ਅਹਿਮਦਾਬਾਦ— ਨੌਕਰੀਆਂ ਅਤੇ ਸਿੱਖਿਆ 'ਚ ਪਾਟੀਦਾਰ ਲਈ ਰਿਜ਼ਰਵੇਸ਼ਨ ਅਤੇ ਕਿਸਾਨਾਂ ਦੇ ਕਰਜ਼ ਮੁਆਫ ਕਰਨ ਦੀ ਮੰਗ ਨੂੰ ਲੈ ਕੇ ਭੁੱਖ ਹੜਤਾਲ 'ਤੇ ਬੈਠੇ ਪਾਟੀਦਾਰ ਸਮੁਦਾਇ ਦੇ ਨੇਤਾ ਹਾਰਦਿਕ ਪਟੇਲ ਦੀ ਸਿਹਤ ਲਗਾਤਾਰ ਡਿੱਗ ਰਹੀ ਹੈ। ਵੀਰਵਾਰ ਨੂੰ ਹਾਰਦਿਕ ਨੇ ਪਾਣੀ ਵੀ ਤਿਆਗ ਦਿੱਤਾ। ਸੂਤਰਾਂ ਮੁਤਾਬਕ ਰਾਜ ਸਰਕਾਰ ਅਤੇ ਪਾਟੀਦਾਰ ਅਨਾਮਤ ਅੰਦੋਲਨ ਕਮੇਟੀ ਵਿਚਾਲੇ ਨਰੇਸ਼ ਪਟੇਲ ਦੇ ਪ੍ਰਸਤਾਵ ਦੇ ਬਾਅਦ ਹਾਰਦਿਕ ਪਟੇਲ ਵੱਲੋਂ ਅੱਜ 14ਵੇਂ ਦਿਨ ਆਪਣੀ ਭੁੱਖ ਹੜਤਾਲ ਖਤਮ ਕਰਨ ਦੀਆਂ ਕਿਆਸ ਅਰਾਈਆਂ ਲਗਾਈਆਂ ਜਾ ਰਹੀਆਂ ਹਨ।
ਹਾਰਦਿਕ ਨੇ ਪਾਟੀਦਾਰ ਸਮੁਦਾਇ ਲਈ ਰਿਜ਼ਰਵੇਸ਼ਨ ਦੇ ਮੰਗਾਂ ਨੂੰ ਲੈ ਕੇ 25 ਅਗਸਤ ਨੂੰ ਭੁੱਖ ਹੜਤਾਲ ਸ਼ੁਰੂ ਕੀਤੀ ਸੀ। ਪਟੇਲ ਨੇ ਸ਼ਰਤ ਰੱਖੀ ਸੀ ਕਿ ਜੇਕਰ ਸਰਕਾਰ ਉਨ੍ਹਾਂ ਦੀਆਂ ਮੰਗਾਂ 'ਤੇ ਵਿਚਾਰ ਕਰੇਗੀ ਤਾਂ ਉਹ ਭੁੱਖ ਹੜਤਾਲ ਖਤਮ ਕਰਨਗੇ ਪਰ ਸਰਕਾਰ ਨੇ ਹਾਰਦਿਕ ਦੀਆਂ ਮੰਗਾਂ ਨੂੰ ਲੈ ਉਨ੍ਹਾਂ ਨਾਲ ਕਿਸੇ ਵੀ ਤਰ੍ਹਾਂ ਕੋਈ ਗੱਲ ਨਹੀਂ ਕੀਤੀ। ਹਾਰਦਿਕ ਦੀ ਤਬੀਅਤ ਨੂੰ ਦੇਖਦੇ ਹੋਏ ਡਾਕਟਰਾਂ ਨੇ ਉਨ੍ਹਾਂ ਨੂੰ ਹਸਪਤਾਲ 'ਚ ਭਰਤੀ ਹੋਣ ਦੀ ਸਲਾਹ ਦਿੱਤੀ ਪਰ ਪਟੇਲ ਨੇ ਇਸ ਤੋਂ ਇਨਕਾਰ ਕਰ ਦਿੱਤਾ। ਦੂਜੇ ਪਾਸੇ ਗੁਜਰਾਤ ਕਾਂਗਰਸ ਨੇ ਐਲਾਨ ਕੀਤਾ ਕਿ ਜੇਕਰ ਰਾਜ ਸਰਕਾਰ ਪਾਟੀਦਾਰ ਨੇਤਾ ਹਾਰਦਿਕ ਨਾਲ ਗੱਲਬਾਤ ਨਹੀਂ ਕਰਦੀ ਹੈ ਤਾਂ ਉਹ ਉਨ੍ਹਾਂ ਦੇ ਸਮਰਥਨ 'ਚ ਅੱਜ 24 ਘੰਟੇ ਤੱਕ ਵਰਤ ਰੱਖੇਗੀ।
ਕੇਰਲ: ਰੈਗਿੰਗ ਦੌਰਾਨ 2 ਘੰਟੇ ਤੋਂ ਜ਼ਿਆਦਾ ਸਮੇਂ ਤੱਕ ਕੁੱਟਦੇ ਰਹੇ ਸੀਨੀਅਰਜ਼, ਮਾਮਲਾ ਦਰਜ
NEXT STORY 
