ਨੈਸ਼ਨਲ ਡੈਸਕ- ਮੱਧ ਪ੍ਰਦੇਸ਼ ਕਾਂਗਰਸ ਪ੍ਰਧਾਨ ਜੀਤੂ ਪਟਵਾਰੀ ਵਿਰੁੱਧ ਅਸ਼ੋਕਨਗਰ ਜ਼ਿਲ੍ਹੇ ਦੇ ਮੁੰਗਾਵਾਲੀ ਪੁਲਸ ਸਟੇਸ਼ਨ ਵਿੱਚ ਮਾਮਲਾ ਦਰਜ ਕੀਤਾ ਗਿਆ ਹੈ। ਇਹ ਕਾਰਵਾਈ ਇੱਕ ਵਾਇਰਲ ਵੀਡੀਓ ਅਤੇ ਪੀੜਤ ਦੇ ਹਲਫ਼ਨਾਮੇ ਦੇ ਆਧਾਰ 'ਤੇ ਕੀਤੀ ਗਈ ਹੈ। ਸਟੇਸ਼ਨ ਇੰਚਾਰਜ ਜੋਗਿੰਦਰ ਸਿੰਘ ਯਾਦਵ ਨੇ ਦੱਸਿਆ ਕਿ ਉਨ੍ਹਾਂ ਵਿਰੁੱਧ ਇਹ ਕਾਰਵਾਈ ਸ਼ੁੱਕਰਵਾਰ ਨੂੰ ਕੀਤੀ ਗਈ।
ਦਰਅਸਲ, 26 ਜੂਨ ਨੂੰ ਸੋਸ਼ਲ ਮੀਡੀਆ 'ਤੇ ਇੱਕ ਵੀਡੀਓ ਵਾਇਰਲ ਹੋਈ ਸੀ, ਜਿਸ ਵਿੱਚ ਅਸ਼ੋਕਨਗਰ ਜ਼ਿਲ੍ਹੇ ਦੇ ਮੁਧਰਾ ਬਰਵਾਹ ਪਿੰਡ ਦੇ ਗਜਰਾਜ ਲੋਧੀ ਅਤੇ ਉਨ੍ਹਾਂ ਦੇ ਭਰਾ ਰਘੂਰਾਜ ਲੋਧੀ ਨੇ ਹਮਲਾ ਕਰਨ ਅਤੇ ਮਨੁੱਖੀ ਮਲ ਖੁਆਉਣ ਦਾ ਦੋਸ਼ ਲਗਾਇਆ ਸੀ। ਪਰ ਜਿਵੇਂ ਹੀ ਵੀਡੀਓ ਵਾਇਰਲ ਹੋਈ, ਗਜਰਾਜ ਲੋਧੀ ਨੇ ਕੁਲੈਕਟਰ ਨੂੰ ਦਿੱਤੇ ਹਲਫ਼ਨਾਮੇ ਵਿੱਚ ਮੰਨਿਆ ਕਿ ਮਨੁੱਖੀ ਮਲ ਖੁਆਉਣ ਦੀ ਘਟਨਾ ਝੂਠੀ ਸੀ। ਨੌਜਵਾਨ ਨੇ ਕਿਹਾ ਕਿ ਕਾਂਗਰਸੀ ਨੇਤਾ ਉਸਨੂੰ ਓਰਛਾ ਲੈ ਗਏ, ਜਿੱਥੇ ਜੀਤੂ ਪਟਵਾਰੀ ਨੇ ਉਸਨੂੰ ਅਣਮਨੁੱਖੀ ਘਟਨਾ ਦਾ ਝੂਠਾ ਬਿਆਨ ਦੇਣ ਲਈ ਕਿਹਾ। ਬਦਲੇ ਵਿੱਚ ਇੱਕ ਮੋਟਰਸਾਈਕਲ ਅਤੇ ਵਿੱਤੀ ਮਦਦ ਦਾ ਵਾਅਦਾ ਕੀਤਾ ਗਿਆ ਸੀ। ਹਲਫ਼ਨਾਮੇ ਅਨੁਸਾਰ, ਦਬਾਅ ਹੇਠ ਗਜਰਾਜ ਨੇ ਝੂਠਾ ਬਿਆਨ ਦਿੱਤਾ। ਇਸ ਤੋਂ ਬਾਅਦ, ਕਾਂਗਰਸ ਪ੍ਰਧਾਨ ਨੇ ਇਸ ਬਿਆਨ ਦੀ ਵੀਡੀਓ ਬਣਾ ਕੇ ਸੋਸ਼ਲ ਮੀਡੀਆ 'ਤੇ ਵਾਇਰਲ ਕਰ ਦਿੱਤੀ।
ਇਹ ਹੈ ਪੂਰਾ ਮਾਮਲਾ
ਬੁੱਧਵਾਰ ਨੂੰ ਮੂਦਰਾ ਬਰਵਾਹ ਪਿੰਡ ਦਾ ਇੱਕ ਨੌਜਵਾਨ ਜੀਤੂ ਪਟਵਾਰੀ ਨੂੰ ਮਿਲਿਆ। ਜੀਤੂ ਪਟਵਾਰੀ ਨੇ ਇਸ ਮੁਲਾਕਾਤ ਦੀ ਵੀਡੀਓ ਸੋਸ਼ਲ ਮੀਡੀਆ 'ਤੇ ਸਾਂਝੀ ਕਰਦਿਆਂ ਕਿਹਾ ਕਿ ਨੌਜਵਾਨ ਨੇ ਪਟਵਾਰੀ ਨੂੰ ਸ਼ਿਕਾਇਤ ਕੀਤੀ ਸੀ ਕਿ ਉਸਦੇ ਭਰਾ ਦਾ ਮੋਟਰਸਾਈਕਲ ਸਰਪੰਚ ਦੇ ਪਤੀ ਅਤੇ ਪੁੱਤਰ ਕੋਲ ਹੈ। ਜਦੋਂ ਉਹ ਮੋਟਰਸਾਈਕਲ ਲੈਣ ਗਿਆ ਤਾਂ ਵਿਕਾਸ ਯਾਦਵ ਅਤੇ ਉਸਦੇ ਪਿਤਾ ਰਾਜਨ ਯਾਦਵ ਨੇ ਉਸਦੀ ਕੁੱਟਮਾਰ ਕੀਤੀ ਅਤੇ ਉਸਨੂੰ ਮਨੁੱਖੀ ਮਲ ਖੁਆਇਆ। ਹਾਲਾਂਕਿ, ਦੋ ਦਿਨ ਬਾਅਦ ਨੌਜਵਾਨ ਨੇ ਕੁਲੈਕਟਰ ਨੂੰ ਦਿੱਤੇ ਹਲਫ਼ਨਾਮੇ ਵਿੱਚ ਮੰਨਿਆ ਕਿ ਮਨੁੱਖੀ ਮਲ ਖੁਆਉਣ ਦੀ ਘਟਨਾ ਝੂਠੀ ਸੀ। ਜੀਤੂ ਪਟਵਾਰੀ ਨੇ ਉਸਨੂੰ ਮੋਟਰਸਾਈਕਲ ਅਤੇ ਪੈਸੇ ਦਾ ਲਾਲਚ ਦਿੱਤਾ ਸੀ ਅਤੇ ਉਸਨੇ ਦਬਾਅ ਹੇਠ ਬਿਆਨ ਦਿੱਤਾ ਸੀ।
PM ਮੋਦੀ ਨੇ ਪੁਲਾੜ 'ਚ ਮੌਜੂਦ ਸ਼ੁਭਾਂਸ਼ੂ ਸ਼ੁਕਲਾ ਨਾਲ ਕੀਤੀ ਗੱਲਬਾਤ
NEXT STORY 
