ਹਰ ਮਹਾਦੇਵ ਦੇ ਨਾਅਰੇ ਨਾਲ ਸੰਗਮ ਵਿੱਚ ਅੰਮ੍ਰਿਤ ਇਸ਼ਨਾਨ ਕੀਤਾ।
ਇਹ ਵੀ ਪੜ੍ਹੋ - 6 ਭਰਾਵਾਂ ਨੇ ਆਪਣੀਆਂ ਹੀ ਭੈਣਾਂ ਨਾਲ ਕਰਵਾ ਲਿਆ ਵਿਆਹ, ਸੱਚਾਈ ਜਾਣ ਉੱਡਣਗੇ ਹੋਸ਼
ਅੰਮ੍ਰਿਤ ਇਸ਼ਨਾਨ ਤੋਂ ਬਾਅਦ ਮਹਾਂਨਿਰਵਾਣੀ ਅਖਾੜੇ ਦੇ ਮਹਾਮੰਡਲੇਸ਼ਵਰ ਚੇਤਨ ਗਿਰੀ ਜੀ ਮਹਾਰਾਜ ਨੇ ਕਿਹਾ, ''ਹਰ 12 ਸਾਲਾਂ ਬਾਅਦ ਪ੍ਰਯਾਗਰਾਜ ਵਿੱਚ ਪੂਰਾ ਕੁੰਭ ਹੁੰਦਾ ਹੈ ਅਤੇ 12 ਪੂਰੇ ਕੁੰਭਾਂ ਤੋਂ ਬਾਅਦ ਇਹ ਮਹਾਂਕੁੰਭ 144 ਸਾਲਾਂ ਬਾਅਦ ਆਉਂਦਾ ਹੈ। ਇਸ ਦੌਰਾਨ ਖੁਸ਼ਕਿਸਮਤ ਲੋਕਾਂ ਨੂੰ ਹੀ ਮਹਾਂਕੁੰਭ ਵਿੱਚ ਇਸ਼ਨਾਨ ਕਰਨ ਦਾ ਮੌਕਾ ਮਿਲਦਾ ਹੈ।'' ਉਨ੍ਹਾਂ ਕਿਹਾ ਕਿ ਮਹਾਂਨਿਰਵਾਣੀ ਅਖਾੜੇ ਦੇ 68 ਮਹਾਂਮੰਡਲੇਸ਼ਵਰਾਂ ਅਤੇ ਹਜ਼ਾਰਾਂ ਸੰਤਾਂ ਨੇ ਅੰਮ੍ਰਿਤ ਇਸ਼ਨਾਨ ਕੀਤਾ। ਮਹਾਂਨਿਰਵਾਣੀ ਅਤੇ ਅਟਲ ਅਖਾੜੇ ਤੋਂ ਬਾਅਦ ਤਪੋਨਿਧੀ ਪੰਚਾਇਤੀ ਸ਼੍ਰੀ ਨਿਰੰਜਨੀ ਅਖਾੜਾ ਅਤੇ ਆਨੰਦ ਅਖਾੜਾ ਦੇ ਸੰਤਾਂ ਅਤੇ ਰਿਸ਼ੀਆਂ ਨੇ ਅੰਮ੍ਰਿਤ ਇਸ਼ਨਾਨ ਕੀਤਾ। ਇਸ ਦੌਰਾਨ ਹੈਲੀਕਾਪਟਰਾਂ ਰਾਹੀਂ ਸ਼ਰਧਾਲੂਆਂ 'ਤੇ ਗੁਲਾਬ ਦੇ ਫੁੱਲਾਂ ਦੀ ਵਰਖ਼ਾ ਵੀ ਕੀਤੀ ਗਈ।
ਇਹ ਵੀ ਪੜ੍ਹੋ - ਵੈਸ਼ਨੋ ਦੇਵੀ ਜਾਣ ਵਾਲੇ ਸ਼ਰਧਾਲੂਆਂ ਲਈ ਵੱਡੀ ਖ਼ਬਰ! ਖੜੀਆਂ ਹੋਈਆਂ ਨਵੀਆਂ ਮੁਸੀਬਤਾਂ
ਇਸ ਵਿੱਚ ਅਖਾੜਾ ਪ੍ਰੀਸ਼ਦ ਦੇ ਪ੍ਰਧਾਨ ਮਹੰਤ ਰਵਿੰਦਰ ਪੁਰੀ ਅੱਗੇ ਚੱਲ ਰਹੇ ਸਨ, ਉਨ੍ਹਾਂ ਤੋਂ ਬਾਅਦ ਅਖਾੜੇ ਦੇ ਝੰਡੇ ਸਨ ਅਤੇ ਫਿਰ ਸਤਿਕਾਰਯੋਗ ਦੇਵਤੇ ਕਾਰਤੀਕੇਯ ਸਵਾਮੀ ਅਤੇ ਸੂਰਿਆ ਨਾਰਾਇਣ ਪਾਲਕੀ 'ਤੇ ਸਵਾਰ ਸਨ। ਉਨ੍ਹਾਂ ਦੇ ਪਿੱਛੇ ਨਾਗਾ ਸਾਧੂਆਂ ਦਾ ਇੱਕ ਸਮੂਹ ਸੀ। ਇਨ੍ਹਾਂ ਸਾਰਿਆਂ ਦੇ ਵਿਚਕਾਰ, ਨਿਰੰਜਨੀ ਅਖਾੜੇ ਦੇ ਆਚਾਰੀਆ ਮਹਾਮੰਡਲੇਸ਼ਵਰ ਕੈਲਾਸ਼ਾਨੰਦ ਗਿਰੀ ਇੱਕ ਸ਼ਾਨਦਾਰ ਰੱਥ 'ਤੇ ਸਵਾਰ ਸਨ। ਅੰਮ੍ਰਿਤ ਇਸ਼ਨਾਨ ਤੋਂ ਬਾਅਦ ਨਿਰੰਜਨੀ ਅਖਾੜੇ ਦੇ ਸਕੱਤਰ ਮਹੰਤ ਰਵਿੰਦਰ ਪੁਰੀ ਨੇ ਕਿਹਾ, ''ਅਸੀਂ 7:15 ਵਜੇ ਇਸ਼ਨਾਨ ਘਾਟ 'ਤੇ ਪਹੁੰਚੇ ਅਤੇ 7:45 ਵਜੇ ਅਸੀਂ ਇਸ਼ਨਾਨ ਕਰਕੇ ਘਾਟ ਖਾਲੀ ਕਰ ਦਿੱਤਾ। ਨਿਰੰਜਨੀ ਅਖਾੜਾ ਅਤੇ ਆਨੰਦ ਅਖਾੜਾ ਦੇ ਹਜ਼ਾਰਾਂ ਸੰਤਾਂ ਅਤੇ ਰਿਸ਼ੀਆਂ ਨੇ ਅੱਧੇ ਘੰਟੇ ਵਿੱਚ ਇਸ਼ਨਾਨ ਕੀਤਾ। ਨਿਰੰਜਨੀ ਅਖਾੜੇ ਦੇ 35 ਮਹਾਂਮੰਡਲੇਸ਼ਵਰਾਂ ਅਤੇ ਹਜ਼ਾਰਾਂ ਨਾਗਾ ਸਾਧੂਆਂ ਨੇ ਅੰਮ੍ਰਿਤ ਇਸ਼ਨਾਨ ਕੀਤਾ।''
ਇਹ ਵੀ ਪੜ੍ਹੋ - ਲੱਗ ਗਈਆਂ ਮੌਜਾਂ : ਸਕੂਲਾਂ 'ਚ 11 ਤੋਂ 16 ਜਨਵਰੀ ਤੱਕ ਛੁੱਟੀਆਂ ਦਾ ਐਲਾਨ
ਇਸ ਮੌਕੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਮਹਾਂਕੁੰਭ ਦੀ ਪ੍ਰਸ਼ੰਸਾ ਕੀਤੀ, ਇਸਨੂੰ ਭਾਰਤ ਦੀ ਅਧਿਆਤਮਿਕ ਵਿਰਾਸਤ ਦੀ ਇੱਕ ਜਿਉਂਦੀ ਜਾਗਦੀ ਉਦਾਹਰਣ ਅਤੇ ਵਿਸ਼ਵਾਸ ਅਤੇ ਸਦਭਾਵਨਾ ਦਾ ਜਸ਼ਨ ਕਿਹਾ। ਉੱਤਰ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਯੋਗੀ ਆਦਿੱਤਿਆਨਾਥ ਨੇ ਇਸਨੂੰ ਭਾਰਤ ਦੀ ਵਿਭਿੰਨਤਾ ਵਿੱਚ ਸੱਭਿਆਚਾਰਕ ਏਕਤਾ ਦਾ ਪ੍ਰਤੀਕ ਕਿਹਾ। ਮਹਾਂਕੁੰਭ ਮੌਕੇ ਸੁਰੱਖਿਆ ਦੇ ਸਖ਼ਤ ਪ੍ਰਬੰਧ ਕੀਤੇ ਗਏ ਹਨ। ਇਸ ਮੌਕੇ ਕਰੀਬ 50,000 ਕਰਮਚਾਰੀਆਂ ਨੂੰ ਸੁਰੱਖਿਆ 'ਤੇ ਤਾਇਨਾਕ ਕੀਤਾ ਗਿਆ ਹੈ, ਕਿਉਂਕਿ 12 ਕਿਲੋਮੀਟਰ ਵਿੱਚ ਫੈਲੇ 41 ਘਾਟਾਂ 'ਤੇ ਵੱਡੀ ਗਿਣਤੀ ਵਿਚ ਸ਼ਰਧਾਲੂਆਂ ਦੀ ਭੀੜ ਦੇਖਣ ਨੂੰ ਮਿਲ ਰਹੀ ਹੈ।
ਇਹ ਵੀ ਪੜ੍ਹੋ - ਜਦੋਂ ਟੱਲੀ ਹੋ ਪਹੁੰਚੀ ਪੂਰੀ ਬਰਾਤ, ਅੱਗੋਂ ਲਾੜੀ ਦੀ ਮਾਂ ਨੇ ਵੀ ਵਿਖਾ 'ਤੇ ਤਾਰੇ, ਦੇਖੋ ਵੀਡੀਓ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਗੈਂਗਸਟਰ ਬਬਲੂ ਸ਼੍ਰੀਵਾਸਤਵ ਦੀ ਰਿਹਾਈ 'ਤੇ 2 ਮਹੀਨਿਆਂ ’ਚ ਫੈਸਲਾ ਲਵੇ UP ਸਰਕਾਰ
NEXT STORY 
